ਜਬਰਨ ਵਸੂਲੀ ਨੂੰ ਰੋਕਣਾ

• 8 ਦਸੰਬਰ, 2025: Charge laid in BC Extortion Task Force investigation into a November shooting in Surrey
• 4 ਦਸੰਬਰ, 2025: AbbyPD Launches Project Disengage: A Lifeline for Those Involved—or Being Recruited—Into Extortion-Related Violence
• 28 ਨਵੰਬਰ, 2025: An update from the B.C. Extortion Task Force in relation to ongoing investigations
• 28 ਨਵੰਬਰ, 2025: Trilateral summit brings leaders together to combat extortion and organized crime
• 17 ਨਵੰਬਰ, 2025: A Special Message from Chief Lipinski on Extortions in Surrey
• 7 ਨਵੰਬਰ, 2025: CBSA in British Columbia opens multiple immigration investigations and removes three individuals
• 27 ਅਕਤੂਬਰ, 2025: Minister Fraser, Premier Eby, and Attorney General Sharma underscore collaboration behind Canada’s new bail and sentencing reforms
• 6 ਅਕਤੂਬਰ, 2025: Three Charged in Extortion-Related Shooting
• 1 ਅਕਤੂਬਰ, 2025: One man sentenced, one man outstanding in shooting and arson investigation
• 29 ਸਤੰਬਰ, 2025: Government of Canada lists the Bishnoi Gang as a terrorist entity
• 17 ਸਤੰਬਰ, 2025: New provincial task force will target extortion threats

• ਜਬਰਨ ਵਸੂਲੀ ਨਾਲ ਨਜਿੱਠਣ ਲਈ ਖ਼ਾਸ ਬੀ.ਸੀ. ਐਕਸਟੋਰਸ਼ਨ ਟਾਸਕ ਫੋਰਸ। ਜਬਰਨ ਵਸੂਲੀ ਇੱਕ ਰਾਸ਼ਟਰੀ ਮੁੱਦਾ ਹੈ। ਸੂਬਾ ਇਹ ਯਕੀਨੀ ਬਣਾਉਣ ਲਈ ਕੰਮ ਕਰ ਰਿਹਾ ਹੈ ਕਿ ਸਾਰੀਆਂ ਏਜੰਸੀਆਂ ਮਿਲ ਕੇ ਜਬਰਨ ਵਸੂਲੀ ਦੀਆਂ ਧਮਕੀਆਂ ਦਾ ਮੁਕਾਬਲਾ ਕਰਨ। ਇਸ ਟਾਸਕ ਫੋਰਸ ਦੀ ਅਗਵਾਈ B.C. RCMP ਕਰ ਰਹੀ ਹੈ। ਇਸ ਵਿੱਚ ਸ਼ਾਮਲ ਹੈ:
  • ਐਬਟਸਫੋਰਡ ਪੁਲਿਸ ਡਿਪਾਰਟਮੈਂਟ
  • ਕੰਬਾਈਨਡ ਫੋਰਸਿਜ਼ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ – ਬੀ.ਸੀ. (CFSEU-BC)
  • ਡੈਲਟਾ ਪੁਲਿਸ ਡਿਪਾਰਟਮੈਂਟ
  • ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ
  • ਸਰ੍ਹੀ ਪੁਲਿਸ ਸਰਵਿਸ, ਅਤੇ
  • ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ (CBSA)

ਬੀ.ਸੀ. ਐਕਸਟੋਰਸ਼ਨ ਟਾਸਕ ਫੋਰਸ ਹੋਰ ਸੂਬਿਆਂ ਦੀਆਂ ਕਾਨੂੰਨ-ਲਾਗੂਕਰਨ ਵਾਲੀਆਂ ਏਜੰਸੀਆਂ ਨਾਲ ਮਿਲਕੇ ਕੰਮ ਕਰਦੀ ਹੈ।
 

