ਬੀ.ਸੀ. ਦੀਆਂ ਏਕੀਕ੍ਰਿਤ ਬਾਲ ਅਤੇ ਨੌਜਵਾਨ ਟੀਮਾਂ

ICY ਟੀਮਾਂ ਨਾਲ ਸੰਪਰਕ ਕਰਨ ਲਈ (ਸਰਗਰਮ ਟੀਮਾਂ ਹੇਠਾਂ ਦਿੱਤੀਆਂ ਗਈਆਂ ਹਨ), ਆਪਣੇ ਸਥਾਨਕ CYMH ਇੰਟੇਕ ਕਲੀਨਿਕ, ਅਧਿਆਪਕ, ਹੋਰ ਸਕੂਲ ਸਟਾਫ, ਫੈਮਿਲੀ ਡਾਕਟਰ ਜਾਂ ਨਰਸ ਪ੍ਰੈਕਟੀਸ਼ਨਰ ਨਾਲ ਸੰਪਰਕ ਕਰੋ ਅਤੇ ਜੁੜਨ ਲਈ ਬੇਨਤੀ ਕਰੋ।

• ਮੇਪਲ ਰਿੱਜ – ਪਿੱਟ ਮੈਡੋਜ਼ (ਸਕੂਲ ਜ਼ਿਲ੍ਹਾ 42) – ਇਸ ਸਮੇਂ ਸਰਗਰਮ
• ਐਗਾਸੀ, ਹੈਰਿਸਨ, ਹੋਪ ਅਤੇ ਬੌਸਟਨ ਬਾਰ (ਸਕੂਲ ਜ਼ਿਲ੍ਹਾ 78 ਫਰੇਜ਼ਰ-ਕੈਸਕੇਡ) – ਇਸ ਸਮੇਂ ਸਰਗਰਮ
• ਮਿਸ਼ਨ (ਸਕੂਲ ਜ਼ਿਲ੍ਹਾ 75) – ਇਸ ਸਮੇਂ ਸਰਗਰਮ
• ਡੈਲਟਾ (ਸਕੂਲ ਜ਼ਿਲ੍ਹਾ 37) – ਯੋਜਨਾ ਬਣਾਉਣ ਦੇ ਪੜਾਅ ਵਿੱਚ
• ਸਰ੍ਹੀ – ਕਲੋਵਰਡੇਲ-ਫਲੀਟਵੁੱਡ ਇਲਾਕਾ (ਸਕੂਲ ਜ਼ਿਲ੍ਹਾ 36) – ਯੋਜਨਾ ਬਣਾਉਣ ਦੇ ਪੜਾਅ ਵਿੱਚ

ICY ਟੀਮਾਂ ਨਾਲ ਸੰਪਰਕ ਕਰਨ ਲਈ (ਇਸ ਸਮੇਂ ਸਰਗਰਮ ਟੀਮਾਂ ਹੇਠਾਂ ਦਿੱਤੀਆਂ ਗਈਆਂ ਹਨ), ਆਪਣੇ ਸਥਾਨਕ CYMH ਇੰਟੇਕ ਕਲੀਨਿਕ, ਅਧਿਆਪਕ, ਹੋਰ ਸਕੂਲ ਸਟਾਫ, ਫੈਮਿਲੀ ਡਾਕਟਰ ਜਾਂ ਨਰਸ ਪ੍ਰੈਕਟੀਸ਼ਨਰ ਨਾਲ ਸੰਪਰਕ ਕਰੋ ਅਤੇ ਜੁੜਨ ਲਈ ਬੇਨਤੀ ਕਰੋ।

