ਲੋਕਾਂ ਲਈ ਵਧੇਰੇ ਘਰ

ਕਿਰਾਏਦਾਰਾਂ ਨੂੰ $400 ਤੱਕ ਦੇ ਰਿਫੰਡੇਬਲ ਟੈਕਸ ਕ੍ਰੈਡਿਟ ਦੇ ਨਾਲ, ਅਤੇ ਕਿਰਾਏ ਵਿੱਚ ਸਲਾਨਾ ਵਾਧੇ ‘ਤੇ ਸੀਮਾ ਲਗਾ ਕੇ, ਵਧਦੀਆਂ ਲਾਗਤਾਂ ਵਿੱਚ ਸਹਾਇਤਾ ਕਰਕੇ ਸੁਰੱਖਿਅਤ ਕੀਤਾ ਜਾਂਦਾ ਹੈ।

ਇਹ ਕਿਵੇਂ ਕੰਮ ਕਰਦਾ ਹੈ

• ਬੀ.ਸੀ. ਰੈਂਟਰਜ਼ ਟੈਕਸ ਕ੍ਰੈਡਿਟ: ਪਰਿਵਾਰਕ ਆਮਦਨ ਦੀ ਸੀਮਾ ਤੋਂ ਘੱਟ ਕਮਾਉਣ ਵਾਲੇ ਕਿਰਾਏਦਾਰਾਂ ਨੂੰ $400 ਤੱਕ ਦਾ ਕ੍ਰੈਡਿਟ ਮਿਲਦਾ ਹੈ।
  • ਇਹ ਕ੍ਰੈਡਿਟ, ਟੈਕਸ ਲਈ ਤੁਹਾਡੇ ਵੱਲੋਂ ਬਕਾਇਆ ਪੈਸੇ ਦੀ ਰਕਮ ਨੂੰ ਘਟਾਉਂਦਾ ਹੈ।
  • ਜੇਕਰ ਕ੍ਰੈਡਿਟ, ਟੈਕਸ ਵਿੱਚ ਤੁਹਾਡੇ ਬਕਾਏ ਤੋਂ ਵੱਧ ਹੈ, ਤਾਂ ਦੋਨਾਂ ਵਿੱਚ ਅੰਤਰ ਦੀ ਰਕਮ ਤੁਹਾਨੂੰ ਰਿਫੰਡ ਵਜੋਂ ਮਿਲੇਗੀ।
  • ਵਿਆਹੁਤਾ ਜਾਂ ਕੌਮਨ-ਲਾਅ ਸਾਥੀ, ਪ੍ਰਤੀ ਘਰ ਸਿਰਫ਼ ਇੱਕ ਕ੍ਰੈਡਿਟ ਕਲੇਮ ਕਰ ਸਕਦੇ ਹਨ। ਰੂਮ-ਮੇਟ ਆਪਣੇ ਲਈ ਵੱਖਰੇ-ਵੱਖਰੇ ਕ੍ਰੈਡਿਟ ਕਲੇਮ ਕਰ ਸਕਦੇ ਹਨ।
• ਕਿਰਾਏ ਵਿੱਚ ਵਾਧੇ ‘ਤੇ ਸੀਮਾ: ਸਾਰੇ ਕਿਰਾਏਦਾਰਾਂ ਨੂੰ ਹਰ ਸਾਲ ਕਿਰਾਏ ਵਿੱਚ ਵਾਧੇ ਦੀ ਰਕਮ ਨੂੰ ਸੀਮਤ ਕਰਕੇ, ਅਤੇ 3 ਮਹੀਨਿਆਂ ਦੇ ਨੋਟਿਸ ਨਾਲ ਹਰ 12 ਮਹੀਨਿਆਂ ਵਿੱਚ ਇੱਕ ਵਾਰ ਕਿਰਾਏ ਵਿੱਚ ਵਾਧੇ ਨੂੰ ਸੀਮਤ ਕਰਕੇ, ਰਹਿਣ-ਸਹਿਣ ਦੇ ਵੱਧ ਰਹੇ ਖ਼ਰਚਿਆਂ ਤੋਂ ਸੁਰੱਖਿਅਤ ਕੀਤਾ ਜਾਂਦਾ ਹੈ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਜਦੋਂ ਤੁਸੀਂ ਆਪਣੇ ਟੈਕਸ ਫ਼ਾਈਲ ਕਰਦੇ ਹੋ, ਤਾਂ ‘ਰੈਂਟਰਜ਼ ਟੈਕਸ ਕ੍ਰੈਡਿਟ’ (ਆਮਦਨ ਦਾ ਮੁਲਾਂਕਣ ਕਰਨ ਤੋਂ ਬਾਅਦ ਕਿਰਾਏਦਾਰਾਂ ਨੂੰ ਦਿੱਤਾ ਜਾਣ ਵਾਲਾ ਟੈਕਸ ਕ੍ਰੈਡਿਟ) ਕਲੇਮ ਕਰੋ।
• ਕਿਰਾਏ ਵਿੱਚ ਵਾਧੇ ਦੇ ਨਿਯਮਾਂ ਦੀ ਸਮੀਖਿਆ ਕਰੋ ਅਤੇ ਜੇ ਤੁਹਾਨੂੰ ਲੱਗਦਾ ਹੈ ਕਿ ਵਾਧਾ ਨਿਯਮਾਂ ਦੀ ਉਲੰਘਣਾ ਕਰਦਾ ਹੈ ਤਾਂ ਰੈਜ਼ਿਡੈਂਸ਼ੀਅਲ ਟੈਨੇਂਨਸੀ ਬ੍ਰਾਂਚ (RTB) ਨਾਲ ਸੰਪਰਕ ਕਰੋ।  

ਵਧੇਰੇ ਜਾਣੋ

• ‘ਰੈਂਟਰਜ਼ ਟੈਕਸ ਕ੍ਰੈਡਿਟ’ ਬਾਰੇ ਵਧੇਰੇ ਜਾਣੋ
• ਕਿਰਾਏ ਵਿੱਚ ਵਾਧੇ ਦੇ ਨਿਯਮਾਂ ਬਾਰੇ ਵਧੇਰੇ ਜਾਣੋ

ਐਮਰਜੈਂਸੀ ਦੌਰਾਨ ਅਤੇ ਰੋਜ਼ਾਨਾ ਜ਼ਿੰਦਗੀ, ਵਿੱਚ ਤੁਹਾਡੇ ਖ਼ਰਚਿਆਂ ਨੂੰ ਘਟਾਉਣ ਵਿੱਚ ਮਦਦ ਕਰਨ ਲਈ ਬਹੁਤ ਸਾਰੇ ਬੈਨਿਫ਼ਿਟ ਮੌਜੂਦ ਹਨ। ਜਾਣੋ ਕਿ ਤੁਹਾਡੇ ਲਈ ਕਿਹੜੇ ਉਪਲਬਧ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

• ਬਿਜਲੀ ਦੇ ਖ਼ਰਚਿਆਂ ਵਿੱਚ ਮਦਦ: ਬੀ.ਸੀ. ਸਰਕਾਰ ਕੋਲ ਕਿਰਾਏਦਾਰਾਂ ਲਈ ਉਨ੍ਹਾਂ ਦੇ ਘਰ ਦੀ ਊਰਜਾ ਜਾਂ ਬਿਜਲੀ ਦੇ ਖ਼ਰਚਿਆਂ ਵਿੱਚ ਬੱਚਤ ਕਰਨ ਲਈ ਬਹੁਤ ਸਾਰੇ ਪ੍ਰੋਗਰਾਮ ਉਪਲਬਧ ਹਨ।
  • ਮੁਫ਼ਤ A/C ਪ੍ਰੋਗਰਾਮ: ਅਤਿਅੰਤ ਗਰਮੀ ਦੀਆਂ ਘਟਨਾਵਾਂ ਦੌਰਾਨ ਆਪਣੇ ਆਪ ਨੂੰ ਠੰਡਕ ਪਹੁੰਚਾਉਣ ਵਿੱਚ ਮਦਦ ਲਈ ਇੱਕ ਮੁਫ਼ਤ ਪੋਰਟੇਬਲ ਏਅਰ ਕੰਡਿਸ਼ਨਰ ਲੈਣ ਲਈ ਅਰਜ਼ੀ ਦਿਓ।
  • ਕਲਾਈਮੇਟ ਐਕਸ਼ਨ ਟੈਕਸ ਕ੍ਰੈਡਿਟ: ਇਸ ਸਾਲ, ਇੱਕ ਵਿਅਕਤੀ ਨੂੰ $504 ਤੱਕ ਮਿਲ ਸਕਦੇ ਹਨ ਅਤੇ 4 ਮੈਂਬਰਾਂ ਵਾਲੇ ਪਰਿਵਾਰ ਨੂੰ $1,008 ਤੱਕ ਮਿਲ ਸਕਦੇ ਹਨ।
  • ਬੀ.ਸੀ. ਹਾਇਡਰੋ ਦੇ ਰੇਟਾਂ ਨੂੰ ਘੱਟ ਰੱਖਣਾ: ਬੀ ਸੀ ਹਾਇਡਰੋ (BC Hydro) ਦੇ ਗਾਹਕ ਨੌਰਥ ਅਮਰੀਕਾ ਵਿੱਚ ਸਭ ਤੋਂ ਘੱਟ ਊਰਜਾ ਦਰਾਂ ਦਾ ਭੁਗਤਾਨ ਕਰਦੇ ਆ ਰਹੇ ਹਨ। ਕਿਸੇ ਕਾਰਵਾਈ ਦੀ ਲੋੜ ਨਹੀਂ।
• ਅਚਨਚੇਤ ਵਿੱਤੀ ਸੰਕਟ ਲਈ ‘ਰੈਂਟ ਬੈਂਕ’: ਅਸਥਾਈ ਅਤੇ ਅਚਨਚੇਤ ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੇ ਅਤੇ ਕਿਰਾਏ ਜਾਂ ਜ਼ਰੂਰੀ ਰਿਹਾਇਸ਼ੀ ਲਾਗਤ ਦਾ ਭੁਗਤਾਨ ਕਰਨ ਵਿੱਚ ਅਸਮਰੱਥ ਲੋਕ, ਐਮਰਜੈਂਸੀ ਸਹਾਇਤਾ ਲੈ ਸਕਦੇ ਹਨ।
• ‘ਰੈਂਟਲ ਅਸਿਸਟੈਂਸ ਪ੍ਰੋਗਰਾਮ’ (Rental Assistance Program, RAP): RAP ਬੱਚਿਆਂ ਵਾਲੇ ਘੱਟ ਆਮਦਨ ਵਾਲੇ ਯੋਗ ਪਰਿਵਾਰਾਂ ਨੂੰ ਹਰ ਮਹੀਨੇ ਕਿਰਾਏ ਵਿੱਚ ਸਹਾਇਤਾ ਪ੍ਰਦਾਨ ਕਰਦਾ ਹੈ।
• ‘ਬਜ਼ੁਰਗ ਕਿਰਾਏਦਾਰਾਂ ਲਈ ਸ਼ੈਲਟਰ ਏਡ’ (Shelter Aid For Elderly Renters, SAFER): SAFER ਹਰ ਮਹੀਨੇ ਯੋਗ ਬਜ਼ੁਰਗਾਂ (60 ਜਾਂ ਇਸ ਤੋਂ ਵੱਧ ਉਮਰ ਵਾਲੇ) ਨੂੰ ਕਿਰਾਏ ਵਿੱਚ ਸਹਾਇਤਾ ਪ੍ਰਦਾਨ ਕਰਦਾ ਹੈ।
• ਕੈਨੇਡਾ-ਬੀ ਸੀ ਹਾਊਸਿੰਗ ਬੈਨਿਫ਼ਿਟ (CBCHB): ਇਹ ਹਾਊਸਿੰਗ ਬੈਨਿਫ਼ਿਟ ਉਨ੍ਹਾਂ ਘੱਟ ਆਮਦਨ ਵਾਲੇ ਪਰਿਵਾਰਾਂ ਦੀ ਸਹਾਇਤਾ ਕਰਦਾ ਹੈ ਜੋ ਪ੍ਰਾਈਵੇਟ ਮਾਰਕਿਟ ਵਿੱਚ ਆਪਣੇ ਕਿਰਾਏ ਦਾ ਭੁਗਤਾਨ ਕਰਦੇ ਹਨ।
  • ਬੀ ਸੀ ਹਾਊਸਿੰਗ ਆਪਣੀ ਹਾਊਸਿੰਗ ਰਜਿਸਟ੍ਰੀ ਤੋਂ ਯੋਗ ਬਿਨੈਕਾਰਾਂ ਦੀ ਚੋਣ ਕਰਦਾ ਹੈ ਅਤੇ ਗੈਰ-ਮੁਨਾਫਾ ਹਾਊਸਿੰਗ ਉਪਲਬਧ ਕਰਵਾਉਣ ਵਾਲੇ ਉਨ੍ਹਾਂ ਤਰਜੀਹੀ ਗਰੁੱਪਾਂ ਵਿੱਚੋਂ ਯੋਗ ਬਿਨੈਕਾਰਾਂ ਦੀ ਚੋਣ ਕਰਦੇ ਹਨ ਜਿਨ੍ਹਾਂ ਲਈ ਉਹ ਸੇਵਾਵਾਂ ਪ੍ਰਦਾਨ ਕਰਦੇ ਹਨ।
• ‘ਬੀ ਸੀ ਰਿਬੇਟ ਫ਼ੌਰ ਐਕਸੈਸਿਬਲ ਹੋਮ ਅਡੈਪਟੇਸ਼ਨਜ਼’ (ਹਰ ਤਰ੍ਹਾਂ ਦੀ ਸਮਰੱਥਾ ਵਾਲੇ ਲੋਕਾਂ ਲਈ ਘਰਾਂ ਨੂੰ ਅਨੁਕੂਲ ਬਣਾਉਣ ਲਈ ਬੀ ਸੀ ਰਿਬੇਟ): ‘ਬੀ ਸੀ ਰਿਬੇਟ ਫ਼ੌਰ ਐਕਸੈਸਿਬਲ ਹੋਮ ਅਡੈਪਟੇਸ਼ਨਜ਼’ (BC RAHA) ਪ੍ਰੋਗਰਾਮ ਘੱਟ-ਆਮਦਨ ਵਾਲੇ ਯੋਗ ਪਰਿਵਾਰਾਂ ਨੂੰ ਆਪਣਾ ਜੀਵਨ ਬਿਨਾਂ ਕਿਸੇ ‘ਤੇ ਨਿਰਭਰ ਕੀਤੇ ਸੁਤੰਤਰਤਾ ਨਾਲ ਬਿਤਾਉਣ ਲਈ ਘਰ ਨੂੰ ਅਨੁਕੂਲ ਬਣਾਉਣ ਲਈ ਰਿਬੇਟਾਂ ਦੇ ਰੂਪ ਵਿੱਚ ਵਿੱਤੀ ਸਹਾਇਤਾ ਪ੍ਰਦਾਨ ਕਰਦਾ ਹੈ।
  • ਜੇ ਕਿਰਾਏਦਾਰ ਨੂੰ ਕਿਸੇ ਤਰ੍ਹਾਂ ਦੀ ਅਪੰਗਤਾ ਹੈ ਜਾਂ ਉਸ ਦੀ ਸਰੀਰਕ ਸਮਰੱਥਾ ਵਿੱਚ ਕੋਈ ਸਥਾਈ ਨੁਕਸਾਨ ਹੋਇਆ ਹੈ, ਅਤੇ ਰਿਬੇਟ ਵਾਸਤੇ ਹੋਰ ਸਾਰੀਆਂ ਲੋੜਾਂ ਪੂਰੀਆਂ ਹੁੰਦੀਆਂ ਹਨ, ਤਾਂ ਕਿਰਾਏਦਾਰ ਅਤੇ ਮਕਾਨ ਮਾਲਕ ‘ਬੀ ਸੀ ਰਿਬੇਟ ਫ਼ੌਰ ਐਕਸੈਸਿਬਲ ਹੋਮ ਅਡੈਪਟੇਸ਼ਨਜ਼’ ਲਈ ਅਰਜ਼ੀ ਦੇ ਸਕਦੇ ਹਨ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਆਪਣੇ ਖ਼ਰਚਿਆਂ ਨੂੰ ਘਟਾਉਣ ਵਿੱਚ ਮਦਦ ਕਰਨ ਲਈ ਘਰ ਦੀ ਬਿਜਲੀ ਜਾਂ ਊਰਜਾ ਸੰਬੰਧਤ ਬੈਨਿਫ਼ਿਟ ਅਤੇ ਹੋਰ ਬੈਨਿਫ਼ਿਟਸ ਲੱਭੋ।
• ‘ਰੈਂਟ ਬੈਂਕ ਅਸਿਸਟੈਂਸ’ ਲਈ ਅਰਜ਼ੀ ਦਿਓ।
• ਇਹ ਦੇਖਣ ਲਈ ਕਿ ਕੀ ਤੁਸੀਂ ਸਹਾਇਤਾ ਪ੍ਰੋਗਰਾਮਾਂ ਲਈ ਯੋਗ ਹੋ ਜਾਂ ਨਹੀਂ, ਰੈਂਟ ਅਸਿਸਟੈਂਸ ਕੈਲਕੂਲੇਟਰ ਦੀ ਵਰਤੋਂ ਕਰੋ।
• ‘ਬੀ ਸੀ ਰਿਬੇਟ ਫ਼ੌਰ ਐਕਸੈਸਿਬਲ ਹੋਮ ਅਡੈਪਟੇਸ਼ਨਜ਼’ ਲਈ ਬੀ ਸੀ ਹਾਊਸਿੰਗ ਰਾਹੀਂ ਅਰਜ਼ੀ ਦਿਓ।

ਵਧੇਰੇ ਜਾਣੋ

• ਘਰ ਦੇ ਖ਼ਰਚਿਆਂ ਨੂੰ ਘਟਾਉਣ ਸੰਬੰਧੀ ਪ੍ਰੋਗਰਾਮਾਂ ਬਾਰੇ ਵਧੇਰੇ ਜਾਣੋ।
• ਬੀ.ਸੀ. ਦੇ ਰੈਂਟ ਬੈਂਕਾਂ ਬਾਰੇ ਵਧੇਰੇ ਜਾਣੋ।
• ਕਿਰਾਏ ਦੇ ਖ਼ਰਚਿਆਂ ਵਿੱਚ ਮਦਦ ਕਰਨ ਲਈ ਬੀ ਸੀ ਹਾਊਸਿੰਗ ਪ੍ਰੋਗਰਾਮਾਂ ਬਾਰੇ ਹੋਰ ਜਾਣੋ।
• ‘ਬੀ ਸੀ ਰਿਬੇਟ ਫ਼ੌਰ ਐਕਸੈਸਿਬਲ ਹੋਮ ਅਡੈਪਟੇਸ਼ਨਜ਼’ ਬਾਰੇ ਹੋਰ ਜਾਣੋ।

ਰੈਜ਼ਿਡੈਂਸ਼ੀਅਲ ਟੈਨੇਂਨਸੀ ਬ੍ਰਾਂਚ (RTB) ਰਿਹਾਇਸ਼ੀ ਕਿਰਾਏਦਾਰਾਂ ਲਈ ਜਾਣਕਾਰੀ, ਸਰੋਤ ਅਤੇ ਸੇਵਾਵਾਂ ਪ੍ਰਦਾਨ ਕਰਦੀ ਹੈ।

ਇਹ ਕਿਵੇਂ ਕੰਮ ਕਰਦਾ ਹੈ

• ਨਵੀਂ ਕਿਰਾਏਦਾਰੀ ਸ਼ੁਰੂ ਕਰਦੇ ਸਮੇਂ: ਕਿਰਾਏਦਾਰੀ ਸ਼ੁਰੂ ਕਰਦੇ ਸਮੇਂ ਆਪਣੇ ਅਧਿਕਾਰਾਂ ਅਤੇ ਜ਼ੁੰਮੇਵਾਰੀਆਂ ਅਤੇ ਆਪਣੇ ਮਕਾਨ ਮਾਲਕ ਦੇ ਅਧਿਕਾਰਾਂ ਬਾਰੇ ਜਾਣੋ।
• ਕਿਰਾਏਦਾਰੀ ਦੌਰਾਨ: ਕਿਰਾਏਦਾਰੀ ਸ਼ੁਰੂ ਹੋਣ ਤੋਂ ਬਾਅਦ ਆਪਣੇ ਅਧਿਕਾਰਾਂ ਅਤੇ ਜ਼ੁੰਮੇਵਾਰੀਆਂ ਅਤੇ ਆਪਣੇ ਮਕਾਨ ਮਾਲਕ ਦੇ ਅਧਿਕਾਰਾਂ ਬਾਰੇ ਜਾਣੋ। ਕਿਰਾਏਦਾਰ ਵੱਲੋਂ ਆਪਣੇ ਮਕਾਨ ਮਾਲਕ ਨੂੰ ਸਿਕਿਉਰਿਟੀ ਡੀਪੌਜ਼ਿਟ ਦਾ ਭੁਗਤਾਨ ਕਰਨ ਤੋਂ ਬਾਅਦ ਕਿਰਾਏਦਾਰੀ ਨੂੰ ਲਾਗੂ ਮੰਨਿਆ ਜਾਂਦਾ ਹੈ।
• ਕਿਰਾਏਦਾਰੀ ਖਤਮ ਹੋਣ ‘ਤੇ: ਮਕਾਨ ਮਾਲਕਾਂ ਅਤੇ ਕਿਰਾਏਦਾਰਾਂ ਨੂੰ ਕਿਰਾਏਦਾਰੀ ਨੂੰ ਕਨੂੰਨੀ ਤੌਰ ‘ਤੇ ਖਤਮ ਕਰਨਾ ਲਾਜ਼ਮੀ ਹੈ। ਕਿਰਾਏਦਾਰੀ ਨੂੰ ਖਤਮ ਕਰਦੇ ਸਮੇਂ ਆਪਣੇ ਅਧਿਕਾਰਾਂ ਅਤੇ ਜ਼ੁੰਮੇਵਾਰੀਆਂ ਅਤੇ ਆਪਣੇ ਮਕਾਨ ਮਾਲਕ ਦੇ ਅਧਿਕਾਰਾਂ ਬਾਰੇ ਜਾਣੋ।
• ਕਿਰਾਏਦਾਰੀ ਸੰਬੰਧੀ ਸਮੱਸਿਆਵਾਂ ਨੂੰ ਹੱਲ ਕਰੋ: ਜਦੋਂ ਮਕਾਨ ਮਾਲਕਾਂ ਅਤੇ ਕਿਰਾਏਦਾਰਾਂ ਵਿੱਚ ਝਗੜਾ ਹੁੰਦਾ ਹੈ, ਤਾਂ ਉਨ੍ਹਾਂ ਨੂੰ ਚੀਜ਼ਾਂ ਬਾਰੇ ਗੱਲ ਕਰਕੇ ਮਸਲਾ ਸੁਲਝਾਉਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ। ਜੇ ਉਹ ਗੱਲਬਾਤ ਜਾਂ ਦਖਲਅੰਦਾਜ਼ੀ ਰਾਹੀਂ ਮੁੱਦੇ ਨੂੰ ਹੱਲ ਕਰਨ ਵਿੱਚ ਅਸਮਰੱਥ ਹਨ, ਤਾਂ ਉਹ ਵਿਵਾਦ ਦੇ ਹੱਲ ਲਈ ਅਰਜ਼ੀ ਦੇ ਸਕਦੇ ਹਨ ਜਾਂ ਜਾਂਚ ਲਈ ਸ਼ਿਕਾਇਤ ਜਮ੍ਹਾਂ ਕਰ ਸਕਦੇ ਹਨ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਰੈਜ਼ਿਡੈਂਸ਼ੀਅਲ ਟੈਨੇਂਨਸੀ ਬ੍ਰਾਂਚ (RTB) ਦੇ ਸਰੋਤਾਂ ਨਾਲ ਸਲਾਹ-ਮਸ਼ਵਰਾ ਕਰੋ ਅਤੇ ਜੇ ਤੁਹਾਨੂੰ ਸਹਾਇਤਾ ਦੀ ਲੋੜ ਹੈ ਤਾਂ ਫ਼ੋਨ, ਈਮੇਲ, ਜਾਂ ਵਿਅਕਤੀਗਤ ਤੌਰ 'ਤੇ ਸ਼ਾਖਾ ਨਾਲ ਸੰਪਰਕ ਕਰੋ।

ਵਧੇਰੇ ਜਾਣੋ

• ਰੈਜ਼ਿਡੈਂਸ਼ੀਅਲ ਟੈਨੇਂਨਸੀ ਬ੍ਰਾਂਚ (RTB) ਦੇ ਸਾਧਨਾਂ ਅਤੇ ਸਰੋਤਾਂ ਬਾਰੇ ਵਧੇਰੇ ਜਾਣੋ, ਅਤੇ ਇਸ ਬਾਰੇ ਪਤਾ ਕਰੋ ਕਿ ਜੇ ਤੁਹਾਨੂੰ ਮਦਦ ਦੀ ਲੋੜ ਹੈ ਤਾਂ ਕੀ ਕਰਨਾ ਹੈ।

ਸਟ੍ਰੈਟਾ ਹੁਣ ਕੌਂਡੋ ਮਾਲਕਾਂ ਨੂੰ ਆਪਣੇ ਘਰਾਂ ਨੂੰ ਕਿਰਾਏ 'ਤੇ ਦੇਣ ਤੋਂ ਨਹੀਂ ਰੋਕ ਸਕਦੇ।

ਇਹ ਕਿਵੇਂ ਕੰਮ ਕਰਦਾ ਹੈ

• ਸਟ੍ਰੈਟਾ ਪਾਬੰਦੀਆਂ ਹਟਾਈਆਂ ਗਈਆਂ ਹਨ: 24 ਨਵੰਬਰ, 2022 ਤੋਂ, ਕਿਸੇ ਵੀ ਸਟ੍ਰੈਟਾ ਕੌਰਪੋਰੇਸ਼ਨ ਜਾਂ ਸੈਕਸ਼ਨ ਨੂੰ ਰਿਹਾਇਸ਼ਾਂ ਕਿਰਾਏ ‘ਤੇ ਦੇਣ ‘ਤੇ ਪਾਬੰਦੀ ਲਗਾਉਣ ਸੰਬੰਧੀ ਬਾਇ-ਲਾਅ ਰੱਖਣ ਦੀ ਆਗਿਆ ਨਹੀਂ ਹੈ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਸਟ੍ਰੈਟਾ ਵਿੱਚ ਕਿਰਾਏ 'ਤੇ ਘਰ ਲੈਂਦੇ ਸਮੇਂ, ਤੁਹਾਡੇ ਲਈ ਰਿਹਾਇਸ਼ੀ ਕਿਰਾਏਦਾਰੀਆਂ ਨਾਲ ਸੰਬੰਧਤ ਵਿਧਾਨਾਂ ਤੋਂ ਇਲਾਵਾ, ਸਟ੍ਰੈਟਾ ਪ੍ਰੌਪਰਟੀ ਐਕਟ ਅਤੇ ਨਿਯਮਾਂ ਅਤੇ ਸਟ੍ਰੈਟਾ ਦੇ ਬਾਇ-ਲਾਅ ਅਤੇ ਅਸੂਲਾਂ ਦੀ ਪਾਲਣਾ ਕਰਨੀ ਲਾਜ਼ਮੀ ਹੈ।

ਵਧੇਰੇ ਜਾਣੋ

• ਸਟ੍ਰੈਟਾ ਵਿੱਚ ਘਰ ਕਿਰਾਏ ‘ਤੇ ਲੈਣ ਬਾਰੇ ਵਧੇਰੇ ਜਾਣੋ

ਕਿਰਾਏ ਦੇ ਘਰਾਂ ਦੀ ਮਾਰਕਿਟ ਵਿੱਚ ਹਜ਼ਾਰਾਂ ਹੋਰ ਘਰ ਸ਼ਾਮਲ ਕਰਨ ਲਈ, ਹੱਦ ਤੋਂ ਵੱਧ ਸੱਟੇਬਾਜ਼ੀ ਅਤੇ ਸ਼ੌਰਟ-ਟਰਮ (ਥੋੜ੍ਹੀ ਮਿਆਦ) ਕਿਰਾਏ ਦੇ ਘਰਾਂ 'ਤੇ ਲਗਾਮ ਲਗਾਈ ਜਾ ਰਹੀ ਹੈ।