• ਜਬਰਨ ਵਸੂਲੀ ਦੇ ਪੀੜਤਾਂ ਲਈ ਵਿੱਤੀ ਸਹਾਇਤਾ। ਸੂਬਾਈ ਅਤੇ ਫੈਡਰਲ ਸਰਕਾਰਾਂ ਵੱਲੋਂ ਮੁਹੱਈਆ ਕੀਤੀ ਜਾ ਰਹੀ ਸਾਂਝੀ ਫੰਡਿੰਗ, ਪੀੜਤਾਂ ਲਈ ਸਹਾਇਤਾ ਨੂੰ ਮਜ਼ਬੂਤ ਕਰ ਰਹੀ ਹੈ। ਇਸ ਉਪਰਾਲੇ ਦੇ ਤਹਿਤ, ਕੈਨੇਡਾ ਸਰਕਾਰ ਅਤੇ ਬੀ.ਸੀ. ਸਰਕਾਰ ਜਬਰਨ ਵਸੂਲੀ ਦੇ ਪੀੜਤਾਂ ਦੀ ਸਹਾਇਤਾ ਲਈ $1 ਮਿਲੀਅਨ ਦੀ ਵਚਨਬੱਧਤਾ ਕਰ ਰਹੀਆਂ ਹਨ। ਸੂਬਾ ਲੋਅਰ ਮੇਨਲੈਂਡ ਦੇ ਭਾਈਚਾਰਿਆਂ, ਖ਼ਾਸ ਕਰਕੇ ਐਬਟਸਫੋਰਡ, ਡੈਲਟਾ ਅਤੇ ਸਰ੍ਹੀ ਵਿੱਚ, ਪੀੜਤਾਂ ਲਈ ਸੇਵਾਵਾਂ ਨੂੰ ਮਜ਼ਬੂਤ ਕਰਨ ਅਤੇ ਭਾਈਚਾਰੇ ਤੱਕ ਜਾਣਕਾਰੀ ਪਹੁੰਚਾਉਣ ਦੇ ਯਤਨਾਂ ਨੂੰ ਵਧਾਉਣ ਲਈ $500,000 ਨਿਵੇਸ਼ ਕਰੇਗਾ। ਪੁਲਿਸ ਲਈ ਫੰਡਿਗ, ਸੁਰੱਖਿਆ ਯੋਜਨਾ ਬਣਾਉਣ ਅਤੇ ਪੀੜਤਾਂ ਦੀ ਸੁਰੱਖਿਆ ਵਧਾਉਣ ਲਈ ਸਾਜ਼ੋ-ਸਾਮਾਨ ਖਰੀਦਣ ਵਿੱਚ ਮਦਦ ਕਰੇਗੀ।
• ਸੰਗਠਿਤ ਅਪਰਾਧ ਰੋਕਣ ਲਈ ਸਲਾਨਾ ਵਿੱਤੀ ਸਹਾਇਤਾ। ਬੀ.ਸੀ. ਹਰ ਸਾਲ $100 ਮਿਲੀਅਨ ਤੋਂ ਵੱਧ ਦਾ ਨਿਵੇਸ਼ ਕਰਦਾ ਹੈ ਤਾਂ ਜੋ ਬ੍ਰਿਟਿਸ਼ ਕੋਲੰਬੀਆ ਦੇ ਲੋਕਾਂ ਨੂੰ ਗੰਭੀਰ ਅਤੇ ਸੰਗਠਿਤ ਅਪਰਾਧ ਤੋਂ ਸੁਰੱਖਿਅਤ ਰੱਖਿਆ ਜਾ ਸਕੇ। ਇਸ ਵਿੱਚ ਗੈਂਗਾਂ, ਹਥਿਆਰਾਂ ਅਤੇ ਸੰਗਠਿਤ ਅਪਰਾਧਕ ਗਤੀਵਿਧੀਆਂ ਜਿਵੇਂ ਕਿ ਜਬਰਨ ਵਸੂਲੀ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਵਿਸ਼ੇਸ਼ ਲਾਗੂਕਰਨ ਅਤੇ ਖੁਫੀਆ ਪ੍ਰੋਗਰਾਮ ਸ਼ਾਮਲ ਹਨ। ਫੈਡਰਲ ‘ਗਨ ਐਂਡ ਗੈਂਗ ਵਾਇਲੈਂਸ ਐਕਸ਼ਨ ਫੰਡ’ ਤੋਂ ਵਧੇਰੇ ਵਿੱਤੀ ਸਹਾਇਤਾ ਨਾਲ ਮਿਊਂਨਿਸੀਪਲ ਪੁਲਿਸ ਫੋਰਸਿਸ ਨੂੰ ਉਹਨਾਂ ਜਬਰਨ ਵਸੂਲੀ ਦੇ ਮਾਮਲਿਆਂ ਦੀ ਜਾਂਚ ਕਰਨ ਵਿੱਚ ਮਦਦ ਮਿਲਦੀ ਹੈ ਜੋ ਟਾਸਕ ਫੋਰਸ ਦੇ ਦਾਇਰੇ ਤੋਂ ਬਾਹਰ ਹਨ।
