Home/Overdose awareness/Decriminalizing people who use drugs in B.C./Dekriminalisasyon para sa mga gumagamit ng bawal na gamot sa B.C. (Decriminalizing people who use drugs in B.C. - TL)

Dekriminalisasyon para sa mga gumagamit ng bawal na gamot sa B.C.

Last updated on April 17, 2024

Ang Health Canada ay nagbigay ng eksepsiyon sa ilalim ng Controlled Drugs and Substances Act sa Province of B.C. Mula Enero 31, 2023 hanggang Enero 31, 2026 ay hindi sasampahan ng mga kriminal na kaso ang adults sa B.C. para sa personal possession ng kaunting dami ng ilang partikular na ipinagbabawal na gamot.

English | 繁體中文 | 简体中文 | Français | ਪੰਜਾਬੀ | فارسی| Tagalog | 한국어 | Español | عربى  | Tiếng Việt | 日本語 | हिंदी 

Huling binago:  Abril 11, 2024

On this page:

Bakit namin dinecriminalize ang personal possession ng ilang partikular na bawal na gamot

Sa laban ng B.C. sa toxic drug crisis, kritikal na hakbang ang decriminalization ng mga taong may ilang takdang bawal na gamot para sa personal na paggamit

Makakatulong ito sa pagbabawas ng mga hadlang at stigma na makakapigil sa pag-access ng mga suporta at serbisyo na maaaring magligtas ng buhay. Ang substance use o paggamit ng bawal na gamot o ilegal na droga at pag-inom ng alak ay isang isyung pangkalusugan, at hindi isang isyu ukol sa katarungang pangkrimen.

Nanawagan para sa dekriminalisasyon ang mga eksperto sa pampublikong kalusugan, kapulisan at mga advocate, at ipinunto ang dami ng mga potensiyal na benepisyo.

In-advocate ng Provincial Health Officer na si Dr. Bonnie Henry ang dekriminalisasyon bilang isang pangunahing estratehiya upang mabawasan ang stigma at matugunan ang toxic drug crisis sa kaniyang ulat noong 2019 na pinamagatang Stopping the Harm: Decriminalization of People Who Use Drugs in BC.

Ineendorso ng Canadian Association of Chiefs of Police ang dekriminalisasyon bilang isang bahagi ng epektibong estratehiya upang mabawasan ang pinsala sa kalusugan at kaligtasan ng publiko.

Ebidensiya ng dekriminalisasyon mula sa iba’t ibang bansa

Ipinatupad na rin ang dekriminalisasyon sa marami pang hurisdiksiyon tulad ng Portugal, Uruguay, Germany, Lithuania, Australia, at Czech Republic.

Ipinapakita ng ebidensiya na ang dekriminalisasyon ay isang epektibong paraan upang mabawasan ang mga pinsalang kaugnay sa substance use at kriminalisasyon.

Hindi iniuugnay ang dekriminalisasyon sa mas mataas na pagkakataon ng substance use. Sa Portugal, mula noong ipinatupad ang dekriminalisasyon, nanatiling mas mababa sa average ng European Union ang pagkakataon ng substance use at mga pagkamatay dahil sa overdose.

Inaasahan ang dekriminalisasyon na magbibigay ng savings sa mga gastos sa sistema ng criminal justice. Sa Portugal, mula noong ipinatupad ang dekriminalisasyon, bumaba ang proporsiyon ng mga nakakulong sa 15% mula 40%; at nababawasan ang pressure sa criminal justice system dahil sa malaking reduksiyon ng pag-aresto at pagsasampa ng kaso.

Ano ang magbabago

Ang Health Canada ay nagbigay ng eksepsiyon sa ilalim ng Controlled Drugs and Substances Act (Batas tungkol sa mga Kontroladong Gamot, at Droga at Alak) sa Province of B.C. Magkakaroon ito ng bisa simula Enero 31, 2023 hanggang Enero 31, 2026.

Sa ilalim ng eksepsiyon na ito, ang adults (18 taong gulang pataas) sa B.C. ay hindi aarestuhin o kakasuhan para sa posesyon ng kaunting dami ng ilang bawal na gamot para sa personal na paggamit. Ang mga bawal na gamot o ilegal na droga na saklaw ng eksepsiyong ito ay:

  • Mga opioid (tulad ng heroin, morphine, at fentanyl)
  • Crack and powder cocaine 
  • Methamphetamine (Meth o shabu)
  • MDMA (Ecstasy)

Ang mga nasa hustong gulang na nahuling may personal na posesyon ng anumang kombinasyon ng mga ipinagbabawal na gamot na ito na may kabuuang 2.5 gramo o mas kaunti ay hindi mapapatawan ng kriminal na kaso at hindi kukuhanin ang bawal na gamot. Sa halip, bibigyan sila ng impormasyon tungkol sa mga pangkalusugan at panglipunan na suporta. Kabilang dito ang pagbibigay ng referral sa lokal na paggamot at mga serbisyo sa recovery, kung hihingiin.

Ang eksepsiyon ay hindi aaplay sa K-12 na mga paaralan, sa mga lisensyadong childcare facilities, playgrounds, splash pads, wading pools, at skate parks.