ਇਹ ਕਿਵੇਂ ਕੰਮ ਕਰਦਾ ਹੈ

• ਸ਼ੌਰਟ-ਟਰਮ ਕਿਰਾਏ ਦੇ ਘਰਾਂ ਨੂੰ ਲੋਕਾਂ ਲਈ ਘਰਾਂ ਵਿੱਚ ਤਬਦੀਲ ਕਰਨਾ: ਸਥਾਨਕ ਸਰਕਾਰਾਂ ਨੂੰ ਸ਼ੌਰਟ-ਟਰਮ ਕਿਰਾਏ ਦੇ ਘਰਾਂ ਸੰਬੰਧੀ ਉਨ੍ਹਾਂ ਦੇ ਬਾਇ-ਲਾਅਜ਼ ਦੇ ਸਖਤ ਲਾਗੂਕਰਨ ਲਈ ਸਾਧਨ ਦੇਣ, ਸ਼ੌਰਟ-ਟਰਮ ਕਿਰਾਏ ਦੇ ਘਰਾਂ ਨੂੰ ਲੌਂਗ-ਟਰਮ ਕਿਰਾਏ ਦੇ ਘਰਾਂ ਦੀ ਮਾਰਕਿਟ ਵਿੱਚ ਵਾਪਸ ਉਪਲਬਧ ਕਰਵਾਉਣ ਅਤੇ ਸ਼ੌਰਟ-ਟਰਮ ਕਿਰਾਏ ਦੇ ਘਰਾਂ ਨੂੰ ਨਿਯੰਤ੍ਰਿਤ ਕਰਨ ਵਿੱਚ ਇੱਕ ਨਵੀਂ ਸੂਬਾਈ ਭੂਮਿਕਾ ਸਥਾਪਤ ਕਰਨ ਲਈ ਵਿਧਾਨ ਤਿਆਰ ਕੀਤਾ ਗਿਆ ਹੈ।
• ਸਪੈਕਿਉਲੇਸ਼ਨ ਅਤੇ ਵੇਕੈਂਸੀ ਟੈਕਸ ਦਾ ਵਿਸਤਾਰ: ਸਪੈਕਿਉਲੇਸ਼ਨ ਅਤੇ ਵੇਕੈਂਸੀ ਟੈਕਸ ਖਾਲੀ ਪਏ ਯੂਨਿਟਾਂ ਨੂੰ ਲੋਕਾਂ ਲਈ ਘਰਾਂ ਵਿੱਚ ਤਬਦੀਲ ਕਰਨ ਵਿੱਚ ਸਹਾਇਤਾ ਕਰਦਾ ਹੈ, ਜਿਸ ਨਾਲ ਇਹ ਯਕੀਨੀ ਬਣਾਇਆ ਜਾਂਦਾ ਹੈ ਕਿ ਵਿਦੇਸ਼ਾਂ ਵਿੱਚ ਰਹਿਣ ਵਾਲੇ ਮਕਾਨ ਮਾਲਕ ਅਤੇ ਮੁੱਖ ਤੌਰ 'ਤੇ ਵਿਦੇਸ਼ੀ ਆਮਦਨ ਵਾਲੇ ਲੋਕ ਬੀ.ਸੀ. ਦੀ ਟੈਕਸ ਪ੍ਰਣਾਲੀ ਵਿੱਚ ਨਿਰਪੱਖ ਯੋਗਦਾਨ ਪਾਉਣ, ਅਤੇ ਨਵੇਂ ਕਿਫ਼ਾਇਤੀ ਘਰਾਂ ਨੂੰ ਫੰਡ ਦੇਣ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਜੇਕਰ ਤੁਸੀਂ ਇੱਕ ਹੋਸਟ ਹੋ, ਤਾਂ ਆਪਣੇ ਸ਼ੌਰਟ-ਟਰਮ ਰੈਂਟਲ ਨੂੰ ਚਲਾਉਣਾ ਜਾਰੀ ਰੱਖਣ ਲਈ ਉਸ ਨੂੰ ਰਜਿਸਟਰ ਕਰੋ।

ਵਧੇਰੇ ਜਾਣੋ

• ਸਪੈਕਿਉਲੇਸ਼ਨ ਅਤੇ ਵੇਕੈਂਸੀ ਟੈਕਸ ਬਾਰੇ ਵਧੇਰੇ ਜਾਣੋ
• ਸ਼ੌਰਟ-ਟਰਮ ਰੈਂਟਲਜ਼ ਲਈ ਨਵੇਂ ਨਿਯਮਾਂ ਬਾਰੇ ਵਧੇਰੇ ਜਾਣੋ

ਬੀ.ਸੀ. ਸਰਕਾਰ ਨਵੇਂ ਕਿਰਾਏ ਦੇ ਘਰਾਂ ਵਿੱਚ ਨਿਵੇਸ਼ ਕਰ ਰਹੀ ਹੈ ਅਤੇ ਮੌਜੂਦਾ ਕਿਰਾਏ ਦੇ ਘਰਾਂ ਨੂੰ ਸੁਰੱਖਿਅਤ ਕਰ ਰਹੀ ਹੈ ਤਾਂ ਜੋ ਵਧੇਰੇ ਲੋਕਾਂ ਦੀ ਕਿਫ਼ਾਇਤੀ ਘਰ ਲੱਭਣ ਵਿੱਚ ਮਦਦ ਕੀਤੀ ਜਾ ਸਕੇ।  

ਇਹ ਕਿਵੇਂ ਕੰਮ ਕਰਦਾ ਹੈ

• ‘ਰੈਂਟਲ ਪ੍ਰੋਟੈਕਸ਼ਨ ਫੰਡ’: $500 ਮਿਲੀਅਨ ਦਾ ਇਹ ਫੰਡ ਗੈਰ-ਮੁਨਾਫਾ ਹਾਊਸਿੰਗ ਸੰਸਥਾਵਾਂ ਨੂੰ ਕਿਫ਼ਾਇਤੀ ਕਿਰਾਏ ਦੀਆਂ ਇਮਾਰਤਾਂ ਅਤੇ ਕੋ-ਔਪ (co-ops) ਖ਼ਰੀਦਣ ਲਈ ਉਪਲਬਧ ਹੈ, ਅਤੇ ਇਸ ਨੇ ਹੁਣ ਤੱਕ 1,500 ਤੋਂ ਵੱਧ ਘਰਾਂ ਦੀ ਖ਼ਰੀਦ (acquisition) ਵਿੱਚ ਸਹਾਇਤਾ ਕੀਤੀ ਹੈ, ਜੋ ਨਿਰਧਾਰਤ ਸਮੇਂ ਤੋਂ ਪਹਿਲਾਂ ਆਪਣੇ 2,000-ਘਰ ਦੇ ਟੀਚੇ ਨੂੰ ਪਾਰ ਕਰਨ ਦੇ ਰਾਹ 'ਤੇ ਹੈ।
  • ਕਿਰਾਏ ਵਿੱਚ ਮਹੱਤਵਪੂਰਨ ਵਾਧੇ ਜਾਂ ਮੁੜ-ਵਿਕਾਸ ਦੇ ਜੋਖਮ ਵਾਲੀਆਂ ਪ੍ਰੌਪਰਟੀਆਂ ਵਿੱਚ ਰਹਿਣ ਵਾਲੇ ਕਿਰਾਏਦਾਰ, ਫੰਡ ਸਹਾਇਤਾ ਲਈ ਪ੍ਰੌਪਰਟੀ ਨੂੰ ਨਾਮਜ਼ਦ ਕਰ ਸਕਦੇ ਹਨ।
• ਘੱਟ ਕੀਮਤ ਵਾਲੇ ਕਿਰਾਏ ਦੇ ਘਰ: ਮੱਧ ਆਮਦਨ ਵਾਲੇ ਲੋਕਾਂ ਲਈ, ਜੋ ਬਿਨਾਂ ਸਬਸਿਡੀ ਦੇ ਕਿਰਾਏ ਦਾ ਭੁਗਤਾਨ ਕਰ ਸਕਦੇ ਹਨ, ਬੀ.ਸੀ. ਹਾਊਸਿੰਗ ਦੇ ਗੈਰ-ਮੁਨਾਫਾ, ਜਨਤਕ ਅਤੇ ਕੋ-ਔਪਰੇਟਿਵ (co-operative) ਹਾਊਸਿੰਗ ਭਾਈਵਾਲਾਂ ਦੁਆਰਾ ਘੱਟ ਕੀਮਤ ਵਾਲੇ ਕਿਰਾਏ ਦੇ ਘਰ ਪ੍ਰਦਾਨ ਕੀਤੇ ਜਾਂਦੇ ਹਨ। ਇਨ੍ਹਾਂ ਘਰਾਂ ਦੇ ਕਿਰਾਏ ਪ੍ਰਾਈਵੇਟ ਮਾਰਕਿਟ ਵਿੱਚ ਘੱਟ-ਤੋਂ ਘੱਟ ਕਿਰਾਇਆਂ ਦੇ ਆਧਾਰ ‘ਤੇ ਤੈਅ ਕੀਤੇ ਜਾਂਦੇ ਹਨ।
• ਕਿਫ਼ਾਇਤੀ ਕਿਰਾਏ ਦੇ ਘਰ: ਘੱਟ-ਤੋਂ-ਮੱਧ ਆਮਦਨ ਵਾਲੇ ਲੋਕਾਂ ਲਈ ਜੋ ਸਬਸਿਡੀ ਵਾਲੇ ਘਰਾਂ ਲਈ ਯੋਗ ਨਹੀਂ ਹੋ ਸਕਦੇ, ਕਿਫ਼ਾਇਤੀ ਕਿਰਾਏ ਦੇ ਘਰ ਬੀ.ਸੀ. ਹਾਊਸਿੰਗ ਦੇ ਗੈਰ-ਮੁਨਾਫਾ, ਜਨਤਕ ਅਤੇ ਕੋ-ਔਪਰੇਟਿਵ ਹਾਊਸਿੰਗ ਭਾਈਵਾਲਾਂ ਦੁਆਰਾ ਉਪਲਬਧ ਕਰਵਾਏ ਜਾਂਦੇ ਹਨ। ਇਨ੍ਹਾਂ ਘਰਾਂ ਦੇ ਕਿਰਾਏ ਪ੍ਰਾਈਵੇਟ ਮਾਰਕਿਟ ਵਿੱਚ ਔਸਤ ਕਿਰਾਏ ਦੇ ਬਰਾਬਰ ਜਾਂ ਉਸ ਤੋਂ ਘੱਟ ਹੁੰਦੇ ਹਨ।
• ਸਬਸਿਡੀ ਵਾਲੇ ਘਰ: ਘੱਟ ਆਮਦਨ ਵਾਲੇ ਲੋਕਾਂ ਲਈ, ਸਬਸਿਡੀ ਵਾਲੇ ਘਰ ਬੀ.ਸੀ. ਹਾਊਸਿੰਗ ਦੇ ਗੈਰ-ਮੁਨਾਫਾ, ਜਨਤਕ ਅਤੇ ਕੋ-ਔਪਰੇਟਿਵ ਹਾਊਸਿੰਗ ਭਾਈਵਾਲਾਂ ਦੁਆਰਾ ਪ੍ਰਦਾਨ ਕੀਤੇ ਜਾਂਦੇ ਹਨ। ਇਨ੍ਹਾਂ ਘਰਾਂ ਲਈ ਵੱਧ ਤੋਂ ਵੱਧ ਕਿਰਾਇਆ ਸਮੁੱਚੇ ਪਰਿਵਾਰ ਦੀ ਕੁੱਲ ਆਮਦਨ ਦਾ 30% ਹੁੰਦਾ ਹੈ, ਜੋ ਪਰਿਵਾਰ ਵਿੱਚ ਵਿਅਕਤੀਆਂ ਦੀ ਗਿਣਤੀ ਦੇ ਆਧਾਰ ‘ਤੇ ਘੱਟੋ ਘੱਟ ਕਿਰਾਏ ‘ਤੇ ਅਧਾਰਤ ਹੁੰਦਾ ਹੈ।
• ਵਿਦਿਆਰਥੀਆਂ ਲਈ ਰਿਹਾਇਸ਼ਾਂ: ਅਸੀਂ ਵਿਦਿਆਰਥੀਆਂ ਨੂੰ ਦਰਪੇਸ਼ ਰਿਹਾਇਸ਼ੀ ਚੁਣੌਤੀਆਂ ਨੂੰ ਘਟਾ ਰਹੇ ਹਾਂ ਅਤੇ ਬੀ.ਸੀ. ਭਰ ਦੇ ਕੈਂਪਸਾਂ ਵਿੱਚ ਵਿਦਿਆਰਥੀਆਂ ਲਈ 12,000 ਬੈਡ ਤਿਆਰ ਕਰਕੇ ਸਥਾਨਕ ਕਿਰਾਏ ਦੀਆਂ ਮਾਰਕਿਟਾਂ 'ਤੇ ਦਬਾਅ ਨੂੰ ਘਟਾ ਰਹੇ ਹਾਂ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

•  ਰੈਂਟਲ ਪ੍ਰੋਟੈਕਸ਼ਨ ਫੰਡ ਦੇ ਤਹਿਤ ਵਿਚਾਰ ਕਰਨ ਲਈ ਆਪਣੀ ਬਿਲਡਿੰਗ ਦੀ ਅਰਜ਼ੀ ਦਿਓ ਅਤੇ ਪਤਾ ਲਗਾਓ ਕਿ ਕੀ ਇਹ ਯੋਗ ਹੈ ਅਤੇ ਕਿਰਾਏ ਵਿੱਚ ਮਹੱਤਵਪੂਰਨ ਵਾਧੇ ਜਾਂ ਮੁੜ ਵਿਕਾਸ ਦੇ ਜੋਖਮ ਵਿੱਚ ਹੈ।
• ਆਪਣੇ ਇਲਾਕੇ ਵਿੱਚ ਬੀ ਸੀ ਹਾਊਸਿੰਗ ਦੀਆਂ ਲਿਸਟਿੰਗ ਲੱਭੋ।
• ਆਪਣੀ ਯੋਗਤਾ ਦੀ ਜਾਂਚ ਕਰੋ ਅਤੇ ਉਪਰ ਦਿੱਤੇ ਵਿਕਲਪਾਂ ਵਿੱਚੋਂ ਕਿਸੇ ਲਈ ਵੀ ਅਰਜ਼ੀ ਦਿਓ।
• ਉਪਲਬਧ ਕੈਂਪਸ ਹਾਊਸਿੰਗ ਵਿਕਲਪਾਂ ਬਾਰੇ ਜਾਣਕਾਰੀ ਲਈ ਆਪਣੀ ਪੋਸਟ-ਸੈਕੰਡਰੀ ਸੰਸਥਾ ਦੀ ਵੈੱਬਸਾਈਟ 'ਤੇ ਜਾਓ।

ਵਧੇਰੇ ਜਾਣੋ

• ਰੈਂਟਲ ਪ੍ਰੋਟੈਕਸ਼ਨ ਫੰਡ ਬਾਰੇ ਵਧੇਰੇ ਜਾਣੋ।
• ਬੀ ਸੀ ਹਾਊਸਿੰਗ ਦੁਆਰਾ ਵੱਖ-ਵੱਖ ਕਿਰਾਏ ਦੇ ਉਨ੍ਹਾਂ ਘਰਾਂ ਬਾਰੇ ਹੋਰ ਜਾਣੋ ਜੋ ਤੁਹਾਡੇ ਲਈ ਉਪਲਬਧ ਹੋ ਸਕਦੇ ਹਨ।
• ਵਿਦਿਆਰਥੀ ਰਿਹਾਇਸ਼ਾਂ ਵਿੱਚ ਸਾਡੇ ਨਿਵੇਸ਼ਾਂ ਬਾਰੇ ਹੋਰ ਜਾਣੋ।
• ਵਧੇਰੇ ਕਿਰਾਏ ਦੇ ਘਰਾਂ ਨੂੰ ਉਪਲਬਧ ਕਰਵਾਉਣ ਲਈ ਸਾਡੇ ਦੁਆਰਾ ਕੀਤੀਆਂ ਜਾਣ ਵਾਲੀਆਂ ਹੋਰ ਕਾਰਵਾਈਆਂ ਬਾਰੇ ਜਾਣੋ।
• ਬੀ ਸੀ ਹਾਊਸਿੰਗ ਦੇ ਵਿਕਾਸ ਪ੍ਰੋਗਰਾਮਾਂ ਬਾਰੇ ਹੋਰ ਜਾਣੋ

ਪਹਿਲੀ ਵਾਰ ਘਰ ਖ਼ਰੀਦਣ ਵਾਲੇ ਵਧੇਰੇ ਖ਼ਰੀਦਾਰ, ਉੱਚ ਛੋਟ ਸੀਮਾ (higher exemption threshold) ਦੇ ਅਧੀਨ ਪ੍ਰੌਪਰਟੀ ਟ੍ਰਾਂਸਫਰ ਟੈਕਸ ਵਿੱਚ $8,000 ਤੱਕ ਦੀ ਬੱਚਤ ਕਰਨ ਲਈ ਅਰਜ਼ੀ ਦੇ ਸਕਦੇ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

• ਪਹਿਲੀ ਵਾਰ ਘਰ ਖ਼ਰੀਦਣ ਵਾਲਿਆਂ ਲਈ ਛੋਟ: ਯੋਗਤਾ ਪ੍ਰਾਪਤ ਪਹਿਲੀ ਵਾਰ ਘਰ ਖ਼ਰੀਦਣ ਵਾਲੇ ਲੋਕ ਨਵੀਂ, ਉੱਚ ਛੋਟ ਸੀਮਾ ਦੇ ਤਹਿਤ ਮੌਜੂਦਾ ਘਰਾਂ 'ਤੇ ਪ੍ਰੌਪਰਟੀ ਟ੍ਰਾਂਸਫਰ ਟੈਕਸ 'ਤੇ $8,000 ਤੱਕ ਦੀ ਬੱਚਤ ਕਰ ਸਕਦੇ ਹਨ।
  • ਇੱਕ ਮੌਜੂਦਾ ਘਰ, ਜਿਸਦੀ ਕੀਮਤ $835,000 ਤੱਕ ਹੋਵੇ, ਨੂੰ ਖ਼ਰੀਦਣ ਵੇਲੇ, ਪ੍ਰੌਪਰਟੀ ਟ੍ਰਾਂਸਫਰ ਟੈਕਸ ਨੂੰ ਪਹਿਲੇ $500,000 ਤੱਕ ਮੁਆਫ਼ ਕਰ ਦਿੱਤਾ ਗਿਆ ਹੈ ਅਤੇ $500,001 ਅਤੇ $835,000 ਦੇ ਵਿਚਕਾਰ ਦੀ ਰਕਮ 'ਤੇ ਘਟਾ ਦਿੱਤਾ ਗਿਆ ਹੈ।
• ਨਵੇਂ ਬਣੇ ਘਰ ‘ਤੇ ਛੋਟ: ਨਵੇਂ ਬਣੇ ਘਰਾਂ ਦੇ ਖ਼ਰੀਦਦਾਰ $1,150,000 ਤੱਕ ਦੀਆਂ ਪ੍ਰੌਪਰਟੀਆਂ ਲਈ ਨਵੇਂ ਬਣੇ ਘਰ ਵਾਲੀ ਛੋਟ ਲਈ ਵੀ ਯੋਗ ਹੋ ਸਕਦੇ ਹਨ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਜੇ ਤੁਸੀਂ ਯੋਗਤਾ ਦੇ ਮਾਪਦੰਡਾਂ ਨੂੰ ਪੂਰਾ ਕਰਦੇ ਹੋ, ਤਾਂ ਤੁਹਾਡਾ ਕਨੂੰਨੀ ਪੇਸ਼ੇਵਰ ਤੁਹਾਡੇ ਪ੍ਰੌਪਰਟੀ ਟ੍ਰਾਂਸਫਰ ਟੈਕਸ ਰਿਟਰਨ ਲਈ ਸੰਬੰਧਤ ਛੋਟ ਲਾਗੂ ਕਰੇਗਾ।
• ਜਦੋਂ ਤੁਸੀਂ ਪ੍ਰੌਪਰਟੀ ਦੇ ਮਾਲਕ ਹੁੰਦੇ ਹੋ ਤਾਂ ਪਹਿਲੇ ਸਾਲ ਦੌਰਾਨ ਟੈਕਸ ਛੋਟਾਂ ਦਾ ਲਾਭ ਲੈਣ ਲਈ, ਤੁਹਾਡੇ ਲਈ  ਵਧੇਰੇ ਲੋੜਾਂ ਨੂੰ ਪੂਰਾ ਕਰਨਾ ਲਾਜ਼ਮੀ ਹੈ।

ਵਧੇਰੇ ਜਾਣੋ

• ਪਹਿਲੀ ਵਾਰ ਘਰ ਖ਼ਰੀਦਣ ਵਾਲਿਆਂ ਲਈ ਪ੍ਰੋਗਰਾਮ ਬਾਰੇ ਵਧੇਰੇ ਜਾਣੋ।
• ਨਵੇਂ ਬਣੇ ਘਰਾਂ ‘ਤੇ ਛੋਟਾਂ ਬਾਰੇ ਵਧੇਰੇ ਜਾਣੋ।

ਇੱਕ ਨਵੀਂ ਸੁਰੱਖਿਆ ਮਿਆਦ ਤੁਹਾਨੂੰ ਘਰ ਲਈ ਵਿੱਤੀ  ਪ੍ਰਬੰਧ ਕਰਨ ਅਤੇ ਘਰ ਦੀਆਂ ਇੰਸਪੈਕਸ਼ਨਾਂ ਦਾ ਬੰਦੋਬਸਤ ਕਰਨ ਲਈ ਵਧੇਰੇ ਸਮਾਂ ਦਿੰਦੀ ਹੈ।

ਇਹ ਕਿਵੇਂ ਕੰਮ ਕਰਦਾ ਹੈ

• ਹੋਮ ਬਾਇਰ ਰਿਸੀਸ਼ਨ (ਪ੍ਰੌਪਰਟੀ ਖ਼ਰੀਦਣ ਦਾ ਔਫਰ ਰੱਦ ਕਰਨ ਦਾ ਅਧਿਕਾਰ) ਪੀਰੀਅਡ ਖ਼ਰੀਦਦਾਰਾਂ ਨੂੰ ਉਨ੍ਹਾਂ ਦੇ ਔਫਰ ਸਵੀਕਾਰ ਕੀਤੇ ਜਾਣ ਦੇ ਤਿੰਨ ਕਾਰੋਬਾਰੀ ਦਿਨਾਂ ਤੱਕ ਕੁਝ ਰਿਹਾਇਸ਼ੀ ਪ੍ਰੌਪਰਟੀਆਂ 'ਤੇ ਆਪਣੇ ਔਫਰ ਨੂੰ ਰੱਦ ਕਰਨ ਦੀ ਆਗਿਆ ਦਿੰਦਾ ਹੈ, ਜਿਸ ਨਾਲ ਲੋਕਾਂ ਨੂੰ ਪ੍ਰੌਪਰਟੀ ਲਈ ਵਿੱਤੀ ਪ੍ਰਬੰਧ  ਕਰਨ ਅਤੇ ਘਰ ਦੀਆਂ ਇੰਸਪੈਕਸ਼ਨਾਂ ਦਾ ਪ੍ਰਬੰਧ ਕਰਨ ਲਈ ਵਧੇਰੇ ਸਮਾਂ ਮਿਲਦਾ ਹੈ।
  • ਜੇ ਖ਼ਰੀਦਦਾਰ ਇਸ ਸਮੇਂ ਦੌਰਾਨ ਔਫਰ ਰੱਦ ਕਰ ਦਿੰਦਾ ਹੈ, ਤਾਂ ਉਨ੍ਹਾਂ ਲਈ ਵਿਕਰੇਤਾ ਨੂੰ ਖ਼ਰੀਦ ਦੀ ਕੀਮਤ ਦਾ 0.25٪ ਭੁਗਤਾਨ ਕਰਨਾ ਲਾਜ਼ਮੀ ਹੈ। 

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਜੇ ਤੁਸੀਂ ਮਿਆਦ ਦੇ ਅੰਦਰ ਆਪਣੇ ਔਫਰ ਨੂੰ ਰੱਦ ਕਰਦੇ ਹੋ, ਤਾਂ ਤੁਹਾਨੂੰ ਜਾਂ ਤੁਹਾਡੇ ਰੀਅਲ ਇਸਟੇਟ ਏਜੰਟ (ਤੁਹਾਡੀ ਤਰਫੋਂ) ਨੂੰ ਹੇਠ ਦਿੱਤੇ ਤਰੀਕਿਆਂ ਵਿੱਚੋਂ ਕਿਸੇ ਇੱਕ ਤਰੀਕੇ ਨਾਲ ਖ਼ਰੀਦ ਅਤੇ ਵਿਕਰੀ ਦੇ ਇਕਰਾਰਨਾਮੇ ਵਿੱਚ ਨਿਰਧਾਰਤ ਨੋਟਿਸ ਦੇਣਾ ਲਾਜ਼ਮੀ ਹੈ: ਵਿਕਰੇਤਾ ਦੇ ਪਤੇ 'ਤੇ ਰਜਿਸਟਰਡ ਮੇਲ ਦੁਆਰਾ, ਜਾਂ ਵਿਕਰੇਤਾ ਦੇ ਫੈਕਸ ਨੰਬਰ 'ਤੇ ਫੈਕਸ ਦੁਆਰਾ, ਜਾਂ ਈਮੇਲ ਦੁਆਰਾ, ਈਮੇਲ ਪੜ੍ਹਨ ਦੀ ਰਸੀਦ ਦੀ ਬੇਨਤੀ ਦੇ ਨਾਲ, ਵਿਕਰੇਤਾ ਦੇ ਈਮੇਲ ਪਤੇ 'ਤੇ।

ਵਧੇਰੇ ਜਾਣੋ

• ਹੋਮ ਬਾਇਰ ਰਿਸੀਸ਼ਨ ਪੀਰੀਅਡ ਬਾਰੇ ਵਧੇਰੇ ਜਾਣੋ।

ਬੀ ਸੀ ਹੋਮ ਫਲਿਪਿੰਗ ਟੈਕਸ (BC Home Flipping Tax) ਅਤੇ ‘ਵਿਦੇਸ਼ੀ ਖ਼ਰੀਦਦਾਰ ਟੈਕਸ’ (Foreign Buyers Tax) ਸੱਟੇਬਾਜ਼ਾਂ ਨੂੰ ਮਾਰਕਿਟ ਨੂੰ ਕੰਟਰੋਲ ਕਰਨ ਅਤੇ ਕੀਮਤਾਂ ਨੂੰ ਵਧਾਉਣ ਤੋਂ ਰੋਕਣ ਵਿੱਚ ਸਹਾਇਤਾ ਕਰਦੇ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

• ਬੀ ਸੀ ਹੋਮ ਫਲਿਪਿੰਗ ਟੈਕਸ: ਇਹ ਟੈਕਸ 1 ਜਨਵਰੀ, 2025 ਤੋਂ ਲਾਗੂ ਹੋਵੇਗਾ ਅਤੇ ਰਿਹਾਇਸ਼ੀ ਪ੍ਰੌਪਰਟੀ ਖ਼ਰੀਦਣ ਦੇ 730 ਦਿਨਾਂ ਦੇ ਅੰਦਰ ਉਸ ਨੂੰ ਵੇਚਣ ਤੋਂ ਹੋਣ ਵਾਲੇ ਮੁਨਾਫੇ 'ਤੇ ਲੱਗਣ ਵਾਲਾ ਟੈਕਸ ਹੋਵੇਗਾ। ਟੈਕਸ ਦੀ ਰਕਮ ਸਿੱਧੇ ਤੌਰ 'ਤੇ ਬੀ.ਸੀ. ਵਿੱਚ ਵਧੇਰੇ ਕਿਫ਼ਾਇਤੀ ਘਰਾਂ ਦੇ ਨਿਰਮਾਣ ਲਈ ਦਿੱਤੀ ਜਾਵੇਗੀ।
  • ਛੋਟਾਂ ਜੀਵਨ ਦੇ ਹਾਲਾਤਾਂ, ਸੰਬੰਧਤ ਵਿਅਕਤੀਆਂ ਅਤੇ ਬਿਲਡਰਾਂ ‘ਤੇ ਲਾਗੂ ਹੁੰਦੀਆਂ ਹਨ।
• ਵਿਦੇਸ਼ੀ ਖ਼ਰੀਦਦਾਰ ਟੈਕਸ: ਹਾਲ ਹੀ ਵਿੱਚ ਹੋਏ ਵਧੇਰੇ ਕਮਿਊਨਿਟੀਆਂ ਵਿੱਚਲੇ ਵਿਸਤਾਰ ਅਤੇ ਰੇਟ ਵਿੱਚ 20 ਪ੍ਰਤੀਸ਼ਤ ਤੱਕ ਦੇ ਵਾਧੇ ਦੇ ਨਾਲ, ਇਹ ਟੈਕਸ ਸੱਟੇਬਾਜ਼ਾਂ ਨੂੰ ਜਵਾਬਦੇਹ ਠਹਿਰਾਉਂਦਾ ਹੈ ਅਤੇ ਬੀ.ਸੀ. ਦੀ ਰਿਹਾਇਸ਼ੀ ਮਾਰਕਿਟ ਵਿੱਚ ਬਾਹਰੀ ਸੱਟੇਬਾਜ਼ੀ ਨੂੰ ਰੋਕਦਾ ਹੈ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਪਹਿਲੀ ਵਾਰ ਘਰ ਖ਼ਰੀਦਣ ਵਾਲਿਆਂ ਨੂੰ ਬੀ ਸੀ ਹੋਮ ਫਲਿਪਿੰਗ ਟੈਕਸ ਨਿਯਮਾਂ ਅਤੇ ਛੋਟਾਂ ਦੀ ਸਮੀਖਿਆ ਉਦੋਂ ਕਰਨੀ ਚਾਹੀਦੀ ਹੈ, ਜਦੋਂ ਉਹ ਆਪਣਾ ਪਹਿਲਾ ਘਰ ਵੇਚਣ ਲਈ ਤਿਆਰ ਹੁੰਦੇ ਹਨ।

ਵਧੇਰੇ ਜਾਣੋ

• ਬੀ ਸੀ ਹੋਮ ਫਲਿਪਿੰਗ ਟੈਕਸ ਬਾਰੇ ਵਧੇਰੇ ਜਾਣੋ।
• ਵਿਦੇਸ਼ੀ ਖ਼ਰੀਦਦਾਰ ਟੈਕਸ ਬਾਰੇ ਵਧੇਰੇ ਜਾਣੋ।