• ਜਾਂਚ-ਪੜਤਾਲ ਅਤੇ ਲਾਗੂਕਰਨ ਦੀਆਂ ਕਾਰਵਾਈਆਂ ਵਿੱਚ ਵਾਧਾ। ਪੁਲਿਸ ਨੂੰ ਅਪਰਾਧ ਨਾਲ ਨਜਿੱਠਣ ਲਈ ਆਪਣੀਆਂ ਜਾਂਚ-ਪੜਤਾਲ ਅਤੇ ਲਾਗੂਕਰਨ ਕਾਰਵਾਈਆਂ ਮਜ਼ਬੂਤ ਕਰਨ ਵਾਸਤੇ ਸੂਬਾ ਸਾਧਨ ਅਤੇ ਸਰੋਤ ਮੁਹੱਈਆ ਕਰਵਾ ਰਿਹਾ ਹੈ। ਸਪੈਸ਼ਲ ਇਨਵੈਸਟੀਗੇਸ਼ਨ ਐਂਡ ਟਾਰਗੇਟਿਡ ਇਨਫੋਰਸਮੈਂਟ (SITE) ਪ੍ਰੋਗਰਾਮ ਲਈ ਫੰਡਿੰਗ ਨਾਲ ਪੁਲਿਸ ਨੂੰ ਅਪਰਾਧ ਦੁਹਰਾਉਣ ਵਾਲਿਆਂ ਅਤੇ ਹਿੰਸਕ ਅਪਰਾਧੀਆਂ ਨੂੰ ਨਿਸ਼ਾਨਾ ਬਣਾਉਣ ਵਿੱਚ ਮਦਦ ਮਿਲਦੀ ਹੈ, ਜਿਸ ਵਿੱਚ ਜਾਂਚ-ਪੜਤਾਲਾਂ ਨੂੰ ਮਜ਼ਬੂਤ ਕਰਨਾ, ਤਾਲਮੇਲ ਸੁਧਾਰਨਾ ਅਤੇ ਉੱਚ-ਜੋਖਮ ਵਾਲੇ ਵਿਅਕਤੀਆਂ ਦੀ ਨਜ਼ਦੀਕੀ ਨਿਗਰਾਨੀ ਕਰਨਾ ਸ਼ਾਮਲ ਹੈ।
• ਅਪਰਾਧ ਦੇ ਪੀੜਤਾਂ ਦੀ ਸਹਾਇਤਾ ਕਰਨਾ। ਅਸੀਂ ਬੀ ਸੀ ਕ੍ਰਾਈਮ ਸਟੌਪਰਜ਼ ਨਾਲ ਮਿਲ ਕੇ ਲੋਕਾਂ ਅਤੇ ਕਾਰੋਬਾਰਾਂ ਨੂੰ ਜਬਰਨ ਵਸੂਲੀ ਦੇ ਸੰਕੇਤਾਂ ਬਾਰੇ ਜਾਣਕਾਰੀ ਦੇ ਰਹੇ ਹਾਂ ਅਤੇ ਪੀੜਤਾਂ ਨੂੰ ਧਮਕੀਆਂ ਦੀ ਰਿਪੋਰਟ ਕਰਨ ਲਈ ਉਤਸ਼ਾਹਿਤ ਕਰ ਰਹੇ ਹਾਂ। ਇਸ ਨਾਲ ਪੁਲਿਸ ਨੂੰ ਜ਼ਿੰਮੇਵਾਰ ਲੋਕਾਂ ਦੀ ਪਛਾਣ ਕਰਨ ਅਤੇ ਉਹਨਾਂ ਨੂੰ ਰੋਕਣ ਵਿੱਚ ਮਦਦ ਮਿਲੇਗੀ। ਪੀੜਤ ਅਤੇ ਉਹਨਾਂ ਦੇ ਪਰਿਵਾਰ, ਰਿਕਵਰੀ ਲਈ ਸਹਾਇਤਾ ਬੈਨਿਫ਼ਿਟਾਂ ਲਈ ਯੋਗ ਹੋ ਸਕਦੇ ਹਨ।

