Home/Health/Managing your health/Respiratory illnesses/Viral respiratory illness season/Panahon ng mga respiratoryong sakit na dulot ng virus (Viral respiratory illness season - Tagalog)

Panahon ng mga respiratoryong sakit na dulot ng virus

Publication date: October 5, 2026

Mas karaniwan ang mga respiratoryong sakit na dulot ng virus sa fall at winter. Alamin kung paano mapoprotektahan ang iyong sarili at kapwa, at kung ano ang maaaring gawin kapag nagkasakit.

English | 繁體中文 | 简体中文 | Français | ਪੰਜਾਬੀ | Tagalog 

Para sa pinakabagong impormasyon, mangyaring bisitahin ang page sa wikang Ingles.

Sa page na ito

Paano magpabakuna

Ngayong fall at winter, maaaring makatanggap ng libreng dosis ng bakuna laban sa trangkaso at COVID-19 ang lahat ng mamamayan dito sa B.C. Maaari kang magpabakuna sa mga kalahok na botika, public health clinic, First Nations community health centre o mga nursing station, at ilang tanggapan ng mga primary care provider sa iba’t ibang panig ng province.

Kung ikaw ay nakarehistro sa Get Vaccinated system, makakatanggap ka ng notipikasyon kapag panahon na para i-book ang iyong pagpapabakuna. Kung ito ang iyong unang pagkakataon na mag-book ng appointment online, maaari mong ilagay ang iyong contact information sa sistema upang makatanggap ng mga notipikasyon sa hinaharap.

Bukod pa sa pag-book ng iyong appointment online, maaari kang tumawag sa call centre sa 1-833-838-2323 para mag-book ng iyong appointment o i-check sa isang lokal na botika kung mayroon silang available na walk-in appointment

Mga paraan upang maiwasan ang pagkakasakit

Bukod pa sa pagpapabakuna, maiiwasan mo at ng ibang tao ang pagkakasakit sa pamamagitan ng:

  • Madalas na paghuhugas ng kamay gamit ang sabon at tubig o alcohol-based na hand sanitizer. Gumamit ng sabon at tubig kung nakikitang marumi ang iyong mga kamay
  • Pagtakip ng iyong ilong at bibig kapag bumabahing o umuubo. Bumahing o umubo sa iyong siko kaysa sa iyong mga kamay
  • Pananatili sa bahay kung masama ang iyong pakiramdam upang hindi mahawaan ang ibang tao. Kung hindi mo maiwasang lumayo sa ibang tao, inirerekomenda ang pagsusuot ng mask upang hindi mo mahawaan ng sakit ang mga nakapaligid sa iyo

Karagdagang impormasyon

Kapag fall at winter, mas marami tayong nakikitang mga respiratoryong sakit na dulot ng virus na kumakalat sa ating mga komunidad, dahil lalong lumalamig at mas madalas na namamalagi ang mga tao sa loob ng mga gusali.

Ang mga respiratory virus ay maaaring magdulot ng mga malubhang kumplikasyon sa kalusugan at maaaring humantong sa pagkamatay. Ang pagpapabakuna ang pinakamabisang paraan para maprotektahan ang iyong sarili at ang mga malapit sa iyo. Mayroong karagdagang impormasyon tungkol sa mga respiratoryong sakit na dulot ng virus tulad ng trangkaso (influenza o flu), COVID-19, respiratory syncytial virus (RSV) at pulmonya (pneumonia):

Mayroon akong mga tanong

Expand All | Collapse All
 

Hindi pa ako nakakatanggap ng bakuna laban sa COVID-19 o trangkaso (influenza) dito sa B.C.

Ilagay ang iyong contact information sa Get Vaccinated system upang makatanggap ng mga notipikasyon sa hinaharap kapag panahon na para i-book ang iyong mga appointment para sa pagbabakuna laban sa COVID-19 at trangkaso.

Ilagay ang iyong contact information Ihanda ang iyong Personal Health Number (PHN).

Ang bawat residente ng B.C. na naka-enroll sa Medical Services Plan (MSP) ay binibigyan ng isang PHN para makatanggap ng pangangalagang pangkalusugan. Makikita ang iyong PHN sa likod ng iyong driver’s licence, BC Services Card o CareCard.

Kung wala kang PHN, tumawag sa Health Insurance BC: 604-683-7151 (kapag tatawag mula sa Vancouver) o 1-800-663-7100 (toll-free o walang bayad kung tatawag saanman sa B.C.).

 

Kailangan ko ng impormasyon at payo tungkol sa aking personal na kalusugan

Kung mayroon ka pa ring mga tanong tungkol sa pagbabakuna sa B.C., magpakonsulta sa iyong doktor o health care provider.

Kung wala kang family doctor, tumawag sa 811.

 

Kailangan ko ng tulong para mag-book ng appointment

Tumawag sa: 1-833-838-2323

Lunes hanggang Biyernes, 8 am hanggang 6 pm (Pacific time). Matatawagan din kapag Sabado, mula Oktubre 17 hanggang Nobyembre 7. Sarado sa mga statutory holiday | Mayroong mga tagasalin

 

Hindi ako residente ng B.C.

Ang mga community pharmacist ay maaari lamang magbakuna ng mga residente sa B.C. na mayroong Personal Health Number. Ang mga hindi residente ng B.C. ay maaaring makipag-ugnayan sa isang lokal na public health unit o tumawag sa vaccine line ng province sa 1-833-838-2323 (walang bayad) upang makapagtanong tungkol sa availability ng mga appointment para sa pagbabakuna.

Tumawag sa call centre kung mayroon kang mga tanong tungkol sa iyong mga opsiyon para sa iyong pagbabakuna laban sa COVID-19, trangkaso (influenza) o RSV, at kung kailangan mo ng tulong para sa pag-book ng appointment. Makipag-ugnayan sa iyong health care provider kung mayroon kang mga tanong tungkol sa panahon kung kailan ka dapat magpabakuna.

Tumawag sa: 1-833-838-2323

Lunes hanggang Biyernes, 8 am hanggang 6 pm (Pacific time). Matatawagan din kapag Sabado, mula Oktubre 17 hanggang Nobyembre 7. Sarado sa mga statutory holiday | Mayroong libreng tulong para sa iba’t ibang wika

Mula sa labas ng Canada at USA: 1-604-681-4261

Para humingi ng tulong sa ibang wika bukod pa sa Ingles, sabihin ang pangalan ng wika kapag tumawag. Sinusuportahan ng phone line ang mahigit 220 wika, kabilang ang:

  • 國粵語
  • ਪੰਜਾਬੀ
  • فارسی
  • Français
  • Español