ਬੀ.ਸੀ. ਪਹਿਲੀ ਵਾਰ ਘਰ ਖ਼ਰੀਦਣ ਵਾਲੇ ਹਜ਼ਾਰਾਂ ਲੋਕਾਂ ਲਈ ਵਿੱਤੀ ਰੁਕਾਵਟਾਂ ਨੂੰ ਦੂਰ ਕਰਨ ਵਿੱਚ ਮਦਦ ਕਰ ਰਿਹਾ ਹੈ।

ਇਹ ਕਿਵੇਂ ਕੰਮ ਕਰਦਾ ਹੈ

• ਹੈਦਰ ਲੈਂਡਜ਼ ਵਿਖੇ ‘ਅਟੇਨੇਬਲ ਹਾਊਸਿੰਗ ਇਨਿਸ਼ੀਏਟਿਵ’ (Attainable Housing Initiative at the Heather Lands): ਵੈਨਕੂਵਰ ਦੇ 'ਹੈਦਰ ਲੈਂਡਜ਼ ਵਿਖੇ ਪਹਿਲੀ ਵਾਰ ਘਰ ਖ਼ਰੀਦਣ ਵਾਲੇ ਹਜ਼ਾਰਾਂ ਖ਼ਰੀਦਦਾਰਾਂ ਨੂੰ ਮਾਰਕਿਟ ਰੇਟ ਤੋਂ 40% ਘੱਟ ਕੀਮਤ 'ਤੇ ਸ਼ੁਰੂਆਤ ਕਰਕੇ ਘਰ ਖ਼ਰੀਦਣ ਦਾ ਮੌਕਾ ਮਿਲੇਗਾ, ਜੋ ਕਿ xʷməθkʷəy̓əm (Musqueam), Sḵwx̱wú7mesh (Squamish) and səlilwətaɬ (Tsleil-Waututh) (MST) ਨੇਸ਼ਨਜ਼ ਦੀ ਸੂਬੇ ਨਾਲ ਭਾਈਵਾਲੀ ਵਿੱਚ ਨਵੀਨਤਾਕਾਰੀ ਵਾਲੀ ਫਾਇਨੈਂਸਿੰਗ ਸੰਬੰਧੀ ਪਹਿਲਕਦਮੀ ਬਾਰੇ ਸਾਂਝੀ ਸੋਚ ਦੁਆਰਾ ਸੰਭਵ ਹੋ ਸਕਿਆ ਹੈ।
  • ਇਹ ਪਹਿਲਕਦਮੀ ਸਟੂਡੀਓ, ਇੱਕ-, ਦੋ- ਅਤੇ ਤਿੰਨ-ਬੈੱਡਰੂਮ ਵਾਲੇ 99 ਸਾਲ ਦੀ ਸਟ੍ਰੈਟਾ ਲੀਜ਼ ਹੇਠ ਘਰਾਂ ਨੂੰ ਸ਼ੁਰੂ ਵਿੱਚ, ਖ਼ਰੀਦਣ ਦੀ 60/40 ਫਾਇਨੈਂਸਿੰਗ ਦੀ ਵਿਵਸਥਾ ਰਾਹੀਂ ਮਾਰਕਿਟ ਤੋਂ ਘੱਟ ਕੀਮਤ 'ਤੇ ਮੱਧ-ਆਮਦਨ ਕਮਾਉਣ ਵਾਲਿਆਂ ਦੁਆਰਾ ਖ਼ਰੀਦਣ ਅਤੇ ਫਾਇਨੈਂਸਿੰਗ ਦੇ ਸਮਰੱਥ ਕਰੇਗੀ:
    • ਖ਼ਰੀਦਦਾਰ ਘਰ ਦਾ ਮਾਲਕ ਹੋਵੇਗਾ, ਪਰ ਉਹ ਸ਼ੁਰੂ ਵਿੱਚ ਇੱਕ ਨਿਯਮਤ ਰੀਅਲ ਇਸਟੇਟ ਟ੍ਰਾਂਜ਼ੈਕਸ਼ਨ ਜਾਂ ਸੌਦੇ (ਉਦਾਹਰਨ ਲਈ, ਖ਼ਰੀਦਦਾਰ ਦੀ ਫਾਇਨੈਂਸ਼ੀਅਲ ਸੰਸਥਾ ਦੀ ਮਦਦ ਨਾਲ ਮੋਰਗੇਜ ਲਈ ਡਾਊਨ ਪੇਅਮੈਂਟ ਅਤੇ ਫਾਇਨੈਂਸਿੰਗ) ਦੀ ਮਦਦ ਨਾਲ ਯੂਨਿਟ ਦੀ ਮਾਰਕਿਟ ਵਿੱਚ ਕੀਮਤ ਦੇ ਸਿਰਫ 60% ਹਿੱਸੇ ਦੀ ਫਾਇਨੈਂਸਿੰਗ ਅਤੇ ਭੁਗਤਾਨ ਕਰਦਾ ਹੈ
    • ਸੂਬਾ ਸ਼ੁਰੂ ਵਿੱਚ ਜ਼ਮੀਨ ਦੇ ਮਾਲਕ ਅਤੇ ਡਿਵੈਲਪਰ ਨੂੰ ਮਾਰਕਿਟ ਕੀਮਤ ਦਾ ਬਾਕੀ 40% ਹਿੱਸਾ ਫਾਇਨੈਂਸ ਕਰਦਾ ਹੈ ਅਤੇ ਉਸ ਦੀ ਲਾਗਤ ਕਵਰ ਕਰਦਾ ਹੈ
    • ਖ਼ਰੀਦਦਾਰ ਵੱਲੋਂ 40% ਯੋਗਦਾਨ ਦਾ ਭੁਗਤਾਨ ਬਾਅਦ ਵਿੱਚ ਸੂਬੇ ਨੂੰ ਕੀਤਾ ਜਾਂਦਾ ਹੈ, ਜਾਂ ਤਾਂ ਉਦੋਂ ਜਦੋਂ ਮਾਲਕ ਆਪਣਾ ਯੂਨਿਟ ਵੇਚਦਾ ਹੈ ਜਾਂ ਖ਼ਰੀਦ ਦੀ ਤਾਰੀਖ ਤੋਂ 25 ਸਾਲਾਂ ਬਾਅਦ (ਜੋ ਵੀ ਪਹਿਲਾਂ ਆਉਂਦਾ ਹੈ) 
    • ਇਸ ਪਹਿਲਕਦਮੀ ਦੇ ਤਹਿਤ ਖ਼ਰੀਦਦਾਰ ਨੂੰ ਖ਼ਰੀਦ ਦੇ ਸ਼ੁਰੂਆਤੀ ਮਾਰਕਿਟ ਮੁੱਲ ਦੇ 60% ਹਿੱਸੇ 'ਤੇ ਸਿਰਫ ਸ਼ੁਰੂਆਤੀ 5% ਜਮ੍ਹਾ (ਪ੍ਰੀ-ਸੇਲ ਦੌਰਾਨ) ਕਰਨ ਦੀ ਲੋੜ ਹੁੰਦੀ ਹੈ
    • AHI ਯੂਨਿਟਾਂ ਨੂੰ MST ਨੇਸ਼ਨਜ਼ ਦੀ ਮਲਕੀਅਤ ਵਾਲੀ ਜ਼ਮੀਨ 'ਤੇ 99-ਸਾਲ ਦੇ ਲੀਜ਼ਹੋਲਡ ਵਜੋਂ ਵੇਚਿਆ ਜਾਵੇਗਾ
    • ਇਸ ਪਹਿਲਕਦਮੀ ਅਤੇ 60/40 ਖ਼ਰੀਦ ਵਿੱਤ ਪ੍ਰਬੰਧ ਸਿਰਫ਼ ਯੂਨਿਟ ਦੀ ਪਹਿਲੀ ਵਾਰ ਦੀ ਅਸਲ ਖ਼ਰੀਦ 'ਤੇ ਲਾਗੂ ਹੁੰਦਾ ਹੈ, ਨਾ ਕਿ ਸੈਕੰਡਰੀ ਜਾਂ ਬਾਅਦ ਦੇ ਖ਼ਰੀਦ/ਵਿਕਰੀ ਲੈਣ-ਦੇਣ 'ਤੇ
  • ਸੰਭਾਵਤ ਖ਼ਰੀਦਦਾਰ 2025 ਦੀ ਬਸੰਤ ਦੇ ਸ਼ੁਰੂ ਵਿੱਚ ਰਜਿਸਟਰ ਕਰਨ ਅਤੇ ਆਪਣੀ ਯੋਗਤਾ ਦੀ ਪੁਸ਼ਟੀ ਕਰਨ ਦੇ ਯੋਗ ਹੋ ਸਕਦੇ ਹਨ। ਰਜਿਸਟ੍ਰੇਸ਼ਨ ਪ੍ਰਕਿਰਿਆ ਬਾਰੇ ਵਧੇਰੇ ਜਾਣਕਾਰੀ ਜਲਦੀ ਹੀ ਉਪਲਬਧ ਕਰਵਾਈ ਜਾਵੇਗੀ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਹੈਦਰ ਲੈਂਡਜ਼ ਲਈ ਰਜਿਸਟ੍ਰੇਸ਼ਨ ਉਪਲਬਧ ਹੋਣ ਅਤੇ ਨਵੀਆਂ ਕਿਫ਼ਾਇਤੀ ਰਿਹਾਇਸ਼ੀ ਪਹਿਲਕਦਮੀਆਂ ਦਾ ਐਲਾਨ ਹੋਣ ਬਾਰੇ ਜਾਣਕਾਰੀ ਦੀਆਂ ਅੱਪਡੇਟਾਂ ਲਈ ਸਬਸਕ੍ਰਾਈਬ ਕਰੋ।

ਵਧੇਰੇ ਜਾਣੋ

• ਹੈਦਰ ਲੈਂਡਜ਼ ਵਿਖੇ ‘ਅਟੇਨੇਬਲ ਹਾਊਸਿੰਗ ਇਨਿਸ਼ੀਏਟਿਵ’ (Attainable Housing Initiative at the Heather Lands) ਬਾਰੇ ਵਧੇਰੇ ਜਾਣੋ

ਹਜ਼ਾਰਾਂ ਹੋਰ ਪਰਿਵਾਰ ਚੰਗੇ ਘਰ ਲੱਭ ਸਕਦੇ ਹਨ ਅਤੇ ਉਨ੍ਹਾਂ ਵਿੱਚ ਰਹਿ ਸਕਦੇ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

• ਸਟ੍ਰੈਟਾ ਪ੍ਰੌਪਰਟੀ ਐਕਟ ਵਿੱਚ ਤਬਦੀਲੀਆਂ ਜ਼ਿਆਦਾਤਰ ਬੀ.ਸੀ. ਸਟ੍ਰੈਟਾ ਬਿਲਡਿੰਗਜ਼ ਵਿੱਚ ਉਮਰ ਦੀਆਂ ਪਾਬੰਦੀਆਂ ਨੂੰ ਹਟਾਉਂਦੀਆਂ ਹਨ; ਜਿਸਦਾ ਮਤਲਬ ਹੈ ਕਿ ਹਜ਼ਾਰਾਂ ਹੋਰ ਪਰਿਵਾਰ ਚੰਗੇ ਘਰ ਲੱਭ ਸਕਦੇ ਹਨ ਅਤੇ ਜੋ ਲੋਕ ਬੱਚੇ ਪੈਦਾ ਕਰਨ ਦਾ ਫੈਸਲਾ ਕਰਦੇ ਹਨ ਉਨ੍ਹਾਂ ਨੂੰ ਆਪਣਾ ਘਰ ਨਹੀਂ ਛੱਡਣਾ ਪਵੇਗਾ।
  • ਬਜ਼ੁਰਗਾਂ ਲਈ ਰਿਹਾਇਸ਼ ਨੂੰ ਸੁਰੱਖਿਅਤ ਰੱਖਣ ਅਤੇ ਉਤਸ਼ਾਹਤ ਕਰਨ ਲਈ, ਬੀ.ਸੀ. ਵਿੱਚ ਸਟ੍ਰੈਟਾ ਕੌਰਪੋਰੇਸ਼ਨਾਂ ਵਿੱਚ 55 ਸਾਲ ਤੋਂ ਘੱਟ ਉਮਰ ਲਈ ਉਮਰ ‘ਤੇ ਪਾਬੰਦੀ ਸੰਬੰਧੀ ਬਾਇ-ਲਾਅ ਹੋ ਸਕਦਾ ਹੈ, ਜਿਸ ਵਿੱਚ ਕੁਝ ਦੇਖਭਾਲ ਕਰਨ ਵਾਲਿਆਂ ਅਤੇ ਪਹਿਲਾਂ ਤੋਂ ਕਿਸੇ ਸਟ੍ਰੈਟਾ ਵਿੱਚ ਰਹਿਣ ਵਾਲੇ ਵਸਨੀਕਾਂ, ਬੱਚਿਆਂ (ਬਾਲਗ ਬੱਚਿਆਂ ਸਮੇਤ), ਅਤੇ ਛੋਟੀ ਉਮਰ ਦੇ ਜੀਵਨ ਸਾਥੀਆਂ ਜਾਂ ਸਾਥੀਆਂ ਲਈ ਛੋਟਾਂ ਹੋ ਸਕਦੀਆਂ ਹਨ।
    • ਅਜਿਹਾ ਸਟ੍ਰੈਟਾ ਬਾਇ-ਲਾਅ ਜੋ 55 ਸਾਲ ਜਾਂ ਇਸ ਤੋਂ ਵੱਧ ਉਮਰ ਤੱਕ ਨੂੰ ਸੀਮਤ ਕਰਦਾ ਹੈ, ਜਾਇਜ਼ ਹੈ
    • ਅਜਿਹਾ ਸਟ੍ਰੈਟਾ ਬਾਇ-ਲਾਅ ਜੋ ਘੱਟੋ ਘੱਟ ਉਮਰ ਨੂੰ 55 ਸਾਲ ਤੋਂ ਘੱਟ ‘ਤੇ ਨਿਰਧਾਰਤ ਕਰਦਾ ਹੈ, ਗੈਰ-ਕਾਨੂੰਨੀ ਹੈ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਕੁਝ ਨਹੀਂ! ਸਾਡੀ ਸਰਕਾਰ ਬੀ.ਸੀ. ਵਿੱਚ ਰਹਿਣ ਅਤੇ ਕੰਮ ਕਰਨ ਵਾਲੇ ਪਰਿਵਾਰਾਂ ਲਈ ਵਧੇਰੇ ਕਿਫ਼ਾਇਤੀ ਘਰ ਉਪਲਬਧ ਕਰਵਾਉਣ ਲਈ ਕਾਰਵਾਈ ਕਰਨਾ ਜਾਰੀ ਰੱਖੇਗੀ।

ਵਧੇਰੇ ਜਾਣੋ

• ਸਟ੍ਰੈਟਾ ਵਿੱਚ ਘਰ ਖ਼ਰੀਦਣ ਬਾਰੇ ਵਧੇਰੇ ਜਾਣੋ।

ਬੀ.ਸੀ. ਦੇ ਰੈਂਟ ਬੈਂਕ ਉਨ੍ਹਾਂ ਲੋਕਾਂ ਦੀ ਮਦਦ ਕਰਦੇ ਹਨ ਜੋ ਅਸਥਾਈ, ਅਚਨਚੇਤ ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੇ ਹਨ ਅਤੇ ਕਿਰਾਏ ਜਾਂ ਜ਼ਰੂਰੀ ਰਿਹਾਇਸ਼ੀ ਖ਼ਰਚਿਆਂ ਦਾ ਭੁਗਤਾਨ ਕਰਨ ਵਿੱਚ ਅਸਮਰੱਥ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

ਅਸਥਾਈ ਅਤੇ ਅਚਨਚੇਤ ਵਿੱਤੀ ਸੰਕਟ ਕਾਰਨ ਕਿਰਾਏ ਜਾਂ ਜ਼ਰੂਰੀ ਰਿਹਾਇਸ਼ੀ ਲਾਗਤ ਦਾ ਭੁਗਤਾਨ ਕਰਨ ਵਿੱਚ ਅਸਮਰੱਥ ਲੋਕ ਬੀ.ਸੀ. ਰੈਂਟ ਬੈਂਕ ਰਾਹੀਂ ਐਮਰਜੈਂਸੀ ਸਹਾਇਤਾ ਪ੍ਰਾਪਤ ਕਰ ਸਕਦੇ ਹਨ।

• ਬੱਸ ਯੋਗਤਾ ਦੀ ਪੁਸ਼ਟੀ ਕਰੋ ਅਤੇ ਉਪਰ ਦਿੱਤੇ ਲਿੰਕ 'ਤੇ ਅਰਜ਼ੀ ਭਰੋ, ਅਤੇ ਇੱਕ ਕੇਸ ਮੈਨੇਜਰ ਤੁਹਾਡੀ ਸਹਾਇਤਾ ਕਰਨ ਲਈ ਪੈਰਵਾਈ ਕਰੇਗਾ।
• ਜੇ ਮਨਜ਼ੂਰੀ ਮਿਲ ਜਾਂਦੀ ਹੈ, ਤਾਂ ਰੈਂਟ ਬੈਂਕ ਤੁਹਾਨੂੰ ਕਿਰਾਏ ਜਾਂ ਜ਼ਰੂਰੀ ਯੂਟਿਲਿਟੀਜ਼ (ਗੈਸ, ਹਾਇਡਰੋ, ਪਾਣੀ) ਨੂੰ ਕਵਰ ਕਰਨ ਲਈ ਵਿਆਜ-ਮੁਕਤ ਕਰਜ਼ੇ ਨਾਲ ਸਹਾਇਤਾ ਕਰੇਗਾ ਜੋ ਤੁਸੀਂ 36 ਮਹੀਨਿਆਂ ਤੱਕ ਦੇ ਸਮੇਂ ਵਿੱਚ ਵਾਪਸ ਕਰ ਸਕਦੇ ਹੋ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਰੈਂਟ ਬੈਂਕ ਸਹਾਇਤਾ ਲਈ ਅਰਜ਼ੀ ਦਿਓ।

ਹੋਰ ਜਾਣੋ

• ਬੀ.ਸੀ. ਦੇ ਰੈਂਟ ਬੈਂਕਾਂ ਬਾਰੇ ਹੋਰ ਜਾਣੋ।  

ਤੁਹਾਡੇ ਖ਼ਰਚਿਆਂ ਨੂੰ ਘਟਾਉਣ ਵਿੱਚ ਮਦਦ ਲਈ ਬਹੁਤ ਸਾਰੇ ਬੈਨਿਫ਼ਿਟ ਮੌਜੂਦ ਹਨ। ਜਾਣੋ ਕਿ ਤੁਹਾਡੇ ਲਈ ਕਿਹੜੇ ਉਪਲਬਧ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

• ਬੀ.ਸੀ. ਰੈਂਟਰਜ਼ ਟੈਕਸ ਕ੍ਰੈਡਿਟ: ਪਰਿਵਾਰਕ ਆਮਦਨ ਦੀ ਸੀਮਾ ਤੋਂ ਘੱਟ ਕਮਾਉਣ ਵਾਲੇ ਕਿਰਾਏਦਾਰਾਂ ਨੂੰ $400 ਤੱਕ ਦਾ ਕ੍ਰੈਡਿਟ ਮਿਲਦਾ ਹੈ।
  • ਇਹ ਕ੍ਰੈਡਿਟ, ਟੈਕਸ ਲਈ ਤੁਹਾਡੇ ਵੱਲੋਂ ਬਕਾਇਆ ਪੈਸੇ ਦੀ ਰਕਮ ਨੂੰ ਘਟਾਉਂਦਾ ਹੈ।
  • ਜੇਕਰ ਕ੍ਰੈਡਿਟ, ਟੈਕਸ ਵਿੱਚ ਤੁਹਾਡੇ ਬਕਾਏ ਤੋਂ ਵੱਧ ਹੈ, ਤਾਂ ਦੋਨਾਂ ਵਿੱਚ ਅੰਤਰ ਦੀ ਰਕਮ ਤੁਹਾਨੂੰ ਰਿਫੰਡ ਵਜੋਂ ਮਿਲੇਗੀ।
  • ਵਿਆਹੁਤਾ ਜਾਂ ਕੌਮਨ-ਲਾਅ ਸਾਥੀ, ਪ੍ਰਤੀ ਘਰ ਸਿਰਫ਼ ਇੱਕ ਕ੍ਰੈਡਿਟ ਕਲੇਮ ਕਰ ਸਕਦੇ ਹਨ। ਰੂਮ-ਮੇਟ ਆਪਣੇ ਲਈ ਵੱਖਰੇ-ਵੱਖਰੇ ਕ੍ਰੈਡਿਟ ਕਲੇਮ ਕਰ ਸਕਦੇ ਹਨ।
• ਕਿਰਾਏ ਵਿੱਚ ਵਾਧੇ ‘ਤੇ ਸੀਮਾ: ਸਾਰੇ ਕਿਰਾਏਦਾਰਾਂ ਨੂੰ ਹਰ ਸਾਲ ਕਿਰਾਏ ਵਿੱਚ ਵਾਧੇ ਦੀ ਰਕਮ ਨੂੰ ਸੀਮਤ ਕਰਕੇ, ਅਤੇ 3 ਮਹੀਨਿਆਂ ਦੇ ਨੋਟਿਸ ਨਾਲ ਹਰ 12 ਮਹੀਨਿਆਂ ਵਿੱਚ ਇੱਕ ਵਾਰ ਕਿਰਾਏ ਵਿੱਚ ਵਾਧੇ ਨੂੰ ਸੀਮਤ ਕਰਕੇ, ਰਹਿਣ-ਸਹਿਣ ਦੇ ਵੱਧ ਰਹੇ ਖ਼ਰਚਿਆਂ ਤੋਂ ਸੁਰੱਖਿਅਤ ਕੀਤਾ ਜਾਂਦਾ ਹੈ।
• ਬਿਜਲੀ ਦੇ ਖ਼ਰਚਿਆਂ ਵਿੱਚ ਮਦਦ: ਬੀ.ਸੀ. ਸਰਕਾਰ ਕੋਲ ਕਿਰਾਏਦਾਰਾਂ ਲਈ ਉਨ੍ਹਾਂ ਦੇ ਘਰ ਦੀ ਊਰਜਾ ਜਾਂ ਬਿਜਲੀ ਦੇ ਖ਼ਰਚਿਆਂ ਵਿੱਚ ਬੱਚਤ ਕਰਨ ਲਈ ਬਹੁਤ ਸਾਰੇ ਪ੍ਰੋਗਰਾਮ ਉਪਲਬਧ ਹਨ।
  • ਮੁਫ਼ਤ A/C ਪ੍ਰੋਗਰਾਮ: ਅਤਿਅੰਤ ਗਰਮੀ ਦੀਆਂ ਘਟਨਾਵਾਂ ਦੌਰਾਨ ਆਪਣੇ ਆਪ ਨੂੰ ਠੰਡਕ ਪਹੁੰਚਾਉਣ ਵਿੱਚ ਮਦਦ ਲਈ ਇੱਕ ਮੁਫ਼ਤ ਪੋਰਟੇਬਲ ਏਅਰ ਕੰਡਿਸ਼ਨਰ ਲੈਣ ਲਈ ਅਰਜ਼ੀ ਦਿਓ।
  • ਕਲਾਈਮੇਟ ਐਕਸ਼ਨ ਟੈਕਸ ਕ੍ਰੈਡਿਟ: ਇਸ ਸਾਲ, ਇੱਕ ਵਿਅਕਤੀ ਨੂੰ $504 ਤੱਕ ਮਿਲ ਸਕਦੇ ਹਨ ਅਤੇ 4 ਮੈਂਬਰਾਂ ਵਾਲੇ ਪਰਿਵਾਰ ਨੂੰ $1,008 ਤੱਕ ਮਿਲ ਸਕਦੇ ਹਨ।
  • ਬੀ.ਸੀ. ਹਾਇਡਰੋ ਦੇ ਰੇਟਾਂ ਨੂੰ ਘੱਟ ਰੱਖਣਾ: ਬੀ ਸੀ ਹਾਇਡਰੋ (BC Hydro) ਦੇ ਗਾਹਕ ਨੌਰਥ ਅਮਰੀਕਾ ਵਿੱਚ ਸਭ ਤੋਂ ਘੱਟ ਊਰਜਾ ਦਰਾਂ ਦਾ ਭੁਗਤਾਨ ਕਰਦੇ ਆ ਰਹੇ ਹਨ। ਕਿਸੇ ਕਾਰਵਾਈ ਦੀ ਲੋੜ ਨਹੀਂ।
• ‘ਰੈਂਟਲ ਅਸਿਸਟੈਂਸ ਪ੍ਰੋਗਰਾਮ’ (Rental Assistance Program, RAP): RAP ਬੱਚਿਆਂ ਵਾਲੇ ਘੱਟ ਆਮਦਨ ਵਾਲੇ ਯੋਗ ਪਰਿਵਾਰਾਂ ਨੂੰ ਹਰ ਮਹੀਨੇ ਕਿਰਾਏ ਵਿੱਚ ਸਹਾਇਤਾ ਪ੍ਰਦਾਨ ਕਰਦਾ ਹੈ।
• ‘ਬਜ਼ੁਰਗ ਕਿਰਾਏਦਾਰਾਂ ਲਈ ਸ਼ੈਲਟਰ ਏਡ’ (Shelter Aid For Elderly Renters, SAFER): SAFER ਹਰ ਮਹੀਨੇ ਯੋਗ ਬਜ਼ੁਰਗਾਂ (60 ਜਾਂ ਇਸ ਤੋਂ ਵੱਧ ਉਮਰ ਵਾਲੇ) ਨੂੰ ਕਿਰਾਏ ਵਿੱਚ ਸਹਾਇਤਾ ਪ੍ਰਦਾਨ ਕਰਦਾ ਹੈ।
• ਕੈਨੇਡਾ-ਬੀ ਸੀ ਹਾਊਸਿੰਗ ਬੈਨਿਫ਼ਿਟ (CBCHB): ਇਹ ਹਾਊਸਿੰਗ ਬੈਨਿਫ਼ਿਟ ਉਨ੍ਹਾਂ ਘੱਟ ਆਮਦਨ ਵਾਲੇ ਪਰਿਵਾਰਾਂ ਦੀ ਸਹਾਇਤਾ ਕਰਦਾ ਹੈ ਜੋ ਪ੍ਰਾਈਵੇਟ ਮਾਰਕਿਟ ਵਿੱਚ ਆਪਣੇ ਕਿਰਾਏ ਦਾ ਭੁਗਤਾਨ ਕਰਦੇ ਹਨ।
  • ਬੀ ਸੀ ਹਾਊਸਿੰਗ ਆਪਣੀ ਹਾਊਸਿੰਗ ਰਜਿਸਟ੍ਰੀ ਤੋਂ ਯੋਗ ਬਿਨੈਕਾਰਾਂ ਦੀ ਚੋਣ ਕਰਦਾ ਹੈ ਅਤੇ ਗੈਰ-ਮੁਨਾਫਾ ਹਾਊਸਿੰਗ ਉਪਲਬਧ ਕਰਵਾਉਣ ਵਾਲੇ ਉਨ੍ਹਾਂ ਤਰਜੀਹੀ ਗਰੁੱਪਾਂ ਵਿੱਚੋਂ ਯੋਗ ਬਿਨੈਕਾਰਾਂ ਦੀ ਚੋਣ ਕਰਦੇ ਹਨ ਜਿਨ੍ਹਾਂ ਲਈ ਉਹ ਸੇਵਾਵਾਂ ਪ੍ਰਦਾਨ ਕਰਦੇ ਹਨ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਭਾਵੇਂ ਤੁਹਾਡੀ ਘੱਟ ਜਾਂ ਕੋਈ ਆਮਦਨ ਨਹੀਂ ਹੈ, ਰੈਂਟਰਜ਼ ਟੈਕਸ ਕ੍ਰੈਡਿਟ ਵਰਗੇ ਰਿਫੰਡੇਬਲ ਟੈਕਸ ਕ੍ਰੈਡਿਟ ਕਲੇਮ ਕਰਨ ਲਈ, ਸਲਾਨਾ ਟੈਕਸ ਫਾਈਲ ਕਰੋ।
• ਆਪਣੇ ਟੈਕਸ ਫਾਈਲ ਕਰਨ ਵਿੱਚ ਸਹਾਇਤਾ ਲਈ ਕੋਈ ਮੁਫਤ ਟੈਕਸ ਕਲੀਨਿਕ ਲੱਭੋ।
• ਕਿਰਾਏ ਵਿੱਚ ਵਾਧੇ ਦੇ ਨਿਯਮਾਂ ਦੀ ਸਮੀਖਿਆ ਕਰੋ ਅਤੇ ਜੇ ਤੁਹਾਨੂੰ ਲੱਗਦਾ ਹੈ ਕਿ ਵਾਧਾ ਨਿਯਮਾਂ ਦੀ ਉਲੰਘਣਾ ਕਰਦਾ ਹੈ ਤਾਂ ਰੈਜ਼ਿਡੈਂਸ਼ੀਅਲ ਟੈਨੇਂਨਸੀ ਬ੍ਰਾਂਚ (RTB) ਨਾਲ ਸੰਪਰਕ ਕਰੋ।
• ਆਪਣੇ ਖ਼ਰਚਿਆਂ ਨੂੰ ਘਟਾਉਣ ਵਿੱਚ ਮਦਦ ਕਰਨ ਲਈ ਘਰ ਦੀ ਬਿਜਲੀ ਜਾ ਊਰਜਾ ਸੰਬੰਧਿਤ ਬੈਨਿਫ਼ਿਟ ਅਤੇ ਹੋਰ ਬੈਨਿਫ਼ਿਟਸ ਲੱਭੋ।
• ਇਹ ਦੇਖਣ ਲਈ ਕਿ ਕੀ ਤੁਸੀਂ ਸਹਾਇਤਾ ਪ੍ਰੋਗਰਾਮਾਂ ਲਈ ਯੋਗ ਹੋ ਜਾਂ ਨਹੀਂ, ਰੈਂਟ ਅਸਿਸਟੈਂਸ ਕੈਲਕੂਲੇਟਰ ਦੀ ਵਰਤੋਂ ਕਰੋ।