ਬੀ.ਸੀ. ਐਕਸਟੋਰਸ਼ਨ ਟਾਸਕ ਫੋਰਸ ਨੂੰ ਫੈਡਰਲ ਪੁਲਿਸਿੰਗ ਪ੍ਰੋਗਰਾਮਾਂ ਤੋਂ ਸਹਾਇਤਾ ਮਿਲਦੀ ਹੈ।

• ਰੀਜਨਲ ਇੰਟੀਗ੍ਰੇਟਡ ਡਰੱਗ ਇਨਫੋਰਸਮੈਂਟ ਟੀਮ। ਕੈਨੇਡਾ ਦੀ ਸਰਕਾਰ, ਬੀ.ਸੀ. ਸਰਕਾਰ ਨਾਲ ਸਹਿਯੋਗ ਕਰਦੇ ਹੋਏ, ਇੱਕ ਰੀਜਨਲ ਇੰਟੀਗ੍ਰੇਟਡ ਡਰੱਗ ਇਨਫੋਰਸਮੈਂਟ ਟੀਮ (RIDET) ਤਿਆਰ ਕਰ ਰਹੀ ਹੈ। ਕੈਨੇਡਾ ਦੇ ‘ਬਾਰਡਰ ਪਲਾਨ’ ਰਾਹੀਂ ਚਾਰ ਸਾਲਾਂ ਵਿੱਚ ਮੁਹੱਈਆ ਕੀਤੇ $4 ਮਿਲੀਅਨ ਦੇ ਨਿਵੇਸ਼ ਨਾਲ, ਇਹ ਟੀਮ ਕਈ ਏਜੰਸੀਆਂ ਤੋਂ ਕਾਨੂੰਨ ਅਤੇ ਬਾਰਡਰ ਲਾਗੂਕਰਨ ਵਾਲੇ ਸਰੋਤਾਂ ਨੂੰ ਇਕੱਠਾ ਕਰੇਗੀ ਤਾਂ ਜੋ ਸੰਗਠਿਤ ਡਰੱਗ ਅਪਰਾਧ ਨਾਲ ਲੜਿਆ ਜਾ ਸਕੇ ਅਤੇ ਜਬਰਨ ਵਸੂਲੀ ਨੂੰ ਰੋਕਿਆ ਜਾ ਸਕੇ।
• ਯੋ ਬਰੋ ਯੋ ਗਰਲ ਯੂਥ ਇਨੀਏਸ਼ਿਟਿਵ। ਅਪਰਾਧ ਵਾਪਰਨ ਤੋਂ ਪਹਿਲਾਂ ਹੀ ਉਸ ਨੂੰ ਰੋਕਣ ਦੀ ਮਹੱਤਤਾ ਨੂੰ ਸਮਝਦੇ ਹੋਏ, ਕੈਨੇਡਾ ਦੀ ਸਰਕਾਰ ਪਬਲਿਕ ਸੇਫ਼ਟੀ ਕੈਨੇਡਾ ਦੇ ‘ਕ੍ਰਾਈਮ ਪ੍ਰਿਵੈਨਸ਼ਨ ਐਕਸ਼ਨ ਫੰਡ’ ਰਾਹੀਂ ‘ਯੋ ਬਰੋ ਯੋ ਗਰਲ ਯੂਥ ਇਨੀਏਸ਼ਿਟਿਵ’ (Yo Bro Yo Girl Youth Initiative) ਲਈ $1.5 ਮਿਲੀਅਨ ਦੀ ਵਚਨਬੱਧਤਾ ਕਰ ਰਹੀ ਹੈ। ਇਹ ਸੰਸਥਾ ਸਰ੍ਹੀ ਵਿੱਚ ਇੱਕ ਯੂਥ ਇਨਗੇਜਮੈਂਟ ਹੱਬ ਸ਼ੁਰੂ ਕਰੇਗੀ, ਜੋ ਜੋਖਮ ਪ੍ਰਤੀ ਕਮਜ਼ੋਰ ਨੌਜਵਾਨਾਂ ਨੂੰ ਗੈਂਗਾਂ ਅਤੇ ਸੰਗਠਿਤ ਅਪਰਾਧ ਤੋਂ ਦੂਰ ਰੱਖਣ ਲਈ ਪ੍ਰੋਗਰਾਮਾਂ, ਮਾਰਗਦਰਸ਼ਨ, ਰੁਜ਼ਗਾਰ ਸਿਖਲਾਈ ਅਤੇ 1,000 ਤੱਕ ਨੌਜਵਾਨਾਂ ਨੂੰ ਕਾਊਂਸਲਿੰਗ ਰਾਹੀਂ ਸਹਾਇਤਾ ਮੁਹੱਈਆ ਕਰੇਗੀ।
• RCMP ਦੀ ਨੈਸ਼ਨਲ ਕੋ-ਆਰਡੀਨੇਸ਼ਨ ਐਂਡ ਸੁਪੋਰਟ ਟੀਮ (NCST): ਇਹ ਟੀਮ ਪ੍ਰਭਾਵਿਤ ਸੂਬਿਆਂ, ਜਿਵੇਂ ਕਿ ਬੀ.ਸੀ., ਐਲਬਰਟਾ ਅਤੇ ਓਨਟਾਰੀਓ ਵਿੱਚ ਕਾਨੂੰਨ-ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਨਾਲ ਜਬਰਨ ਵਸੂਲੀ ਦੇ ਮਾਮਲਿਆਂ ‘ਤੇ ਸਹਿਯੋਗ ਅਤੇ ਜਾਣਕਾਰੀ ਸਾਂਝੀ ਕਰਨ ਲਈ ਤਾਲਮੇਲ ਵਾਲੀ ਸਹਾਇਤਾ ਮੁਹੱਈਆ ਕਰਦੀ ਹੈ।

• ਸਿਟੀ ਆਫ ਸਰ੍ਹੀ, ਸਰ੍ਹੀ ਪੁਲਿਸ ਸਰਵਿਸ ਨੂੰ $250,000 ਦੀ ਇਨਾਮੀ ਰਕਮ ਮੁਹੱਈਆ ਕਰ ਰਹੀ ਹੈ, ਤਾਂ ਜੋ ਸ਼ਹਿਰ ਦੇ ਅੰਦਰ ਵਿਅਕਤੀਆਂ ਅਤੇ ਕਾਰੋਬਾਰਾਂ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਚੱਲ ਰਹੇ ਜਬਰਨ ਵਸੂਲੀ ਦੇ ਮਾਮਲਿਆਂ ਵਿੱਚ ਦੋਸ਼ੀਆਂ ਦਾ ਪਤਾ ਲਗਾਉਣ  ਵਾਲੀ ਜਾਣਕਾਰੀ ਮਿਲ ਸਕੇ।
  • ਜੋ ਲੋਕ ਧਮਕੀਆਂ ਦੀ ਰਿਪੋਰਟ ਕਰਦੇ ਹਨ, ਉਹਨਾਂ ਨੂੰ ਇਨਾਮੀ ਰਕਮ ਮਿਲ ਸਕਦੀ ਹੈ, ਜੇ ਉਹਨਾਂ ਵੱਲੋਂ ਦਿੱਤੀ ਸੂਚਨਾ ਸਿੱਧੇ ਤੌਰ ‘ਤੇ ਅਪਰਾਧੀ ਦੀ ਪਛਾਣ, ਉਸ ‘ਤੇ ਮੁਕੱਦਮਾ ਚਲਾਉਣ ਅਤੇ ਦੋਸ਼ ਸਾਬਤ ਕਰਨ ਵਿੱਚ ਸਹਾਇਕ ਹੋਵੇ।
• ਐਬਟਸਫੋਰਡ ਪੁਲਿਸ ਡਿਪਾਰਟਮੈਂਟ ਨੇ ‘ਓਪਰੇਸ਼ਨ ਕਮਿਊਨਿਟੀ ਸ਼ੀਲਡ’ ਸ਼ੁਰੂ ਕੀਤਾ ਹੈ, ਜੋ ਇੱਕ ਸਮਰਪਿਤ ਅੰਦਰੂਨੀ ਟਾਸਕ ਫੋਰਸ ਹੈ ਜੋ ਸੂਬਾਈ ਅਤੇ ਫੈਡਰਲ ਅਧਿਕਾਰੀਆਂ ਨਾਲ ਮਿਲ ਕੇ ਸਾਰੀਆਂ ਜਬਰਨ ਵਸੂਲੀ ਰਿਪੋਰਟਾਂ ਦੀ ਜਾਂਚ ਕਰਦੀ ਹੈ ਅਤੇ ਨਿਵਾਸੀਆਂ ਅਤੇ ਕਾਰੋਬਾਰਾਂ ਨੂੰ ਸ਼ੱਕੀ ਗਤੀਵਿਧੀ ਦੀ ਰਿਪੋਰਟ ਕਰਨ ਲਈ ਅਪੀਲ ਕਰਦੀ ਹੈ।
• ਡੈਲਟਾ ਪੁਲਿਸ ਡਿਪਾਰਟਮੈਂਟ ਇੱਕ ਸਮਰਪਿਤ ਟੀਮ ਰਾਹੀਂ ਸਾਰੀਆਂ ਜਬਰਨ ਵਸੂਲੀ ਦੀਆਂ ਰਿਪੋਰਟਾਂ ਦੀ ਜਾਂਚ ਕਰਦਾ ਹੈ, ਅਤੇ ਬੀ.ਸੀ. ਐਕਸਟੋਰਸ਼ਨ ਟਾਸਕ ਫੋਰਸ ਅਤੇ ਹੋਰ ਭਾਈਵਾਲਾਂ ਨਾਲ ਮਿਲ ਕੇ ਕੰਮ ਕਰਦਾ ਹੈ, ਤਾਂ ਜੋ ਧਮਕੀਆਂ ਨਾਲ ਤੁਰੰਤ ਨਜਿੱਠਿਆ ਜਾ ਸਕੇ ਅਤੇ ਨਿਵਾਸੀਆਂ ਅਤੇ ਕਾਰੋਬਾਰਾਂ ਨੂੰ ਸਹਾਇਤਾ ਮਿਲ ਸਕੇ, ਅਤੇ ਨਾਲ ਹੀ ਲੋਕਾਂ ਨੂੰ ਕਿਸੇ ਵੀ ਸ਼ੱਕੀ ਗਤੀਵਿਧੀ ਦੀ ਤੁਰੰਤ ਰਿਪੋਰਟ ਕਰਨ ਲਈ ਉਤਸ਼ਾਹਿਤ ਕੀਤਾ ਜਾ ਸਕੇ।

ਸਤੰਬਰ 2025 ਵਿੱਚ ਟਾਸਕ ਫੋਰਸ ਸਥਾਪਿਤ ਕੀਤੇ ਜਾਣ ਤੋਂ ਬਾਅਦ, ਟੀਮ ਨੇ ਹੇਠ ਲਿਖੇ ਮਾਮਲਿਆਂ ‘ਤੇ ਧਿਆਨ ਕੇਂਦਰਿਤ ਕੀਤਾ ਹੈ:

• ਜਨਤਕ ਸੁਰੱਖਿਆ 'ਤੇ ਸਭ ਤੋਂ ਵੱਡਾ ਖ਼ਤਰਾ ਪੈਦਾ ਕਰਨ ਵਾਲਿਆਂ ਦੀ ਜਾਂਚ-ਪੜਤਾਲ ਕਰਨਾ
• ਪ੍ਰਭਾਵਿਤ ਭਾਈਚਾਰਿਆਂ ਵਿੱਚ ਹੋ ਰਹੀ ਹਿੰਸਾ ਨੂੰ ਰੋਕਣਾ
• ਵੱਖ-ਵੱਖ ਫ਼ਾਈਲਾਂ ਵਿਚਕਾਰ ਆਪਸੀ ਸੰਬੰਧਾਂ ਨੂੰ ਸਮਝਣਾ
• ਸਬੂਤਾਂ ਦੇ ਅਧਾਰ ‘ਤੇ, ਮਾਮਲਿਆਂ ਨੂੰ ਆਪਸ ਵਿੱਚ ਜੋੜਦਿਆਂ, ਜਾਂਚਾਂ ਦੀ ਲੜੀ ਸਥਾਪਿਤ ਕਰਨਾ
• ਸ਼ੱਕੀ ਵਿਅਕਤੀਆਂ ਅਤੇ ਸ਼ੱਕੀ ਗਿਰੋਹਾਂ ਦੀ ਪਛਾਣ ਕਰਨਾ
• ਸੂਬੇ ਅਤੇ ਦੇਸ਼ ਭਰ ਵਿੱਚ ਕਾਨੂੰਨ ਲਾਗੂ ਕਰਨ ਵਾਲੇ ਭਾਈਵਾਲਾਂ ਨਾਲ ਤਾਲਮੇਲ ਬਣਾਉਣਾ
• ਪੀੜਤਾਂ ਅਤੇ ਉਹਨਾਂ ਦੇ ਪਰਿਵਾਰਾਂ ਨੂੰ ਸਹਾਇਤਾ ਮੁਹੱਈਆ ਕਰਨਾ ਅਤੇ ਉਹਨਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣਾ

ਬੀ.ਸੀ. ਐਕਸਟੋਰਸ਼ਨ ਟਾਸਕ ਫੋਰਸ ਵਿੱਚ ਮਿਊਂਨਿਸੀਪਲ, ਸੂਬਾਈ ਅਤੇ ਫੈਡਰਲ ਏਜੰਸੀਆਂ ਦੇ 40 ਤੋਂ ਵੱਧ ਪੁਲਿਸ ਪ੍ਰਤੀਨਿਧ ਸ਼ਾਮਲ ਹਨ, ਜਿਨ੍ਹਾਂ ਵਿੱਚ ਸ਼ਾਮਲ ਹਨ:

• B.C. RCMP
• ਸਰ੍ਹੀ ਪੁਲਿਸ ਸਰਵਿਸ
• ਡੈਲਟਾ ਪੁਲਿਸ
• ਐਬਟਸਫੋਰਡ ਪੁਲਿਸ
• ਕੰਬਾਈਨਡ ਫੋਰਸਿਜ਼ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਆਫ ਬ੍ਰਿਟਿਸ਼ ਕੋਲੰਬੀਆ (CFSEU-BC) 
• ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ
• ਕੈਨੇਡਾ ਬਾਰਡਰ ਸਰਵਿਸਜ਼ ਏਜੰਸੀ

ਉਹਨਾਂ ਨੂੰ B.C. RCMP ਦੇ ਖਾਸ ਸਰੋਤਾਂ ਤੋਂ ਵੀ ਸਹਾਇਤਾ ਮਿਲਦੀ ਹੈ, ਜਿਸ ਵਿੱਚ ਸ਼ਾਮਲ ਹਨ:

• CFSEU-BC ਦੀ ਯੁਨੀਫ਼ਾਰਮ ਗੈਂਗ ਇਨਫੋਰਸਮੈਂਟ ਟੀਮ
• ਬੀ.ਸੀ. ਹਾਈਵੇਅ ਪਟਰੋਲ
• ਐਮਰਜੈਂਸੀ ਰਿਸਪਾਂਸ ਟੀਮਾਂ
• ਪੁਲਿਸ ਡੌਗ ਸੇਵਾਵਾਂ

ਜਬਰਨ ਵਸੂਲੀ ਦੀਆਂ ਜਾਂਚਾਂ ਗੁੰਝਲਦਾਰ ਹੁੰਦੀਆਂ ਹਨ। ਬੀ.ਸੀ. ਐਕਸਟੋਰਸ਼ਨ ਟਾਸਕ ਫੋਰਸ ਅਪਰਾਧਾਂ ਦੀ ਜਾਂਚ ਅਤੇ ਰੋਕਥਾਮ ਲਈ ਪਹਿਲਾਂ ਤੋਂ ਤਿਆਰ ਕੀਤੀਆਂ ਅਤੇ ਜਵਾਬੀ ਕਾਰਵਾਈਆਂ ਵਰਤਦੀ ਹੈ, ਜੋ ਖ਼ੁਫੀਆ ਜਾਣਕਾਰੀ 'ਤੇ ਅਧਾਰਿਤ ਹੁੰਦੀਆਂ ਹਨ।

ਇਹ ਸਬੂਤ-ਅਧਾਰਿਤ ਤਫ਼ਤੀਸ਼ਾਂ ਪੁਲਿਸ ਨੂੰ ਮਿਲੀ ਜਾਣਕਾਰੀ ‘ਤੇ ਨਿਰਭਰ ਕਰਦੀਆਂ ਹਨ। ਬੀ.ਸੀ. ਐਕਸਟੋਰਸ਼ਨ ਟਾਸਕ ਫੋਰਸ ਅਤੇ ਸਥਾਨਕ ਪੁਲਿਸ ਕੋਲ ‘ਲੀਏਜ਼ੌਨ ਅਫਸਰ’ (ਪੁਲਿਸ ਅਤੇ ਪੀੜਤਾਂ ਦਰਮਿਆਨ ਸੰਪਰਕ ਕਾਇਮ ਕਰਨ ਵਾਲੇ ਵਿਅਕਤੀ) ਹੁੰਦੇ ਹਨ ਜੋ ਪੀੜਤਾਂ, ਗਵਾਹਾਂ ਅਤੇ ਸਥਾਨਕ ਪੁਲਿਸ ਨਾਲ ਮਿਲ ਕੇ ਸਬੂਤ ਇਕੱਠੇ ਕਰਦੇ ਹਨ ਅਤੇ ਲੋੜ ਅਨੁਸਾਰ ਸੁਰੱਖਿਆ ਯੋਜਨਾਵਾਂ ਲਾਗੂ ਕਰਦੇ ਹਨ।

ਟਾਸਕ ਫੋਰਸ ਲਈ ਲਾਜ਼ਮੀ ਹੈ ਕਿ ਚੱਲ ਰਹੀਆਂ ਜਾਂਚਾਂ ਦੀ ਸੱਚਾਈ ਅਤੇ ਸਫਲਤਾ ਨੂੰ ਸੁਰੱਖਿਅਤ ਰੱਖਣ ਲਈ, ਜਨਤਾ ਨਾਲ ਸਾਂਝੀ ਕੀਤੀ ਜਾਣ ਵਾਲੀ ਜਾਣਕਾਰੀ ਨੂੰ ਸੀਮਿਤ ਰੱਖੇ।

ਜੇ ਤੁਸੀਂ ਜਬਰਨ ਵਸੂਲੀ ਦੇ ਸ਼ਿਕਾਰ ਹੋ, ਤਾਂ:

• ਇਸ ਦੀ ਰਿਪੋਰਟ ਪੁਲਿਸ ਜਾਂ ਕ੍ਰਾਈਮ ਸਟੌਪਰਜ਼ ਨੂੰ 1-800-222-TIPS [8477] ‘ਤੇ ਕਰੋ
• ਧਮਕੀਆਂ ਸਬੰਧੀ ਹੋਈ ਸਾਰੀ ਗੱਲਬਾਤ ਅਤੇ ਸਬੂਤ ਸੰਭਾਲ ਕੇ ਰੱਖੋ
• ਧਮਕੀਆਂ ਦਾ ਜਵਾਬ ਨਾ ਦਿਓ
• ਮੰਗਾਂ ਨੂੰ ਨਾ ਮੰਨੋ

• VictimLink BC ਬੀ.ਸੀ. ਭਰ ਵਿੱਚ ਅਪਰਾਧ ਅਤੇ ਸਦਮੇ ਨਾਲ ਪ੍ਰਭਾਵਿਤ ਲੋਕਾਂ ਲਈ ਇੱਕ ਮੁਫ਼ਤ, ਅਤੇ ਗੁਪਤ ਸੇਵਾ ਹੈ। ਇਹ ਤੁਹਾਨੂੰ ਉਹਨਾਂ ਸਿਖਲਾਈ-ਪ੍ਰਾਪਤ ਪੀੜਤ ਸੇਵਾ ਕਰਮਚਾਰੀਆਂ ਨਾਲ ਜੋੜਦੀ ਹੈ, ਜੋ ਪੀੜਤਾਂ ਨੂੰ ਸੁਰੱਖਿਅਤ ਰੱਖਣ ਅਤੇ ਅਪਰਾਧਿਕ ਨਿਆਂ ਪ੍ਰਣਾਲੀ ਨੂੰ ਸਮਝਣ ਵਿੱਚ ਵਿਸ਼ੇਸ਼ ਸਹਾਇਤਾ ਮੁਹੱਈਆ ਕਰ ਸਕਦੇ ਹਨ।
  • ਕਾਲ ਜਾਂ ਟੈਕਸਟ: 1-800-563-0808
  • 240 ਤੋਂ ਵੱਧ ਭਾਸ਼ਾਵਾਂ ਵਿੱਚ 24/7 ਉਪਲਬਧ, ਜਿਸ ਵਿੱਚ ਪੰਜਾਬੀ ਅਤੇ ਹਿੰਦੀ ਸ਼ਾਮਲ ਹਨ
• ਸਥਾਨਕ ਪੀੜਤ ਸੇਵਾ ਪ੍ਰੋਗਰਾਮ: ਕਈ ਭਾਈਚਾਰਿਆਂ ਵਿੱਚ ਪੀੜਤ ਸੇਵਾ ਪ੍ਰੋਗਰਾਮ ਉਪਲਬਧ ਹਨ। ਤੁਸੀਂ ਹੋਰ ਜਾਣਕਾਰੀ ਜਾਂ ਸਹਾਇਤਾ ਲਈ ਉਹਨਾਂ ਨਾਲ ਸਿੱਧੇ ਸੰਪਰਕ ਕਰ ਸਕਦੇ ਹੋ।
• ਐਬਟਸਫੋਰਡ ਪੁਲਿਸ ਪੀੜਤ ਸੇਵਾਵਾਂ
  • ਫੋਨ: 604-835-9696
  • ਈਮੇਲ: extortionsupport@abbypd.ca

• ਡੈਲਟਾ ਪੁਲਿਸ ਪੀੜਤ ਸੇਵਾਵਾਂ
  • ਫੋਨ: 604-940-5019
  • ਈਮੇਲ: victimservices@deltapolice.ca

• ਲੈਂਗਲੀ RCMP ਪੀੜਤ ਸੇਵਾਵਾਂ
  • ਫੋਨ: 604-532-3214
  • ਈਮੇਲ: langleyvictimservices@rcmp-grc.gc.ca

• ਸਰ੍ਹੀ ਪੁਲਿਸ ਪੀੜਤ ਸੇਵਾਵਾਂ
  • ਫੋਨ: 604-599-7600
  • ਈਮੇਲ: victimsupport@surreypolice.ca

• ਹੋਰ ਭਾਈਚਾਰਿਆਂ ਵਿੱਚ ਪੀੜਤ ਸੇਵਾ ਪ੍ਰੋਗਰਾਮ ਲੱਭਣ ਲਈ ਪੀੜਤ ਸੇਵਾਵਾਂ ਪ੍ਰੋਗਰਾਮ ਡਾਇਰੈਕਟਰੀ ਦੀ ਵਰਤੋਂ ਕਰੋ।

ਜਬਰਨ ਵਸੂਲੀ ਦੇ ਪੀੜਤ ਲੋਕ, ਕ੍ਰਾਈਮ ਵਿਕਟਿਮ ਅਸਿਸਟੈਂਸ ਪ੍ਰੋਗਰਾਮ ਰਾਹੀਂ ਲਾਭਾਂ ਲਈ ਯੋਗ ਹੋ ਸਕਦੇ ਹਨ, ਜਿਸ ਵਿੱਚ ਸ਼ਾਮਲ ਹਨ:

• ਕਾਊਂਸਲਿੰਗ ਸੇਵਾਵਾਂ
• ਸੁਰੱਖਿਆ ਉਪਾਅ – ਨਵੇਂ ਤਾਲਿਆਂ ਜਾਂ ਸਿਕਿਉਰਿਟੀ ਸਿਸਟਮ ਵਰਗੇ ਸੁਰੱਖਿਆ ਉਪਕਰਣਾਂ ਲਈ $3,000 ਤੱਕ ਦੀ ਰਕਮ ਮੁਹੱਈਆ ਕੀਤੀ ਜਾ ਸਕਦੀ ਹੈ
• ਕੁਝ ਖਾਸ ਪਰਿਸਥਿਤੀਆਂ ਵਿੱਚ ਨਵੀਂ ਥਾਂ ‘ਤੇ ਜਾ ਕੇ, ਜ਼ਿੰਦਗੀ ਦੁਬਾਰਾ ਸ਼ੁਰੂ ਕਰਨ ਸੰਬੰਧੀ ਖ਼ਰਚਿਆਂ ਵਿੱਚ ਮਦਦ ਕੀਤੀ ਜਾ ਸਕਦੀ ਹੈ।

ਨਜ਼ਦੀਕੀ ਪਰਿਵਾਰਕ ਮੈਂਬਰ ਅਤੇ ਗਵਾਹ ਵੀ ਕਾਊਂਸਲਿੰਗ ਬੈਨਿਫ਼ਿਟਸ ਲਈ ਯੋਗ ਹੋ ਸਕਦੇ ਹਨ।

ਜਾਣਕਾਰੀ ਲਈ ਅਤੇ ਅਰਜ਼ੀ ਦੇਣ ਲਈ, ਸਿੱਧੇ ਤੌਰ ‘ਤੇ ਕ੍ਰਾਈਮ ਵਿਕਟਿਮ ਅਸਿਸਟੈਂਸ ਪ੍ਰੋਗਰਾਮ ਨਾਲ ਸੰਪਰਕ ਕਰੋ।

• ਕਾਲ: 1-866-660-3888, ਸਟਾਫ਼ ਮੈਂਬਰ ਨਾਲ ਗੱਲ ਕਰਨ ਲਈ 5 ਦਬਾਓ
• ਸੋਮਵਾਰ ਤੋਂ ਸ਼ੁੱਕਰਵਾਰ, ਸਵੇਰੇ 8:30 ਤੋਂ ਸ਼ਾਮ 4:30 ਵਜੇ ਤੱਕ ਉਪਲਬਧ