ਬੀ.ਸੀ. ਵਿੱਚ ਕੋਵਿਡ-19 ਲਈ ਮਾਰਗ ਦਰਸ਼ਨ
Publication date: August 28, 2024
ਬੀ.ਸੀ ਵਿੱਚ ਕਾਰੋਬਾਰਾਂ, ਸਮਾਗਮਾਂ ਜਾਂ ਸੇਵਾਵਾਂ ਤੱਕ ਪਹੁੰਚ ਲਈ ਟੀਕਾਕਰਣ (ਵੈਕਸੀਨੇਸ਼ਨ) ਦੇ ਪ੍ਰਮਾਣ ਦੀ ਲੋੜ ਨਹੀਂ ਹੈ। ਤੁਹਾਨੂੰ ਅੰਤਰਰਾਸ਼ਟਰੀ ਸਫ਼ਰ ਲਈ ਟੀਕਾਕਰਣ ਦੇ ਪ੍ਰਮਾਣ ਦੀ ਲੋੜ ਪੈ ਸਕਦੀ ਹੈ।
English | 繁體中文 | 简体中文 | Français | ਪੰਜਾਬੀ | فارسی | Tagalog | 한국어 | Español | عربى | Tiếng Việt | 日本語 | हिंदी | Українська | Русский
ਨਵੀਨਤਮ ਜਾਣਕਾਰੀ ਲਈ ਕਿਰਪਾ ਕਰਕੇ ਇੰਗਲਿਸ਼ ਪੇਜ ਦੇਖੋ
ਇਸ ਪੰਨੇ ‘ਤੇ
- ਸੂਬੇ ਭਰ ਵਿੱਚ ਲਾਗੂ ਪਾਬੰਦੀਆਂ
- ਮਾਸਕ
- ਕੈਨੇਡਾ ਵਿੱਚ ਸਫ਼ਰ ਲਈ ਟੀਕਾਕਰਣ ਦੇ ਪ੍ਰਮਾਣ ਦੀ ਲੋੜ ਨਹੀਂ ਹੈ
- ਕੋਵਿਡ-19 ਦਾ ਟੀਕਾਕਰਣ ਦਾ ਆਪਣਾ ਕਨੇਡੀਅਨ ਪ੍ਰਮਾਣ ਪ੍ਰਾਪਤ ਕਰੋ
- ਕਾਰੋਬਾਰਾਂ ਲਈ ਜਾਣਕਾਰੀ
- ਮੈਨੂੰ ਮਦਦ ਦੀ ਲੋੜ ਹੈ
ਸੂਬੇ ਭਰ ਵਿੱਚ ਲਾਗੂ ਪਾਬੰਦੀਆਂ
ਸੂਬੇ ਭਰ ਵਿੱਚ ਸਫ਼ਰ, ਇਕੱਠਾਂ, ਸਮਾਗਮਾਂ, ਅਤੇ ਲੌਂਗ-ਟਰਮ ਕੇਅਰ ਅਤੇ ਸੀਨੀਅਰਜ਼ ਅਸਿਸਟਡ ਲਿਵਿੰਗ ਫੈਸਿਲਿਟੀਆਂ ਵਿੱਚ ਜਾਣ 'ਤੇ ਕੋਵਿਡ-19 ਦੀਆਂ ਕੋਈ ਪਾਬੰਦੀਆਂ ਨਹੀਂ ਹਨ।
ਮਾਸਕ