ਹੋਰ ਜਾਣੋ

• ਰੈਂਟਰਜ਼ ਟੈਕਸ ਕ੍ਰੈਡਿਟ ਬਾਰੇ ਹੋਰ ਜਾਣੋ।
• ਕਿਰਾਏ ਵਿੱਚ ਵਾਧੇ ਦੇ ਨਿਯਮਾਂ ਬਾਰੇ ਹੋਰ ਜਾਣੋ।
• ਘਰ ਦੇ ਖ਼ਰਚਿਆਂ ਨੂੰ ਘਟਾਉਣ ਸੰਬੰਧੀ ਪ੍ਰੋਗਰਾਮਾਂ ਬਾਰੇ ਹੋਰ ਜਾਣੋ
• ਮੁਫ਼ਤ ਟੈਕਸ ਕਲੀਨਿਕਸ ਬਾਰੇ ਹੋਰ ਜਾਣੋ
• ਕਿਰਾਏ ਦੇ ਖ਼ਰਚਿਆਂ ਵਿੱਚ ਮਦਦ ਕਰਨ ਲਈ ਬੀ ਸੀ ਹਾਊਸਿੰਗ ਦੇ ਪ੍ਰੋਗਰਾਮਾਂ ਬਾਰੇ ਹੋਰ ਜਾਣੋ।

ਬੀ.ਸੀ. ਭਰ ਵਿੱਚ ਲੋਕਾਂ ਲਈ ਹਜ਼ਾਰਾਂ ਕਿਫ਼ਾਇਤੀ ਕਿਰਾਏ ਦੇ ਘਰ ਪ੍ਰਦਾਨ ਕਰਨਾ।

ਇਹ ਕਿਵੇਂ ਕੰਮ ਕਰਦਾ ਹੈ

• ਬੀ ਸੀ ਹਾਊਸਿੰਗ ਅਤੇ ਇਸ ਦੇ ਭਾਈਵਾਲ ਘੱਟ ਤੋਂ ਮੱਧ ਆਮਦਨ ਵਾਲੇ ਲੋਕਾਂ ਲਈ ਕਿਰਾਏ ਦੀਆਂ ਰਿਹਾਇਸ਼ਾਂ ਦੇ 3 ਪੱਧਰਾਂ ਦੀ ਪੇਸ਼ਕਸ਼ ਕਰਦੇ ਹਨ। ਕੁਝ ਇਮਾਰਤਾਂ ਵਿਸ਼ੇਸ਼ ਤੌਰ 'ਤੇ ਅਪੰਗਤਾਵਾਂ ਵਾਲੇ ਲੋਕਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ, ਬਜ਼ੁਰਗਾਂ, ਅਤੇ ਫਰਸਟ ਨੇਸ਼ਨਜ਼, ਮੇਟੀ ਅਤੇ ਇਨੂਇਟ ਪਿਛੋਕੜ ਵਾਲੇ ਵਿਅਕਤੀਆਂ ਅਤੇ ਪਰਿਵਾਰਾਂ ਲਈ ਕਿਰਾਏਦਾਰੀ ਦੀ ਪੇਸ਼ਕਸ਼ ਕਰਦੀਆਂ ਹਨ।
  • ਸਬਸਿਡੀ ਵਾਲੇ ਘਰ: ਘੱਟ ਆਮਦਨ ਵਾਲੇ ਲੋਕਾਂ ਲਈ, ਸਬਸਿਡੀ ਵਾਲੇ ਘਰ ਬੀ ਸੀ ਹਾਊਸਿੰਗ ਦੇ ਗੈਰ-ਮੁਨਾਫਾ, ਜਨਤਕ ਅਤੇ ਕੋ-ਔਪਰੇਟਿਵ ਹਾਊਸਿੰਗ ਭਾਈਵਾਲਾਂ ਦੁਆਰਾ ਪ੍ਰਦਾਨ ਕੀਤੇ ਜਾਂਦੇ ਹਨ। ਇਨ੍ਹਾਂ ਘਰਾਂ ਲਈ ਵੱਧ ਤੋਂ ਵੱਧ ਕਿਰਾਇਆ ਸਮੁੱਚੇ ਪਰਿਵਾਰ ਦੀ ਕੁੱਲ ਆਮਦਨ ਦਾ 30% ਹਿੱਸਾ ਹੁੰਦਾ ਹੈ, ਜੋ ਪਰਿਵਾਰ ਵਿੱਚ ਵਿਅਕਤੀਆਂ ਦੀ ਗਿਣਤੀ ਦੇ ਆਧਾਰ ‘ਤੇ ਘੱਟੋ ਘੱਟ ਕਿਰਾਏ ‘ਤੇ ਅਧਾਰਤ ਹੁੰਦਾ ਹੈ।
  • ਕਿਫ਼ਾਇਤੀ ਕਿਰਾਏ ਦੇ ਘਰ: ਘੱਟ-ਤੋਂ-ਮੱਧ ਆਮਦਨ ਵਾਲੇ ਲੋਕਾਂ ਲਈ ਜੋ ਸਬਸਿਡੀ ਵਾਲੇ ਘਰਾਂ ਲਈ ਯੋਗ ਨਹੀਂ ਹੋ ਸਕਦੇ, ਕਿਫ਼ਾਇਤੀ ਕਿਰਾਏ ਦੇ ਘਰ  ਬੀ ਸੀ ਹਾਊਸਿੰਗ ਦੇ ਗੈਰ-ਮੁਨਾਫਾ, ਜਨਤਕ ਅਤੇ ਕੋ-ਔਪਰੇਟਿਵ ਹਾਊਸਿੰਗ ਭਾਈਵਾਲਾਂ ਦੁਆਰਾ ਉਪਲਬਧ ਕਰਵਾਏ ਜਾਂਦੇ ਹਨ। ਇਨ੍ਹਾਂ ਘਰਾਂ ਦੇ ਕਿਰਾਏ ਪ੍ਰਾਈਵੇਟ ਮਾਰਕਿਟ ਵਿੱਚ ਔਸਤ ਕਿਰਾਏ ਦੇ ਬਰਾਬਰ ਜਾਂ ਉਸ ਤੋਂ ਘੱਟ ਹੁੰਦੇ ਹਨ।
  • ਘੱਟ ਕੀਮਤ ਵਾਲੇ ਕਿਰਾਏ ਦੇ ਘਰ: ਮੱਧ ਆਮਦਨ ਵਾਲੇ ਲੋਕਾਂ ਲਈ, ਜੋ ਬਿਨਾਂ ਸਬਸਿਡੀ ਦੇ ਕਿਰਾਏ ਦਾ ਭੁਗਤਾਨ ਕਰ ਸਕਦੇ ਹਨ, ਬੀ ਸੀ ਹਾਊਸਿੰਗ ਦੇ ਗੈਰ-ਮੁਨਾਫਾ, ਜਨਤਕ ਅਤੇ ਕੋ-ਔਪਰੇਟਿਵ (co-operative) ਹਾਊਸਿੰਗ ਭਾਈਵਾਲਾਂ ਦੁਆਰਾ ਘੱਟ ਕੀਮਤ ਵਾਲੇ ਕਿਰਾਏ ਦੇ ਘਰ ਪ੍ਰਦਾਨ ਕੀਤੇ ਜਾਂਦੇ ਹਨ। ਇਨ੍ਹਾਂ ਘਰਾਂ ਦੇ ਕਿਰਾਏ ਪ੍ਰਾਈਵੇਟ ਮਾਰਕਿਟ ਵਿੱਚ ਘੱਟ-ਤੋਂ ਘੱਟ ਕਿਰਾਇਆਂ ਦੇ ਆਧਾਰ ‘ਤੇ ਤੈਅ ਕੀਤੇ ਜਾਂਦੇ ਹਨ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਆਪਣੇ ਇਲਾਕੇ ਵਿੱਚ ਬੀ ਸੀ ਹਾਊਸਿੰਗ ਦੀਆਂ ਲਿਸਟਿੰਗ ਲੱਭੋ।
• ਉੱਪਰ ਦਿੱਤੇ ਵਿਕਲਪਾਂ ਵਿੱਚੋਂ ਕਿਸੇ ਲਈ ਵੀ ਅਰਜ਼ੀ ਦਿਓ।

ਹੋਰ ਜਾਣੋ

• ਬੀ ਸੀ ਹਾਊਸਿੰਗ ਦੇ ਕਿਰਾਏ ਦੇ ਉਨ੍ਹਾਂ ਵੱਖ-ਵੱਖ ਵਿਕਲਪਾਂ ਬਾਰੇ ਹੋਰ ਜਾਣੋ ਜੋ ਤੁਹਾਡੇ ਲਈ ਉਪਲਬਧ ਹੋ ਸਕਦੇ ਹਨ।
• ਔਫ-ਰੀਜ਼ਰਵ ਇੰਡੀਜਨਸ ਹਾਊਸਿੰਗ ਪ੍ਰਦਾਨਕਾਂ ਬਾਰੇ ਹੋਰ ਜਾਣੋ।

ਹਿੰਸਾ ਤੋਂ ਬਚ ਕੇ ਆਏ ਲੋਕਾਂ, ਬਜ਼ੁਰਗਾਂ, ਅਪੰਗਤਾਵਾਂ ਵਾਲੇ ਲੋਕਾਂ ਅਤੇ ਗੁੰਝਲਦਾਰ ਦੇਖਭਾਲ ਦੀਆਂ ਲੋੜਾਂ ਵਾਲੇ ਲੋਕਾਂ ਲਈ ਸਹਾਇਤਾ ਵਾਲੇ ਘਰ।

ਜੇ ਤੁਸੀਂ ਅਸੁਰੱਖਿਅਤ ਮਹਿਸੂਸ ਕਰਦੇ ਹੋ ਤਾਂ ਹੁਣੇ ਬਾਹਰ ਨਿਕਲੋ

ਜੇ ਤੁਸੀਂ ਫੌਰੀ ਖਤਰੇ ਵਿੱਚ ਹੋ, ਤਾਂ ਮਦਦ ਪ੍ਰਾਪਤ ਕਰੋ:

• 9-1-1 'ਤੇ ਕਾਲ ਕਰੋ ਅਤੇ ਪੁਲਿਸ ਨਾਲ ਗੱਲ ਕਰਨ ਦੀ ਬੇਨਤੀ ਕਰੋ
• VictimLink BC 'ਤੇ ਜਾਓ ਜਾਂ 1-800-563-0808 'ਤੇ ਕਾਲ/ਟੈਕਸਟ ਕਰੋ
• ਈਮੇਲ VictimLinkBC@bc211.ca

ਇਹ ਕਿਵੇਂ ਕੰਮ ਕਰਦਾ ਹੈ

• ਹਿੰਸਾ ਕਾਰਨ ਘਰ ਛੱਡਣ ਵਾਲੇ ਲੋਕ: ਬੀ ਸੀ ਹਾਊਸਿੰਗ ਲਿੰਗ-ਅਧਾਰਤ ਹਿੰਸਾ ਤੋਂ ਬਚੇ ਲੋਕਾਂ ਲਈ ਪ੍ਰੋਗਰਾਮਾਂ ਵਿੱਚ ਮਦਦ ਕਰਦੀ ਹੈ, ਜਿਸ ਵਿੱਚ ਸੀਮਤ ਆਮਦਨ ਵਾਲੀਆਂ ਔਰਤਾਂ, ਬੱਚੇ ਅਤੇ 2SLGBTQIA+ ਲੋਕ ਸ਼ਾਮਲ ਹਨ ਜੋ ਹਿੰਸਾ ਅਨੁਭਵ ਕਰਦੇ ਹਨ, ਜਾਂ ਉਸ ਦੇ ਜੋਖਮ ਵਿੱਚ ਹਨ। ਪ੍ਰੋਗਰਾਮਾਂ ਵਿੱਚ ਰਹਿਣ ਲਈ ਇੱਕ ਅਸਥਾਈ ਜਗ੍ਹਾ, ਸਹਾਇਤਾ ਸੇਵਾਵਾਂ, ਰੈਫਰਲ (ਸਿਫਾਰਸ਼ਾਂ) ਅਤੇ ਅਗਲੇ ਕਦਮਾਂ ਦੀ ਯੋਜਨਾ ਬਣਾਉਣ ਵਿੱਚ ਸਹਾਇਤਾ ਸ਼ਾਮਲ ਹੈ।
  • ਟ੍ਰਾਂਜ਼ਿਸ਼ਨ ਹਾਊਸ ਅਤੇ ਸੇਫ ਹੋਮ: ਟ੍ਰਾਂਜ਼ਿਸ਼ਨ ਹਾਊਸ ਸੁਰੱਖਿਅਤ, ਅਸਥਾਈ 24/7 ਸਟਾਫ ਵਾਲੀ ਪਨਾਹ ਪ੍ਰਦਾਨ ਕਰਦੇ ਹਨ। ਜ਼ਿਆਦਾਤਰ ਗੁਪਤ ਥਾਵਾਂ 'ਤੇ ਰਿਹਾਇਸ਼ੀ ਘਰ ਹਨ ਜਿੱਥੇ ਔਰਤਾਂ ਅਤੇ ਪਰਿਵਾਰ ਇਕੱਠੇ ਸਾਂਝੇ ਤੌਰ 'ਤੇ ਰਹਿੰਦੇ ਹਨ। ਇਨ੍ਹਾਂ ਘਰਾਂ ਵਿੱਚ ਸਹਾਇਤਾ ਕਰਮਚਾਰੀ ਭਾਵਨਾਤਮਕ ਸਹਾਇਤਾ, ਸੰਕਟ ਦੀ ਸਥਿਤੀ ਵਿੱਚ ਫੌਰੀ ਦੇਖਭਾਲ ਅਤੇ ਸੁਰੱਖਿਆ ਯੋਜਨਾਬੰਦੀ ਪ੍ਰਦਾਨ ਕਰਦੇ ਹਨ।
  • ਦੂਰ-ਦੁਰਾਡੇ ਦੇ ਭਾਈਚਾਰਿਆਂ ਵਿੱਚ ‘ਸੇਫ ਹੋਮਜ਼’ (Safe homes): ‘ਸੇਫ ਹੋਮਜ਼’ ਅਜਿਹੇ ਘਰ ਹਨ ਜੋ ਥੋੜ੍ਹੇ ਸਮੇਂ ਲਈ ਪਨਾਹ, ਭਾਵਨਾਤਮਕ ਸਹਾਇਤਾ, ਸੁਰੱਖਿਆ ਯੋਜਨਾਬੰਦੀ ਅਤੇ ਰੈਫਰਲ ਪ੍ਰਦਾਨ ਕਰਦੇ ਹਨ। ਉਹ ਕਮਿਊਨਿਟੀ ਦੇ ਅਧਾਰ ‘ਤੇ ਕਈ ਤਰੀਕਿਆਂ ਨਾਲ ਪ੍ਰਦਾਨ ਕੀਤੇ ਜਾਂਦੇ ਹਨ, ਜਿਵੇਂ ਕਿ ਕੋਈ ਅਪਾਰਟਮੈਂਟ ਜਾਂ ਟਾਊਨਹਾਊਸ ਯੂਨਿਟ, ਕੋਈ ਹੋਟਲ ਜਾਂ ਮੋਟਲ ਦਾ ਕਮਰਾ, ਜਾਂ ਕਿਸੇ ਨਿੱਜੀ ਘਰ ਵਿੱਚ ਇੱਕ ਸੁਰੱਖਿਅਤ ਕਮਰਾ।
  • ਸੈਕੰਡ ਸਟੇਜ ਹੋਮਜ਼ (Second stage homes): ‘ਸੈਕੰਡ ਸਟੇਜ ਹੋਮ’ ਆਮ ਤੌਰ 'ਤੇ ਇੱਕ ਨਿੱਜੀ, ਸੁਰੱਖਿਅਤ, ਘੱਟ ਲਾਗਤ ਵਾਲੇ ਅਪਾਰਟਮੈਂਟ ਜਾਂ ਟਾਊਨਹਾਊਸ ਹੁੰਦੇ ਹਨ ਜਿੱਥੇ ਤੁਸੀਂ 6-18 ਮਹੀਨਿਆਂ ਲਈ ਸੁਰੱਖਿਅਤ ਅਤੇ ਸੁਤੰਤਰ ਤੌਰ 'ਤੇ ਉਦੋਂ ਰਹਿ ਸਕਦੇ ਹੋ ਜਦ ਤੁਸੀਂ ਸਟਾਫ ਨਾਲ ਅਗਲੇ ਕਦਮਾਂ ਦੀ ਯੋਜਨਾ ਬਣਾਉਂਦੇ ਹੋ। ਇੱਥੇ ਸਟਾਫ ਤੁਹਾਨੂੰ ਭਾਵਨਾਤਮਕ ਸਹਾਇਤਾ, ਸੁਰੱਖਿਆ ਯੋਜਨਾਬੰਦੀ ਅਤੇ ਰੈਫਰਲ ਪ੍ਰਦਾਨ ਕਰ ਸਕਦੇ ਹਨ।
  • ਲੌਂਗ-ਟਰਮ ਹੋਮ (ਲੰਬੀ ਮਿਆਦ ਦੇ ਘਰ): ਲੌਂਗ ਟਰਮ ਹੋਮ ਉਨ੍ਹਾਂ ਔਰਤਾਂ, ਲਿੰਗ-ਵਿਭਿੰਨ ਲੋਕਾਂ ਅਤੇ/ਜਾਂ ਉਹਨਾਂ ਬੱਚਿਆਂ ਲਈ ਸਬਸਿਡੀ ਵਾਲੇ ਕਿਰਾਏ ਦੇ ਘਰ ਹੁੰਦੇ ਹਨ, ਜਿੰਨ੍ਹਾਂ ਨੂੰ ਹਿੰਸਾ ਦਾ ਖਤਰਾ ਹੁੰਦਾ ਹੈ ਜਾਂ ਜੋ ਅਜਿਹੇ ਅਨੁਭਵ ਤੋਂ ਲੰਘੇ ਹਨ। ਪਰਿਵਾਰ ਆਪਣੀ ਕੁੱਲ ਆਮਦਨ ਦਾ 30٪ (ਟੈਕਸਾਂ ਤੋਂ ਪਹਿਲਾਂ) ਹਿੱਸਾ ਕਿਰਾਏ ਵਜੋਂ ਅਦਾ ਕਰਦੇ ਹਨ, ਜਿਸ ਵਿੱਚ ਘੱਟੋ ਘੱਟ ਕਿਰਾਇਆ ਪਰਿਵਾਰ ਵਿੱਚ ਲੋਕਾਂ ਦੀ ਗਿਣਤੀ ਦੇ ਅਧਾਰ ‘ਤੇ ਹੁੰਦਾ ਹੈ। ਸਹਾਇਤਾਵਾਂ ਵੀ ਉਪਲਬਧ ਹਨ, ਜਿਸ ਵਿੱਚ ਸੁਰੱਖਿਆ ਯੋਜਨਾਬੰਦੀ ਅਤੇ ਰੈਫਰਲ ਸ਼ਾਮਲ ਹਨ।
• ਜਿਨ੍ਹਾਂ ਨੂੰ ਬੇਘਰ ਹੋਣ ਦਾ ਜੋਖਮ ਹੈ: ਬਾਲਗਾਂ, ਬਜ਼ੁਰਗਾਂ ਅਤੇ ਅਪੰਗਤਾਵਾਂ ਵਾਲੇ ਲੋਕਾਂ ਲਈ ਸਾਈਟ 'ਤੇ ਸਹਾਇਤਾ ਵਾਲੇ ਸਬਸਿਡੀ ਵਾਲੇ ਘਰ ਜਿਨ੍ਹਾਂ ਨੂੰ ਬੇਘਰ ਹੋਣ ਦਾ ਜੋਖਮ ਹੈ ਜਾਂ ਅਨੁਭਵ ਹੋ ਰਿਹਾ ਹੈ।
• ਬਜ਼ੁਰਗ ਅਤੇ ਅਪੰਗਤਾਵਾਂ ਵਾਲੇ ਲੋਕ: ਰੈਫਰਲ ਰਾਹੀਂ ਬੀ.ਸੀ. ਭਰ ਵਿੱਚ ‘ਅਸਿਸਟਿਡ ਲਿਵਿੰਗ ਰੈਜ਼ੀਡੈਂਸ’ (Assisted Living Residences) ਉਪਲਬਧ ਹਨ।
• ਮਾਨਸਿਕ ਸਿਹਤ ਅਤੇ ਨਸ਼ੇ ਦੀ ਲਤ ਸੰਬੰਧੀ ਸੰਭਾਲ: ਬੀ.ਸੀ. ਵਿੱਚ ਜਨਤਕ ਤੌਰ 'ਤੇ ਫੰਡ ਪ੍ਰਾਪਤ ਬੈੱਡ-ਅਧਾਰਤ ਮਾਨਸਿਕ ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੀਆਂ ਸੇਵਾਵਾਂ ਉਪਲਬਧ ਹਨ।
  • ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੇ ਇਲਾਜ ਅਤੇ ਰਿਕਵਰੀ ਬੈੱਡ: ‘ਹੈਲਪ ਸਟਾਰਟਸ ਹੀਅਰ’ (Help Starts Here) ‘ਤੇ ਨਸ਼ਾਖੋਰੀ, ਇਲਾਜ ਅਤੇ ਰਿਕਵਰੀ ਸੇਵਾਵਾਂ ਦਾ ਵੇਰਵਾ ਅਤੇ ਲਿੰਕ ਸ਼ਾਮਲ ਹਨ, ਜਿਸ ਵਿੱਚ ਖੇਤਰੀ ਸਿਹਤ ਅਥੌਰਿਟੀ ਸੇਵਾਵਾਂ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਲਾਇਸੰਸਸ਼ੁਦਾ ਇਲਾਜ ਅਤੇ ਰਜਿਸਟਰਡ ਸੁਪੋਰਟਿਵ ਰਿਕਵਰੀ ਅਸਿਸਟਿਡ ਲਿਵਿੰਗ ਰੈਜ਼ੀਡੈਂਸ ਸ਼ਾਮਲ ਹਨ।  
  • ਕੌਂਪਲੈਕਸ ਕੇਅਰ ਹਾਊਸਿੰਗ (ਸੰਭਾਲ ਦੀਆਂ ਗੁੰਝਲਦਾਰ ਲੋੜਾਂ ਵਾਲੇ ਲੋਕਾਂ ਲਈ ਰਿਹਾਇਸ਼ਾਂ): ‘ਕੌਂਪਲੈਕਸ ਕੇਅਰ ਹਾਊਸਿੰਗ’ ਮਹੱਤਵਪੂਰਨ ਮਾਨਸਿਕ ਸਿਹਤ, ਨਸ਼ਾਖੋਰੀ, ਜਾਂ ਇੱਕੋ ਸਮੇਂ ‘ਤੇ ਮੌਜੂਦ ਕਈ ਅਵਸਥਾਵਾਂ ਨਾਲ ਜੁੜੀਆਂ ਚੁਣੌਤੀਆਂ, ਅਤੇ ਹੋਰ ਮੁੱਢਲੀਆਂ ਲੋੜਾਂ ਵਾਲੇ ਉਨ੍ਹਾਂ ਲੋਕਾਂ ਦੀ ਸਹਾਇਤਾ ਕਰਦੀ ਹੈ, ਜਿਨ੍ਹਾਂ ਨੂੰ ਬੇਘਰ ਹੋਣ ਦਾ ਜੋਖਮ ਹੁੰਦਾ ਹੈ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਆਪਣੇ ਜਾਂ ਆਪਣੇ ਅਜ਼ੀਜ਼ਾਂ ਲਈ ਉਪਲਬਧ ਸੁਪੋਰਟਿਵ ਹਾਊਸਿੰਗ ਨਾਲ ਸੰਬੰਧਿਤ ਵਿਕਲਪਾਂ ਬਾਰੇ ਵਿਸਤਾਰ ਵਿੱਚ ਦਿੱਤੀ ਜਾਣਕਾਰੀ ਲਈ ਇਸ ਭਾਗ ‘ਤੇ ਦਿੱਤੇ ਸੰਬੰਧਿਤ ਲਿੰਕਾਂ 'ਤੇ ਜਾਓ।

ਹੋਰ ਜਾਣੋ

• ਆਪਣੇ ਲਈ ਜਾਂ ਹਿੰਸਾ ਛੱਡਣ ਵਾਲੇ ਕਿਸੇ ਅਜ਼ੀਜ਼ ਲਈ ਸਹਾਇਤਾਵਾਂ ਬਾਰੇ ਹੋਰ ਜਾਣੋ।
• ਬੀ ਸੀ ਹਾਊਸਿੰਗ ਦੇ ‘ਹੋਮਲੈਸ ਪ੍ਰਿਵੈਨਸ਼ਨ ਪ੍ਰੋਗਰਾਮ’ (Homeless Prevention Program) ਬਾਰੇ ਹੋਰ ਜਾਣੋ
• ਬਜ਼ੁਰਗਾਂ ਅਤੇ ਅਪੰਗਤਾਵਾਂ ਵਾਲੇ ਲੋਕਾਂ ਲਈ ਸਹਾਇਕ ਘਰਾਂ ਬਾਰੇ ਹੋਰ ਜਾਣੋ।
• ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੇ ਇਲਾਜ ਅਤੇ ਰਿਕਵਰੀ ਬੈੱਡਾਂ ਬਾਰੇ ਹੋਰ ਜਾਣੋ।
• ਕੌਂਪਲੈਕਸ ਕੇਅਰ ਹਾਊਸਿੰਗ ਬਾਰੇ ਹੋਰ ਜਾਣੋ

ਬੇਘਰੀ ਤੋਂ ਬਾਹਰ ਨਿਕਲਣ ਦਾ ਰਸਤਾ ਬਣਾਉਣ ਵਿੱਚ ਮਦਦ ਕਰਨ ਲਈ ਸੇਵਾਵਾਂ ਵਾਲੀਆਂ ਅਸਥਾਈ ਸ਼ੈਲਟਰ ਥਾਂਵਾਂ ਤੱਕ ਪਹੁੰਚ ਕਰੋ।

ਇਹ ਕਿਵੇਂ ਕੰਮ ਕਰਦਾ ਹੈ

• ਐਮਰਜੈਂਸੀ ਸ਼ੈਲਟਰ ਅਤੇ ਐਕਸਟ੍ਰੀਮ-ਵ੍ਹੈਦਰ ਰਿਸਪਾਂਸ ਸ਼ੈਲਟਰ ਪ੍ਰੋਗਰਾਮ (Extreme Weather Response Programs): ਐਮਰਜੈਂਸੀ ਸ਼ੈਲਟਰ ਕਿਸੇ ਵੀ ਬੇਘਰ ਜਾਂ ਬੇਘਰ ਹੋਣ ਦੇ ਜੋਖਮ ਵਾਲੇ ਵਿਅਕਤੀ ਲਈ ਰਹਿਣ ਲਈ ਅਸਥਾਈ ਪਰ ਫੌਰੀ ਥਾਂ ਹਨ, ਜੋ ਕਿ ਬੀ.ਸੀ. ਭਰ ਵਿੱਚ ਉਪਲਬਧ ਕਰਵਾਏ ਜਾਂਦੇ ਹਨ। ਅਤਿਅੰਤ ਸਰਦੀਆਂ ਦੇ ਮੌਸਮ ਦੇ ਸਮੇਂ ਦੌਰਾਨ ਵਧੇਰੇ ਐਮਰਜੈਂਸੀ ਸ਼ੈਲਟਰ ਥਾਂਵਾਂ ਉਪਲਬਧ ਕੀਤੀਆਂ ਜਾਂਦੀਆਂ ਹਨ।
• ਡ੍ਰੌਪ-ਇਨ ਸੈਂਟਰ: ਮੂੰਹ-ਹੱਥ ਧੋਣ, ਕੱਪੜੇ ਧੋਣ ਅਤੇ ਹੋਰ ਸੇਵਾਵਾਂ ਦੀ ਵਰਤੋਂ ਕਰਨ ਲਈ ਜਗ੍ਹਾ ਪ੍ਰਦਾਨ ਕਰਦੇ ਹਨ। ਡ੍ਰੌਪ-ਇਨ ਸੈਂਟਰਾਂ ਬਾਰੇ ਜਾਣਕਾਰੀ ਤੁਹਾਡੀ ਸਥਾਨਕ ਮਿਊਂਨਿਸੀਪੈਲਿਟੀ ਅਤੇ ਸਥਾਨਕ ਗੈਰ-ਮੁਨਾਫਾ ਸੰਸਥਾਵਾਂ ਰਾਹੀਂ ਉਪਲਬਧ ਹੈ। 

