ਅੰਤਰਰਾਸ਼ਟਰੀ ਪੇਸ਼ੇਵਰਾਂ ਲਈ ਕ੍ਰਿਡੈਂਸ਼ੀਅਲ ਮਾਨਤਾ

ਬੀ.ਸੀ. ਸਰਕਾਰ ਅੰਤਰਰਾਸ਼ਟਰੀ ਪੱਧਰ 'ਤੇ ਸਿਖਲਾਈ ਪ੍ਰਾਪਤ ਪੇਸ਼ੇਵਰਾਂ ਲਈ ਕ੍ਰਿਡੈਂਸ਼ੀਅਲ ਦੀ ਮਾਨਤਾ ਨੂੰ ਵਧੇਰੇ ਪਾਰਦਰਸ਼ੀ, ਪ੍ਰਭਾਵਸ਼ਾਲੀ ਅਤੇ ਨਿਰਪੱਖ ਬਣਾ ਰਹੀ ਹੈ।

English | 繁體中文 |  简体中文 | Français | ਪੰਜਾਬੀ | हिन्दी | Tagalog | فارسی

---

---

ਨਵੇਂ ਨਿਰਪੱਖ ਕ੍ਰਿਡੈਂਸ਼ੀਅਲ ਮਾਨਤਾ ਵਿਧਾਨ ਦੀ ਸੰਖੇਪ ਜਾਣਕਾਰੀ

ਇਸ ਪਤਝੜ ਵਿੱਚ, ਬੀ.ਸੀ. ਨੇ ਨਵਾਂ ਨਿਰਪੱਖ ਕ੍ਰਿਡੈਂਸ਼ੀਅਲ ਮਾਨਤਾ ਵਿਧਾਨ ਪੇਸ਼ ਕੀਤਾ ਜਿਸਦਾ ਉਦੇਸ਼ ਬੀ.ਸੀ. ਵਿੱਚ ਨੌਕਰੀਆਂ ਦੀ ਭਾਲ ਕਰਨ ਵਾਲੇ ਅੰਤਰਰਾਸ਼ਟਰੀ ਪੱਧਰ 'ਤੇ ਸਿਖਲਾਈ ਪ੍ਰਾਪਤ ਪੇਸ਼ੇਵਰਾਂ ਲਈ ਰੁਕਾਵਟਾਂ ਨੂੰ ਘਟਾਉਣਾ ਹੈ। ਇੰਟਰਨੈਸ਼ਨਲ ਕ੍ਰਿਡੈਂਸ਼ੀਅਲ ਰੈਕਗਨਿਸ਼ਨ ਐਕਟ (ਅੰਤਰਰਾਸ਼ਟਰੀ  ਕ੍ਰਿਡੈਂਸ਼ੀਅਲ ਮਾਨਤਾ ਐਕਟ) ਨੂੰ 8 ਨਵੰਬਰ, 2023 ਨੂੰ ਸ਼ਾਹੀ ਮਨਜ਼ੂਰੀ ਮਿਲੀ, ਅਤੇ ਇਹ ਅਗਲੀਆਂ ਗਰਮੀਆਂ ਵਿੱਚ ਲਾਗੂ ਹੋਵੇਗਾ।

ਉਨ੍ਹਾਂ ਵਿੱਚੋਂ ਬਹੁਤ ਸਾਰੀਆਂ ਨੌਕਰੀਆਂ ਨੂੰ ਦੂਜੇ ਦੇਸ਼ਾਂ ਵਿੱਚ ਸਿਖਲਾਈ ਪ੍ਰਾਪਤ ਲੋਕਾਂ ਦੁਆਰਾ ਭਰਨ ਦੀ ਲੋੜ ਪਵੇਗੀ। ਅੰਤਰਰਾਸ਼ਟਰੀ ਪੱਧਰ 'ਤੇ ਸਿਖਲਾਈ ਪ੍ਰਾਪਤ ਪੇਸ਼ੇਵਰਾਂ ਨੂੰ ਅਕਸਰ ਆਪਣੇ ਪੇਸ਼ੇ ਵਿੱਚ ਕੰਮ ਕਰਨ ਤੋਂ ਪਹਿਲਾਂ ਅਣਉਚਿਤ ਰੁਕਾਵਟਾਂ ਅਤੇ ਲੰਬੀ ਉਡੀਕ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਉਨ੍ਹਾਂ ਦੀ ਸਹਾਇਤਾ ਕਰਕੇ, ਸਰਕਾਰ ਮੰਗ ਵਾਲੀਆਂ ਨੌਕਰੀਆਂ ਲਈ ਮੌਜੂਦਾ ਅਤੇ ਭਵਿੱਖ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰ ਸਕਦੀ ਹੈ ਅਤੇ ਬੀ.ਸੀ. ਦੀ ਆਰਥਿਕਤਾ ਨੂੰ ਮਜ਼ਬੂਤ ਕਰ ਸਕਦੀ ਹੈ।