Ano ang mananatiling ilegal

Ang possession ng:

  • Pinagsamang dami ng higit 2.5 gramo ng mga binanggit na exempted na gamot o ilegal na droga
  • Anumang dami ng iba pang ilegal na droga na hindi kabilang sa eksepsiyon

Hindi legalisasyon ang dekriminalisasyon. Sa ilalim ng eksepsiyong ito, ang mga bawal na gamot o ilegal na droga (kabilang ang mga nakalista sa itaas) ay hindi ginagawang legal at hindi ibebenta sa mga tindahan. Maliban kung naiiba ang na-authorize sa ilalim ng CDSA, ang produksyon ng droga, trafficking, at import at export ay mananatiling ilegal, anuman ang uri o dami ng (mga) hawak na gamot.

Bukod pa rito, ang eksepsiyon ay hindi umaaplay sa ilang mga partikular na sitwasyon.

Ang ilang public spaces at mga lokasyon ay hindi sakop

Ang sinomang nahúling may  anumang dami ng bawal na gamot sa mga lokasyong ito ay maaaring maaresto at masampahan ng kriminal na kaso, at maaaring kunin ang kanilang mga gamot:

Sa maraming kaso, nagpapatuloy pa rin ang pagbabawal ng paggamit ng bawal na gamot o ilegal na droga sa mga pribadong ari-arian, kabilang ang mga lugar na tulad ng mga shopping mall, bar at cafe. Patuloy na mananatili sa pulisya ang legal na awtoridad upang alisin ang mga indibidwal sa mga lugar na ito kung isinasagawa ang hayagang paggamit ng droga laban sa kahilingan ng may-ari.

Patuloy ang pagkakaroon ng awtoridad ng mga lokal na pamahalaan para sa pagbuo ng mga naaangkop na lokal na bylaw, nang may konsultasyon sa kanilang lokal na Medical Health Officer.

Pagbiyahe at transportasyon

Naaangkop ang eksepsiyon na ito sa British Columbia. Sa ibang provinces at teritoryo ng Canada, umaaplay pa rin ang mga kasalukuyang batas ukol sa bawal na gamot o ilegal na droga. Hindi binabago ng eksepsiyong ito ang mga patakaran sa border ng Canada, at ang pagdala ng mga bawal na gamot o ilegal na droga sa mga domestic at international borders. Naaangkop ito kung palabas man o papasok ng bansa, kahit na bumabiyahe papunta at galing sa B.C., kung saan umiiral ang eksepsiyon. Ang possession ng mga ilegal na droga ay maaaring magresulta sa matinding kriminal na parusa sa Canada at sa ibang bansa.

Mayroong mga espesyal na restriksiyong naaangkop para sa mga personal na sasakyan, sasakyang pandagat at pampublikong transportasyon. Nananatiling ilegal ang impaired driving (pagmamaneho nang nakainom ng alak o nakagamit ng bawal na gamot o droga) at napapasailalim ito sa pagpapatupad ng mga naaangkop na batas. Nananatiling ilegal ang posesyon ng anumang bawal na gamot o ilegal na droga, kabilang ang mga nakalista sa eksepsiyon:

  • Sa loob ng isang sasakyan o sasakyang pandagat na pinapatakbo ng menor de edad (wala pang 18 taong gulang), pinapatakbo man ito o hindi

Tinutukoy rin ng eksepsiyon ang mga kondisyon sa ligtas na pagtatago ng mga bawal na gamot na nakalista sa eksepsiyon:

  • Sa loob ng mga personal na sasakyan at sa pampublikong transportasyon; hindi dapat madaling makuha ng nagmamaneho ang mga bawal na gamot na ito
  • Kapag nakasakay sa mga sasakyang pandagat, hindi dapat madaling makuha ng operator o nagpapatakbo ang mga bawal na gamot na ito

Mga miyembro ng Canadian Armed Forces

Nananatiling kriminal na opensa o ilegal na gawain para sa mga miyembro ng Canadian Armed Forces na napapasailalim sa Code of Service Discipline na magkaroon ng posesyon ng mga bawal na gamot o ilegal na droga na nakalista sa eksepsiyon, maliban na lamang kung binigyang awtorisasyon.

Mga kabataan at ang batas

Hindi naaangkop ang eksepsiyon sa mga wala pang 18 taong gulang.

Ang mga kabataang 17 taong gulang pababa na nahuling may posesyon ng ilegal na droga o bawal na gamot ay napapasailalim sa Youth Criminal Justice Act (Batas tungkol sa Karapatang Pangkriminal para sa mga Kabataan) ng pederal na pamahalaan. Itinataguyod ng batas na ito ang rehabilitasyon at reintegrasyon ng mga kabataan na ginawa ang mga opensang ito. Maaaring kabilang dito ang referral ng mga nagpapatupad ng batas o prosecutor sa mga serbisyo sa komunidad o pangkalusugan, o mga itinalagang serbisyo sa counselling.