ਅੰਦਰ ਰਹਿਣ ਵਾਲੀਆਂ ਪਬਲਿਕ ਸੈੱਟਿੰਗਾਂ ਵਿੱਚ ਮਾਸਕ ਪਹਿਨਣਾ ਪਬਲਿਕ ਹੈਲਥ ਵੱਲੋਂ ਲਾਜ਼ਮੀ ਨਹੀਂ ਹੈ। ਮਾਸਕ ਪਹਿਨਣਾ ਇੱਕ ਨਿੱਜੀ ਚੋਣ ਹੈ।
ਮਾਸਕ ਬਾਰੇ ਵਧੇਰੀ ਜਾਣਕਾਰੀ ਬੀ ਸੀ ਸੈਂਟਰ ਫ਼ੌਰ ਡੀਜ਼ੀਜ਼ ਕੰਟਰੋਲ ਦੀ ਵੈਬਸਾਈਟ ‘ਤੇ ਲੱਭੋ।
ਹਸਪਤਾਲ ਅਤੇ ਸਿਹਤ ਸੰਭਾਲ ਦੀਆਂ ਥਾਂਵਾਂ
ਸਿਹਤ ਸੰਭਾਲ ਦੀਆਂ ਥਾਂਵਾਂ ਵਿੱਚ ਮੈਡੀਕਲ ਮਾਸਕ ਦੀ ਹੁਣ ਲੋੜ ਨਹੀਂ ਹੈ।
ਵਿਜ਼ਿਟਰਜ਼ ਨੂੰ ਅਜੇ ਵੀ ਸਿਹਤ ਸੰਭਾਲ ਦੀਆਂ ਥਾਂਵਾਂ ਵਿੱਚ ਮਾਸਕ ਪਹਿਨਣ ਅਤੇ ਸਾਹ ਦੇ ਸਹੀ ਸ਼ਿਸ਼ਟਾਚਾਰ ਦੀ ਪਾਲਣਾ ਕਰਨ ਲਈ ਉਤਸ਼ਾਹਤ ਕੀਤਾ ਜਾਂਦਾ ਹੈ, ਜਿਸ ਵਿੱਚ ਸ਼ਾਮਲ ਹਨ:
-
ਸਾਬਣ ਅਤੇ ਗਰਮ ਪਾਣੀ ਦੀ ਵਰਤੋਂ ਕਰਕੇ ਅਕਸਰ ਆਪਣੇ ਹੱਥਾਂ ਨੂੰ ਸਾਫ਼ ਕਰੋ ਜਾਂ ਅਲਕੋਹਲ-ਅਧਾਰਤ ਹੈਂਡ ਰੱਬ ਦੀ ਵਰਤੋਂ ਕਰੋ
-
ਆਪਣੇ ਹੱਥਾਂ ਦੀ ਬਜਾਏ ਆਪਣੀ ਕੂਹਣੀ ਵਿੱਚ ਮੂੰਹ ਦੇ ਕੇ ਛਿੱਕੋ ਜਾਂ ਖੰਘੋ
-
ਗੰਭੀਰ ਬਿਮਾਰੀ ਦੇ ਵੱਧ ਖਤਰੇ ਵਾਲੇ ਲੋਕਾਂ ਤੋਂ ਦੂਰ ਰਹੋ
ਸਿਹਤ-ਸੰਭਾਲ ਕਰਮਚਾਰੀਆਂ ਨੂੰ ਉਹਨਾਂ ਦੇ ‘ਪੁਆਇੰਟ-ਔਫ-ਕੇਅਰ ਰਿਸਕ ਅਸੈਸਮੈਂਟ’ (ਹਰ ਮਰੀਜ਼ ਨਾਲ ਗੱਲਬਾਤ ਤੋਂ ਬਾਅਦ ਇਨਫੈਕਸ਼ਨ ਦੇ ਸੰਪਰਕ ਵਿੱਚ ਆਉਣ ਦੀ ਸੰਭਾਵਨਾ ਦਾ ਮੁਲਾਂਕਣ) ਅਨੁਸਾਰ, ਉਚਿਤ ਨਿੱਜੀ ਸੁਰੱਖਿਆ ਉਪਕਰਣ, ਜਿਵੇਂ ਕਿ ਮਾਸਕ ਅਤੇ ਰੈਸਪੀਰੇਟਰ ਪਹਿਨਣਾ ਜਾਰੀ ਰੱਖਣਾ ਚਾਹੀਦਾ ਹੈ।
