Ginagawang mas transparent, mabilis at madali, at makatarungan ng pamahalaan ng B.C. ang proseso ng pagkilala ng propesyonal na kredensiyal mula sa ibang bansa.
English | 繁體中文 | 简体中文 | Français | ਪੰਜਾਬੀ | हिन्दी | Tagalog | فارسی
Huling binago: Nobyembre 9, 2023
Ngayong fall, ipinakilala ng B.C. ang isang bagong lehislasyon para sa fair credential recognition (makatarungang pagkilala ng mga kredensiyal) na naglalayong mabawasan ang mga hadlang para sa mga propesyonal na nagsanay sa ibang bansa na naghahanap ng trabaho dito sa B.C. Nakatanggap ng Royal Assent noong Nobyembre 8, 2023 ang International Credentials Recognition Act, at maipapatupad ito sa susunod na summer.
Inaasahan ng B.C. ang isang milyong bakanteng trabaho sa susunod na dekada. Marami sa mga trabahong ito ay kailangang punan ng mga indibidwal na nagsanay o nagtrabaho sa ibang bansa. Kadalasang nakakaranas ang mga internationally trained professional ng mga hindi makatarungang hadlang at matagal na paghihintay bago makapagtrabaho sa kanilang propesyon. Sa pamamagitan ng pagsuporta sa kanila, matutugunan ng pamahalaan ang mga pangangailangan sa kasalukuyan at sa hinaharap para sa mga in-demand na trabaho, at mapatatag ang ekonomiya ng B.C.
Ang mga awtoridad para sa regulasyon ng propesyon ay may mahalagang papel sa pagtugon sa kakulangan ng mga skilled professional. Sila ang nagsasagawa ng ebalwayson at nagbibigay ng lisensiya para makapagtrabaho ang mga propesyonal sa B.C. Nagsasagawa ng mga hakbang ang province upang mas mapahusay ang mga kasanayan o gawi ng pamamahala ng mga professional regulator para matiyak na makatarungan, mabilis, madali at transparent ang proseso.
Noong Hulyo 2023, inilabas ang What We Heard: Public Engagement on International Credential Recognition (PDF, 2100KB). Kabilang sa report na ito ang feedback mula sa 1,450 katao na tinanong namin nitong Spring 2023 kung paano makakatulong ang Province sa:
Kasama sa feedback ng mga sumagot sa survey ang:
Ginagamit ng Province ang feedback ng publiko upang mapahusay ang proseso ng pagkilala ng mga kredensiyal mula sa ibang bansa dito sa B.C. at para gabayan ang pagbuo ng bagong lehislasyon.
Ang bagong batas na ito ay makakatulong sa mga awtoridad ng regulasyon upang maging mas mahusay, mas makatwiran, mas mabilis at mas madali ang proseso ng pagkilala ng mga kredensiyal. Ginagawa namin ito upang magamit ng mga mamamayan ang kanilang mga kakayahan para makapagtrabaho sila dito sa B.C. – saanman sila nagsanay.
Ibinabalangkas ng batas ang mga bagong responsibilidad at tungkulin para sa maraming professional regulator.
Gagawing makatarungan, makatwiran at walang kinikilingan ang pagtrato sa mga aplikante. Kasama sa mga probisyon ang:
Makukuha ng mga aplikante ang impormasyong kailangan nila para mabilis at walang pagpapaliban na makuha ang sertipikasyon ng propesyon. Upang mabawasan ang oras ng paghihintay, magtatakda ang Province ng maximum o pinakamatagal na panahon para sa pagproseso ng mga regulator.
Kasama sa mga bagong requirement para matiyak ang transparency ang pag-require sa mga awtoridad ng regulasyon na i-post online ang lahat ng impormasyon tungkol sa kanilang mga proseso sa ebalwayson ng mga kredensiyal. Makakatulong ito para mas madaling maintindihan ng mga aplikante kung paano maging sertipikado.
