Home/Health/Managing your health/Immunizations/COVID-19 immunizations/Pagbabakuna laban sa COVID-19 (COVID-19 immunizations - TL)

Pagbabakuna laban sa COVID-19

Publication date: April 21, 2026

Ang pagbabakuna ang pinakaligtas at pinakaepektibong paraan para maprotektahan ang iyong sarili mula sa pagkakaroon ng malubhang sakit na dulot ng COVID-19.

English | 繁體中文 | 简体中文 | Français | ਪੰਜਾਬੀ | Tagalog 

Para sa pinakabagong impormasyon, mangyaring bisitahin ang page sa wikang Ingles.

Sa page na ito

Kwalipikasyon para sa spring COVID-19 vaccine

Inaasahan na isasagawa ang COVID-19 spring program ng B.C. mula Abril 22 hanggang Hulyo 31, 2026. Nagbibigay ang programa ng mga bakuna sa mga residente na mayroong pinakamataas na panganib na magkaroon ng malubhang sakit at komplikasyon na dulot ng COVID-19, batay sa mga rekomendasyon mula sa National Advisory Committee on Immunization.

Kahit na ang isang dose ng bakunang natanggap noong viral respiratory illness season noong fall at winter ay nagbibigay ng proteksiyon para sa karamihan, ang dagdag na dose sa spring ay mariing inirerekomenda sa mga indibidwal na maaaring magkaroon ng malalang sakit. Kabilang dito ang:

  • Mga indibidwal na 80 taong gulang pataas
  • Mga Indigenous na indibidwal na 70 taong gulang pataas
  • Mga residente ng long-term care home at pasilidad para sa assisted living, at mga naghihintay ng placement
  • Mga indibidwal na 6 na buwang gulang pataas na na-diagnose bilang clinically extremely vulnerable (CEV 1 o CEV 2)

Makakatulong rin sa mga sumusunod na indibiwal ang isang spring COVID-19 booster:

  • Mga indibidwal na 65 taong gulang pataas
  • Mga Indigenous na indibidwal na 55 taong gulang pataas

Kung ikaw ay 65 taong gulang pataas at nakarehistro sa Get Vaccinated system, makakatanggap ka ng notipikasyon kapag ipinadala ito sa huling bahagi ng Abril.

Kung mayroon kang mga tanong tungkol sa iyong kwalipikasyon para sa pagbabakuna laban sa COVID-19, makipag-ugnayan sa iyong health care provider o tumawag sa call centre.

Saan ako makakapagpabakuna

Simula huling bahagi ng Abril, maaaring makapagpabakuna laban sa COVID-19 sa iba’t ibang pangkalusugang pasilidad sa iba’t ibang panig ng province, kabilang dito ang:

  • Mga botika o pharmacy sa komunidad
  • Mga regional health authority clinic
  • Ilang tanggapan ng mga primary care provider
  • Mga community health centre
  • Mga long-term care home at mga pasilidad sa assisted living
  • Mga community health centre o mga nursing station sa mga komunidad ng First Nations
  • Mga public health unit (para sa mga batang wala pang 12 taong gulang)

Kung hindi ka pa nakakapagpabakuna laban sa COVID-19 sa B.C.

Magrehistro sa Get Vaccinated system upang matanggap ang iyong notipikasyon para makapag-book ng appointment at para maging updated sa iyong mga bakuna laban sa trangkaso o influenza (flu) at COVID-19. Maaari mong irehistro ang iyong sarili o ibang tao, tulad ng iyong magulang, lolo at lola, o anak.

Magrehistro online

Magrehistro online   Tatagal lamang ito ng 2 minuto.

Upang magrehistro online, dapat mong ibigay ang:

  • Pangalan at apelyido
  • Petsa ng kapanganakan
  • Postal code
  • Personal Health Number (PHN)
  • Isang email address na regular na tinitingnan o numero ng telepono na maaaring makatanggap ng mga text message

Ang bawat residente ng B.C. na mayroong Medical Services Plan (MSP) ay mayroong PHN para makakuha ng pangangalagang pangkalusugan. Makikita ang PHN sa likod ng iyong BC Driver’s license, BC Services Card o CareCard.

Kung wala kang PHN, tumawag sa tanggapan ng MSP: 604-683-7151 (kapag tatawag mula sa Vancouver) o 1-800-663-7100 (toll-free o walang bayad kung tatawag saanman sa B.C.)

Magrehistro sa pamamagitan ng pagtawag

Tumawag sa: 1-833-838-2323 |   Lunes hanggang Biyernes, 8 am hanggang 6 pm. Sarado sa mga statutory holiday | Mayroong mga tagasalin

Mula sa labas ng Canada at USA: 1-604-681-4261

Alamin ang mga opsiyon para sa pagbabakuna

Expand All | Collapse All
 

Mga bakunang makukuha sa B.C.

In-update ang mga bakunang COVID-19 mRNA para sa 2025-26 season batay sa LP.8.1 variant. Mayroong masinsinang proseso ng pag-apruba upang matiyak na ang mga aprubadong bakuna ay ligtas at epektibo.

Ang spring COVID-19 immunization program ay nagbibigay ng parehong bakuna sa COVID-19 na ginamit noong 2025-26 respiratory illness season – ang Moderna Spikevax at Pfizer Comirnaty.

Basahin ang impormasyon tungkol sa mga pinakabagong aprubadong bakuna sa Canada.

Gusto kong kumuha ng bakunang hindi mRNA

Kasalukuyang hindi available ang mga bakunang hindi mRNA laban sa COVID-19.

Kung hindi ka maaaring tumanggap ng bakunang mRNA kontra COVID-19, makipag-ugnayan sa iyong health care provider tungkol sa mga opsiyon sa paggamot kung magkaroon ka ng COVID-19.

 

Mga bakuna para sa mga maliliit na bata at kabataan

Ang mga bakuna sa COVID-19 ay mahalagang bahagi ng regular na iskedyul ng pagbabakuna ng iyong mga anak. 

Maaaring mapabakunahan laban sa COVID-19 ang iyong anak kasabay ang ibang mga bakuna para sa mga bata, kabilang ang bakuna laban sa trangkaso (influenza). Kung marami kang anak, kailangan ng bawat isa ng kanilang sariling appointment.

Planuhin na magtatagal nang 15 hanggang 30 minuto sa iyong appointment kasama ang iyong anak.

 

Iba pang mga konsiderasyon

Karamihan sa mga kwalipikadong indibidwal ay ligtas na mababakunahan laban sa COVID-19, subalit ang iilang indibidwal na mayroong matinding allergy sa ilang sangkap ng bakuna ay kailangang makipag-ugnayan sa kanilang health care provider para sa kanilang mga opsiyon.

Bisitahin ang page ng HealthLink BC tungkol sa Impormasyon at kaligtasan ng bakuna para sa karagdagang impormasyon.

Basahin sa website ng HealthLink BC ang impormasyon kung paano protektahan ang iyong sarili, iyong pamilya at iyong komunidad laban sa COVID-19.

Talaan ng pagbabakuna o immunization record

Kapag nabakunahan ka na, ang iyong impormasyon ay ilalagay sa electronic Provincial Immunization Registry. Maaari mong ma-access online ang iyong rekord ng pagbabakuna sa pamamagitan ng Health Gateway.​

Hindi na nagbibigay ng Katibayan ng Bakuna para sa COVID-19 ang Health Gateway. Hindi mo kailangan ng Katibayan ng Bakuna sa B.C.

Online:

Pag-update ng aking record

Kung hindi makita ang iyong immunization records sa Health Gateway, maaari itong idagdag sa electronic Provincial Immunization Registry. 

Kaligtasan at bisa ng bakuna

Nagsasagawa ang Health Canada ng isang masinsinang proseso ng pag-apruba na tumitiyak na mabisa at ligtas ang mga bakuna na natatanggap natin.

  • Masusing sinusuri ang mga bakuna bago ito aprubahan para magamit
  • Patuloy na sinusubaybayan ng Health Canada ang kaligtasan ng mga bakuna pagkatapos nilang maipakilala sa Canada
  • Walang bagong pangunahing alalahanin sa kaligtasan ang natukoy sa datos na sinuri ng Health Canada

Basahin ang patnubay ng Health Canada tungkol sa kaligtasan at mga side effect ng bakuna laban sa COVID-19.

Kailangan ko ng tulong

Expand All | Collapse All
 

Wala akong imbitasyon

Kailangan mong magrehistro sa Get Vaccinated system para makakuha ng imbitasyon. Kung hindi mo pa natatanggap o hindi mo mahanap ang iyong imbitasyon: 

 

Wala akong Personal Health Number (PHN)

Ang bawat residente ng B.C. na naka-enroll sa Medical Services Plan ay binibigyan ng isang natatanging lifetime identifier para sa health care na tinatawag na Personal Health Number (PHN). Ang iyong PHN ay maaaring mahanap sa iyong BC Services Card.

Hanapin o gumawa ng PHN. 

Kung tama ang inilagay mong PHN ngunit nakakaranas ng problema sa pag-log in, mangyaring tumawag sa call centre sa 1-833-838-2323 para makakuha ng tulong.

 

Hindi ako residente ng B.C.

Binibigyang priyoridad ang mga residente ng B.C. para sa mga appointment ng bakuna laban sa COVID-19, lalo na ang mga indibidwal na mas mataas ang panganib na magkaroon ng malubhang sakit.

Ang mga residente mula ibang province at teritoryo sa Canada na nais magpabakuna sa B.C. ay maaaring tumawag sa probinsiyal na vaccine line sa 1-833-838-2323 (walang bayad) upang malaman kung aling public health unit ang maaaring makapagbigay ng bakuna sa mga hindi residente ng B.C. at ang impormasyon tungkol sa availability ng appointment.

 

Karagdagang impormasyon tungkol sa COVID-19 sa B.C.

Mayroong impormasyon tungkol sa testing, paggamot, patnubay at iba pa. 

Tumawag sa call centre kung mayroon kang mga tanong tunkol sa iyong mga opsiyon sa pagbabakuna at kailangan ng tulong sa pag-book ng appointment. Makipag-ugnayan sa iyong health care provider kung mayroon kang mga tanong tungkol sa kung kailan ka dapat magpabakuna.

Tumawag sa: 1-833-838-2323

Lunes hanggang Biyernes, 8 am hanggang 6 pm. Sarado sa mga statutory holiday | Mayroong libreng tulong para sa iba’t ibang wika

Mula sa labas ng Canada at USA: 1-604-681-4261