ਸਫ਼ਰ
ਹਵਾਈ, ਟ੍ਰੇਨ, ਪਬਲਿਕ ਟ੍ਰਾਂਜ਼ਿਟ ਜਾਂ ਬੀ ਸੀ ਫੈਰੀਜ਼ ਦੁਆਰਾ ਸਫ਼ਰ ਕਰਨ ਵੇਲੇ ਮਾਸਕ ਪਹਿਨਣਾ ਉਤਸ਼ਾਹਤ ਕੀਤਾ ਜਾਂਦਾ ਹੈ, ਪਰ ਲਾਜ਼ਮੀ ਨਹੀਂ ਹੈ।
ਕਾਰੋਬਾਰ
ਵਿਅਕਤੀਗਤ ਕਾਰੋਬਾਰ ਅਤੇ ਸਮਾਗਮ ਆਯੋਜਕ ਆਪਣੀ ਚਾਰ ਦੀਵਾਰੀ ਵਿਚਕਾਰ ਮਾਸਕ ਪਹਿਨਣ ਦੀ ਲੋੜ ਜਾਰੀ ਰੱਖਣ ਦੀ ਚੋਣ ਕਰ ਸਕਦੇ ਹਨ। ਇਹ ਮਹੱਤਵਪੂਰਨ ਹੈ ਕਿ ਅਸੀਂ ਦੂਜੇ ਲੋਕਾਂ ਅਤੇ ਕਾਰੋਬਾਰਾਂ ਦੀਆਂ ਚੋਣਾਂ ਦਾ ਆਦਰ ਕਰੀਏ।
ਕੈਨੇਡਾ ਵਿੱਚ ਸਫ਼ਰ ਲਈ ਟੀਕਾਕਰਣ ਦੇ ਪ੍ਰਮਾਣ ਦੀ ਲੋੜ ਨਹੀਂ ਹੈ
ਤੁਹਾਨੂੰ ਇਹਨਾਂ ਲਈ ਟੀਕਾਕਰਣ ਦੇ ਪ੍ਰਮਾਣ ਦੀ ਲੋੜ ਨਹੀਂ ਹੈ:
- ਕੈਨੇਡਾ ਦਾਖਲ ਹੋਣ ਲਈ
- ਹਵਾਈ ਜਹਾਜ਼ ਜਾਂ ਰੇਲ ਗੱਡੀ ਰਾਹੀਂ ਕੈਨੇਡਾ ਵਿੱਚ ਸਫ਼ਰ ਕਰਨ ਲਈ
- ਕੈਨੇਡਾ ਦੇ ਕਿਸੇ ਹਵਾਈ ਅੱਡੇ 'ਤੇ ਕਿਸੇ ਅੰਤਰਰਾਸ਼ਟਰੀ ਫਲਾਈਟ ਵਿੱਚ ਸਵਾਰ ਹੋਣ ਲਈ
ਸਫ਼ਰ ਦੇ ਨਿਯਮ ਅਕਸਰ ਬਦਲਦੇ ਰਹਿੰਦੇ ਹਨ। ਸਫ਼ਰ ਕਰਨ ਤੋਂ ਪਹਿਲਾਂ, ਸਫ਼ਰ ਸੰਬੰਧੀ ਫੈਡਰਲ ਮਾਰਗ-ਦਰਸ਼ਨ ਦੀ ਜਾਂਚ ਕਰੋ।
ਕੈਨੇਡਾ ਤੋਂ ਬਾਹਰ ਤੁਹਾਨੂੰ ਟੀਕਾਕਰਣ ਦੇ ਪ੍ਰਮਾਣ ਦੀ ਲੋੜ ਹੋ ਸਕਦੀ ਹੈ