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਸੂਬੇ ਭਰ ਵਿੱਚ ‘ਹੋਮਲੈਸ ਸ਼ੈਲਟਰ’ ਅਤੇ ਐਮਰਜੈਂਸੀ ਵ੍ਹੈਦਰ ਰਿਸਪਾਂਸ (EWR) ਸ਼ੈਲਟਰਾਂ ਦਾ ਪਤਾ ਲਗਾਉਣ ਲਈ ਐਮਰਜੈਂਸੀ ਸ਼ੈਲਟਰ ਮੈਪ ਦੇਖੋ।
• ਆਪਣੇ ਨੇੜੇ ਡਰੌਪ-ਇਨ ਸੈਂਟਰ ਲੱਭੋ।
• ਕਿਸੇ ਹੋਮਲੈਸ ਆਊਟਰੀਚ ਪ੍ਰੋਗਰਾਮ ਸੇਵਾ ਪ੍ਰਦਾਨਕ ਨਾਲ ਸੰਪਰਕ ਕਰੋ ਜਾਂ ਨਜ਼ਦੀਕੀ ਐਮਰਜੈਂਸੀ ਸ਼ੈਲਟਰ ਵਿਖੇ ਜਾਓ ਅਤੇ ਚੱਲ ਰਹੀ ਸਹਾਇਤਾ ਲਈ ਕਿਸੇ ਆਊਟਰੀਚ ਵਰਕਰ ਨਾਲ ਸੰਪਰਕ ਕਰਨ ਬਾਰੇ ਸਟਾਫ ਨਾਲ ਗੱਲ ਕਰਨ ਲਈ ਬੇਨਤੀ ਕਰੋ।

ਹੋਰ ਜਾਣੋ

• ਬੀ ਸੀ ਹਾਊਸਿੰਗ ਦੇ ਬੇਘਰੀ ਨਾਲ ਸੰਬੰਧਿਤ ਸੇਵਾਵਾਂ ਅਤੇ ਪ੍ਰੋਗਰਾਮਾਂ ਬਾਰੇ ਹੋਰ ਜਾਣੋ।

ਤੁਹਾਨੂੰ ਲੋੜੀਂਦੀਆਂ ਸੇਵਾਵਾਂ ਅਤੇ ਸਹਾਇਤਾ ਪ੍ਰਾਪਤ ਕਰਨ ਵਿੱਚ ਤੁਹਾਡੀ ਮਦਦ ਕਰਨ ਲਈ, ਸਹੀ ਲੋਕਾਂ ਨਾਲ ਸੰਪਰਕ ਕਰੋ, ਜਿੱਥੇ ਅਤੇ ਜਦੋਂ ਤੁਹਾਨੂੰ ਉਹਨਾਂ ਦੀ ਲੋੜ ਹੁੰਦੀ ਹੈ।

ਜੇ ਤੁਸੀਂ ਜਾਂ ਤੁਹਾਡਾ ਕੋਈ ਅਜ਼ੀਜ਼ ਬੇਘਰੀ ਤੋਂ ਲੰਘ ਰਿਹਾ ਹੈ

ਹੋਰ ਜਾਣਕਾਰੀ ਲਈ bchousing.org/housing-assistance/homelessness-services ‘ਤੇ ਜਾਓ।

• ਵਿਅਕਤੀਗਤ ਤੌਰ 'ਤੇ: ਕਿਸੇ ਵੀ ਸ਼ੈਲਟਰ 'ਤੇ ਜਾਓ ਅਤੇ ਬੀ ਸੀ ਹਾਊਸਿੰਗ ਹੋਮਲੈਸ ਆਊਟਰੀਚ ਵਰਕਰ ਨਾਲ ਸੰਪਰਕ ਕਰਨ ਦੀ ਬੇਨਤੀ ਕਰੋ
• ਔਨਲਾਈਨ ਚੈਟ: ਚੈਟ ਖੋਲ੍ਹੋ
• ਕੌਲ/ਟੈਕਸਟ: 2-1-1
• ਈਮੇਲ: https://bc.211.ca/contact-us/#email

ਜੇ ਤੁਹਾਨੂੰ ਜਾਂ ਕਿਸੇ ਅਜ਼ੀਜ਼ ਨੂੰ ਬੇਘਰ ਹੋਣ ਦਾ ਜੋਖਮ ਹੈ

ਹੋਰ ਜਾਣਕਾਰੀ ਲਈ bchousing.org/housing-assistance/homelessness-services ‘ਤੇ ਜਾਓ।

• ਵਿਅਕਤੀਗਤ ਤੌਰ 'ਤੇ: ਕਿਸੇ ਸੇਵਾ-ਪ੍ਰਦਾਨਕ ਜਾਂ ਸ਼ੈਲਟਰ 'ਤੇ ਜਾਓ ਅਤੇ ਬੀ ਸੀ ਹਾਊਸਿੰਗ ਹੋਮਲੈਸ ਪ੍ਰੀਵੈਨਸ਼ਨ ਪ੍ਰੋਗਰਾਮ ਆਊਟਰੀਚ ਵਰਕਰ ਨਾਲ ਸੰਪਰਕ ਕਰਨ ਲਈ ਬੇਨਤੀ ਕਰੋ
• ਔਨਲਾਈਨ ਚੈਟ: ਚੈਟ ਖੋਲ੍ਹੋ
• ਕੌਲ/ਟੈਕਸਟ: 2-1-1
• ਈਮੇਲ: https://bc.211.ca/contact-us/#email

ਜੇ ਤੁਹਾਨੂੰ ਜਾਂ ਕਿਸੇ ਅਜ਼ੀਜ਼ ਨੂੰ ਮਾਨਸਿਕ ਸਿਹਤ ਜਾਂ ਨਸ਼ੇ ਦੀ ਲਤ ਸੰਬੰਧੀ ਸੇਵਾਵਾਂ ਦੀ ਲੋੜ ਹੈ

ਹੋਰ ਜਾਣਕਾਰੀ ਲਈ HelpStartsHere.gov.bc.ca ‘ਤੇ ਜਾਓ।

• ਵਿਅਕਤੀਗਤ ਤੌਰ 'ਤੇ: ਕਿਸੇ ਲਾਇਸੰਸਸ਼ੁਦਾ ਇਲਾਜ ਅਤੇ ਸਹਾਇਕ ਰਿਕਵਰੀ ਸੇਵਾ 'ਤੇ ਜਾਓ
• ਕੌਲ: 310-6789
• ਈਮੇਲ: healthlinkbc@gov.bc.ca

ਜੇ ਤੁਸੀਂ ਜਾਂ ਤੁਹਾਡਾ ਕੋਈ ਅਜ਼ੀਜ਼ ਹਿੰਸਕ, ਬਦਸਲੂਕੀ ਵਾਲਾ ਜਾਂ ਅਸੁਰੱਖਿਅਤ ਘਰ ਛੱਡ ਰਿਹਾ ਹੈ

ਹੋਰ ਜਾਣਕਾਰੀ ਲਈ bchousing.org/housing-assistance/women-leaving-violence ‘ਤੇ ਜਾਓ। ਕਿਸੇ ਸ਼ੈਲਟਰ ਤੋਂ ਕੌਲ ਕਰਨ ਜਾਂ ਕੌਲਾਂ ਲੈਣ ਦਾ ਸਭ ਤੋਂ ਸੁਰੱਖਿਅਤ ਤਰੀਕਾ ਉਸ ਫ਼ੋਨ ਤੋਂ ਹੈ ਜਿਸ ਤੱਕ ਤੁਹਾਡੇ ਸਾਥੀ ਦੀ ਪਹੁੰਚ ਨਹੀਂ ਹੈ, ਜਿਵੇਂ ਕਿ ਕਿਸੇ ਦੋਸਤ ਦਾ ਫ਼ੋਨ।

• ਵਿਅਕਤੀਗਤ ਤੌਰ 'ਤੇ: ਇੱਥੇ ਸੂਚੀਬੱਧ ਕੀਤੀ ਕਿਸੇ ਸ਼ੈਲਟਰ ਲੋਕੇਸ਼ਨ 'ਤੇ ਜਾਓ
• ਕੌਲ/ਟੈਕਸਟ: 1-800-563-0808
• ਈਮੇਲ: VictimLinkBC@bc211.ca

ਜੇ ਤੁਸੀਂ ਜਾਂ ਤੁਹਾਡਾ ਕੋਈ ਅਜ਼ੀਜ਼ ਹੁਣ ਸੁਤੰਤਰ ਤੌਰ 'ਤੇ ਰਹਿਣ ਦੇ ਸਮਰੱਥ ਨਹੀਂ ਹੈ

ਹੋਰ ਜਾਣਕਾਰੀ ਲਈ bchousing.org/housing-assistance/housing-with-support ‘ਤੇ ਜਾਓ।

• ਵਿਅਕਤੀਗਤ ਤੌਰ 'ਤੇ: ਬੀ ਸੀ ਹਾਊਸਿੰਗ ਦੇ ਰੀਜਨਲ ਦਫਤਰ ਵਿਖੇ ਜਾਓ
• ਔਨਲਾਈਨ ਚੈਟ: ਚੈਟ ਖੋਲ੍ਹੋ
• ਕੌਲ ਕਰੋ: 1-800-257-7756
• ਈਮੇਲ: https://bc.211.ca/contact-us/#email

ਜੇ ਤੁਹਾਨੂੰ ਜਾਂ ਕਿਸੇ ਅਜ਼ੀਜ਼ ਨੂੰ ਇੰਡੀਜਨਸ ਹਾਊਸਿੰਗ ਸਹਾਇਤਾ ਦੀ ਲੋੜ ਹੈ

ਹੋਰ ਜਾਣਕਾਰੀ ਲਈ bchousing.org/housing-assistance/rental-housing/indigenous-housing-providers ‘ਤੇ ਜਾਓ।

• ਵਿਅਕਤੀਗਤ ਤੌਰ 'ਤੇ: ਆਪਣੇ ਨਜ਼ਦੀਕੀ ਇੰਡੀਜਨਸ ਹਾਊਸਿੰਗ ਪ੍ਰਦਾਨਕ ਕੋਲ ਜਾਓ
• ਔਨਲਾਈਨ ਚੈਟ: ਚੈਟ ਖੋਲ੍ਹੋ
• ਕਾਲ ਕਰੋ: ਰੈਫਰਲ ਲਈ 1-800-257-7756
• ਈਮੇਲ: https://bc.211.ca/contact-us/#email

ਜ਼ਿਆਦਾਤਰ ਮਕਾਨ ਮਾਲਕ ਹਰ ਸਾਲ ਪ੍ਰੌਪਰਟੀ ਟੈਕਸ ਵਿੱਚ ਘੱਟੋ ਘੱਟ $570 ਦੀ ਬੱਚਤ ਕਰਨ ਲਈ ਅਰਜ਼ੀ ਦੇ ਸਕਦੇ ਹਨ। ਕੁਝ ਲੋਕ ਘੱਟ ਵਿਆਜ ‘ਤੇ ਟੈਕਸ ਮੁਲਤਵੀ ਕਰਨ ਲਈ ਅਰਜ਼ੀ ਦੇ ਸਕਦੇ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

• ਹੋਮਓਨਰ ਗ੍ਰਾਂਟ ਪ੍ਰੋਗਰਾਮ: ਜ਼ਿਆਦਾਤਰ ਮਕਾਨ ਮਾਲਕ ਕੈਪੀਟਲ ਰੀਜਨਲ ਡਿਸਟ੍ਰਿਕਟ, ਮੈਟਰੋ ਵੈਨਕੂਵਰ ਰੀਜਨਲ ਡਿਸਟ੍ਰਿਕਟ ਅਤੇ ਫਰੇਜ਼ਰ ਵੈਲੀ ਰੀਜਨਲ ਡਿਸਟ੍ਰਿਕਟ ਵਿੱਚ ਪ੍ਰੌਪਰਟੀਆਂ ‘ਤੇ $570 ਤੱਕ, ਅਤੇ ਸੂਬੇ ਦੇ ਹੋਰ ਸਾਰੇ ਖੇਤਰਾਂ ਵਿੱਚ $770 ਤੱਕ ਪ੍ਰਾਪਤ ਕਰਨ ਲਈ ਆਮ ਗ੍ਰਾਂਟ ਲਈ ਅਰਜ਼ੀ ਦੇ ਸਕਦੇ ਹਨ।
  • ਕੁਝ ਲੋਕ ਵਧੇਰੇ ਗ੍ਰਾਂਟ ਪ੍ਰੋਗਰਾਮ ਦੇ ਤਹਿਤ ਜ਼ਿਆਦਾ ਰਕਮ ਲਈ ਯੋਗਤਾ ਪ੍ਰਾਪਤ ਕਰ ਸਕਦੇ ਹਨ:
    • ਬਜ਼ੁਰਗ
    • ਵੈਟਰਨ (ਸਾਬਕਾ ਫੌਜੀ)
    • ਅਪੰਗਤਾਵਾਂ ਵਾਲੇ ਵਿਅਕਤੀ
    • ਕਿਸੇ ਮ੍ਰਿਤਕ ਮਕਾਨ ਮਾਲਕ ਦੇ ਜੀਵਨ ਸਾਥੀ ਜਾਂ ਰਿਸ਼ਤੇਦਾਰ
• ਪ੍ਰੌਪਰਟੀ ਟੈਕਸ ਮੁਲਤਵੀ ਕਰਨ ਦਾ ਪ੍ਰੋਗਰਾਮ: ਯੋਗ ਮਕਾਨ ਮਾਲਕ ਦੋ ਸਟ੍ਰੀਮਾਂ ਦੇ ਤਹਿਤ ਪ੍ਰੌਪਰਟੀ ਟੈਕਸ ਨੂੰ ਮੁਲਤਵੀ ਕਰਨ ਲਈ ਘੱਟ ਵਿਆਜ ਵਾਲੇ ਲੋਨ ਲਈ ਅਰਜ਼ੀ ਦੇ ਸਕਦੇ ਹਨ:
  • ਆਮ ਪ੍ਰੋਗਰਾਮ: 55 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਲੋਕ, ਆਪਣੇ ਜੀਵਨ ਸਾਥੀ ਦੀ ਮੌਤ ਤੋਂ ਬਾਅਦ ਕਿਸੇ ਵੀ ਉਮਰ ਦੇ ਵਿਅਕਤੀ, ਅਪੰਗਤਾ ਵਾਲੇ ਵਿਅਕਤੀ
  • ਬੱਚਿਆਂ ਵਾਲੇ ਪਰਿਵਾਰਾਂ ਲਈ ਪ੍ਰੋਗਰਾਮ: ਮਾਪੇ, ਮਤਰੇਏ ਮਾਪੇ ਜਾਂ ਕਿਸੇ ਬੱਚੇ ਦੀ ਵਿੱਤੀ ਸਹਾਇਤਾ ਕਰਨ ਵਾਲੇ

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਆਪਣਾ ਪ੍ਰੌਪਰਟੀ ਟੈਕਸ ਨੋਟਿਸ ਪ੍ਰਾਪਤ ਕਰਨ ਤੋਂ ਬਾਅਦ ਅਤੇ ਟੈਕਸ ਦੇ ਬਕਾਇਆ ਹੋਣ ਤੋਂ ਪਹਿਲਾਂ ਹੋਮ ਓਨਰ ਗ੍ਰਾਂਟ ਲਈ ਹਰ ਸਾਲ ਅਰਜ਼ੀ ਦਿਓ।
• ਜੇ ਤੁਸੀਂ ਯੋਗ ਹੋ, ਤਾਂ ਲੋੜ ਅਨੁਸਾਰ ਪ੍ਰੌਪਰਟੀ ਟੈਕਸ ਮੁਲਤਵੀ ਕਰਨ ਲਈ ਅਰਜ਼ੀ ਦਿਓ।

ਵਧੇਰੇ ਜਾਣੋ

• ਹੋਮ ਓਨਰ ਗ੍ਰਾਂਟ ਪ੍ਰੋਗਰਾਮ ਬਾਰੇ ਵਧੇਰੇ ਜਾਣੋ।
• ਪ੍ਰੌਪਰਟੀ ਟੈਕਸ ਮੁਲਤਵੀ ਕਰਨ ਦੇ ਪ੍ਰੋਗਰਾਮ ਬਾਰੇ ਵਧੇਰੇ ਜਾਣੋ।

ਤੁਹਾਡੇ ਖ਼ਰਚਿਆਂ ਨੂੰ ਘਟਾਉਣ ਲਈ ਬਹੁਤ ਸਾਰੇ ਬੈਨਿਫ਼ਿਟ ਹਨ। ਜਾਣੋ ਕਿ ਤੁਹਾਡੇ ਲਈ ਕੀ ਉਪਲਬਧ ਹੈ।

ਇਹ ਕਿਵੇਂ ਕੰਮ ਕਰਦਾ ਹੈ

• ਬੀ.ਸੀ. ਕਲਾਈਮੇਟ ਐਕਸ਼ਨ ਟੈਕਸ ਕ੍ਰੈਡਿਟ: ਵਿਅਕਤੀਆਂ ਨੂੰ ਇਸ ਸਾਲ ਤਿਮਾਹੀ ਭੁਗਤਾਨ ਵਿੱਚ GST/HST ਛੋਟਾਂ ਦੇ ਨਾਲ $504 ਤੱਕ ਪ੍ਰਾਪਤ ਹੋ ਸਕਦੇ ਹਨ, ਅਤੇ 4 ਮੈਂਬਰਾਂ ਦੇ ਪਰਿਵਾਰ ਨੂੰ $1,008 ਤੱਕ ਪ੍ਰਾਪਤ ਹੋ ਸਕਦੇ ਹਨ।
• ਬੀ ਸੀ ਹਾਇਡਰੋ ਰੇਟਾਂ ਨੂੰ ਮਹਿੰਗਾਈ ਦੀ ਦਰ ਤੋਂ ਹੇਠਾਂ ਰੱਖਣਾ: ਬੀ ਸੀ ਹਾਇਡਰੋ ਦੇ ਗਾਹਕ ਨੌਰਥ ਅਮਰੀਕਾ ਵਿੱਚ ਸਭ ਤੋਂ ਘੱਟ ਬਿਜਲੀ ਦੇ ਬਿੱਲ ਭਰਨ ਵਿੱਚ ਦੂਜੇ ਨੰਬਰ ‘ਤੇ ਹਨ। ਇਨ੍ਹਾਂ ਰੇਟਾਂ ਨੂੰ ਲਗਾਤਾਰ 6 ਸਾਲਾਂ ਲਈ ਮਹਿੰਗਾਈ ਦੀ ਦਰ ਤੋਂ ਹੇਠਾਂ ਰੱਖਿਆ ਗਿਆ ਹੈ (ਮਹਿੰਗਾਈ ਦੀ ਦਰ ਨਾਲੋਂ 15.6% ਘੱਟ)।
• ਹੀਟ ਪੰਪ ਲਈ ਰਿਬੇਟ: ਆਮਦਨ-ਯੋਗ ਬਿਨੈਕਾਰਾਂ ਨੂੰ ਇਸ ਸਮੇਂ ਤੇਲ, ਨੈਚੁਰਲ ਗੈਸ ਅਤੇ ਪ੍ਰੋਪੇਨ ਦੀ ਵਰਤੋਂ ਨਾਲ ਗਰਮ ਕੀਤੇ ਘਰਾਂ ਵਿੱਚ ਉੱਚ-ਕੁਸ਼ਲਤਾ ਵਾਲੇ ਹੀਟ ਪੰਪਾਂ ਵਿੱਚ ਤਬਦੀਲ ਹੋਣ ਲਈ $24,500 ਤੱਕ ਦੀ ਸਿੱਧੀ  ਰਿਬੇਟ ਮਿਲ ਸਕਦੀ ਹੈ। 
• ਮੁਫ਼ਤ ਪੋਰਟੇਬਲ ਏਅਰ ਕੰਡੀਸ਼ਨਰ: ਯੋਗ ਪਰਿਵਾਰ ਅਤਿਅੰਤ ਗਰਮੀ ਦੇ ਸਮਿਆਂ ਵਿੱਚ ਆਪਣੇ ਆਪ ਨੂੰ ਠੰਡਕ ਪਹੁੰਚਾਉਣ ਲਈ ਇੱਕ ਮੁਫ਼ਤ ਪੋਰਟੇਬਲ ਏਅਰ ਕੰਡੀਸ਼ਨਰ ਯੂਨਿਟ ਪ੍ਰਾਪਤ ਕਰਨ ਲਈ ਅਰਜ਼ੀ ਦੇ ਸਕਦੇ ਹਨ। ਔਨਲਾਈਨ ਅਰਜ਼ੀ ਦਿਓ।
• ਘਰਾਂ ਦੀ ਰੈਨੋਵੇਸ਼ਨ (ਨਵੀਨੀਕਰਨ) ਲਈ ਰਿਬੇਟਾਂ: ਪਰਿਵਾਰਾਂ ਨੂੰ ਬਿਜਲੀ ਦੀ ਵਧੇਰੇ ਬੱਚਤ ਕਰਨ ਵਾਲਾ (energy efficient) ਬਣਾਉਣ ਲਈ ਕੀਤੀਆਂ ਜਾਣ ਵਾਲੀਆਂ ਰੈਨੋਵੇਸ਼ਨਾਂ ਦੀਆਂ ਲਾਗਤਾਂ ਲਈ ਯੋਗ ਪਰਿਵਾਰ, $14,000 ਤੱਕ ਦੀ ਰਿਬੇਟ ਪ੍ਰਾਪਤ ਕਰ ਸਕਦੇ ਹਨ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਤੁਹਾਡੇ ਲਈ ਉਪਲਬਧ ਟੈਕਸ ਕ੍ਰੈਡਿਟ ਦਾ ਲਾਭ ਲੈਣ ਲਈ ਆਪਣਾ ਇਨਕਮ ਟੈਕਸ ਫਾਈਲ ਕਰੋ।
• ਹੀਟ ਪੰਪ ਰਿਬੇਟ ਲਈ ਅਰਜ਼ੀ ਦਿਓ।
• ਜੇ ਤੁਹਾਡੇ ਕੋਈ ਸਵਾਲ ਹਨ ਤਾਂ ‘ਐਨਰਜੀ ਕੋਚ’ (Energy Coach) ਨੂੰ ਸੰਪਰਕ ਕਰੋ।
• ਮੁਫ਼ਤ ਪੋਰਟੇਬਲ ਏਅਰ ਕੰਡੀਸ਼ਨਰ ਲਈ ਅਰਜ਼ੀ ਦਿਓ।
• ਘਰ ਦੀ ਰੈਨੋਵੈਸ਼ਨ ਦੀਆਂ ਰਿਬੇਟਾਂ ਤੱਕ ਪਹੁੰਚ ਕਰਨ ਲਈ, ਯੋਗ ਉਤਪਾਦਾਂ ਅਤੇ ਲੋੜਾਂ ਦੀ ਸੂਚੀ ਦੀ ਸਮੀਖਿਆ ਕਰੋ, ਜੇ ਲੋੜ ਹੋਵੇ ਤਾਂ ਕਿਸੇ ਯੋਗ ਕੌਨਟਰੈਕਟਰ ਦੁਆਰਾ ਅਪਗ੍ਰੇਡ ਅਤੇ ਇੰਸਟਾਲ ਕਰਵਾਉਣ ਲਈ ਸੇਵਾਵਾਂ ਦਾ ਭੁਗਤਾਨ ਕਰੋ, ਅਤੇ ਬਿੱਲ ‘ਤੇ ਦੱਸੀ ਤਾਰੀਖ ਦੇ 6 ਮਹੀਨਿਆਂ ਦੇ ਅੰਦਰ ਰਿਬੇਟ ਲਈ ਔਨਲਾਈਨ ਅਰਜ਼ੀ ਦਿਓ।

ਵਧੇਰੇ ਜਾਣੋ

• ਇਲੈਕਟ੍ਰੀਸਿਟੀ ਅਫੋਰਡੇਬਿਲਿਟੀ ਕ੍ਰੈਡਿਟ ਬਾਰੇ ਵਧੇਰੇ ਜਾਣੋ।
• ਕਲਾਈਮੇਟ ਐਕਸ਼ਨ ਟੈਕਸ ਕ੍ਰੈਡਿਟ ਬਾਰੇ ਵਧੇਰੇ ਜਾਣੋ।
• ਆਪਣੇ ਬਿਜਲੀ ਜਾਂ ਘਰ ਦੀ ਊਰਜਾ ਦੇ ਬਿੱਲਾਂ ਵਿੱਚ ਪੈਸੇ ਬਚਾਉਣ ਬਾਰੇ ਵਧੇਰੇ ਜਾਣੋ।
• ਕਲੀਨ ਬੀ ਸੀ (CleanBC) ਹੀਟ ਪੰਪ ਪ੍ਰੋਗਰਾਮ ਬਾਰੇ ਹੋਰ ਜਾਣੋ।
• ਮੁਫ਼ਤ ਪੋਰਟੇਬਲ ਏਅਰ ਕੰਡੀਸ਼ਨਰ ਪ੍ਰੋਗਰਾਮ ਬਾਰੇ ਵਧੇਰੇ ਜਾਣੋ।
• ਕਲੀਨ ਬੀ ਸੀ (CleanBC) ਹੋਮ ਰੈਨੋਵੇਸ਼ਨ ਰਿਬੇਟ ਬਾਰੇ ਵਧੇਰੇ ਜਾਣੋ।
• ਘਰ ਦੇ ਅਤੇ ਕਾਰੋਬਾਰੀ ਖ਼ਰਚਿਆਂ ਨੂੰ ਘਟਾਉਣ ਲਈ ਹੋਰ ਬੈਨਿਫ਼ਿਟਸ ਬਾਰੇ ਹੋਰ ਜਾਣੋ।

ਨਵੇਂ ਨਿਯਮ ਤੁਹਾਡੇ ਘਰ ਵਿੱਚ ਦੂਜਾ, ਤੀਜਾ ਜਾਂ ਚੌਥਾ ਯੂਨਿਟ ਜੋੜਨਾ ਆਸਾਨ, ਤੇਜ਼ ਅਤੇ ਵਧੇਰੇ ਕਿਫ਼ਾਇਤੀ ਬਣਾ ਰਹੇ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

