Home/Overdose awareness/Decriminalizing people who use drugs in B.C./ਬੀ.ਸੀ. ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਕਰ ਰਹੇ ਲੋਕਾਂ ਦਾ ‘ਡੀਕ੍ਰਿਮਨਲਾਈਜ਼ੇਸ਼ਨ’ (ਗੈਰ-ਅਪਰਾਧੀਕਰਨ) (Decriminalizing people who use drugs in B.C. - PUN)

ਬੀ.ਸੀ. ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਕਰ ਰਹੇ ਲੋਕਾਂ ਦਾ ‘ਡੀਕ੍ਰਿਮਨਲਾਈਜ਼ੇਸ਼ਨ’ (ਗੈਰ-ਅਪਰਾਧੀਕਰਨ)

Last updated on March 22, 2024

ਹੈਲਥ ਕੈਨੇਡਾ ਨੇ ਬੀ.ਸੀ. ਦੇ ਸੂਬੇ ਨੂੰ ਕੰਟ੍ਰੋਲਡ ਡਰੱਗਜ਼ ਐਂਡ ਸਬਸਟੈਂਸ ਐਕਟ ਦੇ ਤਹਿਤ ਛੋਟ ਦਿੱਤੀ ਹੈ। 31 ਜਨਵਰੀ, 2023 ਤੋਂ 31 ਜਨਵਰੀ, 2026 ਤੱਕ, ਬੀ.ਸੀ. ਵਿੱਚ ਬਾਲਗ ਵਿਅਕਤੀ ਛੋਟੀ ਮਾਤਰਾ ਵਿੱਚ ਨਿੱਜੀ ਤੌਰ ‘ਤੇ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥ ਰੱਖਣ ਲਈ ਅਪਰਾਧਕ ਦੋਸ਼ਾਂ ਦੇ ਅਧੀਨ ਨਹੀਂ ਹੋਣਗੇ।

ਆਖਰੀ ਵਾਰ ਅੱਪਡੇਟ ਕੀਤਾ: 14 ਸਤੰਬਰ, 2023

English | 繁體中文 | 简体中文 | Français | ਪੰਜਾਬੀ | فارسی| Tagalog | 한국어 | Español | عربى  | Tiếng Việt | 日本語| हिंदी 

ਆਖਰੀ ਵਾਰ ਅੱਪਡੇਟ ਕੀਤਾ: 21 ਮਾਰਚ, 2024

ਇਸ ਪੰਨੇ ‘ਤੇ:

ਅਸੀਂ ਕੁੱਝ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਨੂੰ ਨਿੱਜੀ ਤੌਰ ‘ਤੇ ਰੱਖਣ ਨੂੰ ‘ਡੀਕ੍ਰਿਮਨਲਾਈਜ਼’ ਕਿਉਂ ਕੀਤਾ ਹੈ

ਨਿੱਜੀ ਵਰਤੋਂ ਲਈ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥ ਰੱਖਣ ਵਾਲੇ ਲੋਕਾਂ ਦੀ ‘ਡੀਕ੍ਰਿਮਨਲਾਈਜ਼ੇਸ਼ਨ’ (ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਨੂੰ ਨਿੱਜੀ ਵਰਤੋਂ ਲਈ ਆਪਣੇ ਕੋਲ ਰੱਖਣ ਨੂੰ ਅਪਰਾਧ ਦੇ ਦਾਇਰੇ ’ਚੋਂ ਬਾਹਰ ਕਰਨ ਦੀ ਛੋਟ), ਬੀ.ਸੀ. ਦੀ ਜ਼ਹਿਰੀਲੇ ਨਸ਼ੀਲੇ ਪਦਾਰਥਾਂ ਦੇ ਸੰਕਟ ਵਿਰੁੱਧ ਲੜਾਈ ਵਿੱਚ ਇੱਕ ਅਹਿਮ ਕਦਮ ਹੈ।

ਇਹ ਉਹਨਾਂ ਰੁਕਾਵਟਾਂ ਅਤੇ ਸ਼ਰਮਿੰਦਗੀ ਨੂੰ ਘਟਾਉਣ ਵਿੱਚ ਮਦਦ ਕਰੇਗਾ ਜੋ ਲੋਕਾਂ ਨੂੰ ਆਪਣੀ ਜ਼ਿੰਦਗੀ ਬਚਾਉਣ ਲਈ ਸਹਾਇਤਾ ਅਤੇ ਸੇਵਾਵਾਂ ਤੱਕ ਪਹੁੰਚ ਕਰਨ ਤੋਂ ਰੋਕਦੇ ਹਨ। ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਪਬਲਿਕ ਹੈਲਥ (ਜਨਤਕ ਸਿਹਤ) ਦਾ ਮਾਮਲਾ ਹੈ, ਕ੍ਰਿਮੀਨਲ ਜਸਟਿਸ (ਅਪਰਾਧਕ ਨਿਆਂ) ਦਾ ਮੁੱਦਾ ਨਹੀਂ।

ਪਬਲਿਕ ਹੈਲਥ ਮਾਹਰਾਂ, ਪੁਲਿਸ ਅਤੇ ਹਿਮਾਇਤੀਆਂ ਨੇ ਸੰਭਾਵਿਤ ਲਾਭਾਂ ਦੀ ਇੱਕ ਲੜੀ ਵੱਲ ਇਸ਼ਾਰਾ ਕਰਦੇ ਹੋਏ, ‘ਡੀਕ੍ਰਿਮਨਲਾਈਜ਼ੇਸ਼ਨ’ (ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਨੂੰ ਨਿੱਜੀ ਵਰਤੋਂ ਲਈ ਆਪਣੇ ਕੋਲ ਰੱਖਣ ਨੂੰ ਅਪਰਾਧ ਦੇ ਦਾਇਰੇ ’ਚੋਂ ਬਾਹਰ ਕਰਨ ਦੀ ਛੋਟ) ਦੀ ਮੰਗ ਕੀਤੀ ਹੈ।