ਤੁਹਾਨੂੰ ਕੁਝ ਹੋਰ ਦੇਸ਼ਾਂ ਵਿੱਚ ਦਾਖਲ ਹੋਣ ਲਈ ਟੀਕਾਕਰਣ ਦਾ ਪ੍ਰਮਾਣ ਦਿਖਾਉਣ ਦੀ ਲੋੜ ਹੋ ਸਕਦੀ ਹੈ। ਸਫ਼ਰ ਕਰਨ ਤੋਂ ਪਹਿਲਾਂ, ਦਾਖਲ ਹੋਣ ਦੀਆਂ ਲੋੜਾਂ ਦੀ ਸਮੀਖਿਆ ਕਰੋ।
ਤੁਹਾਨੂੰ ਆਪਣੇ ਟੀਕਾਕਰਣ ਬਾਰੇ ਅੱਪ-ਟੂ-ਡੇਟ ਰਹਿਣਾ ਚਾਹੀਦਾ ਹੈ।
ਕੋਵਿਡ-19 ਦਾ ਟੀਕਾਕਰਣ ਦਾ ਆਪਣਾ ਕਨੇਡੀਅਨ ਪ੍ਰਮਾਣ ਪ੍ਰਾਪਤ ਕਰੋ
ਹੋ ਸਕਦਾ ਹੈ ਕਿ 6 ਮਹੀਨਿਆਂ ਤੋਂ ਵੱਧ ਸਮਾਂ ਪਹਿਲਾਂ ਡਾਊਨਲੋਡ ਕੀਤੇ QR ਕੋਡ ਦੀ ਸਹੀ ਤਰ੍ਹਾਂ ਪੁਸ਼ਟੀ ਨਾ ਕੀਤੀ ਜਾ ਸਕੇ। ਇਹ ਯਕੀਨੀ ਬਣਾਉਣ ਲਈ ਕਿ ਤੁਹਾਡੇ ਕੋਲ ਇੱਕ ਵੈਧ QR ਕੋਡ ਹੈ, ਟੀਕਾਕਰਣ ਦੇ ਆਪਣੇ ਪ੍ਰਮਾਣ ਦੀ ਇੱਕ ਨਵੀਂ ਕਾਪੀ ਡਾਊਨਲੋਡ ਕਰੋ।
ਕੋਵਿਡ-19 ਦਾ ਟੀਕਾਕਰਣ ਦਾ ਤੁਹਾਡਾ ਕਨੇਡੀਅਨ ਪ੍ਰਮਾਣ ਹੈਲਥ ਗੇਟਵੇਅ ਰਾਹੀਂ ਉਪਲਬਧ ਹੈ। ਤੁਸੀਂ ਆਪਣੇ ਅਤੇ ਆਪਣੇ ਪਰਿਵਾਰ ਲਈ ਟੀਕਾਕਰਣ ਦੇ ਪ੍ਰਮਾਣ ਨੂੰ ਡਾਊਨਲੋਡ ਕਰ ਸਕਦੇ ਹੋ, ਜਿਸ ਵਿੱਚ 12 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਵੀ ਸ਼ਾਮਲ ਹਨ।
ਟੀਕਾਕਰਣ ਦਾ ਪ੍ਰਮਾਣ ਪ੍ਰਾਪਤ ਕਰੋ ਟੀਕਾਕਰਣ ਦਾ ਪ੍ਰਮਾਣ ਮੁਫ਼ਤ ਹੈ। ਜੇ ਕੋਈ ਤੁਹਾਨੂੰ ਭੁਗਤਾਨ ਕਰਨ ਲਈ ਕਹਿ ਰਿਹਾ ਹੈ, ਤਾਂ ਇਹ ਇੱਕ ਸਕੈਮ ਹੈ।
ਕੋਵਿਡ-19 ਦੇ ਟੀਕਾਕਰਣ ਦੇ ਕਨੇਡੀਅਨ ਪ੍ਰਮਾਣ ਦੀ ਵਰਤੋਂ ਕਰਨਾ