---

 ਸਰਕਾਰ ਕੀ ਕਰ ਰਹੀ ਹੈ

ਹੁਣ ਤੱਕ ਦੀ ਪ੍ਰਗਤੀ

ਹੁਨਰਮੰਦ ਪੇਸ਼ੇਵਰਾਂ ਦੀ ਘਾਟ ਨੂੰ ਦੂਰ ਕਰਨ ਵਿੱਚ ਪੇਸ਼ੇਵਰ ਰੈਗੂਲੇਟਰੀ ਅਥੌਰਿਟੀਆਂ ਦੀ ਮਹੱਤਵਪੂਰਣ ਭੂਮਿਕਾ ਹੈ। ਉਹ ਪੇਸ਼ੇਵਰਾਂ ਦਾ ਮੁਲਾਂਕਣ ਕਰਦੇ ਹਨ ਅਤੇ ਬੀ.ਸੀ. ਵਿੱਚ ਕੰਮ ਕਰਨ ਲਈ ਲਾਇਸੰਸ ਦਿੰਦੇ ਹਨ। ਸੂਬਾ ਪੇਸ਼ੇਵਰ ਰੈਗੂਲੇਟਰਾਂ ਦੇ ਸ਼ਾਸਨ ਅਭਿਆਸਾਂ ਨੂੰ ਬਿਹਤਰ ਬਣਾਉਣ ਲਈ ਕਦਮ ਚੁੱਕ ਰਿਹਾ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਪ੍ਰਕਿਰਿਆ ਨਿਰਪੱਖ, ਪ੍ਰਭਾਵਸ਼ਾਲੀ ਅਤੇ ਪਾਰਦਰਸ਼ੀ ਹੋਵੇ।