Ang mga awtoridad ng regulasyon ay magkakaroon ng pananagutan sa pamahalaan at sa publiko para maprotektahan ang pampublikong kalusugan, kaligtasan at ang kalikasan. Gagawin nila ito sa pamamagitan ng paggamit ng mga ingklusibo at patas na proseso, na tumutulong para maging sertipikado ang lahat ng kwalipikadong applicant. Titiyakin na mayroong pananagutan sa pamamagitan ng mga bagong requirement sa reporting o pag-uulat at sa mga awtoridad ng pagpapatupad.
Patatatag ng isang superintendent
Magtatakda ang Province ng isang bagong superintendent na responsable sa pag-promote ng Fair Credential Recognition, pagsubaybay sa mga ginagawa ng mga awtoridad ng regulasyon at pagpapatupad ng bagong lehislasyon.
Sasakupin ng bagong lehislasyon ang 18 awtoridad ng regulasyon:
Para sa kumpletong listahan ng lahat ng awtoridad ng regulasyon sa B.C., mangyaring bisitahin ang website para sa Professional Regulatory Authorities.
Maaapektuhan ng bagong lehislasyon ang 29 na propesyon sa iba’t ibang sektor, kabilang ang construction, environmental sciences, pagtuturo at social work.
Basahin ang career profile na kaugnay ng bawat propesyon (available lamang sa wikang Ingles ang impormasyong ito):
Edukasyon at social work
Mga propesyon sa kalusugan at legal na sektor
Para i-share kung ano ang ginagawa ng pamahalaan ng B.C. para makilala ang kredensiyal ng mga propesyonal na nagsanay sa ibang bansa, i-download ang mga poster (PDF, 2MB).
Nais tiyakin ng Province na ang mga propesyonal na nagsanay sa ibang bansa ay maaaring matuloy ang kanilang mga propesyon dito sa B.C. – sila man ay matagal nang nakatira dito o lilipat pa lang sa province. Mayroong mga sumusunod na resources upang matiyak na malaman ng mga skilled at may karanasang propesyonal ang mga impormasyong kailangan nila:
Upang maunawaan kung kailangan mo ng sertipikasyon para sa iyong propesyon at kung paano ito makukuha, bisitahin ang Getting Certified to Work in B.C.
Maraming trabaho sa B.C. ang pinamamahalaan ng isang awtoridad ng regulasyon. Alamin ang naaangkop na Professional Regulatory Authority upang makumpirma kung ano ang mga kailangan mong dokumento upang maipakita ang iyong kaalaman, kakayahan at karanasan.
Kung pinag-iisipan mo pa rin kung dapat ka bang lumipat sa B.C., alamin kung bakit ang B.C. ang isa sa mga pinakamagandang lugar na lipatan sa Canada.
Ang lahat ng nakatira sa B.C. ay dapat na mayroong access sa mataas na kalidad na health care, at mayroong matinding pangangailangan para sa mga health care workers. Upang makatulong na matiyak na lahat dito sa B.C. ay may access sa mataas na kalidad na health care, nagsagawa ng ilang aksiyon ang pamahalaan upang makapag-train at tumanggap ng mas maraming health care workers, at kabilang dito ang mga nagsanay sa ibang bansa. Kabilang sa mga aksiyon ang:
Kasama rin sa ibang resources at suporta ang:
Makakatulong ang pagbibigay priyoridad sa mga health care at childcare worker sa pamamagitan ng BC Provincial Nominee Program para mapunan ang kritikal na pangangailangan para sa mas maraming health care worker at early childhood educator.
Ang mga doktor na nagsanay sa ibang bansa na hindi kwalipikado para sa buong medical license sa Canada ay maaaring mag-apply para sa restricted licensure (may restriksiyong lisensiya) sa ilalim ng Associate Physician Classification. Maaari kilang magtrabaho sa ilalim ng superbisyon ng mga attending physician sa mga setting ng acute care at community primary care.
Ang pagpapalawak ng Practice Ready Assessment program para sa mga family doctor na nag-aral sa ibang bansa para makapagtrabaho sila nang may lisensiya dito sa B.C. ay makakatulong sa pagbaba ng kakulangan sa mga family doctor. Ang mga puwesto para dito ay magiging triple pagsapit ng Marso 2024, na magiging 96 mula 32.
Para sa mga pangkalahatang katanungan tungkol sa lehislasyong ito, magpadala ng email sa FairCredentials@gov.bc.ca