• ਅਸੀਂ ਛੋਟੇ ਪੈਮਾਨੇ ਦੇ ਬਹੁ-ਯੂਨਿਟ ਘਰਾਂ ਨੂੰ ਉਤਸ਼ਾਹਤ ਕਰਨ ਲਈ ਨਵੇਂ ਨਿਯਮ ਪੇਸ਼ ਕੀਤੇ ਹਨ, ਜਿਵੇਂ ਕਿ ਸਿੰਗਲ-ਫੈਮਿਲੀ ਰਿਹਾਇਸ਼ਾਂ, ਗਾਰਡਨ ਸੂਈਟ, ਲੇਨਵੇਅ ਹੋਮਜ਼, ਟ੍ਰਿਪਲੈਕਸਿਸ, ਮਲਟੀਪਲੈਕਸਿਸ ਅਤੇ ਟਾਊਨਹੋਮਜ਼ ਵਿੱਚ ਸੈਕੰਡਰੀ ਸੂਈਟ।
  • ਸੈਕੰਡਰੀ ਸੂਈਟ ਅਤੇ/ਜਾਂ ਸਹਾਇਕ ਰਿਹਾਇਸ਼ੀ ਯੂਨਿਟ ਜਾਂ ADU (ਜਿਵੇਂ ਕਿ ਗਾਰਡਨ ਸੂਈਟ ਅਤੇ ਲੇਨਵੇਅ ਹੋਮਜ਼) ਨੂੰ ਸੂਬੇ ਭਰ ਵਿੱਚ ਉਨ੍ਹਾਂ ਸਿੰਗਲ-ਫੈਮਿਲੀ ਰਿਹਾਇਸ਼ੀ ਜ਼ੋਨਾਂ ਵਿੱਚ ਬਣਾਉਣ ਦੀ ਆਗਿਆ ਦਿੱਤੀ ਜਾਂਦੀ ਹੈ, ਜਿੱਥੇ ਤਿੰਨ ਤੋਂ ਛੇ-ਯੂਨਿਟ ਜ਼ੋਨਿੰਗ ਦੀ ਲੋੜ ਨਹੀਂ ਹੁੰਦੀ।
  • ਕੁਝ ਵਧੇਰੇ ਛੋਟਾਂ ਅਤੇ ਲੋੜਾਂ ਦੇ ਆਧਾਰ ‘ਤੇ, ਜ਼ਮੀਨ ਦੇ ਹਰੇਕ ਪਾਰਸਲ 'ਤੇ ਛੋਟੇ ਪੈਮਾਨੇ ਦੀਆਂ, ਬਹੁ-ਯੂਨਿਟ ਰਿਹਾਇਸ਼ਾਂ ਦੇ ਤਿੰਨ ਤੋਂ ਚਾਰ ਯੂਨਿਟ ਬਣਾਉਣ ਲਈ ਆਗਿਆ ਦਿੱਤੀ ਜਾਣੀ ਚਾਹੀਦੀ ਹੈ, ਜੇਕਰ ਉਸਨੂੰ ਵਿਸ਼ੇਸ਼ ਤੌਰ 'ਤੇ ਸਿੰਗਲ-ਫੈਮਿਲੀ ਜਾਂ ਡੁਪਲੈਕਸ ਰਿਹਾਇਸ਼ਾਂ ਲਈ ਜ਼ੋਨ ਕੀਤਾ ਗਿਆ ਹੋਵੇ, ਜੋ ਹਨ:
    • ਰੀਜਨਲ ਵਿਕਾਸ ਕਾਰਜਨੀਤੀ ਦੁਆਰਾ ਸਥਾਪਤ ‘ਅਰਬਨ ਕੰਟੇਨਮੈਂਟ ਬਾਊਂਡਰੀ’ (ਅਜਿਹੀ ਸੀਮਾ ਜੋ ਸ਼ਹਿਰਾਂ ਨੂੰ ਵਿਕਾਸ ਦੇ ਜ਼ਿਆਦਾਤਰ ਰੂਪਾਂ ਤੋਂ ਵਾਤਾਵਰਨ ਪੱਖੋਂ ਸੁਰੱਖਿਅਤ ਰੱਖਦੀ ਹੈ) ਦੇ ਅੰਦਰ ਪੂਰੀ ਤਰ੍ਹਾਂ ਜਾਂ ਅੰਸ਼ਕ ਤੌਰ 'ਤੇ, ਜਾਂ;
    • 5,000 ਤੋਂ ਵੱਧ ਦੀ ਅਬਾਦੀ ਵਾਲੀ ਮਿਊਂਨਿਸਿਪੈਲਿਟੀ ਦੇ ਅੰਦਰ ਅਤੇ ਪੂਰੀ ਤਰ੍ਹਾਂ ਜਾਂ ਅੰਸ਼ਕ ਤੌਰ 'ਤੇ ਇੱਕ ਅਧਿਕਾਰਤ ਕਮਿਊਨਿਟੀ ਪਲੈਨ ਦੁਆਰਾ ਸਥਾਪਤ ‘ਅਰਬਨ ਕੰਟੇਨਮੈਂਟ ਬਾਊਂਡਰੀ’ ਦੇ ਅੰਦਰ ਹੈ, ਜਾਂ;
    • 5,000 ਤੋਂ ਵੱਧ ਅਬਾਦੀ ਵਾਲੀ ਮਿਊਂਨਿਸਿਪੈਲਿਟੀ ਵਿੱਚ ਜਿਸ ਦੀ ‘ਅਰਬਨ ਕੰਟੇਨਮੈਂਟ ਬਾਊਂਡਰੀ’ ਨਹੀਂ ਹੈ।
  • ਛੋਟੇ-ਪੈਮਾਨੇ ਦੀਆਂ, ਬਹੁ-ਯੂਨਿਟ ਰਿਹਾਇਸ਼ਾਂ ਦੇ ਛੇ ਯੂਨਿਟ ਨੂੰ ਸਿੰਗਲ-ਫੈਮਿਲੀ ਅਤੇ ਡੁਪਲੈਕਸ ਰਿਹਾਇਸ਼ੀ ਲਾਟਾਂ 'ਤੇ ਨਿਰੰਤਰ ਚੱਲਣ ਵਾਲੀ ਬੱਸ ਸੇਵਾ ਦੇ ਨੇੜੇ ਬਣਾਉਣ ਦੀ ਆਗਿਆ ਦਿੱਤੀ ਜਾਣੀ ਚਾਹੀਦੀ ਹੈ, ਜੋ 280 m² ਤੋਂ ਵੱਧ ਹਨ ਅਤੇ ਘੱਟੋ ਘੱਟ 5,000 ਦੀ ਅਬਾਦੀ ਵਾਲੀ ਮਿਊਂਨਿਸਿਪੈਲਿਟੀ ਜਾਂ ਰੀਜਨਲ ਡਿਸਟ੍ਰਿਕਟ ਦੇ ਅੰਦਰ ਹੋਣੇ ਚਾਹੀਦੇ ਹਨ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਸ਼ੁਰੂਆਤ ਕਰਨ ਲਈ ਸੈਕੰਡਰੀ ਸੂਈਟ ਜਾਂ ਸਹਾਇਕ ਰਿਹਾਇਸ਼ੀ ਯੂਨਿਟ ਨੂੰ ਕਿਵੇਂ ਜੋੜਨਾ ਅਤੇ ਪ੍ਰਬੰਧਿਤ ਕਰਨਾ ਹੈ, ਇਸ ਬਾਰੇ ਬੀ.ਸੀ. ਦੀ ਹੋਮ ਸੂਈਟ ਹੋਮ ਗਾਈਡ (PDF, 3.9MB) ਦੇਖੋ।

ਵਧੇਰੇ ਜਾਣੋ

• ਆਪਣੀ ਪ੍ਰੌਪਰਟੀ 'ਤੇ ਵਧੇਰੇ ਘਰ ਬਣਾਉਣ ਅਤੇ ਕਿਰਾਏ 'ਤੇ ਦੇਣ ਬਾਰੇ ਹੋਰ ਜਾਣੋ। (PDF, 3.9 MB)

ਅਸੀਂ ਨਵੇਂ ਕਿਰਾਏ ਦੇ ਯੂਨਿਟ ਉਪਲਬਧ ਕਰਵਾਉਣ ਵਿੱਚ ਸਹਾਇਤਾ ਲਈ ਮਕਾਨ ਮਾਲਕਾਂ ਅਤੇ ਛੋਟੇ-ਪੈਮਾਨੇ ਦੇ ਘਰ ਕਿਰਾਏ ‘ਤੇ ਦੇਣ ਵਾਲਿਆਂ ਨਾਲ ਕੰਮ ਕਰ ਰਹੇ ਹਾਂ।

ਇਹ ਕਿਵੇਂ ਕੰਮ ਕਰਦਾ ਹੈ

• ਸਟ੍ਰੈਟਾ ਪਾਬੰਦੀਆਂ ਹਟਾਈਆਂ ਗਈਆਂ ਹਨ: 24 ਨਵੰਬਰ, 2022 ਤੋਂ, ਕਿਸੇ ਵੀ ਸਟ੍ਰੈਟਾ ਕੌਰਪੋਰੇਸ਼ਨ ਜਾਂ ਸੈਕਸ਼ਨ ਨੂੰ ਰਿਹਾਇਸ਼ਾਂ ਕਿਰਾਏ ‘ਤੇ ਦੇਣ ‘ਤੇ ਪਾਬੰਦੀ ਲਗਾਉਣ ਸੰਬੰਧੀ ਬਾਇ-ਲਾਅ ਰੱਖਣ ਦੀ ਆਗਿਆ ਨਹੀਂ ਹੈ, ਪਰ ਸ਼ੌਰਟ-ਟਰਮ ਰੈਂਟਲ ਪਾਬੰਦੀਆਂ ਅਜੇ ਵੀ ਲਾਗੂ ਹੁੰਦੀਆਂ ਹਨ।
• ਮੁਫ਼ਤ ਸਟੈਂਡਰਡਾਈਜ਼ਡ ਡਿਜ਼ਾਈਨ: ਸੂਬੇ ਕੋਲ ਉਨ੍ਹਾਂ ਲਾਟਾਂ ‘ਤੇ, ਜੋ ਪਹਿਲਾਂ ਸਿੰਗਲ-ਫੈਮਿਲੀ ਘਰਾਂ ਅਤੇ ਡੁਪਲੈਕਸਾਂ ਲਈ ਜ਼ੋਨ ਕੀਤੇ ਗਏ ਸਨ, ਛੋਟੇ-ਪੈਮਾਨੇ ਦੀਆਂ, ਬਹੁ-ਯੂਨਿਟ ਰਿਹਾਇਸ਼ਾਂ ਬਣਾਉਣ ਵਾਲੇ ਲੋਕਾਂ ਲਈ ਨਵੇਂ ਸਟੈਂਡਰਡਾਈਜ਼ਡ ਜਾਂ ਮਿਆਰੀ, ਅਨੁਕੂਲਿਤ ਰਿਹਾਇਸ਼ੀ ਡਿਜ਼ਾਈਨ ਅਤੇ ਇੱਕ ‘ਕੰਪੈਨੀਅਨ ਕੈਟਾਲੌਗ’ ਉਪਲਬਧ ਹਨ।
  • ਡਿਜੀਟਲ ਡਿਜ਼ਾਈਨ ਜਨਤਾ ਲਈ ਮੁਫ਼ਤ ਵਿੱਚ ਉਪਲਬਧ ਹਨ ਅਤੇ ਬਿਲਡਰਾਂ, ਡਿਜ਼ਾਈਨਰਾਂ ਅਤੇ ਘਰ ਦੇ ਮਾਲਕਾਂ ਦੁਆਰਾ ਸਹਾਇਕ ਰਿਹਾਇਸ਼ੀ ਯੂਨਿਟ, ਡੁਪਲੈਕਸਿਸ, ਟ੍ਰਿਪਲੈਕਸਿਸ, ਕੁਆਡਪਲੈਕਸਿਸ ਅਤੇ ਟਾਊਨਹੋਮਜ਼ ਬਣਾਉਣ ਲਈ ਵਰਤੇ ਜਾ ਸਕਦੇ ਹਨ।
  • ਸਥਾਨਕ ਸਰਕਾਰਾਂ ਇਜਾਜ਼ਤ ਅਤੇ ਵਿਕਾਸ ਪ੍ਰਕਿਰਿਆ ਵਿੱਚ ਤੇਜ਼ੀ ਲਿਆਉਣ ਲਈ ਡਿਜ਼ਾਈਨਾਂ ਦੀ ਤੇਜ਼ੀ ਨਾਲ ਪ੍ਰਵਾਨਗੀ ਦੀ ਚੋਣ ਵੀ ਕਰ ਸਕਦੀਆਂ ਹਨ।
• ਅਸੀਂ ਮਕਾਨ ਮਾਲਕਾਂ ਅਤੇ ਛੋਟੇ ਪੈਮਾਨੇ ਦੇ ਘਰ ਕਿਰਾਏ ‘ਤੇ ਦੇਣ ਵਾਲਿਆਂ ਨੂੰ ਨਵੇਂ ਕਿਰਾਏ ਦੇ ਯੂਨਿਟ ਉਪਲਬਧ ਕਰਵਾਉਣ ਵਿੱਚ ਸਹਾਇਤਾ ਕਰਨ ਲਈ ਕੰਮ ਕਰ ਰਹੇ ਹਾਂ, ਜਿਸ ਵਿੱਚ ਵਧੇਰੇ ਸਟਾਫ ਦੀ ਭਰਤੀ ਕਰਨਾ ਅਤੇ ਰੈਜ਼ਿਡੈਂਸ਼ੀਅਲ ਟੈਨੇਂਨਸੀ ਬ੍ਰਾਂਚ (RTB) ਵਿਖੇ ਉਡੀਕ ਦੇ ਸਮੇਂ ਨੂੰ ਘਟਾਉਣਾ ਸ਼ਾਮਲ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਕਿਰਾਏਦਾਰਾਂ ਲਈ ਸਹਾਇਤਾ ਉਪਲਬਧ ਹੈ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਨਵੇਂ ਪ੍ਰੋਗਰਾਮਾਂ ਅਤੇ ਸੇਵਾਵਾਂ ਦੀ ਸ਼ੁਰੂਆਤ ਬਾਰੇ ਸਲਾਹ-ਮਸ਼ਵਰੇ ਅਤੇ ਅੱਪਡੇਟਾਂ ਲਈ ਹਾਊਸਿੰਗ ਅਤੇ ਮਿਊਂਨਿਸਿਪਲ ਮਾਮਲਿਆਂ ਦੀਆਂ ਖ਼ਬਰਾਂ ਲਈ ਸਬਸਕ੍ਰਾਈਬ ਕਰੋ।
• ਸਟ੍ਰੈਟਾ ਵਿੱਚ ਕਿਰਾਏ 'ਤੇ ਘਰ ਲੈਂਦੇ ਜਾਂ ਦਿੰਦੇ ਸਮੇਂ, ਮਕਾਨ ਮਾਲਕਾਂ ਅਤੇ ਕਿਰਾਏਦਾਰਾਂ ਨੂੰ ਰਿਹਾਇਸ਼ੀ ਕਿਰਾਏਦਾਰੀਆਂ ਨਾਲ ਸੰਬੰਧਤ ਵਿਧਾਨਾਂ ਤੋਂ ਇਲਾਵਾ, ਸਟ੍ਰੈਟਾ ਪ੍ਰੌਪਰਟੀ ਐਕਟ ਅਤੇ ਨਿਯਮਾਂ ਅਤੇ ਸਟ੍ਰੈਟਾ ਦੇ ਬਾਇ-ਲਾਅ ਅਤੇ ਅਸੂਲਾਂ ਦੀ ਪਾਲਣਾ ਕਰਨਾ ਲਾਜ਼ਮੀ ਹੈ।

ਵਧੇਰੇ ਜਾਣੋ

• ਸਟ੍ਰੈਟਾ ਵਿੱਚ ਕਿਰਾਏ 'ਤੇ ਘਰ ਲੈਣ ਜਾਂ ਦੇਣ ਬਾਰੇ ਹੋਰ ਜਾਣੋ।

‘ਰੈਜ਼ਿਡੈਂਸ਼ੀਅਲ ਟੈਨੇਂਨਸੀ ਬ੍ਰਾਂਚ’ (Residential Tenancy Branch, RTB) ਰਿਹਾਇਸ਼ੀ ਕਿਰਾਏਦਾਰਾਂ ਲਈ ਜਾਣਕਾਰੀ, ਸਰੋਤ ਅਤੇ ਸੇਵਾਵਾਂ ਪ੍ਰਦਾਨ ਕਰਦੀ ਹੈ।

ਇਹ ਕਿਵੇਂ ਕੰਮ ਕਰਦਾ ਹੈ

• ਨਵੀਂ ਕਿਰਾਏਦਾਰੀ ਸ਼ੁਰੂ ਕਰਦੇ ਸਮੇਂ: ਕਿਰਾਏਦਾਰੀ ਸ਼ੁਰੂ ਕਰਦੇ ਸਮੇਂ ਆਪਣੇ ਅਧਿਕਾਰਾਂ ਅਤੇ ਜ਼ੁੰਮੇਵਾਰੀਆਂ ਅਤੇ ਆਪਣੇ ਮਕਾਨ ਮਾਲਕ ਦੇ ਅਧਿਕਾਰਾਂ ਬਾਰੇ ਜਾਣੋ।
• ਕਿਰਾਏਦਾਰੀ ਦੌਰਾਨ: ਕਿਰਾਏਦਾਰੀ ਸ਼ੁਰੂ ਹੋਣ ਤੋਂ ਬਾਅਦ ਆਪਣੇ ਅਧਿਕਾਰਾਂ ਅਤੇ ਜ਼ੁੰਮੇਵਾਰੀਆਂ ਅਤੇ ਆਪਣੇ ਮਕਾਨ ਮਾਲਕ ਦੇ ਅਧਿਕਾਰਾਂ ਬਾਰੇ ਜਾਣੋ। ਕਿਰਾਏਦਾਰ ਵੱਲੋਂ ਆਪਣੇ ਮਕਾਨ ਮਾਲਕ ਨੂੰ ਸਿਕਿਉਰਿਟੀ ਡੀਪੌਜ਼ਿਟ ਦਾ ਭੁਗਤਾਨ ਕਰਨ ਤੋਂ ਬਾਅਦ ਕਿਰਾਏਦਾਰੀ ਨੂੰ ਲਾਗੂ ਮੰਨਿਆ ਜਾਂਦਾ ਹੈ।
• ਕਿਰਾਏਦਾਰੀ ਖਤਮ ਹੋਣ ‘ਤੇ: ਮਕਾਨ ਮਾਲਕਾਂ ਅਤੇ ਕਿਰਾਏਦਾਰਾਂ ਨੂੰ ਕਿਰਾਏਦਾਰੀ ਨੂੰ ਕਨੂੰਨੀ ਤੌਰ ‘ਤੇ ਖਤਮ ਕਰਨਾ ਲਾਜ਼ਮੀ ਹੈ। ਕਿਰਾਏਦਾਰੀ ਨੂੰ ਖਤਮ ਕਰਦੇ ਸਮੇਂ ਆਪਣੇ ਅਧਿਕਾਰਾਂ ਅਤੇ ਜ਼ੁੰਮੇਵਾਰੀਆਂ ਅਤੇ ਆਪਣੇ ਕਿਰਾਏਦਾਰ ਦੇ ਅਧਿਕਾਰਾਂ ਬਾਰੇ ਜਾਣੋ।
• ਕਿਰਾਏਦਾਰੀ ਸੰਬੰਧੀ ਸਮੱਸਿਆਵਾਂ ਨੂੰ ਹੱਲ ਕਰੋ: ਜਦੋਂ ਮਕਾਨ ਮਾਲਕਾਂ ਅਤੇ ਕਿਰਾਏਦਾਰਾਂ ਵਿੱਚ ਝਗੜਾ ਹੁੰਦਾ ਹੈ, ਤਾਂ ਉਨ੍ਹਾਂ ਨੂੰ ਚੀਜ਼ਾਂ ਬਾਰੇ ਗੱਲ ਕਰਕੇ ਮਸਲਾ ਸੁਲਝਾਉਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ। ਜੇ ਉਹ ਗੱਲਬਾਤ ਜਾਂ ਦਖਲਅੰਦਾਜ਼ੀ ਰਾਹੀਂ ਮੁੱਦੇ ਨੂੰ ਹੱਲ ਕਰਨ ਵਿੱਚ ਅਸਮਰੱਥ ਹਨ, ਤਾਂ ਉਹ ਵਿਵਾਦ ਦੇ ਹੱਲ ਲਈ ਅਰਜ਼ੀ ਦੇ ਸਕਦੇ ਹਨ ਜਾਂ ਜਾਂਚ ਲਈ ਸ਼ਿਕਾਇਤ ਜਮ੍ਹਾਂ ਕਰ ਸਕਦੇ ਹਨ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਸਲਾਹ ਲਈ ਰੈਜ਼ਿਡੈਂਸ਼ੀਅਲ ਟੈਨੇਂਨਸੀ ਬ੍ਰਾਂਚ (RTB) ਦੇ ਸਰੋਤ ਦੇਖੋ ਅਤੇ ਜੇ ਤੁਹਾਨੂੰ ਸਹਾਇਤਾ ਦੀ ਲੋੜ ਹੈ ਤਾਂ ਫ਼ੋਨ, ਈਮੇਲ, ਜਾਂ ਵਿਅਕਤੀਗਤ ਤੌਰ 'ਤੇ ਬ੍ਰਾਂਚ ਨਾਲ ਸੰਪਰਕ ਕਰੋ।

ਵਧੇਰੇ ਜਾਣੋ

• ਰੈਜ਼ਿਡੈਂਸ਼ੀਅਲ ਟੈਨੇਂਨਸੀ ਬ੍ਰਾਂਚ (RTB) ਦੇ ਸਾਧਨਾਂ ਅਤੇ ਸਰੋਤਾਂ ਬਾਰੇ ਵਧੇਰੇ ਜਾਣੋ, ਅਤੇ ਇਸ ਬਾਰੇ ਪਤਾ ਕਰੋ ਕਿ ਜੇ ਤੁਹਾਨੂੰ ਮਦਦ ਦੀ ਲੋੜ ਹੈ ਤਾਂ ਕੀ ਕਰਨਾ ਹੈ।

ਬੀ ਸੀ ਬਿਲਡਜ਼, ਬੀ.ਸੀ. ਭਰ ਵਿੱਚ ਲੋਕਾਂ ਲਈ ਨਵੇਂ ਘਰਾਂ ਦੀ ਉਸਾਰੀ ਵਿੱਚ ਤੇਜ਼ੀ ਲਿਆ ਰਿਹਾ ਹੈ।

ਇਹ ਕਿਵੇਂ ਕੰਮ ਕਰਦਾ ਹੈ

• ਬੀ ਸੀ ਬਿਲਡਜ਼ ਸਰਕਾਰ, ਫਰਸਟ ਨੇਸ਼ਨਜ਼, ਕਮਿਊਨਿਟੀ, ਗੈਰ-ਮੁਨਾਫਾ ਅਤੇ ਪ੍ਰਾਈਵੇਟ ਜ਼ਮੀਨ ਦੇ ਮਾਲਕਾਂ ਨਾਲ ਸਾਂਝੇਦਾਰੀ ਬਣਾਉਂਦਾ ਹੈ, ਘੱਟ ਵਿਆਜ ਵਾਲੇ ਭੁਗਤਾਨਯੋਗ ਲੋਨ ਅਤੇ ਗ੍ਰਾਂਟਾਂ ਪ੍ਰਦਾਨ ਕਰਦਾ ਹੈ, ਅਤੇ ਕਿਸੇ ਬਿਲਡਿੰਗ ਦੀ ਯੋਜਨਾ ਤੋਂ ਉਸਾਰੀ ਤੱਕ ਪਹੁੰਚਣ ਵਿੱਚ ਜੋ ਸਮਾਂ ਲੱਗਦਾ ਹੈ, ਉਸ ਨੂੰ ਘਟਾਉਣ ਲਈ ਪ੍ਰੋਜੈਕਟ ਦੀ ਸਮਾਂ-ਸੀਮਾ ਵਿੱਚ ਹੇਠਾਂ ਦਿੱਤੇ ਕਦਮਾਂ ਰਾਹੀਂ ਤੇਜ਼ੀ ਲਿਆਉਂਦਾ ਹੈ:   
  • ਸਰਕਾਰ, ਫਰਸਟ ਨੇਸ਼ਨਜ਼, ਗੈਰ-ਮੁਨਾਫਾ ਅਤੇ ਕਮਿਊਨਿਟੀ ਪ੍ਰੌਪਰਟੀ-ਮਾਲਕਾਂ ਨਾਲ ਕੰਮ ਕਰਨ ਵਾਲੀ ਟੀਮ ਦੁਆਰਾ, ਰੈਂਟਲ ਵਿਕਾਸ ਲਈ ਘੱਟ ਲਾਗਤ ਵਾਲੀਆਂ ਪ੍ਰੌਪਰਟੀਆਂ ਦੀ ਪਛਾਣ ਕਰਨਾ। ਫਿਰ, ਜ਼ਮੀਨ ਦੇ ਮਾਲਕ ਅਤੇ ਸੰਬੰਧਤ ਸਥਾਨਕ ਸਰਕਾਰ ਨਾਲ ਕੰਮ ਕਰਨਾ ਤਾਂ ਜੋ ਜ਼ਮੀਨ ਨੂੰ ਘੱਟ ਕੀਮਤ 'ਤੇ ਉਪਲਬਧ ਕਰਵਾਇਆ ਜਾ ਸਕੇ ਅਤੇ ਮਨਜ਼ੂਰੀਆਂ ਪ੍ਰਾਪਤ ਕੀਤੀਆਂ ਜਾ ਸਕਣ।
  • ਪ੍ਰੋਜੈਕਟ ਦੇ ਵਿਕਾਸ ਦੀਆਂ ਸਮਾਂ-ਸੀਮਾਵਾਂ ਵਿੱਚ 80% ਤੱਕ ਤੇਜ਼ੀ ਲਿਆਕੇ:
    • ਪ੍ਰਾਈਵੇਟ ਡਿਵੈਲਪਰਾਂ ਅਤੇ ਹਾਊਸਿੰਗ ਔਪਰੇਟਰਾਂ ਨੂੰ ਜ਼ਮੀਨ ਦੀ ਮਲਕੀਅਤ ਸੰਬੰਧੀ ਪ੍ਰੌਪਰਟੀ ਦੇ ਮੌਕਿਆਂ ਨਾਲ ਮੈਚ ਕਰਨਾ;
    • ਵਿਕਾਸ ਪ੍ਰਕਿਰਿਆਵਾਂ ਨੂੰ ਸੁਚਾਰੂ ਬਣਾਉਣਾ;
    • ਰੁਕਾਵਟਾਂ ਨੂੰ ਤੇਜ਼ੀ ਨਾਲ ਖਤਮ ਕਰਨ ਲਈ ਜ਼ਮੀਨ ਦੇ ਮਾਲਕਾਂ, ਮਿਊਂਨਿਸਿਪੈਲਿਟੀਆਂ ਅਤੇ ਡਿਵੈਲਪਰਾਂ ਨਾਲ ਮਿਲ ਕੇ ਕੰਮ ਕਰਨਾ;
    • ਜ਼ਮੀਨ ਦੇ ਮਾਲਕਾਂ ਅਤੇ ਰਿਹਾਇਸ਼ੀ ਡਿਵੈਲਪਰਾਂ ਵਿਚਕਾਰ ਭਾਈਵਾਲੀ ਸਮਝੌਤਿਆਂ ਅਤੇ ਲੀਜ਼ ਦੀਆਂ ਸ਼ਰਤਾਂ ਨੂੰ ਸੁਵਿਧਾਜਨਕ ਬਣਾਉਣਾ, ਅਤੇ ਪ੍ਰਸਤਾਵਾਂ (proposals) ਦੇ ਮੁਲਾਂਕਣ ਵਿੱਚ ਮਦਦ ਕਰਨਾ; ਅਤੇ
    • ਉਨ੍ਹਾਂ ਸੰਭਾਵਤ ਭਾਈਵਾਲਾਂ ਨੂੰ ਪ੍ਰੀਡਿਵੈਲਪਮੈਂਟ ਲੋਨ ਉਪਲਬਧ ਕਰਾਉਣਾ, ਜਿਨ੍ਹਾਂ ਕੋਲ ਜ਼ਮੀਨ ਅਤੇ ਸ਼ੁਰੂਆਤੀ ਯੋਜਨਾ ਹੈ ਪਰ ਉਨ੍ਹਾਂ ਨੂੰ ਆਪਣੇ ਪ੍ਰੋਜੈਕਟ ਨੂੰ ਅੱਗੇ ਵਧਾਉਣ ਲਈ ਵਧੇਰੇ ਵਿੱਤੀ ਸਹਾਇਤਾ ਦੀ ਲੋੜ ਹੈ।
  • ਪ੍ਰੋਜੈਕਟਾਂ ਨੂੰ ਲਾਭਦਾਇਕ ਬਣਾਉਣ ਅਤੇ ਮਾਰਕਿਟ ਰੇਟਾਂ ਤੋਂ ਹੇਠਾਂ ਕੁਝ ਯੂਨਿਟ ਪ੍ਰਦਾਨ ਕਰਨ ਲਈ ਕਿਰਾਏ ਦੀਆਂ ਨਵੀਆਂ ਰਿਹਾਇਸ਼ੀ ਪ੍ਰੌਪਰਟੀਆਂ ਦੇ ਵਿਕਾਸ ਲਈ ਘੱਟ ਵਿਆਜ ਵਾਲੇ ਲੋਨ ਅਤੇ ਗ੍ਰਾਂਟ ਪ੍ਰਦਾਨ ਕਰਕੇ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਘੱਟ ਵਰਤੋਂ ਵਾਲੀ ਜ਼ਮੀਨ ਦੇ ਮਾਲਕਾਂ ਨੂੰ ਇਸ ਦੀ ਵਿਕਾਸ ਦੇ ਮੌਕੇ ਵਜੋਂ ਲਿਸਟਿੰਗ ਬਣਾਉਣ ਬਾਰੇ ਪੁੱਛਗਿੱਛ ਕਰਨ ਲਈ info@bcbuildshomes.ca ‘ਤੇ ਈਮੇਲ ਕਰਨਾ ਚਾਹੀਦਾ ਹੈ।
• ਰਿਹਾਇਸ਼ੀ ਡਿਵੈਲਪਰ ਅਤੇ ਗੈਰ-ਮੁਨਾਫਾ ਹਾਊਸਿੰਗ ਔਪਰੇਟਰ ਮੌਕਿਆਂ ਦੀ ਸਮੀਖਿਆ ਕਰ ਸਕਦੇ ਹਨ ਅਤੇ ਹਾਊਸਿੰਗ ਡਿਵੈਲਪਮੈਂਟ ਔਪਰਚਿਊਨਿਟੀਜ਼ ਪੋਰਟਲ 'ਤੇ ਪ੍ਰਸਤਾਵ ਪੇਸ਼ ਕਰ ਸਕਦੇ ਹਨ।
• ਹਾਊਸਿੰਗ ਡਿਵੈਲਪਮੈਂਟ ਔਪਰਚਿਊਨਿਟੀਜ਼ ਬਾਰੇ ਸਾਡੀਆਂ ਅੱਪਡੇਟਾਂ ਲਈ ਸਾਈਨ ਅੱਪ ਕਰੋ।

ਵਧੇਰੇ ਜਾਣੋ

• ਬੀ ਸੀ ਬਿਲਡਜ਼ ਹੋਮਜ਼ ਫ਼ੌਰ ਪੀਪਲ ਪ੍ਰੋਗਰਾਮ ਬਾਰੇ ਹੋਰ ਜਾਣੋ।

ਨਵੇਂ ਨਿਯਮ, ਸਾਧਨ, ਅਤੇ ਇਨਸੈਂਟਿਵ ਤੁਹਾਡੇ ਘਰ ਵਿੱਚ ਦੂਜਾ, ਤੀਜਾ ਜਾਂ ਚੌਥਾ ਯੂਨਿਟ ਜੋੜਨਾ ਆਸਾਨ, ਤੇਜ਼ ਅਤੇ ਵਧੇਰੇ ਕਿਫ਼ਾਇਤੀ ਬਣਾ ਰਹੇ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