• ਬਿਹਤਰ ਨਿਗਰਾਨੀ ਲਈ ਸੁਪ੍ਰਿਟੈਂਨਡੈਂਟ ਦੇ ਦਫ਼ਤਰ ਬਣਾਉਣ ਅਤੇ ਇਹ ਯਕੀਨੀ ਬਣਾਉਣ ਲਈ ਆਧੁਨਿਕ ਪੇਸ਼ੇਵਰ ਸ਼ਾਸਨ ਢਾਂਚੇ ਸਥਾਪਤ ਕੀਤੇ ਗਏ ਹਨ ਕਿ ਰੈਗੂਲੇਟਰੀ ਸੰਸਥਾਵਾਂ ਜਨਤਾ ਦੇ ਸਭ ਤੋਂ ਵਧੀਆ ਹਿੱਤ ਵਿੱਚ ਕੰਮ ਕਰਦੀਆਂ ਹਨ:
  • 2021 ਵਿੱਚ, ਕੁਦਰਤੀ ਸਰੋਤਾਂ ਅਤੇ ਵਾਤਾਵਰਣ ਖੇਤਰਾਂ ਦੇ ਨਿਰਮਾਣ ਲਈ ਪ੍ਰੋਫੈਸ਼ਨਲ ਗਵਰਨੈਂਸ ਐਕਟ ਲਾਗੂ ਕੀਤਾ ਗਿਆ ਸੀ
  • 2022 ਵਿੱਚ, ਸਿਹਤ ਖੇਤਰ ਲਈ ਹੈਲਥ ਪ੍ਰੋਫ਼ੈਸ਼ਨਜ਼ ਐਂਡ ਔਕਿਊਪੇਸ਼ਨਜ਼ ਐਕਟ (PDF, 1088KB) ਪੇਸ਼ ਕੀਤਾ ਗਿਆ ਸੀ
• ਸਕਿਲਡ ਟ੍ਰੇਡਜ਼ ਬੀਸੀ ਐਕਟ ਮਾਰਚ 2022 ਵਿੱਚ ਲਾਗੂ ਕੀਤਾ ਗਿਆ ਸੀ ਤਾਂ ਜੋ ਬੀ.ਸੀ. ਭਰ ਵਿੱਚ ਹੁਨਰਮੰਦ ਕਿੱਤਿਆਂ ਦੇ ਮਹੱਤਵਪੂਰਨ ਕੰਮਾਂ ਲਈ ਲੋਕਾਂ ਦੀ ਸਹਾਇਤਾ ਕੀਤੀ ਜਾ ਸਕੇ ਅਤੇ ਉਹਨਾਂ ਨੂੰ ਸਿਖਲਾਈ ਦਿੱਤੀ ਜਾ ਸਕੇ।
• 2022 ਵਿੱਚ, ਹੈਲਥ ਹਿਊਮਨ ਰਿਸੋਰਸਿਜ਼ ਸਟ੍ਰੈਟਜੀ (PDF, 2800 KB) ਦੀ ਸ਼ੁਰੂਆਤ ਕੀਤੀ ਗਈ ਸੀ, ਜਿਸ ਵਿੱਚ ਹੈਲਥ ਕੇਅਰ ਕਾਰਜਬਲ ਨੂੰ ਮਜ਼ਬੂਤ ਕਰਨ ਲਈ 70 ਪ੍ਰਮੁੱਖ ਕਾਰਵਾਈਆਂ ਦੀ ਰੂਪਰੇਖਾ ਦਿੱਤੀ ਗਈ ਸੀ। ਇਸ ਕਾਰਜਨੀਤੀ ਦਾ ਉਦੇਸ਼ ਮਰੀਜ਼ਾਂ ਦੀ ਸੰਭਾਲ ਵਿੱਚ ਸੁਧਾਰ ਕਰਨਾ, ਅੰਤਰਰਾਸ਼ਟਰੀ ਪੱਧਰ 'ਤੇ ਸਿਖਲਾਈ ਪ੍ਰਾਪਤ ਹੈਲਥ ਕੇਅਰ ਵਰਕਰਾਂ ਲਈ ਰੁਕਾਵਟਾਂ ਨੂੰ ਦੂਰ ਕਰਨਾ ਅਤੇ ਨੌਕਰੀ ਦੀ ਸੰਤੁਸ਼ਟੀ ਅਤੇ ਨਵੀਨਤਾਕਾਰੀ ਨੂੰ ਉਤਸ਼ਾਹਤ ਕਰਨ ਲਈ ਹੈਲਥ ਕੇਅਰ ਸਿਸਟਮ ਵਿੱਚ ਸੁਧਾਰ ਕਰਨਾ ਹੈ।
• ਮਈ 2023 ਵਿੱਚ, ਸਟ੍ਰੌਂਗਰ ਬੀ ਸੀ: ਫਿਊਚਰ ਰੈਡੀ ਐਕਸ਼ਨ ਪਲਾਨ (PDF, 3000KB) ਜਾਰੀ ਕੀਤਾ ਗਿਆ ਸੀ। ਯੋਜਨਾ ਵਿੱਚ ਵੇਰਵਾ ਦਿੱਤਾ ਗਿਆ ਹੈ ਕਿ ਕਿਵੇਂ ਸਰਕਾਰ ਲੋਕਾਂ ਨੂੰ ਵਧੀਆ ਨੌਕਰੀਆਂ ਪ੍ਰਾਪਤ ਕਰਨ ਲਈ ਹੁਨਰ ਪ੍ਰਾਪਤ ਕਰਨ ਵਿੱਚ ਮਦਦ ਕਰ ਰਹੀ ਹੈ ਅਤੇ ਕਰਮਚਾਰੀਆਂ ਨੂੰ ਭਰਤੀ ਕਰਨ ਅਤੇ ਬਰਕਰਾਰ ਰੱਖਣ ਵਿੱਚ ਕਾਰੋਬਾਰਾਂ ਦੀ ਸਹਾਇਤਾ ਕਰ ਰਹੀ ਹੈ।

​

ਅੰਤਰਰਾਸ਼ਟਰੀ ਕ੍ਰਿਡੈਂਸ਼ੀਅਲ ਮਾਨਤਾ ਬਾਰੇ ਜਨਤਕ ਸ਼ਮੂਲੀਅਤ

ਜੁਲਾਈ 2023 ਵਿੱਚ, ਵ੍ਹੌਟ ਵੀ ਹਰਡ: ਪਬਲਿਕ ਇੰਗੇਜਮੈਂਟ ਔਨ ਇੰਟਰਨੈਸ਼ਨਲ ਕ੍ਰਿਡੈਂਸ਼ੀਅਲ ਰੈਕੋਗਨਿਸ਼ਨ (PDF, 2100KB) ਰਿਪੋਰਟ ਜਾਰੀ ਕੀਤੀ ਗਈ ਸੀ। ਰਿਪੋਰਟ ਵਿੱਚ 1,450 ਤੋਂ ਵੱਧ ਲੋਕਾਂ ਤੋਂ ਲਏ ਗਏ ਵਿਚਾਰ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਬਸੰਤ 2023 ਵਿੱਚ ਪੁੱਛਿਆ ਗਿਆ ਸੀ ਕਿ ਸੂਬਾ:

