Home/Health/Managing your health/Respiratory illnesses/COVID-19 testing and treatments/Mga pagsusuri at mga paggamot sa COVID-19 (COVID-19 testing and treatments - TL)

Mga pagsusuri at mga paggamot sa COVID-19

Publication date: November 4, 2025

Maaaring matukoy ng testing o pagsusuri kung ikaw ay may COVID-19. Para sa mga may mas mataas na panganib, mayroong 2 aprubadong gamot na makakatulong upang maiwasan ang malubhang pagkakasakit mula sa COVID-19.

English | 繁體中文| 简体中文 | Français | ਪੰਜਾਬੀ | Tagalog 

Para sa pinakabagong impormasyon, mangyaring bisitahin ang page sa wikang Ingles

Sa page na ito

​Testing o pagsusuri para sa COVID-19 

Mga rapid antigen test 

Para sa mga indibidwal na may sintomas ng COVID-19, maaaring gamitin ang mga rapid test sa bahay.

Ang mga test kit ay makukuha nang libre sa ilang botika sa mga komunidad. Kapag naubos na ang kasalukuyang libreng supply ng mga test, maaaring ibenta ito ng ilang botika.

Maghanap ng mga rapid test kit

Paano gamitin ang rapid antigen test sa bahay

Ang bawat kit ay may kasamang instruksiyon kung paano gamitin ang mga test. Maaari ka ring lumapit sa pharmacist kung mayroon kang katanungan.

Para sa higit pang impormasyon, basahin ang page ng British Columbia Centre for Disease Control (BCCDC) tungkol sa Rapid Antigen Testing.

Mga gamot para sa mga taong may COVID-19 

Mayroong dalawang therapeutic treatment o gamot na aprubado para sa COVID-19  kung mayroon kang mild (hindi malubha) o moderate (katamtaman) na sintomas ng COVID-19: 

  • Ang Paxlovid (Nirmatrelvir/ritonavir) ay isang set ng antiviral pills na maaaring inumin sa bahay
  • Dapat na ibigay ang Remdesivir sa pamamagitan ng pagturok sa vein (ugat) at kailangang pumunta sa isang clinic o ospital

Kung ikaw ay mayroong mahinang immune system (immune compromised) at mayroong mas mataas na panganib na magkaroon ng malubhang sakit, mayroong dalawang aprubadong gamot para sa COVID-19 ang makukuha sa B.C.

  • Ang Paxlovid (Nirmatrelvir/ritonavir) ay isang set ng antiviral pills na maaaring inumin sa bahay. Ito ay dapat inumin sa loob ng 5 araw mula nang magsimula ang mga sintomas
  • Dapat na ibigay ang Remdesivir sa pamamagitan ng pagturok sa vein (ugat) at kailangang pumunta sa isang clinic o ospital. Ito ay dapat isagawa sa loob ng 7 araw mula nang magsimula ang mga sintomas

Nakakatulong ang mga gamot na ito upang mapigilang maging malubha ang mga sintomas ng COVID-19 at binabawasan nito ang risk o panganib na humantong sa malubhang pagkakasakit.

Para maging ligtas, ang mga gamot na ito ay dapat ireseta ng isang health care provider.

Para sa karagdagang impormasyon, pumunta sa webpage ng BCCDC tungkol sa mga gamot para sa COVID-19.

Kanino maaaring makatulong ang mga gamot

Maaaring makatulong ang mga gamot kung mayroon kang mild (hindi malubha) o moderate (katamtaman) na sintomas na nagsimula sa nakaraang 5 araw at isang positibong resulta. Maaaring irekomenda ang Paxlovid kung ikaw ay:

Expand All | Collapse All
 

May severe (malubha) o moderate (katamtaman) na may mahinang immune system (sistemang panlaban sa sakit) 

Halimbawa:

  • Sumailalim sa solid organ transplant
  • Sumailalim sa bone marrow o stem cell transplant
  • Tumatanggap ng paggamot para sa kanser
  • Malubha o hindi nagamot na HIV
  • Tumatanggap ng mga paggamot para sa mga autoimmune disease tulad ng multiple sclerosis
  • Tumatanggap ng mga moderate immunosuppresive agent (mga gamot na nagpapahina ng immune system)
  • Tumatanggap ng paggamot para sa hematological malignancy (mga kanser sa dugo)
 

60 taong gulang pataas na mayroong mga high-risk na kondisyon o karamdaman

Halimbawa:

  • End-stage kidney disease (huling yugto ng sakit sa bato) o sumasailalim sa dialysis
  • Severe (malubha) o end-stage (huling yugto) ng sakit sa baga tulad ng chronic obstructive pulmonary disease (COPD), hika, cystic fibrosis o ang mga gumagamit ng oxygen sa bahay
  • Mayroong diabetes na ginagamot gamit ang insulin
  • Mga neurological condition na kailangan ng tulong sa paghinga
  • Malubhang intelektwal o developmental na kapansanan
  • Bihirang sakit sa dugo o genetics tulad ng sickle cell disease

Paano makakuha ng gamot 

Kung nagpositibo ka sa COVID-19 at naniniwala kang makakatulong ang gamot sa iyo, makipag-ugnayan sa iyong family doctor, nurse practitioner o specialist sa lalong madaling panahon. Hindi magagarantiyang makakatanggap ka ng gamot.

Hindi para sa lahat ang mga paggamot na Paxlovid at Remdesivir at dapat inireseta ito ng isang health care provider. Maaaring pagdesisyunan ng isang doktor o pharmacist sa anumang stage na hindi para sa iyo ang gamot.

Ang mga residente ng B.C. ay dapat naka-enroll sa Medical Services Plan (MSP) upang magkaroon ng PharmaCare coverage para sa Paxlovid. Mayroong karagdagang impormasyon tungkol sa Paxlovid para sa mga residente ng B.C.

Wala akong family doctor

Kung wala kang family doctor, nurse practitioner o espesyalista, o hindi makakuha ng appointment sa loob ng 3 araw mula nang magsimula ang mga sintomas, maaari kang tumawag sa 8-1-1.

Pagpapagaling sa bahay

Gumagaling nang mag-isa ang karamihan sa mga indibidwal na mayroong COVID-19. Alamin ang karagdagang impormasyon tungkol sa pag-manage ng iyong mga sintomas sa bahay.

Magpunta sa isang urgent and primary care centre, emergency department o tumawag sa 9-1-1 kung:

  • Nahihirapan kang huminga
  • Masakit ang dibdib
  • Hindi makainom
  • Malubha ang pakiramdam
  • Nalilito

Kailangan ko ng tulong

Tumawag: 8-1-1  Mayroong mga tagasalin

24 oras sa isang araw, araw-araw buong linggo