• ਨਵੇਂ ਛੋਟੇ-ਪੈਮਾਨੇ ਦੇ ਬਹੁ-ਯੂਨਿਟ ਹਾਊਸਿੰਗ ਨਿਯਮ (PDF, 4MB): ਨਵੇਂ ਨਿਯਮ ਛੋਟੇ-ਪੈਮਾਨੇ ਦੇ, ਬਹੁ-ਯੂਨਿਟ ਘਰਾਂ ਨੂੰ ਉਤਸ਼ਾਹਤ ਕਰਦੇ ਹਨ, ਜਿਵੇਂ ਕਿ ਸੈਕੰਡਰੀ ਸੂਈਟ, ਗਾਰਡਨ ਸੂਈਟ, ਅਤੇ ਸਿੰਗਲ-ਫੈਮਿਲੀ ਰਿਹਾਇਸ਼ਾਂ ਵਿੱਚ ਲੇਨਵੇਅ ਹੋਮ, ਅਤੇ ਨਾਲ ਹੀ ਡੁਪਲੈਕਸਿਸ, ਟ੍ਰਿਪਲੈਕਸਿਸ ਅਤੇ ਟਾਊਨਹੋਮਜ਼ ਵਿੱਚ।
  • ਸੈਕੰਡਰੀ ਸੂਈਟ ਅਤੇ/ਜਾਂ ਸਹਾਇਕ ਰਿਹਾਇਸ਼ੀ ਯੂਨਿਟ ਜਾਂ ADU (ਜਿਵੇਂ ਕਿ ਗਾਰਡਨ ਸੂਈਟ ਅਤੇ ਲੇਨਵੇਅ ਹੋਮਜ਼) ਨੂੰ ਸੂਬੇ ਭਰ ਵਿੱਚ, ਸਾਰੀਆਂ ਮਿਊਂਨਿਸਿਪੈਲਿਟੀਆਂ ਅਤੇ ਰੀਜਨਲ ਇਲੈਕਟੋਰਲ ਖੇਤਰਾਂ ਵਿੱਚ ਉਨ੍ਹਾਂ ਸਿੰਗਲ-ਫੈਮਿਲੀ ਰਿਹਾਇਸ਼ੀ ਜ਼ੋਨਾਂ ਵਿੱਚ ਬਣਾਉਣ ਦੀ ਆਗਿਆ ਦਿੱਤੀ ਜਾਂਦੀ ਹੈ, ਜਿੱਥੇ ਤਿੰਨ ਤੋਂ ਛੇ-ਯੂਨਿਟ ਜ਼ੋਨਿੰਗ ਦੀ ਲੋੜ ਨਹੀਂ ਹੁੰਦੀ।
  • ਕੁਝ ਵਧੇਰੇ ਛੋਟਾਂ ਅਤੇ ਲੋੜਾਂ ਦੇ ਆਧਾਰ ‘ਤੇ, ਜ਼ਮੀਨ ਦੇ ਹਰੇਕ ਪਾਰਸਲ 'ਤੇ ਛੋਟੇ ਪੈਮਾਨੇ ਦੇ, ਬਹੁ-ਯੂਨਿਟ ਰਿਹਾਇਸ਼ਾਂ ਦੇ ਤਿੰਨ ਤੋਂ ਚਾਰ ਯੂਨਿਟ ਬਣਾਉਣ ਲਈ ਆਗਿਆ ਦਿੱਤੀ ਜਾਣੀ ਲਾਜ਼ਮੀ ਹੈ, ਜੇਕਰ ਉਸਨੂੰ ਵਿਸ਼ੇਸ਼ ਤੌਰ 'ਤੇ ਸਿੰਗਲ-ਫੈਮਿਲੀ ਜਾਂ ਡੁਪਲੈਕਸ ਰਿਹਾਇਸ਼ਾਂ ਲਈ ਜ਼ੋਨ ਕੀਤਾ ਗਿਆ ਹੋਵੇ। ਛੋਟੇ-ਪੈਮਾਨੇ ਦੀਆਂ, ਬਹੁ-ਯੂਨਿਟ ਰਿਹਾਇਸ਼ਾਂ ਦੇ ਛੇ ਯੂਨਿਟ ਨੂੰ ਸਿੰਗਲ-ਫੈਮਿਲੀ ਅਤੇ ਡੁਪਲੈਕਸ ਰਿਹਾਇਸ਼ੀ ਲਾਟਾਂ 'ਤੇ ਨਿਰੰਤਰ ਚੱਲਣ ਵਾਲੀ ਬੱਸ ਸੇਵਾ ਦੇ ਨੇੜੇ ਬਣਾਉਣ ਦੀ ਆਗਿਆ ਦਿੱਤੀ ਜਾਣੀ ਲਾਜ਼ਮੀ ਹੈ, ਜੋ 280 m² ਤੋਂ ਵੱਧ ਹਨ ਅਤੇ ਘੱਟੋ ਘੱਟ 5,000 ਦੀ ਅਬਾਦੀ ਵਾਲੀ ਮਿਊਂਨਿਸਿਪੈਲਿਟੀ ਜਾਂ ਰੀਜਨਲ ਡਿਸਟ੍ਰਿਕਟ ਦੇ ਅੰਦਰ ਹਨ।
• ਸਟੈਂਡਰਡਾਈਜ਼ਡ ਡਿਜ਼ਾਈਨ: ਸੂਬੇ ਕੋਲ ਉਨ੍ਹਾਂ ਲਾਟਾਂ ‘ਤੇ, ਜੋ ਪਹਿਲਾਂ ਸਿੰਗਲ-ਫੈਮਿਲੀ ਘਰਾਂ ਅਤੇ ਡੁਪਲੈਕਸਾਂ ਲਈ ਜ਼ੋਨ ਕੀਤੇ ਗਏ ਸਨ, ਛੋਟੇ-ਪੈਮਾਨੇ ਦੀਆਂ, ਬਹੁ-ਯੂਨਿਟ ਰਿਹਾਇਸ਼ਾਂ ਬਣਾਉਣ ਵਾਲੇ ਲੋਕਾਂ ਲਈ ਨਵੇਂ ਸਟੈਂਡਰਡਾਈਜ਼ਡ ਜਾਂ ਮਿਆਰੀ, ਅਨੁਕੂਲਿਤ ਰਿਹਾਇਸ਼ੀ ਡਿਜ਼ਾਈਨ ਅਤੇ ਇੱਕ ‘ਕੰਪੈਨੀਅਨ ਕੈਟਾਲੌਗ’ ਉਪਲਬਧ ਹਨ।
  • ਡਿਜੀਟਲ ਡਿਜ਼ਾਈਨ ਜਨਤਾ ਲਈ ਮੁਫ਼ਤ ਵਿੱਚ ਉਪਲਬਧ ਹਨ ਅਤੇ ਬਿਲਡਰਾਂ, ਡਿਜ਼ਾਈਨਰਾਂ ਅਤੇ ਘਰ ਦੇ ਮਾਲਕਾਂ ਦੁਆਰਾ ਸਹਾਇਕ ਰਿਹਾਇਸ਼ੀ ਯੂਨਿਟ, ਡੁਪਲੈਕਸਿਸ, ਟ੍ਰਿਪਲੈਕਸਿਸ, ਕੁਆਡਪਲੈਕਸਿਸ ਅਤੇ ਟਾਊਨਹੋਮਜ਼ ਬਣਾਉਣ ਲਈ ਵਰਤੇ ਜਾ ਸਕਦੇ ਹਨ।
  • ਸਥਾਨਕ ਸਰਕਾਰਾਂ ਇਜਾਜ਼ਤ ਅਤੇ ਵਿਕਾਸ ਪ੍ਰਕਿਰਿਆ ਵਿੱਚ ਤੇਜ਼ੀ ਲਿਆਉਣ ਲਈ ਡਿਜ਼ਾਈਨਾਂ ਦੀ ਤੇਜ਼ੀ ਨਾਲ ਪ੍ਰਵਾਨਗੀ ਦੀ ਚੋਣ ਵੀ ਕਰ ਸਕਦੀਆਂ ਹਨ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਸ਼ੁਰੂਆਤ ਕਰਨ ਲਈ ਸੈਕੰਡਰੀ ਸੂਈਟ ਜਾਂ ਸਹਾਇਕ ਰਿਹਾਇਸ਼ੀ ਯੂਨਿਟ ਨੂੰ ਕਿਵੇਂ ਜੋੜਨਾ ਅਤੇ ਪ੍ਰਬੰਧਿਤ ਕਰਨਾ ਹੈ, ਇਸ ਬਾਰੇ ਬੀ.ਸੀ. ਦੀ ਹੋਮ ਸੂਈਟ ਹੋਮ ਗਾਈਡ (PDF, 4MB) ਦੇਖੋ।
• ਆਪਣੇ ਪ੍ਰੋਜੈਕਟ ਦੀ ਸ਼ੁਰੂਆਤ ਕਰਨ ਲਈ ਸਟੈਂਡਰਡਾਈਜ਼ਡ ਡਿਜ਼ਾਈਨ ਕੈਟਾਲੌਗ (PDF, 11.5MB) ਡਾਊਨਲੋਡ ਕਰੋ।

ਵਧੇਰੇ ਜਾਣੋ

• ਆਪਣੀ ਪ੍ਰੌਪਰਟੀ 'ਤੇ ਵਧੇਰੇ ਘਰ ਬਣਾਉਣ ਅਤੇ ਕਿਰਾਏ 'ਤੇ ਦੇਣ ਬਾਰੇ ਹੋਰ ਜਾਣੋ। (PDF, 4MB)  
• ਸਟੈਂਡਰਡਾਈਜ਼ਡ ਹਾਊਸਿੰਗ ਡਿਜ਼ਾਈਨਾਂ ਬਾਰੇ ਹੋਰ ਜਾਣੋ।

ਨਵੇਂ ਸਾਧਨ ਅਤੇ ਇਨਸੈਂਟਿਵ ਮਿਊਂਨਿਸਿਪੈਲਿਟੀਆਂ ਨੂੰ ਵਧੇਰੇ ਟਿਕਾਊ ਅਤੇ ਕਿਫ਼ਾਇਤੀ ਕਮਿਊਨਿਟੀਆਂ ਦਾ ਨਿਰਮਾਣ ਕਰਨ ਵਿੱਚ ਮਦਦ ਕਰ ਰਹੇ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

• ਵਿਕਾਸ ਲਈ ਵਿੱਤੀ ਸਾਧਨ: ਸਥਾਨਕ ਸਰਕਾਰ ਦੇ ਵਿਧਾਨ ਵਿੱਚ ਤਬਦੀਲੀਆਂ, ਨਵੇਂ ਅਤੇ ਅੱਪਡੇਟ ਕੀਤੇ ਰਿਹਾਇਸ਼ੀ ਵਿਕਾਸ ਵਾਸਤੇ ਵਿੱਤ ਲਈ ਸਾਧਨ ਪ੍ਰਦਾਨ ਕਰਦੀਆਂ ਹਨ ਤਾਂ ਜੋ ਸਥਾਨਕ ਸਰਕਾਰਾਂ ਸੰਪੂਰਨ ਅਤੇ ਰਹਿਣ-ਯੋਗ ਭਾਈਚਾਰਿਆਂ ਦੇ ਨਿਰਮਾਣ ਵਿੱਚ ਯੋਗਦਾਨ ਪਾਉਣ ਲਈ ਲੋੜੀਂਦੇ ਬੁਨਿਆਦੀ ਢਾਂਚੇ ਅਤੇ ਸਹੂਲਤਾਂ ਦੀਆਂ ਲਾਗਤਾਂ ਨੂੰ ਫੰਡ ਦੇ ਸਕਣ।
  • ਵਿਕਾਸ ਦੀ ਲਾਗਤ ਦੇ ਖ਼ਰਚੇ (Development Cost Charges, DCCs) ਅਤੇ ਵਿਕਾਸ ਦੀ ਲਾਗਤ ‘ਤੇ ਲੈਵੀਜ਼ (Development Cost Levies, DCL): ਸਥਾਨਕ ਸਰਕਾਰਾਂ ਵਿਕਾਸ ਦੀਆਂ ਮੰਗਾਂ ਨੂੰ ਪੂਰਾ ਕਰਨ ਲਈ ਲੋੜੀਂਦੇ ਵਿਸ਼ੇਸ਼ ਬੁਨਿਆਦੀ ਢਾਂਚੇ ਲਈ ਭੁਗਤਾਨ ਕਰਨ ਵਿੱਚ ਮਦਦ ਕਰਨ ਲਈ ਨਵੇਂ ਵਿਕਾਸ 'ਤੇ DCCs ਇਕੱਤਰ ਕਰ ਸਕਦੀਆਂ ਹਨ।
    • ਅੱਗਾਂ ਪ੍ਰਤੀ ਸੁਰੱਖਿਆ ਸੰਬੰਧੀ ਫੈਸਿਲਿਟੀਆਂ (ਉਦਾਹਰਨ ਲਈ, ਫਾਇਰ ਹਾਲਜ਼), ਪੁਲਿਸ ਫੈਸਿਲਿਟੀਆਂ ਅਤੇ ‘ਸੌਲਿਡ ਵੇਸਟ’ (solid waste) ਫੈਸਿਲਿਟੀਆਂ ਨੂੰ ਹੁਣ DCCs ਅਤੇ DCLs ਦੇ ਜ਼ਰੀਏ ਫੰਡ ਦਿੱਤਾ ਜਾ ਸਕਦਾ ਹੈ।
    • DCC ਅਤੇ DCL ਫਰੇਮਵਰਕ ਵਿੱਚ ਹੁਣ ਸਾਂਝੀ ਲਾਗਤ ਵਾਲੇ ਸੂਬਾਈ ਹਾਈਵੇਅ ਪ੍ਰੋਜੈਕਟ ਸ਼ਾਮਲ ਹਨ, ਜਿਵੇਂ ਕਿ ਇੰਟਰਚੇਂਜ ਅਤੇ ਹਾਈਵੇਅ ਐਗਜ਼ਿਟ। ਮਿਊਂਨਿਸਿਪੈਲਿਟੀਆਂ ਉਨ੍ਹਾਂ ਹਾਈਵੇਅ ਫੈਸਿਲਿਟੀਆਂ ਦੇ ਆਪਣੇ ਹਿੱਸੇ ਨੂੰ ਵਿੱਤੀ ਸਹਾਇਤਾ ਦੇਣ ਲਈ DCCs ਅਤੇ DCLs ਨੂੰ ਇਕੱਤਰ ਕਰਨ ਅਤੇ ਵਰਤਣ ਦੇ ਯੋਗ ਹੋਣਗੀਆਂ, ਜੋ ਸੂਬੇ ਅਤੇ ਮਿਊਂਨਿਸਿਪੈਲਿਟੀ ਵਿਚਕਾਰ ਸਾਂਝੀ ਲਾਗਤ ਨਾਲ ਤਿਆਰ ਕੀਤੀਆਂ ਜਾਂਦੀਆਂ ਹਨ।
  • ਸੁਵਿਧਾ ਲਾਗਤ ਖ਼ਰਚੇ (Amenity Cost Charges, ACCs): ਜਦੋਂ ਨਵੇਂ ਵਿਕਾਸ ਦੇ ਨਤੀਜੇ ਵਜੋਂ ਆਬਾਦੀ ਵਿੱਚ ਵਾਧਾ ਹੁੰਦਾ ਹੈ ਤਾਂ, ACCs ਰਿਹਾਇਸ਼ੀ ਵਿਕਾਸ ਸੰਬੰਧੀ ਵਿੱਤ ਲਈ ਉਹ ਨਵਾਂ ਸਾਧਨ ਹਨ, ਜੋ ਸਥਾਨਕ ਸਰਕਾਰਾਂ ਨੂੰ ਕਮਿਊਨਿਟੀ ਸੈਂਟਰਾਂ, ਮਨੋਰੰਜਨ ਕੇਂਦਰਾਂ (recreation centers), ਡੇ-ਕੇਅਰ ਅਤੇ ਲਾਇਬ੍ਰੇਰੀਆਂ ਵਰਗੀਆਂ ਸੁਵਿਧਾਵਾਂ ਦੇ ਵਿਕਾਸ ਲਈ ਫੰਡ ਇਕੱਠਾ ਕਰਨ ਦੇ ਸਮਰੱਥ ਕਰਦੇ ਹਨ।

• ਇੰਕਲੂਯਨਰੀ ਜ਼ੋਨਿੰਗ: ਇੰਕਲੂਯਨਰੀ ਜ਼ੋਨਿੰਗ ਸਥਾਨਕ ਸਰਕਾਰਾਂ ਨੂੰ ਨਵੀਂ ਰੈਜ਼ਿਡੈਂਸ਼ੀਅਲ ਡਿਵੈਲਪਮੈਂਟ ਵਿੱਚ ਯੂਨਿਟਸ ਦੇ ਇੱਕ ਹਿੱਸੇ ਨੂੰ ਕਿਫ਼ਾਇਤੀ ਹਾਊਸਿੰਗ ਯੂਨਿਟਾਂ ਲਈ ਅਲਾਟ ਕਰਨ ਦੀ ਲੋੜ ਲਈ ਇਜਾਜ਼ਤ ਦਿੰਦੀ ਹੈ। ਇੰਕਲੂਯਨਰੀ ਜ਼ੋਨਿੰਗ ਲਾਗੂ ਕਰਨ ਲਈ:
  • ਸਥਾਨਕ ਸਰਕਾਰਾਂ ਨੂੰ ਸਲਾਹ-ਮਸ਼ਵਰਾ ਕਰਨ, ਵਿੱਤੀ ਸੰਭਾਵਨਾ ਦਾ ਵਿਸ਼ਲੇਸ਼ਣ ਕਰਨ ਅਤੇ ਸਭ ਤੋਂ ਤਾਜ਼ਾ ਰਿਹਾਇਸ਼ੀ ਲੋੜਾਂ ਦੀ ਰਿਪੋਰਟ 'ਤੇ ਵਿਚਾਰ ਕਰਨ ਦੀ ਜ਼ਰੂਰਤ ਹੋਵੇਗੀ
  • ਸਥਾਨਕ ਸਰਕਾਰਾਂ ਕਿਫ਼ਾਇਤੀ ਯੂਨਿਟਸ ਦੇ ਬਦਲੇ ਨਕਦ ਰਕਮ ਇਕੱਤਰ ਕਰ ਸਕਦੀਆਂ ਹਨ ਅਤੇ ਕਿਫ਼ਾਇਤੀ ਯੂਨਿਟਸ ਨੂੰ ਕਿਸੇ ਹੋਰ ਸਾਈਟ 'ਤੇ ਉਪਲਬਧ ਕਰਵਾਉਣ ਦੀ ਆਗਿਆ ਦੇ ਸਕਦੀਆਂ ਹਨ
• ‘ਡੈਨਸਿਟੀ ਬੋਨਸ’ ਟੂਲ ਲਈ ਅੱਪਡੇਟ: ‘ਡੈਨਸਿਟੀ ਬੋਨਸ’ (ਅਜਿਹਾ ਬੋਨਸ ਜੋ ਡਿਵੈਲਪਰਾਂ ਲਈ ਪ੍ਰੋਤਸਾਹਨ ਵਜੋਂ ਜ਼ੋਨਿੰਗ ਕੋਡ ਦੀ ਇਜਾਜ਼ਤ ਤੋਂ ਇਲਾਵਾ ਵਿਕਾਸ ਦੀ ਇਜਾਜ਼ਤ ਦਿੰਦਾ ਹੈ) ਇੱਕ ਮੌਜੂਦਾ ਸਾਧਨ ਹੈ ਜਿਸ ਨੂੰ ਸਥਾਨਕ ਸਰਕਾਰਾਂ, ਕਿਸੇ ਡਿਵੈਲਪਰ ਨੂੰ ਕਿਫ਼ਾਇਤੀ ਰਿਹਾਇਸ਼ਾਂ ਜਾਂ ਸੁਵਿਧਾਵਾਂ ਉਪਲਬਧ ਕਰਵਾਉਣ ਦੇ ਬਦਲੇ ਉੱਚ ਘਣਤਾ ਬਣਾਉਣ ਦਾ ਵਿਕਲਪ ਪ੍ਰਦਾਨ ਕਰਨ ਲਈ ਵਰਤਦੀਆਂ ਹਨ।
  • ਇਸ ਟੂਲ ਨੂੰ ਇਸਦੀ ਵਰਤੋਂ ਵਿੱਚ ਸਪੱਸ਼ਟਤਾ ਅਤੇ ‘ਇੰਕਲੂਯਨਰੀ ਜ਼ੋਨਿੰਗ’ ਦੇ ਨਾਲ ਇਕਸਾਰਤਾ ਨੂੰ ਵਧਾਉਣ ਲਈ ਅੱਪਡੇਟ ਕੀਤਾ ਗਿਆ ਹੈ, ਜਿਸ ਵਿੱਚ ਸ਼ਾਮਲ ਹਨ: 
    • ਡੈਨਸਿਟੀ ਬੋਨਸ ਬਾਇ-ਲਾਅ ਨੂੰ ਵਿਕਸਤ ਕਰਨ ਜਾਂ ਸੋਧਣ ਵੇਲੇ ਸਥਾਨਕ ਸਰਕਾਰਾਂ ਨੂੰ ਸਲਾਹ-ਮਸ਼ਵਰਾ ਅਤੇ ਵਿੱਤੀ ਸੰਭਾਵਨਾ ਦਾ ਵਿਸ਼ਲੇਸ਼ਣ ਕਰਨ ਦੀ ਲੋੜ ਨੂੰ ਲਾਜ਼ਮੀ ਬਣਾਉਣਾ
    • ਸਥਾਨਕ ਸਰਕਾਰਾਂ ਡਿਵੈਲਪਰਾਂ ਨੂੰ ਸੁਵਿਧਾਵਾਂ ਜਾਂ ਕਿਫ਼ਾਇਤੀ ਰਿਹਾਇਸ਼ਾਂ ਦੇ ਬਦਲੇ ਨਕਦ ਰਕਮ ਪ੍ਰਦਾਨ ਕਰਕੇ ਜਾਂ ਕਿਸੇ ਹੋਰ ਸਾਈਟ 'ਤੇ ਕਿਫ਼ਾਇਤੀ ਰਿਹਾਇਸ਼ਾਂ ਬਣਾ ਕੇ ਡੈਨਸਿਟੀ ਬੋਨਸ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਦੀ ਆਗਿਆ ਦੇ ਸਕਦੀਆਂ ਹਨ
    • ਡੈਨਸਿਟੀ ਬੋਨਸ ਵਿਧਾਨ ਵਿੱਚ ਤਬਦੀਲੀਆਂ ਕਾਊਂਸਿਲ ਵਿੱਚ ਲੈਫਟੀਨੈਂਟ ਗਵਰਨਰ ਦੁਆਰਾ ਨਿਰਧਾਰਤ ਤਾਰੀਖ ਤੋਂ ਲਾਗੂ ਹੋਣਗੀਆਂ, ਜੋ 30 ਜੂਨ, 2025 ਨੂੰ ਜਾਂ ਉਸ ਤੋਂ ਬਾਅਦ ਹੋਣਾ ਲਾਜ਼ਮੀ ਹੈ। ਇਸ ਸਮੇਂ, ਸਾਰੇ ਮੌਜੂਦਾ ਡੈਨਸਿਟੀ ਬੋਨਸ ਬਾਇ-ਲਾਅਜ਼ ਲਈ ਨਵੀਆਂ ਵਿਧਾਨਕ ਲੋੜਾਂ ਦੀ ਪਾਲਣਾ ਕਰਨਾ ਲਾਜ਼ਮੀ ਹੈ, ਅਤੇ ਡੈਨਸਿਟੀ ਬੋਨਸ ਦੀ ਵਰਤੋਂ ਸਿਰਫ ਟ੍ਰਾਂਜ਼ਿਟ-ਕੇਂਦਰਿਤ ਖੇਤਰਾਂ ਵਿੱਚ ਘੱਟੋ ਘੱਟ ਸਵੀਕਾਰਯੋਗ ਘਣਤਾ ਦੇ ਉੱਪਰ ਕੀਤੀ ਜਾ ਸਕਦੀ ਹੈ
• ਕਿਰਾਏਦਾਰਾਂ ਦੀ ਸੁਰੱਖਿਆ ਲਈ ਬਾਇ-ਲਾਅ: ਬਿੱਲ 16 ਮਿਊਂਨਿਸਿਪੈਲਿਟੀਆਂ ਨੂੰ ਕਿਰਾਏਦਾਰਾਂ ਦੀ ਸੁਰੱਖਿਆ ਲਈ ਬਾਇ-ਲਾਅ ਵਿਕਸਤ ਕਰਨ ਦਾ ਅਧਿਕਾਰ ਦਿੰਦਾ ਹੈ ਤਾਂ ਜੋ ਡਿਵੈਲਪਰਾਂ ਨੂੰ ਮੁੜ-ਵਿਕਾਸ (redevelopment) ਦੇ ਮਾਮਲਿਆਂ ਵਿੱਚ ਵਿਸਥਾਪਿਤ ਹੋਏ ਕਿਰਾਏਦਾਰਾਂ ਲਈ ਵਧੇਰੇ ਸਹਾਇਤਾ ਦੇਣਾ ਲਾਜ਼ਮੀ ਹੋਵੇ, ਜਿਸ ਵਿੱਚ ਵਿੱਤੀ ਸਹਾਇਤਾ, ਇੱਕ ਘਰ ਤੋਂ ਦੂਜੇ ਘਰ ਵਿੱਚ ਸ਼ਿਫਟ (moving) ਹੋਣ ਲਈ ਸਹਾਇਤਾ, ਜਾਂ ਕਿਸੇ ਹੋਰ ਇਮਾਰਤ ਦੇ ਮਾਲਕ ਨਾਲ ਨਵਾਂ ਕਿਰਾਏਦਾਰੀ ਸਮਝੌਤਾ ਕਰਨ ਦਾ ਅਧਿਕਾਰ ਸ਼ਾਮਲ ਹੋ ਸਕਦਾ ਹੈ।
• ਸਾਈਟ-ਪੱਧਰੀ ਬੁਨਿਆਦੀ ਢਾਂਚਾ ਅਤੇ ਟ੍ਰਾਂਸਪੋਰਟੇਸ਼ਨ ਡਿਮਾਂਡ ਮੈਨੇਜਮੈਂਟ ਅਥੌਰਿਟੀਆਂ (Transportation Demand Management, TDM): ਬਿੱਲ 16 ਨਵੀਆਂ ਅਥੌਰਿਟੀਆਂ ਨੂੰ ਸੰਪੂਰਨ ਭਾਈਚਾਰਿਆਂ ਦੀ ਸਹਾਇਤਾ ਕਰਨ ਲਈ ਸੁਰੱਖਿਅਤ ਪ੍ਰਮੁੱਖ ਨਤੀਜੇ ਪ੍ਰਦਾਨ ਕਰਦਾ ਹੈ, ਜਿਸ ਵਿੱਚ ਸ਼ਾਮਲ ਹਨ:
  • ਵਿਸਤ੍ਰਿਤ ਕਾਰਜ ਅਤੇ ਸੇਵਾਵਾਂ ਅਥੌਰਿਟੀਆਂ ਜੋ ਸਥਾਨਕ ਸਰਕਾਰਾਂ ਨੂੰ ਹੋਰ ਹਾਲਾਤਾਂ ਵਿੱਚ ਕੰਮਾਂ ਅਤੇ ਸੇਵਾਵਾਂ ਦੀ ਵਿਆਪਕ ਲੜੀ ਦੀ ਲੋੜ ਰੱਖਣ ਦੀ ਆਗਿਆ ਦਿੰਦੀਆਂ ਹਨ। ਉਦਾਹਰਨ ਲਈ, ਸਥਾਨਕ ਸਰਕਾਰਾਂ ਨੂੰ ਸਟ੍ਰੀਟ ਫਰਨੀਚਰ, ਸਟ੍ਰੀਟ ਲਾਈਟਾਂ ਅਤੇ ਹੋਰ ਬਹੁਤ ਕੁਝ ਦੀ ਜ਼ਰੂਰਤ ਹੋ ਸਕਦੀ ਹੈ।
  • ਟ੍ਰਾਂਸਪੋਰਟੇਸ਼ਨ ਡਿਮਾਂਡ ਮੈਨੇਜਮੈਂਟ (Transportation Demand Management, TDM) ਅਥੌਰਿਟੀਆਂ ਜੋ ਸਥਾਨਕ ਸਰਕਾਰਾਂ ਨੂੰ ਨਵੇਂ ਵਿਕਾਸ ਵਿੱਚ TDM ਉਪਾਵਾਂ ਨੂੰ ਪਰਿਭਾਸ਼ਿਤ ਕਰਨ ਅਤੇ ਲੋੜੀਂਦੇ ਕਰਨ ਦੀ ਆਗਿਆ ਦਿੰਦੀਆਂ ਹਨ। ਉਦਾਹਰਨ ਲਈ, ਇਸ ਵਿੱਚ ਚਾਰਜਿੰਗ ਸਟੇਸ਼ਨ ਜਾਂ ਬਾਈਕ ਪਾਰਕਿੰਗ ਵਰਗੀਆਂ ਚੀਜ਼ਾਂ ਸ਼ਾਮਲ ਹੋ ਸਕਦੀਆਂ ਹਨ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ‘ਇਨਟੈਰਿਮ ਗਾਈਡੈਂਸ: ਇੰਕਲੂਯਨਰੀ ਜ਼ੋਨਿੰਗ ਐਂਡ ਡੈਨਸਿਟੀ ਬੋਨਸ’ (Interim Guidance: Inclusionary Zoning and Density Bonus, PDF 299KB) ਪੜ੍ਹੋ
• ‘ਇਨਟੈਰਿਮ ਗਾਈਡੈਂਸ: ਟੈਨੇਂਨਟ ਪ੍ਰੋਟੈਕਸ਼ਨ ਬਾਇ-ਲਾਅਜ਼’ (Interim Guidance: Tenant Protection Bylaws, PDF 245KB) ਪੜ੍ਹੋ
• ਜਦੋਂ ਨਵੇਂ ਮਿਊਂਨਿਸਿਪਲ ਸਾਧਨ ਅਤੇ ਇਨਸੈਂਟਿਵ ਤਿਆਰ ਕੀਤੇ ਜਾ ਰਹੇ ਹਨ, ਤਾਂ ਅੱਪਡੇਟਸ ਲਈ ਸਬਸਕ੍ਰਾਈਬ ਕਰੋ।