• ਸੈਲਮਨ ਆਰਮ (ਸਕੂਲ ਜ਼ਿਲ੍ਹਾ 83 Kwsaltktnéws ne Secwepemcúl’ecw) – ਇਸ ਸਮੇਂ ਸਰਗਰਮ
• ਔਲਿਵਰ, ਕੇਰੇਮੀਓਸ (ਸਕੂਲ ਜ਼ਿਲ੍ਹਾ 53 ਓਕਾਨਾਗਨ-ਸਿਮਿਲਕਾਮੀਨ) – ਇਸ ਸਮੇਂ ਸਰਗਰਮ
• ਕੈਸਲਗਾਰ, ਟ੍ਰੇਲ (ਸਕੂਲ ਜ਼ਿਲ੍ਹਾ 20 ਕੂਟਨੀ-ਕੋਲੰਬੀਆ) – ਇਸ ਸਮੇਂ ਸਰਗਰਮ
• ਲਿਟਨ, ਕੈਸ਼ ਕ੍ਰੀਕ, ਲਿਲੂਏਟ (ਸਕੂਲ ਜ਼ਿਲ੍ਹਾ 74 ਗੋਲਡ ਟ੍ਰੇਲ) – ਯੋਜਨਾ ਬਣਾਉਣ ਦੇ ਪੜਾਅ ਵਿੱਚ
• ਪ੍ਰਿੰਸਟਨ, ਮੈਰਿਟ (ਸਕੂਲ ਜ਼ਿਲ੍ਹਾ 58 ਨਿਕੋਲਾ-ਸਿਮਿਲਕਾਮੀਨ) – ਯੋਜਨਾ ਬਣਾਉਣ ਦੇ ਪੜਾਅ ਵਿੱਚ

• ਕੋਮੌਕਸ ਵੈਲੀ (ਸਕੂਲ ਜ਼ਿਲ੍ਹਾ 71) – ਆਪਣੇ ਸਥਾਨਕ CYMH ਇੰਟੇਕ ਕਲੀਨਿਕ, SD 71 ਸਕੂਲ ਕਾਊਂਸਲਰ, ਫਾਊਂਡਰੀ ਜਾਂ FamilySmart ਨਾਲ ਸੰਪਰਕ ਕਰੋ
• ਨਨਾਇਮੋ-ਲੇਡੀਸਮਿੱਥ (ਸਕੂਲ ਜ਼ਿਲ੍ਹਾ 68) – ਆਪਣੇ ਸਥਾਨਕ CYMH ਇੰਟੇਕ ਕਲੀਨਿਕ ਜਾਂ SD 68 ਸਕੂਲ ਕਾਊਂਸਲਰ ਨਾਲ ਸੰਪਰਕ ਕਰੋ
• ਪੋਰਟ ਐਲਬਰਨੀ (ਸਕੂਲ ਜ਼ਿਲ੍ਹਾ 70 ਪੈਸਿਫਿਕ ਰਿਮ) – ਆਪਣੇ ਸਥਾਨਕ CYMH ਇੰਟੇਕ ਕਲੀਨਿਕ ਜਾਂ SD 70 ਸਕੂਲ  ਕਾਊਂਸਲਰ ਨਾਲ ਸੰਪਰਕ ਕਰੋ
• ਕੋਵੀਚਨ ਵੈਲੀ (ਸਕੂਲ ਜ਼ਿਲ੍ਹਾ 79) – ਯੋਜਨਾ ਬਣਾਉਣ ਦੇ ਪੜਾਅ ਵਿੱਚ
• ਕੁਆਲੀਕਮ (ਸਕੂਲ ਜ਼ਿਲ੍ਹਾ 69) – ਯੋਜਨਾ ਬਣਾਉਣ ਦੇ ਪੜਾਅ ਵਿੱਚ

• ਟੈਰੇਸ, ਕਿਟੀਮੈਟ ਅਤੇ ਸਟੀਊਅਰਟ, ਕਿਟਸੁਮਕਾਲਮ ਨੇਸ਼ਨ, ਕਿਟਸੇਲਾਸ ਨੇਸ਼ਨ ਅਤੇ ਹੈਸਲਾ ਨੇਸ਼ਨ (ਸਕੂਲ ਜ਼ਿਲ੍ਹਾ 82 ਕੋਸਟ ਮਾਊਂਟੇਨਜ਼) – ਕਾਲ ਕਰੋ (250) 631-4241
• ਦ ਹੇਜ਼ਲਟਨਜ਼, ਗਿਕਸਾਨ ਨੇਸ਼ਨਜ਼ ਅਤੇ ਹੈਗਵਿਲਗੈਟ ਨੇਸ਼ਨ (ਸਕੂਲ ਜ਼ਿਲ੍ਹਾ 82 ਕੋਸਟ ਮਾਊਂਟੇਨਜ਼) – ਕਾਲ ਜਾਂ ਟੈਕਸਟ ਕਰੋ (250) 842-8374
• ਡੌਸਨ ਕ੍ਰੀਕ, ਚੈਟਵਿੰਡ, ਟੰਬਲਰ ਰਿੱਜ (ਸਕੂਲ ਜ਼ਿਲ੍ਹਾ 59 ਪੀਸ ਰਿਵਰ ਸਾਊਥ) – ਯੋਜਨਾ ਬਣਾਉਣ ਦੇ ਪੜਾਅ ਵਿੱਚ

• ਰਿਚਮੰਡ (ਸਕੂਲ ਜ਼ਿਲ੍ਹਾ 38) – ਟੀਮਾਂ ਨਾਲ ਜੁੜਨ ਲਈ ਕਾਲ ਕਰੋ (604) 204-1111
• qathet (ਪਾਓਲ ਰਿਵਰ) (ਸਕੂਲ ਜ਼ਿਲ੍ਹਾ 47) – ਆਪਣੇ ਸਥਾਨਕ CYMH ਇੰਟੇਕ ਕਲੀਨਿਕ, SD 47 ਸਕੂਲ ਕੌਂਸਲਰ ਜਾਂ ਪਰਿਵਾਰਕ ਡਾਕਟਰ/ਨਰਸ ਪ੍ਰੈਕਟੀਸ਼ਨਰ ਨਾਲ ਸੰਪਰਕ ਕਰੋ ਅਤੇ ਜੁੜਨ ਲਈ ਬੇਨਤੀ ਕਰੋ
• ਬੈਲਾ ਕੂਲਾ, ਬੈਲਾ ਬੈਲਾ (ਸਕੂਲ ਜ਼ਿਲ੍ਹਾ 49 ਸੈਂਟਰਲ ਕੋਸਟ) – ਯੋਜਨਾ ਬਣਾਉਣ ਦੇ ਪੜਾਅ ਵਿੱਚ

ICY ਟੀਮ ਦੇ ਮੈਂਬਰਾਂ ਵਿੱਚ ਸ਼ਾਮਲ ਹਨ:

• ICY ਪ੍ਰੋਗਰਾਮ ਲੀਡਰ
• ਬੱਚਿਆਂ ਅਤੇ ਨੌਜਵਾਨਾਂ ਦੇ ਮਾਨਸਿਕ ਸਿਹਤ ਕਲੀਨੀਸ਼ੀਅਨ
• ICY ਕਲੀਨੀਕਲ ਕਾਊਂਸਲਰ
• ਨੌਜਵਾਨਾਂ ਲਈ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਕਲੀਨੀਸ਼ੀਅਨ
• ਨੌਜਵਾਨ ਪੀਅਰ ਸਹਾਇਤਾ ਕਰਮਚਾਰੀ
• ਪਰਿਵਾਰ/ਦੇਖਭਾਲ ਕਰਨ ਵਾਲਿਆਂ ਲਈ ਪੀਅਰ ਸਹਾਇਤਾ ਕਰਮਚਾਰੀ
• ਉਹ ਅਹੁਦੇ ਜੋ ਇੰਡੀਜਨਸ ਬੱਚਿਆਂ ਅਤੇ ਨੌਜਵਾਨਾਂ ਦੀ ਸਹਾਇਤਾ ਕਰਦੇ ਹਨ
• ਪ੍ਰਬੰਧਕੀ ਸਹਾਇਤਾ ਭੂਮਿਕਾਵਾਂ

ਟੀਮ ਮੈਂਬਰ ਇੱਕ ਢਾਂਚਾਗਤ, ਏਕੀਕ੍ਰਿਤ ਟੀਮ ਵਜੋਂ ਕੰਮ ਕਰਦੇ ਹਨ, ਜੋ ਸੰਗਠਿਤ ਸੇਵਾਵਾਂ ਅਤੇ ਸਹਾਇਤਾਵਾਂ ਮੁਹੱਈਆ ਕਰਦੀ ਹੈ। ਬੱਚੇ ਜਾਂ ਨੌਜਵਾਨ ਦੀਆਂ ਲੋੜਾਂ ਦੇ ਅਧਾਰ 'ਤੇ ਹੋਰ ਟੀਮ ਮੈਂਬਰ ਵੀ ਸ਼ਾਮਲ ਕੀਤੇ ਜਾ ਸਕਦੇ ਹਨ, ਜਿਵੇਂ ਕਿ ਫੈਮਿਲੀ ਡਾਕਟਰ, ਸਮਾਜ ਸੇਵਕ, ਕੋਚ, ਸਹਾਇਤਾ ਕਰਨ ਵਾਲੇ ਲੋਕ, ਐਲਡਰਜ਼ (ਉਹ ਲੋਕ ਜਿਨ੍ਹਾਂ ਨੂੰ ਆਪਣੀ ਸਿਆਣਪ, ਸੱਭਿਆਚਾਰਕ ਗਿਆਨ, ਅਤੇ ਭਾਈਚਾਰੇ ਦੀ ਸੇਵਾ ਲਈ ਮਾਨਤਾ ਪ੍ਰਾਪਤ ਹੈ), ਹੋਰ ਕਾਊਂਸਲਰ ਜਾਂ ਪੇਸ਼ੇਵਰ, (ਵਿੱਤੀ ਸਹਾਇਤਾ ਉਪਲਬਧ ਨਹੀਂ)।

ICY ਟੀਮਾਂ ਬੱਚਿਆਂ, ਨੌਜਵਾਨਾਂ ਅਤੇ ਪਰਿਵਾਰਾਂ ਨਾਲ ਉਹਨਾਂ ਥਾਵਾਂ 'ਤੇ ਮਿਲਣਗੀਆਂ ਜਿੱਥੇ ਉਹ ਆਪਣੇ ਆਪ ਨੂੰ ਸੁਰੱਖਿਅਤ ਅਤੇ ਅਰਾਮਦਾਇਕ ਮਹਿਸੂਸ ਕਰਦੇ ਹਨ ਅਤੇ ਦਫ਼ਤਰਾਂ ਵਰਗੀਆਂ ਰਵਾਇਤੀ ਸੈਟਿੰਗਾਂ ਤੋਂ ਇਲਾਵਾ ਆਉਟਰੀਚ/ਆਉਟਬਾਊਂਡ ਸੇਵਾਵਾਂ ਵੀ ਮੁਹੱਈਆ ਕਰਨਗੀਆਂ।

ਹਰ ਭਾਈਚਾਰੇ ਵਿੱਚ ਬਹੁ-ਸੱਭਿਆਚਾਰਕ ਅਤੇ ਸੱਭਿਆਚਾਰਕ ਤੌਰ 'ਤੇ ਸੁਰੱਖਿਅਤ ਸਹਾਇਤਾਵਾਂ (ਜਿਵੇਂ ਪ੍ਰਾਪਤਕਰਤਾ ਦੁਆਰਾ ਪਰਿਭਾਸ਼ਿਤ ਹੋਣ) ਉਪਲਬਧ ਹੋ ਸਕਦੀਆਂ ਹਨ, ਜਿਸ ਵਿੱਚ ਉਹ ਅਹੁਦੇ ਵੀ ਸ਼ਾਮਲ ਹਨ ਜੋ ਇੰਡੀਜਨਸ (ਮੂਲ ਨਿਵਾਸੀ) ਬੱਚਿਆਂ ਅਤੇ ਨੌਜਵਾਨਾਂ ਦੀ ਸਹਾਇਤਾ ਕਰਦੇ ਹਨ।

ICY ਟੀਮਾਂ ਬੱਚਿਆਂ, ਨੌਜਵਾਨਾਂ ਅਤੇ ਪਰਿਵਾਰਾਂ ਨੂੰ ਉਹ ਸੰਭਾਲ ਲੱਭਣ ਵਿੱਚ ਮਦਦ ਕਰਦੀਆਂ ਹਨ ਜਿਸਦੀ ਉਹਨਾਂ ਨੂੰ ਲੋੜ ਹੈ। ICY ਟੀਮਾਂ ਹੋਰ ਸੇਵਾ ਪ੍ਰਦਾਨਕਾਂ ਤੋਂ ਰਿਫ਼ਰਲ ਪ੍ਰਾਪਤ ਕਰਦੀਆਂ ਹਨ, ਜਿਵੇਂ ਕਿ ਸ਼ੁਰੂਆਤੀ ਸਾਲਾਂ ਦੀਆਂ ਸੇਵਾਵਾਂ, ਸਕੂਲ ਸਟਾਫ, ਪ੍ਰਾਇਮਰੀ ਕੇਅਰ (ਮੁੱਢਲੀ ਸੰਭਾਲ), ਮਾਨਸਿਕ ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਸੇਵਾਵਾਂ, ਫਾਊਂਡਰੀ ਸੈਂਟਰ ਅਤੇ ਉਹ ਸੰਸਥਾਵਾਂ ਜੋ ਫਰਸਟ ਨੇਸ਼ਨਜ਼, ਮੇਟੀ ਅਤੇ ਇਨੂਇਟ ਨੌਜਵਾਨਾਂ ਦੀ ਸਹਾਇਤਾ ਕਰਦੀਆਂ ਹਨ। ਜਦੋਂ ਟੀਮਾਂ ਪੂਰੀ ਤਰ੍ਹਾਂ ਸਟਾਫ ਕੀਤੀਆਂ ਜਾਂਦੀਆਂ ਹਨ ਅਤੇ ਕੰਮ ਕਰ ਰਹੀਆਂ ਹੁੰਦੀਆਂ ਹਨ, ਉਦੋਂ ਬੱਚੇ, ਨੌਜਵਾਨ ਅਤੇ ਪਰਿਵਾਰ ਆਪਣੇ-ਆਪ ਨੂੰ ਖੁਦ ਰੈਫ਼ਰ ਕਰ ਸਕਦੇ ਹਨ।

ਇੰਡੀਜਨਸ ਭਾਈਚਾਰਿਆਂ ਵਿੱਚ ਰਵਾਇਤੀ ਸੰਬੰਧਾਂ ਨੂੰ ਕਾਇਮ ਰੱਖਣ ਵਾਲੀ ਦੇਖਭਾਲ ਤੱਕ ਪਹੁੰਚ ਵੀ ਮਹੱਤਵਪੂਰਨ ਹੈ ਅਤੇ ਇਸ ਵਿੱਚ ਹੈਰੇਡਿਟਰੀ ਚੀਫ਼ ਜਾਂ ਬੱਚੇ/ਨੌਜਵਾਨ ਦਾ ਨੇਸ਼ਨ ਤੋਂ ਰਿਫ਼ਰਲ ਸ਼ਾਮਲ ਹੋ ਸਕਦਾ ਹੈ।

ICY ਟੀਮਾਂ ਸਕੂਲਾਂ, ਸ਼ੁਰੂਆਤੀ ਸਾਲਾਂ ਦੀਆਂ ਸੇਵਾਵਾਂ, ਅਤੇ ਪ੍ਰਾਇਮਰੀ ਕੇਅਰ ਨਾਲ ਨਜ਼ਦੀਕੀ ਤੌਰ ‘ਤੇ ਕੰਮ ਕਰਨਗੀਆਂ ਅਤੇ ਲੋੜ ਪੈਣ ‘ਤੇ, ਬੱਚਿਆਂ ਅਤੇ ਨੌਜਵਾਨਾਂ ਨੂੰ ਵਿਸ਼ੇਸ਼ ਅਤੇ ਤੇਜ਼ ਸਹਾਇਤਾ ਵਾਲੀਆਂ ਸੇਵਾਵਾਂ ਨਾਲ ਜੋੜਨਗੀਆਂ।

ਟੀਮਾਂ ਇੰਡੀਜਨਸ ਭਾਈਵਾਲਾਂ ਅਤੇ ਨੇਸ਼ਨਜ਼ ਨਾਲ ਲਗਾਤਾਰ ਸਾਂਝੇਦਾਰੀ ਅਤੇ ਗੱਲਬਾਤ ਰਾਹੀਂ, ਸੱਭਿਆਚਾਰਕ ਤੌਰ 'ਤੇ ਸੁਰੱਖਿਅਤ, ਵਿਸ਼ੇਸ਼ਤਾ-ਅਧਾਰਿਤ ਅਤੇ ਬੱਚੇ-, ਨੌਜਵਾਨ-, ਪਰਿਵਾਰ- ਅਤੇ ਭਾਈਚਾਰਾ/ਨੇਸ਼ਨ-ਕੇਂਦਰਿਤ ਪਹੁੰਚਾਂ ਵੱਲ ਕੰਮ ਕਰਦੀਆਂ ਹਨ। ਇਹ ਪਹੁੰਚਾਂ ਲਿੰਗ-, ਵਿਭਿੰਨਤਾ-ਅਧਾਰਿਤ ਅਤੇ ਟਰੌਮਾ-ਇਨਫ਼ੌਰਮਡ (ਕਿਸੇ ਸਦਮੇ ਦੇ ਭਾਵਨਾਤਮਕ ਅਤੇ ਮਾਨਸਿਕ ਸਿਹਤ ਸੰਬੰਧੀ ਪ੍ਰਭਾਵਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ) ਹਨ। ਜਿੱਥੇ ਸੰਭਵ ਹੋਵੇ, ਫਰਸਟ ਨੇਸ਼ਨ, ਮੇਟੀ ਅਤੇ ਇਨੂਇਟ ਬੱਚਿਆਂ ਅਤੇ ਨੌਜਵਾਨਾਂ ਲਈ ਸੇਵਾਵਾਂ ਇੰਡੀਜਨਸ ਪ੍ਰਦਾਨਕਾਂ ਜਾਂ ਇੰਡੀਜਨਸ ਅਹੁਦਿਆਂ ਦੁਆਰਾ ਮੁਹੱਈਆ ਕੀਤੀਆਂ ਜਾਂਦੀਆਂ ਹਨ ਅਤੇ ਹੋਰ ਟੀਮ ਮੈਂਬਰਾਂ ਨੂੰ ਸੱਦਾ ਦਿੱਤਾ ਜਾ ਸਕਦਾ ਹੈ।

ਇਸ ਤੋਂ ਇਲਾਵਾ, ਕੁਝ ਬੱਚੇ, ਨੌਜਵਾਨ ਅਤੇ ਪਰਿਵਾਰ ਭਾਈਚਾਰਾ-ਅਧਾਰਿਤ ਸੈਟਿੰਗ ਵਿੱਚ ਆਪਣੇ ਆਪ ਨੂੰ ਹੋਰ ਸੁਰੱਖਿਅਤ, ਵਧੇਰੇ ਸਵਾਗਤਯੋਗ ਅਤੇ ਮਦਦ ਮੰਗਣ ਲਈ ਵਧੇਰੇ ਤਿਆਰ ਮਹਿਸੂਸ ਕਰ ਸਕਦੇ ਹਨ। ICY ਟੀਮਾਂ ਉਹਨਾਂ ਥਾਵਾਂ ਜਾਂ ਸੰਸਥਾਵਾਂ ਰਾਹੀਂ ਭਾਈਚਾਰਾ-ਅਧਾਰਿਤ ਸੇਵਾ ਸੈਟਿੰਗਾਂ ਵਿੱਚ ਸੇਵਾਵਾਂ ਮੁਹੱਈਆ ਕਰ ਸਕਦੀਆਂ ਹਨ ਜੋ ਫਰਸਟ ਨੇਸ਼ਨਜ਼, ਮੇਟੀ ਅਤੇ ਇਨੂਇਟ ਬੱਚਿਆਂ, ਨੌਜਵਾਨਾਂ ਅਤੇ ਪਰਿਵਾਰਾਂ ਦੀ ਸੇਵਾ ਕਰਦੀਆਂ ਹਨ, ਜਿਵੇਂ ਕਿ ਫ੍ਰੈਂਡਸ਼ਿਪ ਸੈਂਟਰ, ਡਰੌਪ-ਇਨ ਸੈਂਟਰ, ਮਨੋਰੰਜਕ ਪ੍ਰੋਗਰਾਮ ਜਾਂ ਭੋਜਨ ਪ੍ਰੋਗਰਾਮ, ਜੋ ਵੀ ਭਾਈਚਾਰੇ ‘ਤੇ ਲਾਗੂ ਹੋਣ।

ਟੀਮਾਂ ਸਕੂਲ ਜ਼ਿਲ੍ਹਿਆਂ ਦੇ ਦਾਇਰੇ ਵਿੱਚ ਕੰਮ ਕਰਦੀਆਂ ਹਨ ਅਤੇ ਸਕੂਲਾਂ ਦੇ ਸਮੂਹਾਂ ਨਾਲ ਮਜ਼ਬੂਤ ਸੰਬੰਧ ਬਣਾਈ ਰੱਖਦੀਆਂ ਹਨ। ਇਸ ਤਰ੍ਹਾਂ ਟੀਮਾਂ ਸਕੂਲ ਜ਼ਿਲ੍ਹੇ ਦੇ ਅੰਦਰ ਸਾਰੇ ਬੱਚਿਆਂ, ਨੌਜਵਾਨਾਂ ਅਤੇ ਪਰਿਵਾਰਾਂ ਦੀ ਸੇਵਾ ਕਰਦੀਆਂ ਹਨ, ਜਿਸ ਵਿੱਚ ਫਰਸਟ ਨੇਸ਼ਨਜ਼ ਦੁਆਰਾ ਚਲਾਏ ਜਾਣ ਵਾਲੇ ਸਕੂਲਾਂ, ਸੁਤੰਤਰ ਸਕੂਲਾਂ, ਵਿਕਲਪਕ ਸਿੱਖਿਆ ਪ੍ਰੋਗਰਾਮਾਂ ਦੇ ਬੱਚੇ ਵੀ ਸ਼ਾਮਲ ਹਨ ਜਾਂ ਉਹ ਜੋ ਸਕੂਲ ਵਿੱਚ ਨਹੀਂ ਹਨ।

ਜੇ ਬੱਚੇ ਅਤੇ ਨੌਜਵਾਨ ਇਸ ਵੇਲੇ ਮਾਨਸਿਕ ਸਿਹਤ ਜਾਂ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਸੇਵਾਵਾਂ ਲੈ ਰਹੇ ਹਨ, ਤਾਂ ਉਹ ਆਪਣੇ ਮੌਜੂਦਾ ਸੇਵਾ ਪ੍ਰਦਾਨਕ ਨਾਲ ਰਹਿ ਸਕਦੇ ਹਨ, ਭਾਵੇਂ ਉਹ ਇੱਕੋ ਭੂਗੋਲਿਕ ਖੇਤਰ ਵਿੱਚ ਨਾ ਹੋਣ, ਤਾਂ ਜੋ ਸੰਬੰਧਾਂ ਅਤੇ ਰਿਸ਼ਤਿਆਂ ਨੂੰ ਬਰਕਰਾਰ ਰੱਖਿਆ ਜਾ ਸਕੇ।

ਬੱਚਿਆਂ ਅਤੇ ਨੌਜਵਾਨਾਂ ਲਈ ਸਰੋਤ

• ਬੀ.ਸੀ. ਵਿੱਚ ਬੱਚਿਆਂ ਅਤੇ ਨੌਜਵਾਨਾਂ ਦੀ ਮਾਨਸਿਕ ਸਿਹਤ
• ERASE (ਐਕਸਪੈਕਟ ਰਿਸਪੈਕਟ ਅਤੇ ਸੇਫ ਐਜੁਕੇਸ਼ਨ)
• FamilySmart
• ਫਾਊਂਡਰੀ ਸੈਂਟਰ
• ਕੈਲਟੀ ਮਾਨਸਿਕ ਸਿਹਤ
• ਹੈਲਪ ਸਟਾਰਟਸ ਹੇਅਰ

ਸਿਹਤ ਅਥੌਰਿਟੀਆਂ ਵਿੱਚ ਸੇਵਾਵਾਂ

• ​ਫਰੇਜ਼ਰ ਹੈਲਥ ਵਿੱਚ ਬੱਚਿਆਂ ਅਤੇ ਨੌਜਵਾਨਾਂ ਲਈ ਮਾਨਸਿਕ ਸਿਹਤ ਸੇਵਾਵਾਂ
• ਇੰਟੀਰੀਅਰ ਹੈਲਥ ਵਿੱਚ ਬੱਚਿਆਂ ਅਤੇ ਨੌਜਵਾਨਾਂ ਲਈ ਮਾਨਸਿਕ ਸਿਹਤ ਸੇਵਾਵਾਂ
• ਇੰਟੀਰੀਅਰ ਹੈਲਥ ਵਿੱਚ ਨੌਜਵਾਨਾਂ ਲਈ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਸੇਵਾਵਾਂ ਅਤੇ ਸਰੋਤ
• ਆਇਲੈਂਡ ਹੈਲਥ ਵਿੱਚ ਬੱਚਿਆਂ ਅਤੇ ਨੌਜਵਾਨਾਂ ਲਈ ਮਾਨਸਿਕ ਸਿਹਤ ਸੇਵਾਵਾਂ
• ਆਇਲੈਂਡ ਹੈਲਥ ਵਿੱਚ ਨੌਜਵਾਨਾਂ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਸੇਵਾਵਾਂ
• ਨੌਰਦਰਨ ਹੈਲਥ ਵਿੱਚ ਮਾਨਸਿਕ ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਸੇਵਾਵਾਂ
• ਵੈਨਕੂਵਰ ਕੋਸਟਲ ਹੈਲਥ ਵਿੱਚ ਬੱਚਿਆਂ ਅਤੇ ਨੌਜਵਾਨਾਂ ਲਈ ਮਾਨਸਿਕ ਸਿਹਤ ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਸੇਵਾਵਾਂ
• ਫਰਸਟ ਨੇਸ਼ਨਜ਼ ਹੈਲਥ ਅਥੌਰਿਟੀ ਵਿੱਚ ਮਾਨਸਿਕ ਸਿਹਤ ਅਤੇ ਤੰਦਰੁਸਤੀ ਸਹਾਇਤਾਵਾਂ