• ਕ੍ਰਿਡੈਂਸ਼ੀਅਲ ਮਾਨਤਾ ਪ੍ਰਕਿਰਿਆ ਵਿੱਚ ਸੁਧਾਰ ਕਿਵੇਂ ਕਰ ਸਕਦਾ ਹੈ
• ਅੰਤਰਰਾਸ਼ਟਰੀ ਪੇਸ਼ੇਵਰ ਕ੍ਰਿਡੈਂਸ਼ੀਅਲ ਮਾਨਤਾ ਲਈ ਬੇਲੋੜੀਆਂ ਰੁਕਾਵਟਾਂ ਨੂੰ ਦੂਰ ਕਿਵੇਂ ਕਰ ਸਕਦਾ ਹੈ

ਸਰਵੇਖਣ ਦਾ ਜਵਾਬ ਦੇਣ ਵਾਲੇ ਲੋਕਾਂ ਦੇ ਵਿਚਾਰਾਂ  ਵਿੱਚ ਸ਼ਾਮਲ ਹਨ:

• ਅਸੰਤੁਲਿਤ ਜਾਣਕਾਰੀ: "ਸਹੀ ਜਾਣਕਾਰੀ ਲੱਭਣਾ ਬਹੁਤ ਮੁਸ਼ਕਲ ਹੈ। ਕੋਈ ਵੀ ਇੱਕੋ ਜਿਹੀ ਜਾਣਕਾਰੀ ਨਹੀਂ ਦੇ ਰਿਹਾ ਹੈ।“
• ਸੀਮਤ ਸਹਾਇਤਾ: "ਜੇ ਮੈਂ ਕਿਸੇ ਚੀਜ਼ ਬਾਰੇ ਉਲਝਣ ਵਿੱਚ ਸੀ, ਤਾਂ ਇੱਕ ਵੀ ਵਿਅਕਤੀ ਨਹੀਂ ਸੀ ਜਿਸ ਨਾਲ ਮੈਂ ਗੱਲ ਕਰ ਸਕਦਾ/ਸਕਦੀ ਸੀ। ਮੈਨੂੰ ਲਗਾਤਾਰ ਚੱਕਰਾਂ ਵਿੱਚ ਪਾਇਆ ਜਾਂਦਾ ਸੀ ਅਤੇ ਆਪਣੇ ਆਪ ਇਹ ਸਭ ਸਮਝਣ ਲਈ ਛੱਡ ਦਿੱਤਾ ਜਾਂਦਾ ਸੀ।“
• ਰਜਿਸਟਰ ਕਰਨ ਵਿੱਚ ਮੁਸ਼ਕਿਲ: "ਮੈਂ ਗੁੰਝਲਤਾ, ਸਮਾਂ-ਸੀਮਾ ਅਤੇ ਸੰਬੰਧਤ ਖਰਚਿਆਂ ਕਾਰਨ ਰਜਿਸਟ੍ਰੇਸ਼ਨ ਦੀ ਕੋਸ਼ਿਸ਼ ਨਹੀਂ ਕੀਤੀ ਹੈ।“

ਸੂਬਾ ਬੀ.ਸੀ. ਵਿੱਚ ਅੰਤਰਰਾਸ਼ਟਰੀ ਕ੍ਰਿਡੈਂਸ਼ੀਅਲ ਮਾਨਤਾ ਪ੍ਰਕਿਰਿਆ ਨੂੰ ਬਿਹਤਰ ਬਣਾਉਣ ਅਤੇ ਨਵੇਂ ਵਿਧਾਨ ਦੇ ਵਿਕਾਸ ਦਾ ਮਾਰਗ ਦਰਸ਼ਨ ਕਰਨ ਲਈ ਜਨਤਕ ਫੀਡਬੈਕ ਦੀ ਵਰਤੋਂ ਕਰ ਰਿਹਾ ਹੈ।