ਜਦੋਂ ਤੁਸੀਂ ਆਪਣਾ ਟੀਕਾਕਰਣ ਦਾ ਪ੍ਰਮਾਣ ਦਿਖਾਉਂਦੇ ਹੋ, ਤਾਂ ਤੁਹਾਨੂੰ ਇੱਕ ਵੈਧ ਸਰਕਾਰੀ ਫੋਟੋ ਆਈ.ਡੀ. ਦੀ ਵੀ ਲੋੜ ਹੁੰਦੀ ਹੈ।
ਤੁਹਾਡੀ ਆਈ.ਡੀ. ਉੱਤੇ ਦਿੱਤਾ ਨਾਮ ਟੀਕਾਕਰਣ ਦੇ ਪ੍ਰਮਾਣ 'ਤੇ ਦਿੱਤੇ ਨਾਮ ਨਾਲ ਮੇਲ ਖਾਣਾ ਲਾਜ਼ਮੀ ਹੈ।
- ਜੇ ਤੁਸੀਂ ਪਹਿਲਾਂ ਹੀ ਕਾਨੂੰਨੀ ਤੌਰ 'ਤੇ ਆਪਣਾ ਨਾਮ ਬਦਲ ਲਿਆ ਹੈ ਅਤੇ ਇਹ ਟੀਕਾਕਰਣ ਦੇ ਤੁਹਾਡੇ ਪ੍ਰਮਾਣ 'ਤੇ ਦਿਖਾਈ ਨਹੀਂ ਦੇ ਰਿਹਾ ਹੈ, ਤਾਂ ਟੀਕਾਕਰਣ ਦੇ ਪ੍ਰਮਾਣ ਨੂੰ ਦੁਬਾਰਾ ਡਾਊਨਲੋਡ ਕਰੋ ਅਤੇ ਪ੍ਰਿੰਟ ਕਰੋ
- ਜੇ ਤੁਹਾਡੇ ਬੀ.ਸੀ. ਡਰਾਈਵਰ ਲਾਇਸੰਸ ਜਾਂ ਬੀ.ਸੀ. ਸਰਵਿਸਜ਼ ਕਾਰਡ 'ਤੇ ਦਿੱਤਾ ਨਾਮ ਟੀਕਾਕਰਣ ਦੇ ਤੁਹਾਡੇ ਪ੍ਰਮਾਣ ਨਾਲ ਮੇਲ ਨਹੀਂ ਖਾਂਦਾ, ਤਾਂ ਆਪਣੀ ਆਈ.ਡੀ. ਨੂੰ ਅੱਪਡੇਟ ਕਰੋ
- ਜੇ ਤੁਹਾਡੇ ਪਾਸਪੋਰਟ 'ਤੇ ਦਿੱਤਾ ਨਾਮ ਟੀਕਾਕਰਣ ਦੇ ਤੁਹਾਡੇ ਪ੍ਰਮਾਣ ਨਾਲ ਮੇਲ ਨਹੀਂ ਖਾਂਦਾ, ਤਾਂ ਆਪਣੇ ਪਾਸਪੋਰਟ ਨੂੰ ਅੱਪਡੇਟ ਕਰੋ
ਜੇ ਤੁਸੀਂ ਟੀਕਾਕਰਣ ਦੇ ਆਪਣੇ ਪ੍ਰਮਾਣ ਤੱਕ ਪਹੁੰਚ ਕਰਨ ਜਾਂ ਡਾਊਨਲੋਡ ਕਰਨ ਦੇ ਅਯੋਗ ਹੋ, ਤਾਂ ਇਹ ਪਤਾ ਲਗਾਓ ਕਿ ਮਦਦ ਕਿਵੇਂ ਪ੍ਰਾਪਤ ਕਰਨੀ ਹੈ।
ਕਾਰੋਬਾਰਾਂ ਲਈ ਜਾਣਕਾਰੀ
ਬੀ.ਸੀ. ਵਿੱਚ ਸਮਾਗਮਾਂ, ਸੇਵਾਵਾਂ ਜਾਂ ਕਾਰੋਬਾਰਾਂ ਲਈ ਟੀਕਾਕਰਣ ਦੇ ਪ੍ਰਮਾਣ ਨੂੰ ਚੈੱਕ ਕਰਨ ਦੀ ਲੋੜ ਨਹੀਂ ਹੈ।
