Patnubay kaugnay sa COVID-19 sa B.C.

Walang restriksiyon sa buong province na kaugnay sa COVID-19 para sa pagbiyahe, pagtitipon, mga event at pagbisita sa mga pasilidad ng long-term care at assisted living para sa mga senior.

Pagsusuot ng mask

Pagsusuot ng mask sa mga setting ng pangangalagang pangkalusugan

Simula Enero 6, 2025, kailangang magsuot ng mga medical mask ang mga health care worker, mga bisita, mga contractor at mga boluntaryo sa mga lugar kung saan ginagamot ang mga pasyente sa mga pasilidad, programa at serbisyong pinapatakbo ng mga health authority. Kabilang sa sa mga pasilidad na pinapatakbo ng mga health authority ang mga ospital, long-term care at assisted-living, mga outpatient clinic at mga setting ng ambulatory care (mga medikal na serbisyong hindi kailangan ng pagpapaospital).

Ang mga pansamantalang hakbang tulad ng pagsusuot ng mask sa mga pasilidad ng health care ay nakakatulong na maiwasan ang pagkalat ng mga respiratoryong sakit ngayon at mapanatiling ligtas ang mga pasyente, residente at health care workers. Regular na ginagamit ang pag-iingat na ito sa mga setting ng pangangalagang pangkalusugan bago pa at nang matapos ang pandemya.

Mga lugar kung saan ginagamot ang mga pasyente at kailangang magsuot ng medical mask

Ang isang patient care area o lugar kung saan ginagamot ang mga pasyente ay anumang lugar sa isang pasilidad para sa health care kung saan ang mga pasyente, residente o kliyente ay aktibong tumatanggap ng paggamot at pangangalaga.​

Hindi mo kailangang magsuot ng medical mask sa mga setting ng health care kung ikaw ay:

• Kumakain o umiinom
• Wala pang 5 taong gulang
• Hindi makapagsuot ng mask dahil sa isang pangkalusugang kondisyon, pisikal o pangkaisipang kapansanan
• Hindi makapagsuot o makapagtanggal ng mask nang hindi tinutulungan ng ibang tao
• Nakikipag-ugnayan sa isang indibdwal na may kapansanan sa pandinig

Hindi ka exempted kung require kang magsuot ng mask at may kakayahang magsuot ng nito, ngunit pinili itong hindi gawin dahil hindi ito gusto.

Pagsusuot ng mask sa long-term care at assisted living

Ang mga bisita sa long-term care (LTC) at mga setting ng assisted living para sa mga senior ay kailangang magsuot ng medical mask kapag lumalahok sa mga panggrupong event, selebrasyon, pagtitipon at aktibidad na ginaganap indoor o sa loob ng gusali, maliban na lamang kung kumakain at/o umiinom.

Kabilang sa mga sitwasyon kung saan mayroong eksepsiyon sa pagsusuot ng medical mask sa LTC ang:

• Pagbisita sa isang single (nag-iisang) residente sa isang patient-care area, multi-bed room o mga communal area (lugar na ginagamit ng iba’t ibang tao)
• Direktang pagbisita sa isang indibidwal na residente

Ang mga residente sa mga LTC at assisted living ay dapat na magsuot ng mask na tinatakpan ang kanilang ilong at bibig, at iba pang PPE kapag inutos ng isang health care worker habang nagbibigay ng direktang pangangalaga o paggamot sa pasyente, maliban na lamang kung mayroong medikal na dahilan para hindi ito gamitin.

Pagsusuot ng mask sa ibang pampublikong lugar

Hindi nire-require ng public health ang pagsusuot ng mask sa mga pampublikong indoor na lugar na hindi kabilang sa mga setting ng pangangalagang pangkalusugan. Personal na desisyon ang pagsusuot ng mask.

Hinihikayat ang pagsusuot ng mga mask, ngunit hindi ito required, kapag bumabiyahe sa himpapawid, sa pamamagitan ng tren, pampublikong transportasyon o BC Ferries.

Maaaring patuloy na piliin ng mga indibidwal na negosyo at mga event organizer na mag-require ng pagsusuot ng mask sa kanilang mga lugar. Mahalagang irespeto natin ang mga desisyon ng ibang indibidwal at mga negosyo.

Hindi na kailangan ng katibayan ng bakuna para sa pagbiyahe sa Canada