Mga gamot para sa COVID-19

Kung mayroon kang kondisyong pangkalusugan na nagpapahina sa iyong immune system, itinuturing kang clinically extremely vulnerable (lubos na bulnerable dahil sa klinikal na diagnosis).

• Sumailalim sa solid organ transplant at tumatanggap ng immunosuppressive treatment (gamot na nakakapagpahina ng immune system)
• Sumailalim sa bone marrow o stem cell transplant
• Ginamot para sa cancer, kabilang ang haemaological malignancies (mga uri ng kanser na nakaapekto sa dugo, bone marrow at mga lymph node)
• Diagnosis na may moderate (katamtaman) hanggang severe (malubha) na primary immunodeficiency (hindi gumaganang immune system)
• Hindi nagamot o advanced HIV (CD4 < 200 cells/mm3)
• Sumasailalim sa dialysis o may malubhang kidney disease (sakit sa bato) at tumatanggap ng anumang immunosuppressant (gamot na nagpapahina ng immune system)
• Tumatanggap ng immunosuppressive treatment (gamot na nagpapahina sa immune system)
  • Mataas na dosis ng steroids
  • Biologics (halimbawa: adalimumab, etanercept, infliximab, interferon products)
  • Mga anti-CD20 agent (halimbawa: rituximab, ocrelizumab, ofatumumab, obinutuzumab, ibritumomab, tositumomab)
  • Mga b-cell depleting agent (halimbawa: epratuzumab, belimumab, atacicept, anti-BR3, alemtuzumab)
  • Mga immune-suppressing agent o nagpapahina ng immune system (halimbawa: cyclophosphamide, cisplatin, methotrexate)
• Nakatanggap ng sulat mula sa Office of Provincial Health Office na nagpapahayag na ikaw ay clinically extremely vulnerable (CEV, lubos na bulnerable dahil sa klinikal na diagnosis) dahil mahina ang iyong immune system 

Kung mayroon ka ng anuman sa mga sumusunod na kondisyon, itinuturing kang clinically extremely vulnerable.

• Cystic fibrosis 
• Severe (malubha) na chronic obstructive pulmonary disease (COPD) o asthma (hika) na nangangailangan ng pagpapaospital sa nakaraang taon
• Tumatanggap o umiinom ng biologics para sa asthma (hika), severe lung disease (malubhang sakit sab aga) at hindi bababa sa isa sa mga sumusunod:
  • Long-term home oxygen therapy
  • Assessment o ebalwasyon para sa isang lung transplant
  • Severe pulmonary arterial hypertension
  • Severe pulmonary fibrosis/interstitial lung disease
• Mga rare o bihirang sakit sa dugo
• Diabetes na ginamot gamit ang Insulin
• Splenectomy (pagtanggal ng spleen) o functional asplenia
• Mga significant na developmental disability (kapansanan sa pag-unlad), kabilang ang:
  • Down Syndrome
  • Cerebral Palsy
  • Intellectual Developmental Disability (IDD)
  • Tumatanggap ng suporta mula sa Choice in Supports for Independent Living (CSIL) o Community Living British Columbia (CLBC)
• Buntis o nagdadalang-tao na may malubhang sakit sa puso (mula pagkapanganak o sakit na acquired) na nangangailangan ng obserbasyon ng isang cardiologist (espesyalista sa puso) habang nagbubuntis
• Mga neurological o iba pang kondisyon na nagdudulot ng matinding pagkahina ng muscle sa baga na nangangailangan ng paggamit ng ventilator o patuloy na Bi-level positive airway pressure (Bi-PAP)
• Sumasailalim sa dialysis o may stage 5 na chronic kidney disease (hindi gumagaling na sakit sa bato) (eGFR < 15ml/min)

Maaaring makatulong ang gamot na ito kung mayroon kang isa o higit pang malubhang medikal na chronic condition. Ang availability ng gamot ay depende sa iyong edad at kung ikaw ay bakunado. 

Kabilang sa mga halimbawa ng mga malubhang medikal na chronic condition o malalang sakit ang: 

• Stroke 
• Heart failure (paghina ng puso) o sakit sa puso 
• Chronic o malalang sakit sa kidney (bato) o liver (atay) 
• Chronic o malalang sakit sa baga tulad ng COPD 
• Diabetes 
• Mga Neurological na sakit tulad ng Parkinson’s 

Tinatayang tatagal nang: 15 minuto

Upang mag-request ng gamot, dapat mo munang kumpletuhin ang isang self-assessment questionnaire (talatanungan para sa sariling ebalwasyon).

Sagutan ang iyong self-assessment

Kung kailangan mo ng tulong sa pagsagot ng self-assessment, tumawag sa Service BC: 1-888-COVID-19 (Lunes hanggang Biyernes 7 am hanggang 7 pm)

Tinatayang tatagal nang: 15 minuto

Kung ipinapakita ng iyong self-assessment na maaaring makatulong sa iyo ang gamot, patatawagin ka sa Service BC. Sa tawag na ito, ang agent sa kabilang linya ay:

• Hihilingin sa iyong ulitin mo ang iyong mga sagot
• Kukumpirmahin na natutugunan mo ang criteria
• Kukuha ng higit pang impormasyon upang ipadala sa health care team

Kailangan mo ng:

• Iyong Personal Health Number (PHN)
• Numero ng telepono kung saan maaari kang tumanggap ng tawag
• Mailing address ng tirahan

Pagkatapos nito ay sasabihin ng Service BC agent kung ano ang iyong mga susunod na hakbang. Kung mayroon kang mga medical na tanong, hindi sinanay ang mga agent para sagutin ang mga ito. Dapat na maghintay ka para tanungin mo ito sa medical team sa panahon ng iyong clinical assessment.

Tinatayang tatagal nang: sa loob ng 3 araw mula simula ang proseso

Makakatanggap ka ng tawag mula sa isang health care provider sa pagitan ng 9 am hanggang 9 pm. Gagawin nila ang mga sumusunod:

• Susuriin ang iyong mga gamot at impormasyong pangkalusugan
• Magbibigay ng higit pang impormasyon tungkol sa paggamot gamit ang Paxlovid at Remdesivir

Dapat na handa kang makipag-usap tungkol sa:

• Kung anong mga gamot at supplement ang kasalukuyan mong iniinom
• Anumang medikal na kondisyong mayroon ka
• Anumang medikal na procedure na kamakailang isinagawa
• Anumang mga allergy na mayroon ka

Pagdedesisyunan ng medical team kung ligtas ba para sa iyong makatanggap ng gamot. 

Tinatayang tatagal nang: sa loob ng 5 araw mula simula ang proseso

Kung binigyan ka ng reseta para sa Paxlovid, makakatanggap ka ng instruksiyon para makuha ang iyong supply ng gamot.

Kung binigyan ka ng reseta para sa Remdesivir, ididirekta ka sa isang lokal na health care facility upang matanggap ang gamot sa pamamagitan ng infusion.

Habang naghihintay ng desisyon tungkol sa iyong gamot, basahin ang patnubay ng BCCDC tungkol sa pamamahala ng mga sintomas ng COVID-19 sa bahay.

Kung magkaroon ka ng malubhang sintomas, dapat na kaagad:

• Tumawag sa 911
  o
• Pumunta sa isang urgent care clinic o emergency department