---

ਅੰਤਰਰਾਸ਼ਟਰੀ ਕ੍ਰਿਡੈਂਸ਼ੀਅਲ ਰੈਕੋਗਨਿਸ਼ਨ ਐਕਟ

ਇਹ ਨਵਾਂ ਐਕਟ ਰੈਗੂਲੇਟਰੀ ਸੰਸਥਾਵਾਂ ਨੂੰ ਕ੍ਰਿਡੈਂਸ਼ੀਅਲ ਮਾਨਤਾ ਪ੍ਰਕਿਰਿਆ ਨੂੰ ਬਿਹਤਰ ਬਣਾਉਣ ਵਿੱਚ ਮਦਦ ਕਰੇਗਾ ਅਤੇ ਲੋਕਾਂ ਲਈ ਬੀ.ਸੀ. ਵਿੱਚ ਕੰਮ ਕਰਨ ਲਈ ਆਪਣੀ ਸਕਿੱਲ (ਹੁਨਰ) ਦੀ ਵਰਤੋਂ ਕਰਨ ਲਈ ਇਸਨੂੰ ਨਿਰਪੱਖ, ਤੇਜ਼ ਅਤੇ ਅਸਾਨ ਬਣਾਵੇਗਾ – ਭਾਵੇਂ ਉਹਨਾਂ ਨੂੰ ਜਿੱਥੇ ਮਰਜ਼ੀ ਸਿਖਲਾਈ ਦਿੱਤੀ ਗਈ ਹੋਵੇ।

ਨਵੇਂ ਵਿਧਾਨ ਦਾ ਉਦੇਸ਼

ਇਹ ਐਕਟ ਬਹੁਤ ਸਾਰੇ ਪੇਸ਼ੇਵਰ ਰੈਗੂਲੇਟਰਾਂ ਲਈ ਨਵੀਆਂ ਜ਼ੁੰਮੇਵਾਰੀਆਂ ਦੀ ਰੂਪਰੇਖਾ ਦਿੰਦਾ ਹੈ।

 

---

ਸਮਾਂ-ਸੀਮਾ

---

ਨਵੇਂ ਵਿਧਾਨ ਦੇ ਅਧੀਨ ਰੈਗੂਲੈਟਰ ਅਤੇ ਪੇਸ਼ੇਵਰ

ਇਸ ਵਿਧਾਨ ਅਧੀਨ ਰੈਗੂਲੇਟਰ

ਨਵੇਂ ਵਿਧਾਨ ਅਧੀਨ 18 ਰੈਗੂਲੇਟਰੀ ਅਥੌਰਿਟੀਆਂ ਹੋਣਗੀਆਂ:

ਸਾਰੀਆਂ ਬੀ.ਸੀ. ਰੈਗੂਲੇਟਰੀ ਅਥੌਰਿਟੀਆਂ ਦੀ ਪੂਰੀ ਸੂਚੀ ਦੇਖਣ ਲਈ, ਕਿਰਪਾ ਕਰਕੇ ਪ੍ਰੋਫ਼ੈਸ਼ਨਲ ਰੈਗੂਲੇਟਰੀ ਅਥੌਰਿਟੀਜ਼ ‘ਤੇ ਜਾਓ

---

ਅੰਤਰਰਾਸ਼ਟਰੀ ਪੱਧਰ 'ਤੇ ਸਿਖਲਾਈ ਪ੍ਰਾਪਤ ਪੇਸ਼ੇਵਰਾਂ ਲਈ ਸਰੋਤ ਅਤੇ ਸਹਾਇਤਾਵਾਂ

ਸੂਬਾ ਇਹ ਯਕੀਨੀ ਬਣਾਉਣਾ ਚਾਹੁੰਦਾ ਹੈ ਕਿ ਅੰਤਰਰਾਸ਼ਟਰੀ ਪੱਧਰ 'ਤੇ ਸਿਖਲਾਈ ਪ੍ਰਾਪਤ ਪੇਸ਼ੇਵਰ ਬੀ.ਸੀ. ਵਿੱਚ ਆਪਣੇ ਕਰੀਅਰ ਨੂੰ ਜਾਰੀ ਰੱਖ ਸਕਣ - ਚਾਹੇ ਉਹ ਸਾਲਾਂ ਤੋਂ ਇੱਥੇ ਰਹਿ ਰਹੇ ਹੋਣ ਜਾਂ ਹੁਣੇ-ਹੁਣੇ ਸੂਬੇ ਵਿੱਚ ਰਹਿਣ ਲਈ ਆਏ ਹੋਣ। ਇਹ ਯਕੀਨੀ ਬਣਾਉਣ ਲਈ ਹੇਠ ਲਿਖੇ ਸਰੋਤ ਉਪਲਬਧ ਹਨ ਕਿ ਹੁਨਰਮੰਦ ਅਤੇ ਤਜਰਬੇਕਾਰ ਪੇਸ਼ੇਵਰ ਲੋੜੀਂਦੀ ਜਾਣਕਾਰੀ ਤੱਕ ਪਹੁੰਚ ਕਰ ਸਕਣ:

---

ਅੰਤਰਰਾਸ਼ਟਰੀ ਪੱਧਰ 'ਤੇ ਸਿਖਲਾਈ ਪ੍ਰਾਪਤ ਹੈਲਥ ਕੇਅਰ ਵਰਕਰਾਂ ਲਈ ਸਰੋਤ ਅਤੇ ਸਹਾਇਤਾਵਾਂ

ਬੀ.ਸੀ. ਵਿੱਚ ਹਰ ਕਿਸੇ ਨੂੰ ਵਧੀਆ ਸਿਹਤ ਸੰਭਾਲ ਤੱਕ ਪਹੁੰਚ ਹੋਣੀ ਚਾਹੀਦੀ ਹੈ, ਅਤੇ ਹੈਲਥ ਕੇਅਰ ਵਰਕਰਾਂ ਦੀ ਸਖ਼ਤ ਲੋੜ ਹੈ। ਇਹ ਯਕੀਨੀ ਬਣਾਉਣ ਵਿੱਚ ਮਦਦ ਕਰਨ ਲਈ ਕਿ ਬੀ.ਸੀ. ਵਿੱਚ ਹਰ ਕਿਸੇ ਦੀ ਵਧੀਆ ਪੱਧਰ ਦੀ ਸਿਹਤ ਸੰਭਾਲ ਤੱਕ ਪਹੁੰਚ ਹੋਵੇ, ਸਰਕਾਰ ਨੇ ਵਿਦੇਸ਼ਾਂ ਵਿੱਚ ਸਿਖਲਾਈ ਪ੍ਰਾਪਤ ਲੋਕਾਂ ਸਮੇਤ ਵਧੇਰੇ ਹੈਲਥ ਕੇਅਰ ਵਰਕਰਾਂ ਨੂੰ ਸਿਖਲਾਈ ਦੇਣ ਅਤੇ ਕੰਮ ‘ਤੇ ਰੱਖਣ ਲਈ ਕਈ ਕਾਰਵਾਈਆਂ ਕੀਤੀਆਂ ਹਨ। ਕਾਰਵਾਈਆਂ ਵਿੱਚ ਸ਼ਾਮਲ ਹਨ:

• ਅੰਤਰਰਾਸ਼ਟਰੀ ਪੱਧਰ 'ਤੇ ਸਿਖਲਾਈ ਪ੍ਰਾਪਤ ਨਰਸਾਂ ਲਈ ਅਗਾਊਂ ਅਰਜ਼ੀ ਅਤੇ ਮੁਲਾਂਕਣ ਫੀਸਾਂ ਨੂੰ ਹਟਾਉਣਾ
• ਬੀ.ਸੀ. ਵਿੱਚ ਲਾਇਸੰਸ ਪ੍ਰਾਪਤ ਕਰਨ ਨਾਲ ਸੰਬੰਧਤ ਖਰਚਿਆਂ ਨੂੰ ਘਟਾਉਣ ਲਈ ਅੰਤਰਰਾਸ਼ਟਰੀ ਪੱਧਰ ‘ਤੇ ਪੜ੍ਹੇ-ਲਿਖੇ ਅਲਾਈਡ ਹੈਲਥ ਪ੍ਰੋਫ਼ੈਸ਼ਨਲਜ਼ (ਜਿਵੇਂ ਕਿ ਫਿਜ਼ੀਓਥੈਰੇਪਿਸਟ) ਲਈ ਬਰਸਰੀ ਪ੍ਰਦਾਨ ਕਰਨਾ।

ਹੋਰ ਉਪਲਬਧ ਸਰੋਤਾਂ ਅਤੇ ਸਹਾਇਤਾਵਾਂ ਵਿੱਚ ਸ਼ਾਮਲ ਹਨ:

---

ਸਾਡੇ ਨਾਲ ਸੰਪਰਕ ਕਰੋ

ਇਸ ਵਿਧਾਨ ਬਾਰੇ ਆਮ ਸਵਾਲਾਂ ਲਈ, FairCredentials@gov.bc.ca ‘ਤੇ ਸੰਪਰਕ ਕਰੋ