ਪ੍ਰੋਵਿੰਸ਼ੀਅਲ ਹੈਲਥ ਅਫਸਰ ਡਾ. ਬੌਨੀ ਹੈਨਰੀ ਨੇ ਆਪਣੀ 2019 ਦੀ ਰਿਪੋਰਟ ਵਿੱਚ ਬਦਨਾਮੀ ਦੇ ਡਰ ਨੂੰ ਘੱਟ ਕਰਨ ਅਤੇ ਜ਼ਹਿਰੀਲੇ ਨਸ਼ਿਆਂ ਦੇ ਸੰਕਟ ਨੂੰ ਹੱਲ ਕਰਨ ਲਈ ਇੱਕ ਮੁੱਖ ਕਾਰਜਨੀਤੀ ਵਜੋਂ ਡੀਕ੍ਰਿਮਨਲਾਈਜ਼ੇਸ਼ਨ ਦੀ ਹਿਮਾਇਤ ਕੀਤੀ ਸੀ, ਨੁਕਸਾਨ ਨੂੰ ਰੋਕਣਾ: ਬੀ.ਸੀ. ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਦੀ ਡੀਕ੍ਰਿਮਨਲਾਈਜ਼ੇਸ਼ਨ (Stopping the Harm: Decriminalization of People Who Use Drugs in BC)

‘ਕਨੇਡੀਅਨ ਐਸੋਸੀਏਸ਼ਨ ਔਫ ਚੀਫਜ਼ ਔਫ ਪੁਲਿਸ’ ਜਨਤਕ ਸਿਹਤ (ਪਬਲਿਕ ਹੈਲਥ) ਅਤੇ ਜਨਤਕ ਸੁਰੱਖਿਆ (ਪਬਲਿਕ ਸੇਫਟੀ) ਦੇ ਨੁਕਸਾਨਾਂ ਨੂੰ ਘੱਟ ਕਰਨ ਲਈ ਅਸਰਦਾਰ ਕਾਰਜਨੀਤੀ ਦੇ ਇੱਕ ਹਿੱਸੇ ਵਜੋਂ ਡੀਕ੍ਰਿਮਨਲਾਈਜ਼ੇਸ਼ਨ ਦੀ ਪੁਸ਼ਟੀ ਕਰਦੀ ਹੈ।

ਡੀਕ੍ਰਿਮਨਲਾਈਜ਼ੇਸ਼ਨ ਬਾਰੇ ਅੰਤਰਰਾਸ਼ਟਰੀ ਪ੍ਰਮਾਣ

ਪੋਰਚੂਗਲ, ਉਰੂਗਵੇ, ਜਰਮਨੀ, ਲਿਥੁਆਨੀਆ, ਆਸਟਰੇਲੀਆ ਅਤੇ ਚੈੱਕ ਰਿਪਬਲਿਕ ਸਮੇਤ ਕਈ ਹੋਰ ਅਧਿਕਾਰ ਖੇਤਰਾਂ ਵਿੱਚ ਡੀਕ੍ਰਿਮਨਲਾਈਜ਼ੇਸ਼ਨ ਲਾਗੂ ਕੀਤਾ ਗਿਆ ਹੈ। 

ਮੌਜੂਦਾ ਪ੍ਰਮਾਣ ਇਸ ਗੱਲ ਵੱਲ ਇਸ਼ਾਰਾ ਕਰਦੇ ਹਨ ਕਿ ਡੀਕ੍ਰਿਮਨਲਾਈਜ਼ੇਸ਼ਨ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਅਤੇ ਅਪਰਾਧੀਕਰਨ ਨਾਲ ਜੁੜੇ ਨੁਕਸਾਨਾਂ ਨੂੰ ਘੱਟ ਕਰਨ ਦਾ ਇੱਕ ਅਸਰਦਾਰ ਤਰੀਕਾ ਹੈ। ਪ੍ਰਮਾਣ ਇਸ ਗੱਲ ਵੱਲ ਇਸ਼ਾਰਾ ਕਰਦੇ ਹਨ ਕਿ ਡੀਕ੍ਰਿਮਨਲਾਈਜ਼ੇਸ਼ਨ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਅਤੇ ਅਪਰਾਧੀਕਰਨ ਨਾਲ ਜੁੜੇ ਨੁਕਸਾਨਾਂ ਨੂੰ ਘੱਟ ਕਰਨ ਦਾ ਇੱਕ ਅਸਰਦਾਰ ਤਰੀਕਾ ਹੈ।

ਡੀਕ੍ਰਿਮਨਲਾਈਜ਼ੇਸ਼ਨ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੀਆਂ ਵਧੀਆਂ ਹੋਈਆਂ ਦਰਾਂ ਨਾਲ ਜੁੜਿਆ ਨਹੀਂ ਹੈ। ਪੋਰਚੂਗਲ ਵਿੱਚ, ਡੀਕ੍ਰਿਮਨਲਾਈਜ਼ੇਸ਼ਨ ਤੋਂ ਬਾਅਦ, ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਅਤੇ ਓਵਰਡੋਜ਼ ਨਾਲ ਹੋਣ ਵਾਲੀਆਂ ਮੌਤਾਂ ਦੀਆਂ ਦਰਾਂ ਯੂਰਪੀਅਨ ਯੂਨੀਅਨ ਦੀ ਔਸਤ ਤੋਂ ਹੇਠਾਂ ਬਣੀਆਂ ਹੋਈਆਂ ਹਨ।

ਡੀਕ੍ਰਿਮਨਲਾਈਜ਼ੇਸ਼ਨ ਤੋਂ ਅਪਰਾਧਕ ਨਿਆਂ ਪ੍ਰਣਾਲੀ ਨੂੰ ਲਾਗਤ ਦੀ ਬੱਚਤ ਪ੍ਰਦਾਨ ਕਰਨ ਦੀ ਉਮੀਦ ਕੀਤੀ ਜਾਂਦੀ ਹੈ। ਪੋਰਚੂਗਲ ਵਿੱਚ, ਡੀਕ੍ਰਿਮਨਲਾਈਜ਼ੇਸ਼ਨ ਤੋਂ ਬਾਅਦ, ਨਸ਼ੀਲੇ ਪਦਾਰਥਾਂ ਲਈ ਸਜ਼ਾ ਸੁਣਾਏ ਗਏ ਕੈਦੀਆਂ ਦਾ ਅਨੁਪਾਤ 40% ਤੋਂ ਘਟ ਕੇ 15% ਹੋ ਗਿਆ ਹੈ; ਅਤੇ ਗਿਰਫਤਾਰੀਆਂ ਅਤੇ ਦੋਸ਼ਾਂ ਵਿੱਚ ਆਈ ਅਹਿਮ ਕਮੀ ਅਪਰਾਧਕ ਨਿਆਂ ਪ੍ਰਣਾਲੀ 'ਤੇ ਪੈਂਦੇ ਦਬਾਅ ਨੂੰ ਘੱਟ ਕਰਦੀ ਹੈ।

