National pharmacare sa B.C. (Tagalog)

Ang page na ito ay may impormasyon tungkol sa Plan NP ng BC Pharmacare.

English | 繁體中文 | 简体中文 | Français​ | Tagalog | ਪੰਜਾਬੀ

Sa page na ito:

• Pangunahing impormasyon
• Pagpapatupad
• Sakop ng coverage
  • Mga gamot para sa diabetes
  • Menopausal hormone therapy
  • Mga kontrasepsiyon
• Background

Pangunahing impormasyon

Inilunsad noong Marso 1, 2026 ang BC PharmaCare National Pharmacare plan (Plan NP).

Sakop ng Plan NP ang maraming gamot para sa diabetes, gamot para sa menopausal hormone therapy at mga kontrasepsiyon para sa lahat ng residente ng B.C. na naka-enroll sa MSP.

Awtomatiko ang coverage sa botika. Hindi mo na kailangan magrehistro o magpadala ng mga resibo.

Para maging kwalipikado para sa coverage ng Plan NP:

• Ikaw ay dapat na residente ng B.C. na naka-enroll sa BC Medical Services Plan (MSP)
• Ang resetang gamot ay dapat idispensa o ibigay sa B.C.

Ang Plan NP ay isang probinsiyal na plan na ipinapatupad sa B.C. Sinusuportahan ito ng pagpopondo mula sa pederal na pamahalaan.

Hindi sakop ng Plan NP ang mga indibidwal na mula sa ibang province o mga nagdidispensa o kumukuha ng gamot sa ibang province.

Pagpapatupad

Ang mga residente ng B.C. ay dapat naka-enroll sa MSP para maging kwalipikado.

Kung nag-apply ka at hindi pa aktibo ang iyong coverage para sa MSP, maaari kang matulungan ng pharmacist para makakuha ng exceptional Plan NP coverage habang hinihintay ito.

Awtomatikong ibinibigay ang coverage sa mga botika tulad ng ibang plano ng BC PharmaCare. Hindi mo kailangang magrehistro para sa coverage o magpasa ng mga resibo.

Para sa coverage:

1. Ipakita ang reseta para sa covered na gamot at iyong BC Services Card sa isang botika dito sa B.C. Hindi na kailangan ng reseta para sa insulin.
2. Ipoproseso ng pharmacist ang reseta at ibibigay ang iyong gamot. Para sa mga gamot na buo ang coverage, wala kang babayaran. Hindi ka pagbabayarin ng pharmacist para sa mga gamot o anumang kaugnay na serbisyo, kabilang ang mga dispensing fee.

Ang mga gamot na ibinibigay sa ilalim ng Plan NP ay hindi naisasama sa deductible o family maximum ng Fair PharmaCare.

Tandaan na kailangan ng Special Authority approval ng ilang gamot.

Sakop ng coverage

Sakop ng Plan NP ang buong halaga ng maraming gamot para sa diabetes, mga kontrasepsiyon at menopausal hormone therapy (MHT).

Mayroong ilang gamot na di-buo o partial ang coverage. Sa ilalim ng Low Cost Alternative (LCA) program, kadalasang maaaring palitan ng isang pharmacist o nagbibigay ng reseta ang isang gamot na di-buo ang coverage (hal., brand name) sa isang kapantay na ligtas at epektibong produkto na masasagot nang 100% (hal., generic).

Para sa ilang gamot sa diabetes (saxagliptin, linagliptin at pioglitazone), dapat na magpasa ng isang Special Authority (SA) request ang nagreseta ng gamot para masakop ng coverage. Upang masakop ng coverage, dapat ma-approve ang SA request bago ibigay ang iyong resetang gamot. I-track ang mga SA request sa Health Gateway.

Ang Plan NP ay nagbibigay ng coverage para sa mga espesipikong gamot. Sakop pa rin ang mga gamot anuman ang dahilan ng pagrereseta nito.

Kung binayaran dati ng BC PharmaCare ang iyong mga gamot para sa diabetes, sakop na ito ngayon ng Plan NP at maaaring makakuha ng 100% coverage. Ang ilang gamot ay maaaring hindi na kailangan ng Special Authority para ma-cover.

Mga gamot para sa diabetes

Binabayaran ng Plan NP ang 100% o buong halaga ng mga sumusunod na gamot para sa diabetes:

• Mga insulin
• Metformin
• Glyburide
• Gliclazide
• Dapagliflozin
• Empagliflozin
• Empagliflozin na may metformin

Kailangan ng Special Authority para ma-cover ang mga medikasyon na ito:

• Linagliptin
• Linagliptin na may metformin
• Pioglitazone
• Saxagliptin
• Saxagliptin na may metformin

Ang iyong health provider ang mag-aapply para sa Special Authority para sa iyo kung natutugunan mo ang criteria para sa coverage.

Upang masakop ng coverage, dapat ma-approve ang SA request bago ibigay ang iyong resetang gamot. I-track ang mga SA request sa Health Gateway.

Mahahanap ang buong listahan ng mga covered na gamot sa Plan NP diabetes medications. 

Mga menopausal hormone therapy (MHT)

Binabayaran ng Plan NP ang 100% o buong halaga ng mga sumusunod na gamot para sa menopause hormone therapy (MHT):

• Oral conjugated estrogen
• Oral medroxyprogesterone
• Oral micronized progesterone
• Vaginal estrogen
• Topical estrogen at estrogen/progesterone (mga gel at patch)
• Oral estradiol

Ang MHT ay dating tinatawag na hormone replace therapy (HRT).

Mahahanap ang buong listahan ng mga covered na menopausal hormone therapy sa Plan NP menopausal hormone therapy.

Mga kontrasepsiyon

Binabayaran ng Plan NP ang 100% o buong halaga ng bersiyon ng mga sumusunod na kontrasepsiyon:

• Karamihan ng mga may resetang contraceptive pill
• Mga intrauterine device (IUD) – hormonal at copper
• Hormonal implant
• Mga hormonal vaginal ring
• Contraceptive injection (kontrasepsiyon na tinuturok)
• Emergency contraception (hindi kailangan ng reseta)

Para sa karagdagang impormasyon tungkol sa kontrasepsiyong sakop ng Plan NP, pumunta sa Free contraceptives.

Background

Noong Marso 6, 2025, nilagdaan ng Province of B.C. at Pamahalaan ng Canada ang isang kasunduan sa pederal na pagpopondo para sa coverage ng mga gamot at medikal na kagamitan at supply sa B.C. Ang pederal na pamahalaan ay magbibigay ng hanggang $670 milyong pagpopondo sa loob ng tatlong taon. Ang kasunduang ito ay resulta ng 2024 Pharmacare Act.

Nagbibigay ng pagpopondo ang pederal na pamahalaan para sa Plan NP at pinalawak na coverage para sa ilang device at kagamitan para sa diabetes.

Nilagdaan din ng Manitoba, Prince Edward Island at Yukon ang mga national pharmacare agreement noong 2025. Nagbibigay ng pagpopondo ang pederal na pamahalaan para sa national pharmacare ngunit ang mga programa ay pinapangasiwaan ng mga province at teritoryo. ​