ਵਧੇਰੇ ਜਾਣੋ

ਟਿਕਾਊ ਕਮਿਊਨਿਟੀਆਂ ਦੇ ਨਿਰਮਾਣ ਲਈ ਸਥਾਨਕ ਸਰਕਾਰ ਦੇ ਨਵੇਂ ਸਾਧਨਾਂ ਬਾਰੇ ਹੋਰ ਜਾਣੋ।

ਬਿਲਡਿੰਗ ਪਰਮਿਟ ਪ੍ਰਕਿਰਿਆ ਹੋਰ ਸੌਖੀ ਹੈ ਅਤੇ ਘੱਟ ਲਾਗਤ ਨਾਲ ਇਮਾਰਤਾਂ ਦੀਆਂ ਵਧੇਰੇ ਕਿਸਮਾਂ ਬਣਾਈਆਂ ਜਾ ਸਕਦੀਆਂ ਹਨ।

ਇਹ ਕਿਵੇਂ ਕੰਮ ਕਰਦਾ ਹੈ

• ਪਰਮਿਟ ਕਨੈਕਟ ਬੀ ਸੀ: ਬੀ.ਸੀ. ਸਰਕਾਰ ਇੱਕ ਨਵੀਂ ਤਾਲਮੇਲ ਵਾਲੀ ਪਹੁੰਚ ਨਾਲ ਰਿਹਾਇਸ਼ੀ ਵਿਕਾਸ ਪ੍ਰੋਜੈਕਟਾਂ ਨੂੰ ਆਸਾਨ ਬਣਾ ਰਹੀ ਹੈ।  
  • ਕੁਦਰਤੀ ਸਰੋਤਾਂ ਸੰਬੰਧੀ ਸੂਬਾਈ ਪਰਮਿਟਾਂ ਲਈ ਇੱਕ ਸਿੰਗਲ ਐਪਲੀਕੇਸ਼ਨ ਪੋਰਟਲ ਹੁਣ ਉਪਲਬਧ ਹੈ।
  • ਤੁਸੀਂ ਕੁਦਰਤੀ ਸਰੋਤਾਂ ਸੰਬੰਧੀ ਆਪਣੇ ਸਾਰੇ ਸੂਬਾਈ ਪਰਮਿਟਾਂ ਲਈ ਇੱਕੋ ਥਾਂ 'ਤੇ ਅਰਜ਼ੀ ਦੇ ਸਕਦੇ ਹੋ, ਜਿਸ ਨਾਲ ਤੁਹਾਨੂੰ ਲੋੜੀਂਦੇ ਪਰਮਿਟਾਂ ਦੀ ਪਛਾਣ ਕਰਨ, ਪਰਮਿਟ ਅਰਜ਼ੀਆਂ ਨੂੰ ਟਰੈਕ ਕਰਨ, ਅਤੇ ਤੁਹਾਨੂੰ ਵਿਸ਼ੇਸ਼ ਤੌਰ ‘ਤੇ ਲੋਕੇਸ਼ਨ-ਸੰਬੰਧਤ ਪਰਮਿਟ ਜਾਣਕਾਰੀ ਨਾਲ ਜੋੜਨ ਵਿੱਚ ਮਦਦ ਮਿਲ ਸਕਦੀ ਹੈ।
• ਨਵਾਂ ਮਿਊਂਨਿਸਿਪਲ ਬਿਲਡਿੰਗ ਪਰਮਿਟ ਹੱਬ: ਨਵਾਂ ਬਿਲਡਿੰਗ ਪਰਮਿਟ ਹੱਬ ਤੁਹਾਨੂੰ ਬੀ.ਸੀ. ਭਰ ਦੇ ਅਧਿਕਾਰ ਖੇਤਰਾਂ ਵਿੱਚ ਇੱਕ ਸੁਚਾਰੂ ਅਤੇ ਮਿਆਰੀ ਪਹੁੰਚ ਰਾਹੀਂ ਬਿਲਡਿੰਗ ਪਰਮਿਟ ਅਰਜ਼ੀ ਜਮ੍ਹਾਂ ਕਰਨ ਵਿੱਚ ਮਦਦ ਕਰਦਾ ਹੈ।
  • ਇਹ ਟੂਲ ਤੁਹਾਨੂੰ ਬਿਲਡਿੰਗ ਪਰਮਿਟ ਜਮ੍ਹਾਂ ਕਰਨ ਦੀ ਪ੍ਰਕਿਰਿਆ ਵਿੱਚ ਸਹਾਇਤਾ ਦੇਣ ਲਈ ਸਥਾਨਕ ਸਰਕਾਰ ਅਤੇ ਫਰਸਟ ਨੇਸ਼ਨ ਜਾਣਕਾਰੀ ਨਾਲ ਜੋੜਦਾ ਹੈ।
  • ਇਹ ਤੁਹਾਨੂੰ ਲੋੜੀਂਦੀ ਬਿਲਡਿੰਗ ਪਰਮਿਟ ਜਾਣਕਾਰੀ ਨੂੰ ਆਸਾਨੀ ਨਾਲ ਅਪਲੋਡ ਕਰਨ, ਭਾਗ ਲੈਣ ਵਾਲੇ ਅਧਿਕਾਰ ਖੇਤਰਾਂ ਵਿੱਚ ਮਿਆਰੀ ਲੋੜਾਂ ਦੀ ਪਾਲਣਾ ਕਰਨ, ਅਤੇ ਬਿਲਡਿੰਗ ਪਰਮਿਟ ਅਰਜ਼ੀ ਜਮ੍ਹਾਂ ਕਰਨ ਲਈ ਸਧਾਰਣ ਹਦਾਇਤਾਂ ਦੀ ਪਾਲਣਾ ਕਰਨ ਦੇ ਯੋਗ ਬਣਾਉਂਦਾ ਹੈ।
  • ਤੁਸੀਂ ਇਸ ਸਮੇਂ ਰੀਜਨਲ ਡਿਸਟ੍ਰਿਕਟ ਔਫ ਕੋਵੀਚਨ ਵੈਲੀ, ਸਿਟੀ ਔਫ ਲੈਂਗਲੀ, ਕੌਰਪੋਰੇਸ਼ਨ ਔਫ ਦ ਸਿਟੀ ਔਫ ਨੌਰਥ ਵੈਨਕੂਵਰ, ਅਤੇ ਕੌਰਪੋਰੇਸ਼ਨ ਔਫ ਦ ਡਿਸਟ੍ਰਿਕਟ ਔਫ ਸੈਨਿਚ ਵਿੱਚ ਬਿਲਡਿੰਗ ਪਰਮਿਟ ਲਈ ਅਰਜ਼ੀਆਂ ਜਮ੍ਹਾਂ ਕਰ ਸਕਦੇ ਹੋ। ਇਸ ਸੂਚੀ ਵਿੱਚ ਹੋਰ ਥਾਂਵਾਂ ਜਲਦੀ ਆ ਰਹੀਆਂ ਹਨ।
• ‘ਸਿੰਗਲ ਐਗਜ਼ਿਟ ਸਟੇਅਰ’ ਇਮਾਰਤਾਂ: ‘ਸਿੰਗਲ ਐਗਜ਼ਿਟ ਸਟੇਅਰ’ (ਐਮਰਜੈਂਸੀ ਦੀ ਸਥਿਤੀ ਵਿੱਚ ਇਮਾਰਤ ਤੋਂ ਸੁਰੱਖਿਅਤ ਢੰਗ ਨਾਲ ਨਿਕਲਣ ਲਈ ਪੌੜੀਆਂ) ਇਮਾਰਤਾਂ ਦੇ ਡਿਜ਼ਾਈਨ ਅਤੇ ਨਿਰਮਾਣ ਦੀ ਆਗਿਆ ਦੇਣ ਵਾਲੇ ਕੋਡ ਵਿੱਚ ਤਬਦੀਲੀਆਂ 27 ਅਗਸਤ, 2024 ਨੂੰ ਲਾਗੂ ਹੋਈਆਂ ਸਨ।
• ਟ੍ਰਾਂਜ਼ਿਟ-ਕੇਂਦਰਿਤ ਵਿਕਾਸ: ਟ੍ਰਾਂਜ਼ਿਟ-ਕੇਂਦਰਿਤ ਵਿਕਾਸ (Transit Oriented Development, TOD) ਜ਼ਮੀਨ ਦੀ ਵਰਤੋਂ ਦੀ ਯੋਜਨਾਬੰਦੀ ਲਈ ਇੱਕ ਅਜਿਹੀ ਪਹੁੰਚ ਹੈ ਜੋ ਅਕਸਰ ਉੱਚ-ਘਣਤਾ, ਮਿਸ਼ਰਤ ਵਰਤੋਂ ਦੇ ਡਿਵੈਲਪਮੈਂਟ ਨੂੰ ਆਵਾਜਾਈ ਸੇਵਾਵਾਂ ਤੋਂ ਪੈਦਲ ਚੱਲਣ ਦੀ ਦੂਰੀ ਦੇ ਦਾਇਰੇ ਵਿੱਚ ਰੱਖਦੀ ਹੈ, ਅਤੇ ਆਮ ਤੌਰ 'ਤੇ ਰਿਹਾਇਸ਼ੀ, ਕਮਰਸ਼ੀਆਲ ਅਤੇ ਕਮਿਊਨਿਟੀ ਸੇਵਾਵਾਂ ਨੂੰ ਸ਼ਾਮਲ ਕਰਦੀ ਹੈ।  
  • ਬੀ.ਸੀ. ਵਿੱਚ 52 TOD ਖੇਤਰ ਨਿਰਧਾਰਤ ਕੀਤੇ ਗਏ ਹਨ, ਜਿੱਥੇ ਸਥਾਨਕ ਸਰਕਾਰਾਂ ਨੂੰ ਇਹ ਕਰਨਾ ਲਾਜ਼ਮੀ ਹੈ:
    • ਇਹ ਸੁਨਿਸ਼ਚਿਤ ਕਰਨਾ ਕਿ ਨਿਯਮਾਂ ਵਿੱਚ ਸੂਬੇ ਦੁਆਰਾ ਨਿਰਧਾਰਤ ਡੈਨਸਿਟੀ, ਸਾਈਜ਼ ਅਤੇ ਡਾਇਮੈਨਸ਼ਨ ਦੀ ਘੱਟੋ ਘੱਟ ਮਾਤਰਾ ਦੀ TOD ਖੇਤਰਾਂ ਵਿੱਚ ਆਗਿਆ ਹੈ।
    • ਔਫ-ਸਟ੍ਰੀਟ ਰਿਹਾਇਸ਼ਾਂ ਲਈ ਪਾਬੰਦੀਸ਼ੁਦਾ ‘ਪਾਰਕਿੰਗ ਮਿਨੀਮਮ’ (ਪਾਰਕਿੰਗ ਦੀਆਂ ਘੱਟੋ-ਘੱਟ ਲੋੜਾਂ) ਨੂੰ ਹਟਾਉਣਾ ਅਤੇ ਪਾਰਕਿੰਗ ਦੀ ਮਾਤਰਾ ਨੂੰ ਮਾਰਕਿਟ ਵਿੱਚ ਲੋੜ ਅਤੇ ਮੰਗ ਦੇ ਆਧਾਰ ‘ਤੇ ਨਿਰਧਾਰਤ ਕਰਨ ਦੀ ਆਗਿਆ ਦੇਣਾ।
    • ਜ਼ੋਨਿੰਗ ਬਾਇ-ਲਾਅਜ਼ ਦੀ ਯੋਜਨਾਬੰਦੀ ਦੇ ਸਮੇਂ ਜਾਂ ਸੋਧਣ ਵੇਲੇ ਸੂਬਾਈ ਨੀਤੀ ਮੈਨੂਅਲ ਵਿੱਚ ਮਾਰਗਦਰਸ਼ਨ ਅਤੇ ਵੇਰਵਿਆਂ 'ਤੇ ਵਿਚਾਰ ਕਰਨਾ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਪਰਮਿਟ ਕਨੈਕਟ ਬੀ ਸੀ ਵਿੱਚ ਲੌਗ ਇਨ ਜਾਂ ਰਜਿਸਟਰ ਕਰਨ ਲਈ ਆਪਣੇ BCeID ਅਕਾਊਂਟ ਦੀ ਵਰਤੋਂ ਕਰੋ।
• ਬਿਲਡਿੰਗ ਪਰਮਿਟ ਹੱਬ ਵਿੱਚ ਲੌਗ ਇਨ ਜਾਂ ਰਜਿਸਟਰ ਕਰਨ ਲਈ ਆਪਣੇ BCeID ਅਕਾਊਂਟ ਦੀ ਵਰਤੋਂ ਕਰੋ।
• ਨਵੇਂ ‘ਸਿੰਗਲ ਐਗਜ਼ਿਟ ਸਟੇਅਰ’ ਕੋਡ ਦੀਆਂ ਲੋੜਾਂ ਦੀ ਵਿਆਖਿਆ ਕਰਨ ਲਈ ਜਲਦੀ ਹੀ ਇੱਕ ਜਾਣਕਾਰੀ ਬੁਲੇਟਿਨ ਪ੍ਰਕਾਸ਼ਤ ਕੀਤਾ ਜਾਵੇਗਾ। ਕਿਰਪਾ ਕਰਕੇ ‘ਟੈਕਨਿਕਲ ਬੁਲੇਟਿਨਜ਼ – ਪ੍ਰੌਵਿੰਸ ਔਫ ਬ੍ਰਿਟਿਸ਼ ਕੋਲੰਬੀਆ (gov.bc.ca)’ ਵੈੱਬਪੇਜ ਦੀ ਜਾਂਚ ਕਰੋ।
• ਟ੍ਰਾਂਜ਼ਿਟ ਕੇਂਦਰਿਤ ਵਿਕਾਸ ਬਾਰੇ ਵਧੇਰੇ ਜਾਣਕਾਰੀ, ਸਰੋਤਾਂ ਅਤੇ ਮਾਰਗਦਰਸ਼ਨ ਲਈ ਸਬਸਕ੍ਰਾਈਬ ਕਰੋ।

ਵਧੇਰੇ ਜਾਣੋ

• ਪਰਮਿਟ ਕਨੈਕਟ ਬੀ ਸੀ ਬਾਰੇ ਵਧੇਰੇ ਜਾਣੋ।
• ਬਿਲਡਿੰਗ ਪਰਮਿਟ ਹੱਬ ਬਾਰੇ ਵਧੇਰੇ ਜਾਣੋ।
• ‘ਸਿੰਗਲ ਐਗਜ਼ਿਟ ਸਟੇਅਰ’ ਇਮਾਰਤਾਂ ਬਾਰੇ ਵਧੇਰੇ ਜਾਣੋ।
• ਟ੍ਰਾਂਜ਼ਿਟ ਕੇਂਦਰਿਤ ਵਿਕਾਸ ਖੇਤਰਾਂ ਬਾਰੇ ਵਧੇਰੇ ਜਾਣੋ।

ਵਧੇਰੇ ਕਿਫ਼ਾਇਤੀ ਘਰਾਂ ਦੇ ਨਿਰਮਾਣ ਅਤੇ ਸੰਚਾਲਨ ਲਈ ਬੀ ਸੀ ਹਾਊਸਿੰਗ ਰਾਹੀਂ ਭਾਈਵਾਲੀ।

ਇਹ ਕਿਵੇਂ ਕੰਮ ਕਰਦਾ ਹੈ

• ਕਮਿਊਨਿਟੀ ਹਾਊਸਿੰਗ ਫੰਡ (CHF): CHF ਸਾਲ 2031-32 ਤੱਕ ਮੱਧ ਅਤੇ ਘੱਟ ਆਮਦਨ ਵਾਲੇ ਲੋਕਾਂ ਲਈ 20,000 ਤੋਂ ਵੱਧ ਕਿਫ਼ਾਇਤੀ ਕਿਰਾਏ ਦੇ ਘਰ ਬਣਾਉਣ ਲਈ $4.4 ਬਿਲੀਅਨ ਦਾ ਨਿਵੇਸ਼ ਹੈ। ਇਨ੍ਹਾਂ ਵਿਚੋਂ 13,000 ਤੋਂ ਵੱਧ ਘਰ ਸੂਬੇ ਭਰ ਵਿੱਚ ਬਣ ਕੇ ਤਿਆਰ ਹਨ ਜਾਂ ਉਨ੍ਹਾਂ ‘ਤੇ ਕੰਮ ਚੱਲ ਰਿਹਾ ਹੈ।
  • ਬੀ ਸੀ ਹਾਊਸਿੰਗ ਸਾਲ 2025 ਦੇ ਸ਼ੁਰੂ ਵਿੱਚ ਇੱਕ ਹੋਰ CHF RFP ਜਾਰੀ ਕਰਨ ਦਾ ਇਰਾਦਾ ਰੱਖਦਾ ਹੈ। ਔਪਰੇਟਰਾਂ/ਬਿਨੈਕਾਰਾਂ ਨੂੰ ਬੀ ਸੀ ਹਾਊਸਿੰਗ ਸਮੇਤ ਹੋਰ ਭਾਈਵਾਲਾਂ ਨਾਲ ਗੱਲਬਾਤ ਕਰਕੇ ਇਸ ਦੌਰ ਦੀ ਯੋਜਨਾਬੰਦੀ ਸ਼ੁਰੂ ਕਰਨ ਲਈ ਉਤਸ਼ਾਹਤ ਕੀਤਾ ਜਾਂਦਾ ਹੈ।
  • ਅਰਜ਼ੀਆਂ ਗੈਰ-ਮੁਨਾਫਾ, ਕੋ-ਔਪਰੇਟਿਵ ਅਤੇ ਮਿਊਂਨਿਸਿਪਲ ਹਾਊਸਿੰਗ ਉਪਲਬਧ ਕਰਵਾਉਣ ਵਾਲਿਆਂ, ਅਤੇ ਗੈਰ-ਮੁਨਾਫਾ ਸੁਸਾਇਟੀਆਂ, ‘ਇੰਡੀਜਨਸ’ (ਮੂਲ ਨਿਵਾਸੀ) ਗਰੁੱਪਾਂ, ਜਾਂ ਕੋ-ਔਪਰੇਟਿਵ ਅਤੇ ਮਿਊਂਨਿਸਿਪਲ ਹਾਊਸਿੰਗ ਉਪਲਬਧ ਕਰਵਾਉਣ ਵਾਲਿਆਂ ਦੀ ਤਰਫੋਂ ਅਰਜ਼ੀ ਦੇਣ ਵਾਲੇ ਪ੍ਰਾਈਵੇਟ ਭਾਈਵਾਲਾਂ ਲਈ ਖੁੱਲ੍ਹੀਆਂ ਹਨ।

• ਸੁਪੋਰਟਿਵ ਹਾਊਸਿੰਗ ਫੰਡ (SHF): ਸੂਬੇ ਨੇ ਸਾਲ 2018 ਵਿੱਚ ਬੀ.ਸੀ. ਭਰ ਵਿੱਚ ‘ਸੁਪੋਰਟਿਵ ਹਾਊਸਿੰਗ’ (ਸਹਾਇਕ ਰਿਹਾਇਸ਼ਾਂ) ਦੇ ਪ੍ਰਬੰਧਨ ਲਈ ਫੰਡ ਦੇਣ ਲਈ SHF ਦੀ ਸਥਾਪਨਾ ਕੀਤੀ, ਜਿਸ ਨੇ 24/7 ਔਨਸਾਈਟ ਸਹਾਇਤਾ ਸੇਵਾਵਾਂ ਦੇ ਨਾਲ 5,700 ਸਹਾਇਕ ਰਿਹਾਇਸ਼ੀ ਯੂਨਿਟ ਉਪਲਬਧ ਕਰਵਾਉਣ ਲਈ $2.3 ਬਿਲੀਅਨ ਵਚਨਬੱਧ ਕੀਤੇ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਬੀ ਸੀ ਹਾਊਸਿੰਗ ਸਮੇਤ ਹੋਰ ਭਾਈਵਾਲਾਂ ਨਾਲ ਗੱਲਬਾਤ ਕਰਕੇ ਕਮਿਊਨਿਟੀ ਹਾਊਸਿੰਗ ਫੰਡਿੰਗ ਦੇ ਅਗਲੇ ਦੌਰ ਲਈ ਯੋਜਨਾਬੰਦੀ ਸ਼ੁਰੂ ਕਰੋ।

ਵਧੇਰੇ ਜਾਣੋ

• ਬੀ ਸੀ ਹਾਊਸਿੰਗ ਨਾਲ ਸਾਂਝੇਦਾਰੀ ਦੇ ਮੌਕਿਆਂ ਬਾਰੇ ਵਧੇਰੇ ਜਾਣੋ।
• ਬੀ ਸੀ ਹਾਊਸਿੰਗ ਦੇ ਭਾਈਵਾਲਾਂ ਨਾਲ ਫੰਡਿੰਗ ਦੇ ਮੌਕਿਆਂ ਬਾਰੇ ਵਧੇਰੇ ਜਾਣੋ।

ਨਵੇਂ ਉਪਾਅ ਇਹ ਯਕੀਨੀ ਬਣਾਉਂਦੇ ਹਨ ਕਿ ਸਾਡੀ ਰੀਅਲ ਇਸਟੇਟ ਮਾਰਕਿਟ ਪਾਰਦਰਸ਼ੀ ਅਤੇ ਨਿਰਪੱਖ ਹੈ।

ਇਹ ਕਿਵੇਂ ਕੰਮ ਕਰਦਾ ਹੈ

• ‘ਲੈਂਡ ਓਨਰ ਟ੍ਰਾਂਸਪੇਰੈਂਸੀ ਰਜਿਸਟਰੀ’: ਇਹ ਜਨਤਕ ਤੌਰ 'ਤੇ ਪਹੁੰਚਯੋਗ ਰਜਿਸਟਰੀ ਇੱਕ ਅਜਿਹਾ ਸਾਧਨ ਹੈ ਜੋ ਇਸ ਗੱਲ ਦੀ ਸਪੱਸ਼ਟ ਤਸਵੀਰ ਪ੍ਰਦਾਨ ਕਰਦਾ ਹੈ ਕਿ ਬੀ.ਸੀ. ਵਿੱਚ ਜ਼ਮੀਨ ਦੀ ਮਲਕੀਅਤ ਅਤੇ ਜ਼ਮੀਨ ਵਿੱਚ ਹਿੱਸਾ ਕੌਣ ਰੱਖਦਾ ਹੈ।
  • ‘ਲੈਂਡ ਓਨਰ ਟ੍ਰਾਂਸਪੇਰੈਂਸੀ ਐਕਟ’ ਅਨੁਸਾਰ ਰਿਪੋਰਟਿੰਗ ਸੰਸਥਾਵਾਂ (ਸੰਬੰਧਤ ਕੌਰਪੋਰੇਸ਼ਨਾਂ, ਟਰੱਸਟੀ ਅਤੇ ਭਾਈਵਾਲ) ਜੋ ਰੀਅਲ ਇਸਟੇਟ ਦੇ ਮਾਲਕ ਹਨ ਜਾਂ ਜ਼ਮੀਨ ਵਿੱਚ ਕੁਝ ਹੋਰ ਹਿੱਸਾ ਰੱਖਦੇ ਹਨ, ਨੂੰ ਇੱਕ ਪਾਰਦਰਸ਼ਤਾ ਰਿਪੋਰਟ ਦਾਇਰ ਕਰਨ ਦੀ ਲੋੜ ਹੁੰਦੀ ਹੈ, ਜਿਸ ਵਿੱਚ ਉਹ ‘ਲੈਂਡ ਓਨਰ ਟ੍ਰਾਂਸਪੇਰੈਂਸੀ ਰਜਿਸਟਰੀ’ ਨਾਲ ਉਨ੍ਹਾਂ ਮਾਲਕਾਂ ਦੀ ਪਛਾਣ ਕਰ ਸਕਣ ਜਿਨ੍ਹਾਂ ਨੂੰ ਕੋਈ ਫਾਇਦਾ ਮਿਲ ਰਿਹਾ ਹੋਵੇ।
  • ਸੂਬਾ ‘ਲੈਂਡ ਟਾਈਟਲ ਐਂਡ ਸਰਵੇ ਅਥੌਰਿਟੀ’ ਦੇ ਅੰਕੜਿਆਂ ਤੱਕ ਪਹੁੰਚ ਵਧਾਉਣ ਲਈ ਕੰਮ ਕਰਨਾ ਜਾਰੀ ਰੱਖ ਰਿਹਾ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਸੰਬੰਧਤ ਅਧਿਕਾਰੀਆਂ ਕੋਲ ਉਹ ਜਾਣਕਾਰੀ ਹੋਵੇ ਜੋ ਉਨ੍ਹਾਂ ਨੂੰ ਰੀਅਲ ਇਸਟੇਟ ਵਿੱਚ ਮਨੀ ਲਾਂਡਰਿੰਗ, ਟੈਕਸ ਦੀ ਚੋਰੀ ਅਤੇ ਹੋਰ ਅਪਰਾਧਾਂ ਦੀ ਜਾਂਚ ਕਰਨ, ਉਨ੍ਹਾਂ ਬਾਰੇ ਪਤਾ ਲਗਾਉਣ ਅਤੇ ਉਸ ਦੀ ਰੋਕਥਾਮ ਲਈ ਲੋੜੀਂਦੀ ਹੈ।
• ਕੌਂਡੋ ਐਂਡ ਸਟ੍ਰੈਟਾ ਅਸਾਈਨਮੈਂਟ ਇੰਟੈਗ੍ਰਿਟੀ ਰਜਿਸਟਰ: ਬੀ.ਸੀ. ਦੀ ਰੀਅਲ ਇਸਟੇਟ ਮਾਰਕੀਟ ਨੂੰ ਲੋਕਾਂ ਲਈ ਵਧੇਰੇ ਪਾਰਦਰਸ਼ੀ ਅਤੇ ਨਿਰਪੱਖ ਬਣਾਉਣ ਲਈ, ‘ਕੌਂਡੋ ਐਂਡ ਸਟ੍ਰੈਟਾ ਅਸਾਈਨਮੈਂਟ ਇੰਟੈਗ੍ਰਿਟੀ ਰਜਿਸਟਰ’ (Condo and Strata Assignment Integrity Register) ਪ੍ਰੀ-ਸੇਲ ਕੌਂਡੋਜ਼ ਦੀਆਂ ਅਸਾਈਨਮੈਂਟਾਂ ਨੂੰ ਟਰੈਕ ਕਰਨ ਲਈ ਇੱਕ ਔਨਲਾਈਨ ਰਜਿਸਟਰ ਹੈ, ਜੋ ਫਿਰ ਬੀ.ਸੀ. ਸੂਬੇ, ਬੀ.ਸੀ. ਫ਼ਾਇਨੈਂਨਸ਼ੀਅਲ ਸਰਵਿਸਿਸ ਅਥੌਰਿਟੀ (BCFSA) ਅਤੇ ਕੈਨੇਡਾ ਰੈਵੇਨਿਊ ਏਜੰਸੀ (CRA) ਨੂੰ ਜਾਣਕਾਰੀ ਪ੍ਰਦਾਨ ਕਰਦਾ ਹੈ।

ਤੁਹਾਨੂੰ ਕੀ ਕਰਨ ਦੀ ਲੋੜ ਹੈ

• ਲੈਂਡ ਓਨਰ ਟ੍ਰਾਂਸਪੇਰੈਂਸੀ ਰਜਿਸਟ੍ਰੇਸ਼ਨ ਦੀਆਂ ਲੋੜਾਂ ਨੂੰ ਸਮਝਣ ਲਈ ਲੈਂਡ ਓਨਰ ਟ੍ਰਾਂਸਪੇਰੈਂਸੀ ਰਜਿਸਟਰੀ ‘ਤੇ ਜਾਓ।
• ‘ਕੌਂਡੋ ਐਂਡ ਸਟ੍ਰੈਟਾ ਅਸਾਈਨਮੈਂਟ ਇੰਟੈਗ੍ਰਿਟੀ ਰਜਿਸਟਰ’ ਰਾਹੀਂ ਅਸਾਈਨਮੈਂਟਾਂ ਦੀ ਰਿਪੋਰਟ ਔਨਲਾਈਨ ਦਿਓ।

ਵਧੇਰੇ ਜਾਣੋ

• ਰੀਅਲ ਇਸਟੇਟ ਵਿੱਚ ਮਨੀ ਲਾਂਡਰਿੰਗ ਅਤੇ ਟੈਕਸ ਦੀ ਚੋਰੀ ਨੂੰ ਰੋਕਣ ਲਈ ਬੀ.ਸੀ. ਵੱਲੋਂ ਕੀਤੀਆਂ ਕਾਰਵਾਈਆਂ ਬਾਰੇ ਹੋਰ ਜਾਣੋ।