ਕੀ ਬਦਲੇਗਾ

ਹੈਲਥ ਕੈਨੇਡਾ ਨੇ ਬੀ.ਸੀ. ਦੇ ਸੂਬੇ ਨੂੰ ‘ਕੰਟ੍ਰੋਲਡ ਡਰੱਗਜ਼ ਐਂਡ ਸਬਸਟੈਂਸ ਐਕਟ’ ਦੇ ਤਹਿਤ ਛੋਟ ਦਿੱਤੀ ਹੈ। ਇਹ 31 ਜਨਵਰੀ, 2023 ਤੋਂ 31 ਜਨਵਰੀ, 2026 ਤੱਕ ਲਾਗੂ ਹੈ।

ਇਸ ਛੋਟ ਦੇ ਤਹਿਤ, ਬੀ.ਸੀ. ਵਿੱਚ ਬਾਲਗਾਂ (18 ਸਾਲ ਅਤੇ ਇਸ ਤੋਂ ਵੱਡੀ ਉਮਰ ਦੇ ਵਿਅਕਤੀ) ਨੂੰ ਨਿੱਜੀ ਵਰਤੋਂ ਵਾਸਤੇ ਕੁਝ ਵਿਸ਼ੇਸ਼ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਦੀਆਂ ਛੋਟੀਆਂ ਮਾਤਰਾਵਾਂ ਰੱਖਣ ਵਾਸਤੇ ਗਿਰਫਤਾਰ ਨਹੀਂ ਕੀਤਾ ਜਾਂਦਾ ਜਾਂ ਉਹਨਾਂ 'ਤੇ ਦੋਸ਼ ਨਹੀਂ ਲਗਾਏ ਜਾਂਦੇ ਹਨ। ਛੋਟ ਵਿੱਚ ਸ਼ਾਮਲ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਵਿੱਚ ਹਨ:

  • ਓਪੀਔਇਡਸ (ਜਿਵੇਂ ਕਿ ਹੈਰੋਇਨ, ਮੋਰਫ਼ੀਨ, ਅਤੇ ਫੈਨਟਾਨਿਲ)
  • ਕਰੈਕ ਅਤੇ ਪਾਊਡਰ ਕੋਕੇਨ
  •  ਮੈਥਐਮਫੈਟਾਮੀਨ (ਮੈਥ)
  • MDMA (ਐਕਸਟੇਸੀ)

ਨਿੱਜੀ ਤੌਰ ‘ਤੇ, ਇਹਨਾਂ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਦੇ ਕੁੱਲ ਮਿਲਾ ਕੇ 2.5 ਗ੍ਰਾਮ ਜਾਂ ਉਸ ਤੋਂ ਘੱਟ ਦੇ ਕਿਸੇ ਵੀ ਸੁਮੇਲ ਨਾਲ ਪਾਏ ਗਏ ਬਾਲਗ, ਅਪਰਾਧਕ ਦੋਸ਼ਾਂ ਦੇ ਅਧੀਨ ਚਾਰਜ ਨਹੀਂ ਹੁੰਦੇ ਅਤੇ ਨਸ਼ੀਲੇ ਪਦਾਰਥ ਜ਼ਬਤ ਨਹੀਂ ਕੀਤੇ ਜਾਂਦੇ ਹਨ। ਬਲਕਿ, ਉਹਨਾਂ ਨੂੰ ਸਿਹਤ ਅਤੇ ਸਮਾਜਕ ਸੇਵਾਵਾਂ ਬਾਰੇ ਜਾਣਕਾਰੀ ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ। ਇਸ ਵਿੱਚ ਬੇਨਤੀ ਕੀਤੇ ਜਾਣ ‘ਤੇ ਸਥਾਨਕ ਇਲਾਜ ਅਤੇ ਰਿਕਵਰੀ ਸੇਵਾਵਾਂ ਲਈ ਰਿਫ਼ਰਲ ਸ਼ਾਮਲ ਹੈ।

ਇਹ ਛੋਟ K-12 ਸਕੂਲਾਂ, ਲਾਇਸੰਸਸ਼ੁਦਾ ਚਾਈਲਡ ਕੇਅਰ (ਬਾਲ ਸੰਭਾਲ) ਦੀਆਂ ਫੈਸਿਲੀਟੀਆਂ, ਪਲੇਗ੍ਰਾਊਂਡਾਂ, ਸਪਲੈਸ਼ ਪੈਡਾਂ, ਵੇਡਿੰਗ ਪੂਲਾਂ ਅਤੇ ਸਕੇਟ ਪਾਰਕਾਂ 'ਤੇ ਲਾਗੂ ਨਹੀਂ ਹੁੰਦੀ ਹੈ।

ਕੀ ਗੈਰ ਕਨੂੰਨੀ ਰਹੇਗਾ

ਇਹ ਚੀਜ਼ਾਂ ਆਪਣੇ ਕੋਲ ਰੱਖਣਾ:

  • ਇਹਨਾਂ ਛੋਟ-ਪ੍ਰਾਪਤ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਦੀ ਕੁੱਲ ਮਿਲਾਕੇ 2.5 ਗ੍ਰਾਮ ਤੋਂ ਵਧੇਰੇ ਮਾਤਰਾ
  • ਹੋਰ ਕਿਸੇ ਵੀ ਮਾਤਰਾ ਵਿੱਚ ਕੋਈ ਵੀ ਗੈਰ-ਕੰਨੂਨੀ ਨਸ਼ੀਲੇ ਪਦਾਰਥ ਜੋ ਇਸ ਛੋਟ ਵਿੱਚ ਸ਼ਾਮਲ ਨਹੀਂ ਹਨ

ਡੀਕ੍ਰਿਮਨਲਾਈਜ਼ੇਸ਼ਨ’ ਜਾਂ ਗੈਰ-ਅਪਰਾਧੀਕਰਨ ਦਾ ਮਤਲਬ ਕਨੂੰਨੀਕਰਣ ਨਹੀਂ ਹੈ। ਇਸ ਛੋਟ ਦੇ ਤਹਿਤ, ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥ (ਜਿਨ੍ਹਾਂ ਵਿੱਚ ਉਹ ਵੀ ਸ਼ਾਮਲ ਹਨ ਜੋ ਉੱਪਰ ਸੂਚੀਬੱਧ ਕੀਤੇ ਗਏ ਹਨ) ਨੂੰ ਨਾ ਹੀ ਕਨੂੰਨੀ ਬਣਾਇਆ ਗਿਆ ਹੈ ਅਤੇ ਨਾ ਦੁਕਾਨਾਂ ਵਿੱਚ ਵੇਚਿਆ ਜਾਵੇਗਾ। ਬੇਸ਼ੱਕ ਨਸ਼ੇ ਦੀ ਕਿਸਮ ਜਾਂ ਮਾਤਰਾ ਜੋ ਵੀ ਹੋਵੇ, ਜੇ ਉਹ CDSA ਅਧੀਨ ਅਧਿਕਾਰਤ ਨਹੀਂ ਹਨ, ਨਸ਼ੀਲੇ ਪਦਾਰਥਾਂ ਦਾ ਉਤਪਾਦਨ, ਤਸਕਰੀ, ਆਯਾਤ ਅਤੇ ਨਿਰਯਾਤ ਗੈਰ-ਕਨੂੰਨੀ ਹੀ ਰਹਿੰਦਾ ਹੈ।

ਅਤੇ ਇਸ ਦੇ ਨਾਲ ਹੀ, ਇਹ ਛੋਟ, ਕੁਝ ਖਾਸ ਸਥਿਤੀਆਂ ਵਿੱਚ ਲਾਗੂ ਨਹੀਂ ਹੁੰਦੀ।

ਕੁਝ ਜਨਤਕ ਥਾਂਵਾਂ ਅਤੇ ਲੋਕੇਸ਼ਨਾਂ ਇਸ ਛੋਟ ਵਿੱਚ ਸ਼ਾਮਲ ਨਹੀਂ ਹਨ

ਇਹਨਾਂ ਥਾਵਾਂ ‘ਤੇ ਕਿਸੇ ਕੋਲ ਵੀ, ਕਿਸੇ ਵੀ ਮਾਤਰਾ ਵਿੱਚ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਦੇ ਪਾਏ ਜਾਣ ਕਾਰਨ ਉਸ ਨੂੰ ਗਿਰਫ਼ਤਾਰ ਕੀਤਾ ਜਾ ਸਕਦਾ ਹੈ, ਅਪਰਾਧਕ ਦੋਸ਼ ਨਾਲ ਚਾਰਜ ਕੀਤਾ ਜਾ ਸਕਦਾ ਹੈ ਅਤੇ ਉਸ ਦੇ ਨਸ਼ੀਲੇ ਪਦਾਰਥਾਂ ਨੂੰ ਜ਼ਬਤ ਕੀਤਾ ਜਾ ਸਕਦਾ ਹੈ:

ਬਹੁਤ ਸਾਰੇ ਮਾਮਲਿਆਂ ਵਿੱਚ, ਪ੍ਰਾਈਵੇਟ ਪ੍ਰੌਪਰਟੀਆਂ ‘ਤੇ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੀ ਮਨਾਹੀ ਜਾਰੀ ਹੈ, ਜਿਸ ਵਿੱਚ ਸ਼ਾਪਿੰਗ ਮਾਲ, ਬਾਰ ਅਤੇ ਕੈਫੇ ਵਰਗੀਆਂ ਥਾਵਾਂ ਵੀ ਸ਼ਾਮਲ ਹਨ। ਜੇਕਰ ਇਨ੍ਹਾਂ ਥਾਵਾਂ ‘ਤੇ ਮਾਲਕ ਦੀ ਮਰਜ਼ੀ ਦੇ ਵਿਰੁੱਧ ਖੁੱਲ੍ਹੇਆਮ ਨਸ਼ੇ ਦੀ ਵਰਤੋਂ ਹੁੰਦੀ ਹੈ ਤਾਂ ਪੁਲਿਸ ਨੂੰ ਲੋਕਾਂ ਨੂੰ ਉੱਥੋਂ ਹਟਾਉਣ ਦਾ ਕਨੂੰਨੀ ਅਧਿਕਾਰ ਬਰਕਰਾਰ ਰਹੇਗਾ।

ਸਥਾਨਕ ਸਰਕਾਰਾਂ ਕੋਲ ਆਪਣੇ ਸਥਾਨਕ ਮੈਡੀਕਲ ਹੈਲਥ ਅਫਸਰ ਨਾਲ ਸਲਾਹ-ਮਸ਼ਵਰਾ ਕਰਕੇ, ਉਚਿਤ ਸਥਾਨਕ ਬਾਏ-ਲਾਅਜ਼ ਬਣਾਉਣ ਦਾ ਅਧਿਕਾਰ ਜਾਰੀ ਹੈ।

ਸਫ਼ਰ ਅਤੇ ਢੋਆ ਢੁਆਈ

ਇਹ ਛੋਟ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਲਾਗੂ ਹੁੰਦੀ ਹੈ। ਹੋਰ ਸਾਰੇ ਕਨੇਡੀਅਨ ਸੂਬਿਆਂ ਅਤੇ ਟੈਰੀਟੋਰੀਆਂ ਵਿੱਚ, ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਬਾਰੇ ਮੌਜੂਦਾ ਕਨੂੰਨ ਅਜੇ ਵੀ ਲਾਗੂ ਹਨ। ਇਸ ਛੋਟ ਨਾਲ ਕੈਨੇਡਾ ਦੇ ਸਰਹੱਦੀ ਨਿਯਮਾਂ ਵਿੱਚ ਤਬਦੀਲੀ ਨਹੀਂ ਆਈ ਹੈ, ਅਤੇ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਨੂੰ ਆਪਣੀ ਨਿੱਜੀ ਵਰਤੋਂ ਲਈ ਕੈਨੇਡਾ ਦੇ ਵਿੱਚ ਅਤੇ ਅੰਤਰਰਾਸ਼ਟਰੀ ਸਰਹੱਦਾਂ ਦੇ ਪਾਰ ਲਿਜਾਣਾ ਗੈਰ-ਕਨੂੰਨੀ ਹੀ ਰਹੇਗਾ। ਚਾਹੇ ਕੋਈ ਦੇਸ਼ ਤੋਂ ਬਾਹਰ ਨਿਕਲ ਰਿਹਾ ਹੋਵੇ ਜਾਂ ਦੇਸ਼ ਵਿੱਚ ਦਾਖਲ ਹੋ ਰਿਹਾ ਹੋਵੇ, ਚਾਹੇ ਕੋਈ ਬੀ.ਸੀ. ਤੋਂ ਆਉਣ-ਜਾਣ ਲਈ ਸਫ਼ਰ ਹੀ ਕਿਉਂ ਨਾ ਕਰ ਰਿਹਾ ਹੋਵੇ, ਜਿੱਥੇ ਇਹ ਛੋਟ ਉਪਲਬਧ ਹੈ, ਇਹ ਫਿਰ ਵੀ ਲਾਗੂ ਹੁੰਦਾ ਹੈ। ਨਸ਼ੀਲੇ ਪਦਾਰਥਾਂ ਨੂੰ ਆਪਣੇ ਕੋਲ ਰੱਖਣ ਕਾਰਨ ਕੈਨੇਡਾ ਅਤੇ ਵਿਦੇਸ਼ਾਂ ਵਿੱਚ, ਦੋਵੇਂ ਜਗ੍ਹਾ ਗੰਭੀਰ ਅਪਰਾਧਕ ਸਜ਼ਾਵਾਂ ਹੋ ਸਕਦੀਆਂ ਹਨ।

ਵਿਸ਼ੇਸ਼ ਪਾਬੰਦੀਆਂ ਹਨ ਜੋ ਨਿੱਜੀ ਮੋਟਰ ਵਾਹਨਾਂ, ਵਾਟਰਕ੍ਰਾਫਟ ਅਤੇ ਪਬਲਿਕ ਟ੍ਰਾਂਜ਼ਿਟ 'ਤੇ ਲਾਗੂ ਹੁੰਦੀਆਂ ਹਨ। ਇਮਪੇਅਰਡ ਡਰਾਈਵਿੰਗ (ਨਸ਼ੇ ਦੀ ਹਾਲਤ ਵਿੱਚ ਗੱਡੀ ਚਲਾਉਣਾ) ਗੈਰ-ਕਨੂੰਨੀ ਹੀ ਰਹੇਗੀ ਅਤੇ ਉਸ ਲਈ ਬਣੇ ਕਨੂੰਨ ਲਾਗੂ ਹੋਣਗੇ।

ਕਿਸੇ ਵੀ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਨੂੰ ਰੱਖਣਾ, ਜਿਸ ਵਿੱਚ ਛੋ ਟ ਵਿੱਚ ਸੂਚੀਬੱਧ ਨਸ਼ੀਲੇ ਪਦਾਰਥ ਵੀ ਸ਼ਾਮਲ ਹਨ, ਦਾ ਗੈਰ-ਕਨੂੰਨੀ ਹੋਣਾ ਜਾਰੀ ਹੈ:

  • ਕਿਸੇ ਮੋਟਰ ਵਾਹਨ ਜਾਂ ਵਾਟਰਕ੍ਰਾਫਟ ਵਿੱਚ ਜਿਸ ਨੂੰ ਕਿਸੇ ਨਾਬਾਲਗ ਵਿਅਕਤੀ (18 ਸਾਲ ਤੋਂ ਘੱਟ ਉਮਰ ਦੇ) ਵੱਲੋਂ ਔਪਰੇਟ ਕੀਤਾ ਜਾ ਰਿਹਾ ਹੈ, ਚਾਹੇ ਇਹ ਚੱਲ ਰਿਹਾ ਹੋਵੇ ਜਾਂ ਨਾ ਚੱਲ ਰਿਹਾ ਹੋਵੇ

ਛੋਟ ਵਿੱਚ ਸੂਚੀਬੱਧ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਨੂੰ ਸੁਰੱਖਿਅਤ ਢੰਗ ਨਾਲ ਰੱਖਣ ਬਾਰੇ ਵੀ ਸ਼ਰਤਾਂ ਦਿੱਤੀਆਂ ਗਈਆਂ ਹਨ:

  • ਨਿੱਜੀ ਮੋਟਰ ਵਾਹਨਾਂ ਵਿੱਚ ਅਤੇ ਪਬਲਿਕ ਟ੍ਰਾਂਜ਼ਿਟ ਵਿੱਚ; ਇਹ ਨਸ਼ੀਲੇ ਪਦਾਰਥ ਡਰਾਈਵਰ ਲਈ ਆਸਾਨੀ ਨਾਲ ਪਹੁੰਚਯੋਗ ਨਹੀਂ ਹੋ ਸਕਦੇ
  • ਵਾਟਰਕ੍ਰਾਫਟ ਵਿੱਚ, ਇਹ ਨਸ਼ੀਲੇ ਪਦਾਰਥ ਔਪਰੇਟਰ ਲਈ ਅਸਾਨੀ ਨਾਲ ਪਹੁੰਚਯੋਗ ਨਹੀਂ ਹੋ ਸਕਦੇ

ਕਨੇਡੀਅਨ ਆਰਮਡ ਫੋਰਸਿਜ਼ ਦੇ ਮੈਂਬਰ

ਕਨੇਡੀਅਨ ਆਰਮਡ ਫੋਰਸਿਜ਼ ਦੇ ਮੈਂਬਰਾਂ ਲਈ ‘ਕੋਡ ਔਫ ਸਰਵਿਸ ਡਿੱਸਿਪਲਿਨ’ ਦੇ ਅਧੀਨ ਛੋਟ ਦੀ ਸੂਚੀ ਵਿੱਚ ਲਿਖੇ ਨਸ਼ੀਲੇ ਪਦਾਰਥਾਂ ਨੂੰ ਆਪਣੇ ਕੋਲ ਰੱਖਣਾ ਇੱਕ ਅਪਰਾਧਕ ਜੁਰਮ ਹੀ ਰਹੇਗਾ, ਬਸ਼ਰਤੇ ਕਿ ਉਹਨਾਂ ਨੇ ਮੰਜ਼ੂਰੀ ਲਈ ਹੋਈ ਹੋਵੇ।