ਜੇਕਰ ਤੁਸੀਂ ਚਾਹੁੰਦੇ ਹੋ, ਤਾਂ ਤੁਹਾਡਾ ਕਾਰੋਬਾਰ ਟੀਕਾਕਰਣ ਦੇ ਪ੍ਰਮਾਣ ਦੀ ਲੋੜ ਨੂੰ ਜਾਰੀ ਰੱਖਣ ਦੀ ਚੋਣ ਕਰ ਸਕਦਾ ਹੈ। ਜੇਕਰ ਤੁਸੀਂ ਟੀਕਾਕਰਣ ਦੇ ਪ੍ਰਮਾਣ ਦੀ ਲੋੜ ਦਾ ਫੈਸਲਾ ਕਰਦੇ ਹੋ, ਤਾਂ ਤੁਹਾਨੂੰ ਇਹ ਧਿਆਨ ਨਾਲ ਅਤੇ ਸਾਰੇ ਸੰਬੰਧਿਤ ਕਾਨੂੰਨਾਂ ਦੀ ਪਾਲਣਾ ਕਰਦਿਆਂ ਹੋਇਆ ਕਰਨਾ ਚਾਹੀਦਾ ਹੈ।
ਮੈਨੂੰ ਮਦਦ ਦੀ ਲੋੜ ਹੈ
ਕਿਸੇ ਨਾਲ ਫ਼ੋਨ 'ਤੇ ਗੱਲ ਕਰੋ। 140+ ਭਾਸ਼ਾਵਾਂ ਵਿੱਚ ਮਦਦ ਲਓ, ਜਿਸ ਵਿੱਚ ਸ਼ਾਮਲ ਹਨ:
國粵語 | ਪੰਜਾਬੀ | عربى | Français | Español
ਸੋਮਵਾਰ ਤੋਂ ਸ਼ੁੱਕਰਵਾਰ, ਸਵੇਰੇ 7 ਵਜੇ ਤੋਂ ਸ਼ਾਮ 7 ਵਜੇ ਤੱਕ। ਸਟੈਟ ਛੁੱਟੀਆਂ ਵਾਲੇ ਦਿਨ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ|
ਟੀਕਾਕਰਣ
ਜੇ ਤੁਹਾਡੇ ਕੋਵਿਡ-19 ਅਤੇ ਫਲੂ ਦੇ ਟੀਕਾਕਰਣ ਦੇ ਵਿਕਲਪਾਂ ਬਾਰੇ ਕੋਈ ਸਵਾਲ ਹਨ ਅਤੇ ਤੁਹਾਨੂੰ ਮਿਲਣ ਦਾ ਸਮਾਂ ਬੁੱਕ ਕਰਨ ਵਿੱਚ ਮਦਦ ਦੀ ਲੋੜ ਹੈ ਤਾਂ ਕਾਲ ਸੈਂਟਰ ਨੂੰ ਫ਼ੋਨ ਕਰੋ।
ਕੋਵਿਡ-19 ਬਾਰੇ ਜਾਣਕਾਰੀ
ਟੈਕਸਟ: 1-604-630-0300 ਸਵੇਰੇ 7:30 ਤੋਂ ਸ਼ਾਮ 5 ਵਜੇ ਤੱਕ
ਕੈਨੇਡਾ ਤੋਂ ਬਾਹਰ ਅਤੇ ਯੂ.ਐਸ.ਏ.: 1-604-681-4261