Bakuna laban sa trangkaso (flu)

Makakakuha ng mga bakuna laban sa trangkaso (influenza) sa fall 2026 upang makapagbigay ng proteksiyon sa panahon ng mga respiratoryong sakit na dulot ng virus. Kung inirerekomenda sa iyong magpabakuna, makakatanggap ka ng notipikasyon sa pamamagitan ng Get Vaccinated system kapag panahon na para i-book ang iyong appointment.

English | 繁體中文 | 简体中文 | Français | ਪੰਜਾਬੀ |Tagalog

Para sa pinakabagong impormasyon, mangyaring bisitahin ang page sa wikang Ingles.

Sa page na ito

• Bakuna laban sa trangkaso para sa respiratory illness season
• Kailangan ko ng tulong

Bakuna laban sa trangkaso para sa respiratory illness season

Ang trangkaso o flu ay isang nakakahawang respiratoryong karamdaman na dulot ng mga influenza virus na nahahawaan ang ilong, lalamunan at minsan ang mga baga. Maaari itong magdulot ng mild o katamtaman hanggang severe o malubhang sakit, at minsan maaaring humantong sa pagkakaroon ng komplikasyon o  kamatayan. 

Ang pinakamainam na paraan para maiwasan ang trangkaso ay ang pagpapabakuna kada taon. Mayroong karagdagang impormasyon tungkol sa influenza o trangkaso sa HealthLinkBC.

Sa panahon ng fall at winter, maaaring makapagpabakuna laban sa trangkaso o influenza ang lahat ng 6 na buwang gulang pataas

Libre ang pagbabakuna laban sa trangkaso para sa lahat ng residente ng B.C. na 6 na buwang gulang pataas sa fall at winter.

Habang sinuman ay maaaring magkaroon ng trangkaso, matinding inirerekomenda na magpabakuna ang mga indibidwal na mayroong mataas na risk na magkaroon ng malubhang sakit at kompllikasyon. Kabilang dito ang mga indibidwal na:

• Mga nasa hustong gulang na 65 taong gulang pataas
• Nakatira sa long-term care o assisted living, anuman ang kanilang edad
• Immunocompromised (may mahinang immune system) o mayroong chronic illness (pabalik-balik na sakit)
• Indigenous people na anim na buwang gulang pataas
• Mga batang 6 na buwang gulang hanggang bago mag 5 taong gulang
• Buntis o nagdadalang-tao

Matinding inirerekomenda ang bakuna para sa mga indibidwal na maaaring maipasa ang virus sa mga mayroong mataas na risk at sa mga indibidwal na naghahatid ng mga esensiyal na serbisyo sa komunidad tulad ng mga first responder.

Mayroong available na enhanced vaccines para sa mga senior

Upang makatulong na magkaroon ng mas malakas na immune response, mayroong available na enhanced vaccines para sa mga 65 taong gulang pataas.

Maaaring magdulot ng malubhang pagkakasakit sa mga bata ang trangkaso o influenza

Mas mataas ang risk o panganib ng mga mas maliliit na bata sa pagkakaroon ng mga respiratoryong sakit o karamdaman. Upang maiwasan ang pagkakaroon ng matinding pagkakasakit, pabakunahan ang iyong anak kada taon.

Ligtas na maisasabay ang pagpapabakuna laban sa trangkaso o influeza at iba pang mga bakuna para sa iyong anak.

Ang bakuna ay karaniwang ibinibigay nang isang dosis tuwing fall kada taon. Ang mga batang wala pang 9 na taong gulang na hindi pa nakakapagpabakuna laban sa trangkaso o influenza ay kailangan ng 2 dosis na may 4 na linggong pagitan para sa bawat dose.  Mahalaga ang pangalawang dose upang mapalakas ang proteksiyon na naibibigay ng kanilang unang dose. 

Gusto kong mapabakunahan laban sa trangkaso o influenza ang aking anak

Mayroon kang ilang opsiyon upang makakuha ng bakuna laban sa trangkaso o flu vaccine para sa iyong anak pagdating ng fall at winter.

• Mag-book ng appointment sa health authority clinic o botika
  • Online gamit ang Get Vaccinated booking link na natanggap mo para sa iyong anak sa pamamagitan ng email o text message.
  • Tumawag sa 1-833-838-2323. Tutulungan ka naming kumuha ng susunod na available na appointment
• Mag-book ng appointment sa iyong pangunahing health-care provider, kung nagbibigay sila ng bakuna laban sa trangkaso

Kailangan ko ng tulong​