ਨੌਜਵਾਨ ਅਤੇ ਕਨੂੰਨ

ਇਹ ਛੋਟ 18 ਸਾਲ ਤੋਂ ਘੱਟ ਉਮਰ ਦੇ ਲੋਕਾਂ 'ਤੇ ਲਾਗੂ ਨਹੀਂ ਹੁੰਦੀ।

ਜੇ 17 ਸਾਲ ਅਤੇ ਇਸ ਤੋਂ ਘੱਟ ਉਮਰ ਦੇ ਨੌਜਵਾਨਾਂ ਕੋਲ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥ ਪਾਏ ਜਾਂਦੇ ਹਨ, ਤਾਂ ਉਹਨਾਂ ‘ਤੇ ਫੈਡਰਲ ਯੂਥ ਕ੍ਰਿਮੀਨਲ ਜਸਟਿਸ ਐਕਟ ਲਾਗੂ ਹੁੰਦਾ ਹੈ। ਇਹ ਐਕਟ, ਉਨ੍ਹਾਂ ਨੌਜਵਾਨਾਂ ਦੇ ਮੁੜ ਵਸੇਬੇ ਅਤੇ ਸਮਾਜ ਵਿੱਚ ਮੁੜ ਸ਼ਾਮਲ ਹੋਣ ਨੂੰ ਉਤਸ਼ਾਹਤ ਕਰਦਾ ਹੈ ਜਿਨ੍ਹਾਂ ਨੇ ਅਪਰਾਧ ਕੀਤੇ ਹਨ। ਇਸ ਵਿੱਚ ਕਨੂੰਨ ਲਾਗੂ ਕਰਨ ਵਾਲੇ ਜਾਂ ਸਰਕਾਰੀ ਵਕੀਲਾਂ ਦੁਆਰਾ ਕਮਿਊਨਿਟੀ ਵਿੱਚ ਜਾਂ ਸਿਹਤ ਸੇਵਾਵਾਂ, ਜਾਂ ਖਾਸ ਤੌਰ ‘ਤੇ ਨਿਰਧਾਰਤ ਕਾਉਂਸਲਿੰਗ ਸੇਵਾਵਾਂ ਲਈ ਰਿਫ਼ਰਲ ਸ਼ਾਮਲ ਹੋ ਸਕਦੇ ਹਨ।

ਸਕੂਲ, ਡੇ-ਕੇਅਰ ਫੈਸਿਲਿਟੀਆਂ, ਸਪਲੈਸ਼ ਪੈਡ, ਵੇਡਿੰਗ ਪੂਲ, ਸਕੇਟ ਪਾਰਕ ਅਤੇ ਪਲੇਗ੍ਰਾਊਂਡ

ਨੌਜਵਾਨਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ, ਸਕੂਲਾਂ, ਲਾਇਸੰਸਸ਼ੁਦਾ ਚਾਈਲਡ ਕੇਅਰ ਫੈਸਿਲਿਟੀਆਂ, ਪਲੇਗ੍ਰਾਊਂਡਾਂ, ਸਕੇਟ ਪਾਰਕਾਂ, ਸਪਲੈਸ਼ ਪੈਡਾਂ ਅਤੇ ਵੇਡਿੰਗ ਪੂਲਾਂ 'ਤੇ ਗੈਰ-ਕਨੂੰਨੀ ਨਸ਼ੀਲੇ ਪਦਾਰਥਾਂ ਨੂੰ ਆਪਣੇ ਕੋਲ ਰੱਖਣ ਸਮੇਤ ਸਾਰੀਆਂ ਗਤੀਵਿਧੀਆਂ ਦੀ ਮਨਾਹੀ ਜਾਰੀ ਰਹੇਗੀ। ਕੰਮ ਦੀਆਂ ਹੋਰ ਥਾਵਾਂ ਅਤੇ ਕਮਿਊਨਿਟੀ ਜਾਂ ਰੀਕ੍ਰਿਏਸ਼ਨ ਸੈਂਟਰਾਂ ਵਰਗੀਆਂ ਸੰਸਥਾਵਾਂ ਵਿੱਚ ਉੱਥੋਂ ਦੀਆਂ ਨੀਤੀਆਂ ਬੱਚਿਆਂ ਅਤੇ ਨੌਜਵਾਨਾਂ ਦੀ ਸੁਰੱਖਿਆ ਕਰਨਾ ਜਾਰੀ ਰੱਖਣਗੀਆਂ।

ਡੀਕ੍ਰਿਮਿਨਲਾਈਜ਼ੇਸ਼ਨ (ਗੈਰ-ਅਪਰਾਧੀਕਰਨ) ਨੂੰ ਕਿਵੇਂ ਲਾਗੂ ਕੀਤਾ ਗਿਆ

ਬੀ.ਸੀ. ਇਸ ਨੂੰ ਲਾਗੂ ਕਰਨ ਲਈ ਇਸ ਤਰ੍ਹਾਂ ਤਿਆਰ ਹੈ:

  • ਪੁਲਿਸ ਨੂੰ ਸਿਖਲਾਈ ਦੇਣ ਲਈ ਇੱਕ ਮਜ਼ਬੂਤ ਯੋਜਨਾ ਬਣਾਉਣਾ, ਜਿਸ ਵਿੱਚ ਸੂਬੇ ਦੇ ਸਾਰੇ ਅਫਸਰਾਂ ਲਈ ਪਹਿਲੇ ਪੜਾਅ ਦਾ ਵੈਬੀਨਾਰ, ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਲਈ ਇੱਕ ਸਿਹਤ-ਕੇਂਦਰਿਤ ਪਹੁੰਚ 'ਤੇ ਧਿਆਨ ਕੇਂਦਰਿਤ ਕਰਨ ਵਾਲੀ ਸਿਖਲਾਈ ਦਾ ਇੱਕ ਦੂਜਾ ਪੜਾਅ ਵੀ ਸ਼ਾਮਲ ਹੈ, ਦੀ ਸ਼ੁਰੂਆਤ ਇਸ ਪੱਤਝੜ ਰੁੱਤ ਵਿੱਚ ਹੋਵੇਗੀ।
  • ਇਹਨਾਂ ਅਹਿਮ ਤਬਦੀਲੀਆਂ ਬਾਰੇ ਜਨਤਾ ਨੂੰ ਜਾਗਰੁਕ ਕਰਨਾ
  • ਫਰਸਟ ਨੇਸ਼ਨ ਕਮਿਊਨਿਟੀਆਂ ਅਤੇ ਵਿਆਪਕ ਹਿਤਧਾਰਕਾਂ ਦੇ ਨਾਲ ਚੱਲ ਰਹੀ ਸ਼ਮੂਲੀਅਤ ਜਿਸ ਵਿੱਚ ਸ਼ਾਮਲ ਹਨ :
    • ਨਸ਼ੇ ਦੀ ਵਰਤੋਂ ਕਰਨ ਵਾਲੇ ਲੋਕ
    • ਲਾਅ ਇੰਫੋਰਸਮੈਂਟ
    • ਨਸਲੀ ਪਿਛੋਕੜ ਵਾਲੇ ਅਤੇ ਵਿਭਿੰਨ ਭਾਈਚਾਰੇ
    • ਨੌਜਵਾਨ
    • ਵਪਾਰ ਸੁਧਾਰ ਐਸੋਸੀਏਸ਼ਨਾਂ
    • ਮਿਊਂਨਿਸੀਪੈਲਟੀਆਂ
  • ਇਲਾਜ ਅਤੇ ਰਿਕਵਰੀ ਸੇਵਾਵਾਂ ਸਮੇਤ, ਮਾਨਸਿਕ ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਵਿੱਚ ਸਹਾਇਤਾਵਾਂ ਦੀ ਪੂਰੀ ਲੜੀ ਵਿੱਚ ਨਿਵੇਸ਼ ਕਰਨਾ ਜਾਰੀ ਰੱਖਣਾ

ਸੂਬਾਈ ਸਰਕਾਰ ਨੇ ਡੀਕ੍ਰਿਮਿਨਲਾਈਜ਼ੇਸ਼ਨ ਦਾ ਨਿਰੀਖਣ ਕਰਨ ਲਈ ਇੱਕ ਮਜ਼ਬੂਤ ਨਿਗਰਾਨੀ ਅਤੇ ਮੁਲਾਂਕਣ ਯੋਜਨਾ ਵਿਕਸਤ ਕੀਤੀ ਹੈ। ਇਸ ਯੋਜਨਾ ਦੀ ਸਿਰਜਣਾ ਮਾਹਰਾਂ ਅਤੇ ਹਿੱਤਧਾਰਕਾਂ ਨਾਲ ਭਾਈਵਾਲੀ ਵਿੱਚ ਕੀਤੀ ਗਈ ਸੀ, ਅਤੇ ਇਹ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਨਾਲ ਸੰਬੰਧਤ ਅਪਰਾਧਕ ਨਿਆਂ, ਸਿਹਤ ਅਤੇ ਸ਼ਰਮਿੰਦਗੀ ਨਾਲ ਜੁੜੇ ਸਿੱਟਿਆਂ 'ਤੇ ਧਿਆਨ ਕੇਂਦਰਿਤ ਕਰਨ ਵਾਲੇ ਸੂਚਕਾਂ ਦੀ ਇੱਕ ਲੜੀ 'ਤੇ ਕੇਂਦਰਿਤ ਹੋਵੇਗੀ।

ਨਿਗਰਾਨੀ ਅਤੇ ਮੁਲਾਂਕਣ 

ਨਿਗਰਾਨੀ ਅਤੇ ਮੁਲਾਂਕਣ, ਬੀ.ਸੀ. ਵਿੱਚ ਨਸ਼ੀਲੇ ਪਦਾਰਥਾਂ ਦੇ ਨਿੱਜੀ ਤੌਰ ਤੇ ਪਾਏ ਜਾਣ ਵਿੱਚ ਛੋਟ, ਹੈਲਥ ਕੈਨੇਡਾ ਦੀਆਂ ਲੋੜਾਂ ਦਾ ਇੱਕ ਅਹਿਮ ਭਾਗ ਹੈ। ਫੈਡਰਲ ਅਤੇ ਸੂਬਾਈ ਸਰਕਾਰਾਂ ਮੁਲਾਂਕਣ ਕਰਨ ਅਤੇ ਇਸ ਦੀ ਨਿਗਰਾਨੀ ਕਰਨ ਲਈ ਆਪਸ ਵਿੱਚ ਨੇੜਤਾ ਨਾਲ ਕੰਮ ਕਰ ਰਹੀਆਂ ਹਨ।

ਜਿਹੜੇ ਲਾਗੂਕਰਨ, ਸ਼ੁਰੂਆਤੀ ਸਿੱਟਿਆਂ, ਜਨਤਕ ਜਾਗਰੂਕਤਾ ਅਤੇ ਅਣਇੱਛਤ ਸਿੱਟਿਆਂ ਦੀ ਨਿਗਰਾਨੀ ਅਤੇ ਮੁਲਾਂਕਣ ਬੀ.ਸੀ. ਕਰ ਰਿਹਾ ਹੈ:

  • ਕਨੂੰਨ ਲਾਗੂ ਕਰਨ ਦੇ ਤਰੀਕਿਆਂ ਵਿੱਚ ਤਬਦੀਲੀਆਂ, ਨਸ਼ਿਆਂ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਦੀ ਸਮਾਜਿਕ-ਭਾਵਨਾਤਮਕ ਤੰਦਰੁਸਤੀ ਵਿੱਚ ਤਬਦੀਲੀਆਂ, ਅਤੇ ਮਾਨਸਿਕ ਸਿਹਤ ਅਤੇ ਨਸ਼ਾਖੋਰੀ ਸੰਬੰਧੀ ਸੰਭਾਲ ਦਾ ਸਿਸਟਮ ਤਿਆਰ ਕਰਨ ਲਈ ਸੂਬੇ ਦੇ ਯਤਨਾਂ ਵਿੱਚ ਪ੍ਰਗਤੀ ਦਰਸਾਉਣ ਵਾਲੇ ਡੇਟਾ ਦੇ ਇੱਕ ਦਾਇਰੇ ਦੇ ਨਾਲ, ਸੇਵਾਵਾਂ ਅਤੇ ਇਲਾਜ ਲਈ ਰਸਤੇ ਬਣਾਉਣੇ
  • BCCDC ਅਨਿਯੰਤ੍ਰਿਤ ਡਰੱਗ ਪੋਇਜ਼ਨਿੰਗ ਐਮਰਜੈਂਸੀ ਡੈਸ਼ਬੋਰਡ ਤੋਂ ਡੇਟਾ ਅਤੇ ਪੁਲਿਸ ਏਜੰਸੀਆਂ ਵੱਲੋਂ ਅਪਰਾਧੀ ਠਹਿਰਾਏ ਜਾਣ ਤੋਂ ਬਾਅਦ ਡਰੱਗ-ਸੰਬੰਧਤ ਗ੍ਰਿਫਤਾਰੀਆਂ ‘ਤੇ ਨਜ਼ਰ ਰੱਖਣੀ
  • ‘ਹਾਰਮ ਰਿਡਕਸ਼ਨ ਕਲਾਇੰਟ ਸਰਵੇ’ ਤੋਂ ਮੁੱਢਲੀਆਂ ਖੋਜਾਂ, ਜਿਸ ਵਿੱਚ ਉਹਨਾਂ ਲੋਕਾਂ ਨਾਲ ਇੰਟਰਵਿਊ ਸ਼ਾਮਲ ਹਨ ਜੋ ਨਸ਼ੇ ਦੀ ਵਰਤੋਂ ਕਰਦੇ ਹਨ