Mga paaralan, daycare facilities, splash pads, wading pools, skate parks at playgrounds

Upang matiyak ang kaligtasan para sa mga kabataan, ang mga aktibidad na may mga ilegal na droga, kabilang na ang possession nito, ay patuloy na ipinagbabawal sa mga paaralan, lisensyadong childcare facilities,  playgrounds, skate parks, splash pads, at wading pools. Patuloy na magkakabisa ang mga patakaran sa paggamit ng droga sa ibang mga lugar ng trabaho at organisasyon upang maprotektahan ang mga maliliit na bata at kabataan sa mga lugar tulad ng community o recreation centres.

Paano ipinatupad ang dekriminalisasyon

Naghanda ang B.C. sa pagpapatupad nito sa pamamagitan ng:

  • Paggawa ng isang masigasig na plano para sa pagsasanay o training ng mga pulis, kabilang ang unang yugto ng webinar para sa lahat ng officer sa province, at ang pangalawang yugto ng training na nakapokus sa approach o pamamaraan na nakatuon sa kalusugan para sa substance use (paggamit ng bawal na gamot o droga at pag-inom ng alak) ay ilulunsad sa darating na taglagas.
  • Pagbibigay edukasyon sa publiko tungkol sa mga mahahalagang pagbabago na ito
  • Patuloy na pakikipag-ugnayan sa mga komunidad ng First Nation at malawakang stakeholders, kasama ang:
    • Mga indibidwal na gumagamit ng bawal na gamot o ilegal na droga
    • Mga nagpapatupad ng batas
    • Mga racialized (mga taong negatibong naaapektuhan ng panlahing diskriminasyon) at diverse na komunidad
    • Mga kabataan
    • Mga business improvement association
    • Mga munisipalidad
  • Patuloy na pag-invest sa kabuuang suporta sa mental health at substance use (paggamit ng bawal na gamot at pag-inom ng alak), kabilang ang mga serbisyo sa paggamot at recovery

Monitoring at ebalwasyon

Ang monitoring o pagsubaybay at ebalwasyon ay isang kritikal na bahagi ng mga requirement ng Health Canada para sa eksepsiyon sa B.C. na may kinalaman sa personal possession. Ang pederal at probinsiyal na pamahalaan ay malapít na nagtutulungan upang magsagawa ng ebalwasyon at subaybayan ang pagpapatupad, mga early outcome, awareness o kaalaman ng publiko at mga hindi sinasadyang epekto. Minomonitor ng B.C. ang:

  • Mga pagbabago sa pagpapatupad ng batas, mga pagbabago sa socio-emotional wellbeing ng mga taong gumagamit ng mga droga, at mga paraan para makakuha ng mga serbisyo at treatment, kasama ng iba’t-ibang data na nagpapakita sa kung gaano kahusay ang mga pagsisikap ng province para magtatag ng sistema ng pangangalaga para sa pangkaisipang kalusugan at mga addiction.
  • Mga opensa, pagkuha (seizure), at pagsasampa ng kaso hinggil sa droga na kaugnay sa personal na paggamit mula sa mga ahensiya ng kapulisan, kasama ang datos mula sa BCCDX unregulated drug poisoning emergency dashboard
  • Mga nalaman mula sa Harm Reduction Client Survey at mga interview kasama ag mga indibidwal na gumagamit ng bawal na gamot 

Regular na nagpapasa ang B.C. ng mga ulat tungkol sa mga indicator na ito sa Health Canada. (Mababasa sa wikang Ingles)

Nilalayon ng monitoring at evaluation plan ng BC na maglabas ng mga napapanahong findings upang magbigay-alam sa mga kasalukuyang adjustment o pagbabago sa pagpapatupad habang lumilipas ang panahon.

Ang BC Centre for Disease Control ay nagsasagawa ng mga pag-aaral at survey ng mga tao na gumagamit ng bawal na gamot upang mas maintindihan ang kanilang mga karanasan sa dekriminalisasyon.

Kaiba sa mga pagsisikap ng BC, pinopondohan ng pederal na pamahalaan, sa pamamagitan ng Canadian Institutes for Health Research, ang isang third-party research upang makatulong sa pag-assess o pagsusuri ng mga epekto ng eksepsiyon sa pagtugon sa mga pinsala ng substance use.

Bukod pa sa pagmomonitor ng Province sa dekriminalisasyon, naglathala rin ang BC ng isang mental health at substance use data snapshot na naglalarawan sa trabaho na ginagawa at patuloy na gagawin ng province para magtatag ng isang sistema ng pangangalaga. Kabilang dito ang:

  • Maagang interbensyon, nang mas maagang makakuha ng pangangalaga ang mga tao
  • Pagbawas ng panganib para makasagip ng mga buhay
  • Pagkonekta ng mga tao sa pangangala, kapag at saan nila ito kinakailangan
  • Paggawa ng mga paraan para makapag-recover at para sa kabutihan, nang magkaroon ang mga tao ng mga buhay na mabuti sa kalusugan

Ang data snapshot ay mahahanap dito (ito’y available sa Ingles lamang).

Resources

Para sa karagdagang impormasyon tungkol sa dekriminalisasyon sa B.C.: