Mga pagsusuri at mga paggamot sa COVID-19

Publication date: July 10, 2025

Maaaring matukoy ng mga pagsusuri kung ikaw ay may COVID-19. Mayroong dalawang aprubadong gamot na makakatulong upang maiwasan ang malubhang pagkakasakit para sa mga may mas mataas na panganib mula sa COVID-19.

Para sa pinakabagong impormasyon, mangyaring bisitahin ang page sa wikang Ingles

Testing o pagsusuri para sa COVID-19

Mga rapid antigen test

Maaaring gamitin ang mga rapid test para masuri sa bahay ang mga may sintomas ng COVID-19.

Ang mga test kit ay makukuha nang libre sa mga botika sa maraming komunidad.

Maghanap ng mga rapid test kit

Paano gamitin ang rapid antigen test sa bahay

Ang bawat kit ay may kasamang tagubilin kung paano gamitin ang mga test. Maaari ka ring magtanong sa pharmacist kung mayroon kang katanungan.

Para sa higit pang impormasyon sa tungkol sa testing o pagsusuri para sa COVID-19, basahin ang page ng BCCDC tungkol sa Testing para sa COVID-19.

Mga gamot para sa mga taong may COVID-19

Mayroong dalawang therapeutic treatment o gamot na aprubado para sa COVID-19 kung mayroon kang mild (hindi malubha) o moderate (katamtaman) na sintomas ng COVID-19:

Ang Paxlovid (Nirmatrelvir/ritonavir) ay isang set ng antiviral pills na maaaring inumin sa bahay
Dapat na ibigay ang Remdesivir sa pamamagitan ng pagturok sa vein (ugat) at kailangang pumunta sa isang clinic o ospital

Hindi pinipigilan ng mga gamot na ito ang pagkakaroon ng COVID-19. Ginagamit ito upang mapigilan ang pagkakaroon ng malubhang sakit sa mga taong mas mataas ang panganib mula sa COVID-19.

Para maging epektibo, dapat inumin ang Paxlovid sa loob ng 5 araw at ang remdesivir naman ay kailangang gamitin sa loob ng 7 araw mula nang magkaroon ng mga sintomas. Para maging ligtas, dapat na mayroong reseta ang mga gamot na ito galing sa isang health care provider. Maaaring hindi ka makakatanggap ng gamot na ito kung umiinom o tumatanggap ka na ng iba pang mga gamot.

Bisitahin ang website ng BCCDC para sa higit pang impormasyon tungkol sa mga gamot para sa COVID-19.

Kanino maaaring makatulong ang mga gamot

Maaaring makatulong ang mga gamot kung mayroon kang mild (hindi malubha) o moderate (katamtaman) na sintomas na nagsimula sa nakaraang 5 araw at isang positibong resulta. Maaaring irekomenda ang Paxlovid kung ikaw ay:

May severe (malubha) o moderate (katamtaman) na may mahinang immune system (sistemang panlaban sa sakit)
60 taong gulang pataas na mayroong mga high-risk na kondisyon o karamdaman

Expand All | Collapse All

May severe (malubha) o moderate (katamtaman) na may mahinang immune system (sistemang panlaban sa sakit)

Halimbawa:

Sumailalim sa solid organ transplant
Sumailalim sa bone marrow o stem cell transplant
Tumatanggap ng paggamot para sa kanser
Malubha o hindi nagamot na HIV
Tumatanggap ng mga paggamot para sa mga autoimmune disease tulad ng multiple sclerosis
Tumatanggap ng mga moderate immunosuppresive agent (mga gamot na nagpapahina ng immune system)
Tumatanggap ng paggamot para sa hematological malignancy

60 taong gulang pataas na mayroong mga high-risk na kondisyon o karamdaman

Halimbawa:

End-stage kidney disease (huling yugto ng sakit sa bato) o sumasailalim sa dialysis
Severe (malubha) o end-stage (huling yugto) ng sakit sa baga tulad ng chronic obstructive pulmonary disease (COPD), hika, cystic fibrosis o ang mga gumagamit ng oxygen sa bahay
Mayroong diabetes na ginagamot gamit ang insulin
Mga neurological condition na kailangan ng tulong sa paghinga
Malubhang intelektwal o developmental na kapansanan
Bihirang sakit sa dugo o genetics tulad ng sickle cell disease

Paano makakuha ng gamot

Kung nagpositibo ka sa COVID-19 at naniniwala kang makakatulong ang gamot sa iyo, makipag-ugnayan sa iyong family doctor, nurse practitioner o specialist sa lalong madaling panahon. Hindi magagarantiyang makakatanggap ka ng gamot. Hindi para sa lahat ang mga paggamot na Paxlovid at Remdesivir at dapat inireseta ito ng isang health care provider. Maaaring pagdesisyunan ng isang doktor o pharmacist sa anumang stage na hindi para sa iyo ang gamot.

Ang mga residente ng B.C. ay dapat naka-enroll sa Medical Services Plan (MSP) upang magkaroon ng PharmaCare coverage para sa Paxlovid. Mayroong karagdagang impormasyon tungkol sa Paxlovid para sa mga residente ng B.C.

Wala akong family doctor

Kung wala kang family doctor, nurse practitioner o espesyalista, o hindi makakuha ng appointment sa loob ng 3 araw mula magsimula ang mga sintomas, Tumawag 8-1-1.

Anong dapat gawin habang naghihintay

Habang naghihintay ng desisyon tungkol sa iyong gamot, basahin ang patnubay ng BCCDC tungkol sa pamamahala ng mga sintomas ng COVID-19 sa bahay.

Kung magkaroon ka ng malubhang sintomas, dapat na kaagad:

Tumawag sa 911
o
Pumunta sa isang urgent care clinic o emergency department

Impormasyon para sa mga hindi makakatanggap ng reseta para sa gamot

Kung pinayuhan ka na hindi nararapat para sa iyo gamot na Paxlovid o Remdesivir, dapat mong:

Sundin ang mga patnubay sa self-isolation
Alamin kung paano pamamahalaan ang iyong mga sintomas ng COVID-19 sa bahay
Magpunta sa doktor kung lumala ang iyong mga sintomas

Kailangan ko ng tulong

Tumawag: 8-1-1 Mayroong mga tagasalin

Araw-araw buong linggo

Did you find what you were looking for?

The B.C. Public Service acknowledges the territories of First Nations around B.C. and is grateful to carry out our work on these lands. We acknowledge the rights, interests, priorities, and concerns of all Indigenous Peoples - First Nations, Métis, and Inuit - respecting and acknowledging their distinct cultures, histories, rights, laws, and governments.