ਬੀ.ਸੀ. ਦੀ ਨਿਗਰਾਨੀ ਅਤੇ ਮੁਲਾਂਕਣ ਯੋਜਨਾ ਦਾ ਉਦੇਸ਼ ਸਮੇਂ ਸਿਰ ਨਤੀਜੇ ਲਿਆਉਣਾ ਹੈ ਤਾਂਕਿ ਉਹਨਾਂ ਦੇ ਆਧਾਰ ‘ਤੇ ਸਮੇਂ ਦੇ ਨਾਲ-ਨਾਲ ਲਾਗੂਕਰਨ ਦੀਆਂ ਵਿਵਸਥਾਵਾਂ ਕੀਤੀਆਂ ਜਾ ਸਕਣ।

ਬੀ.ਸੀ. ਸੈਂਟਰ ਫੌਰ ਡਿਜ਼ੀਜ਼ ਕੰਟਰੋਲ ਉਹਨਾਂ ਲੋਕਾਂ ਦੇ ਅਧਿਐਨਾਂ ਅਤੇ ਸਰਵੇਖਣਾਂ ਦਾ ਸੰਚਾਲਨ ਕਰ ਰਿਹਾ ਹੈ ਜੋ ਡੀਕ੍ਰਿਮਨਲਾਈਜ਼ੇਸ਼ਨ ਨਾਲ ਆਪਣੇ ਤਜਰਬਿਆਂ ਨੂੰ ਬੇਹਤਰ ਤਰੀਕੇ ਨਾਲ ਸਮਝਣ ਲਈ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਕਰਦੇ ਹਨ।

ਬੀ.ਸੀ. ਦੀਆਂ ਕੋਸ਼ਿਸ਼ਾਂ ਤੋਂ ਵੱਖ, ਫੈਡਰਲ ਸਰਕਾਰ, ‘ਕਨੇਡੀਅਨ ਇੰਸਟੀਚਿਊਟਸ ਫੌਰ ਹੈਲਥ ਰਿਸਰਚ’ ਰਾਹੀਂ ਤੀਜੀ-ਧਿਰ ਦੀ ਖੋਜ ਵਾਸਤੇ ਫ਼ੰਡ ਸਹਾਇਤਾ ਦੇ ਰਹੀ ਹੈ ਤਾਂ ਜੋ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੇ ਨੁਕਸਾਨਾਂ ਨਾਲ ਨਜਿੱਠਣ 'ਤੇ ਛੋਟ ਦੇ ਪ੍ਰਭਾਵ ਦਾ ਮੁਲਾਂਕਣ ਕਰਨ ਵਿੱਚ ਮਦਦ ਕੀਤੀ ਜਾ ਸਕੇ।

ਸੂਬੇ ਦੀ ‘ਡੀਕ੍ਰਿਮਨਲਾਈਜ਼ੇਸ਼ਨ’ (ਗੈਰ-ਅਪਰਾਧੀਕਰਨ) ਦੀ ਨਿਗਰਾਨੀ ਤੋਂ ਇਲਾਵਾ, ਬੀ.ਸੀ. ਨੇ ਮਾਨਸਿਕ ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਦੇ ਡੇਟਾ ਦਾ ਇੱਕ ਸਾਰ ਵੀ ਪ੍ਰਕਾਸ਼ਿਤ ਕੀਤਾ ਹੈ, ਜੋ ਇਹ ਦਰਸਾਉਂਦਾ ਹੈ ਕਿ ਸੂਬਾ ਸੰਭਾਲ ਦੀ ਇੱਕ ਪ੍ਰਣਾਲੀ ਬਣਾਉਣ ਲਈ ਕੀ ਕੰਮ ਕਰ ਰਿਹਾ ਹੈ ਅਤੇ ਕਰਦਾ ਰਹੇਗਾ। ਇਸ ਵਿੱਚ ਸ਼ਾਮਲ ਹਨ:

  • ਜਲਦੀ ਦਖਲ ਦੇਣਾ ਤਾਂ ਜੋ ਲੋਕ ਸੰਭਾਲ ਤੱਕ ਜਲਦੀ ਪਹੁੰਚ ਸਕਣ
  • ਜਾਨਾਂ ਬਚਾਉਣ ਲਈ ਜੋਖਮ ਨੂੰ ਘਟਾਉਣਾ
  • ਲੋਕਾਂ ਨੂੰ ਸੰਭਾਲ ਨਾਲ ਜੋੜਨਾ, ਜਦੋਂ ਅਤੇ ਜਿੱਥੇ ਉਹਨਾਂ ਦੀ ਲੋੜ ਹੁੰਦੀ ਹੈ
  • ਰਿਕਵਰੀ ਅਤੇ ਤੰਦਰੁਸਤੀ ਲਈ ਮਾਰਗ ਬਣਾਉਣਾ ਤਾਂ ਜੋ ਲੋਕ ਸਿਹਤਮੰਦ ਜੀਵਨ ਜੀ ਸਕਣ

ਡੇਟਾ ਦਾ ਸਾਰ ਇੱਥੇ ਪਾਇਆ ਜਾ ਸਕਦਾ ਹੈ (ਸਿਰਫ਼ ਅੰਗਰੇਜ਼ੀ ਵਿੱਚ ਉਪਲਬਧ)।

ਸਰੋਤ

ਬੀ.ਸੀ. ਵਿੱਚ ਡੀਕ੍ਰਿਮਿਨਲਾਈਜ਼ੇਸ਼ਨ ਬਾਰੇ ਹੋਰ ਜਾਣਨ ਲਈ: