ਕੋਵਿਡ-19 ਟੀਕਾਕਰਣ ਪ੍ਰੋਗਰਾਮ
Publication date: October 5, 2026ਕੋਵਿਡ-19 ਦੇ ਟੀਕਾਕਰਣ ਲਈ ਅਪੌਇੰਟਮੈਂਟਾਂ 13 ਅਕਤੂਬਰ, 2026 ਤੋਂ ਹੀ ਸ਼ੁਰੂ ਹੋ ਜਾਣਗੀਆਂ ਅਤੇ ਇਸ ਪਤਝੜ ਅਤੇ ਸਰਦੀਆਂ ਦੌਰਾਨ ਜਾਰੀ ਰਹਿਣਗੀਆਂ। ਜੇ ਤੁਹਾਡੇ ਲਈ ਕੋਵਿਡ-19 ਵੈਕਸੀਨ ਲਗਵਾਉਣ ਦੀ ਸਿਫ਼ਾਰਸ਼ ਕੀਤੀ ਜਾਂਦੀ ਹੈ, ਤਾਂ ਜਦੋਂ ਤੁਹਾਡੀ ਅਪੌਇੰਟਮੈਂਟ ਬੁੱਕ ਕਰਨ ਦਾ ਸਮਾਂ ਹੋਵੇਗਾ, ਤੁਹਾਨੂੰ ਗੈਟ ਵੈਕਸੀਨੇਟਿਡ ਸਿਸਟਮ ਰਾਹੀਂ ਸੂਚਨਾ ਮਿਲੇਗੀ।
English | 繁體中文 | 简体中文 | Français | ਪੰਜਾਬੀ | Tagalog
ਬਿਲਕੁਲ ਤਾਜ਼ਾ ਜਾਣਕਾਰੀ ਲਈ, ਕ੍ਰਿਪਾ ਕਰ ਕੇ ਅੰਗ੍ਰੇਜ਼ੀ ਪੰਨੇ ‘ਤੇ ਜਾਉ
ਇਸ ਪੰਨੇ ‘ਤੇ
- ਆਪਣੇ ਕੋਵਿਡ-19 ਟੀਕਾਕਰਣ ਬਾਰੇ ਤਾਜ਼ਾ ਜਾਣਕਾਰੀ ਲਓ
- ਆਪਣੀ ਅਪੌਇੰਟਮੈਂਟ ਕਿਵੇਂ ਬੁੱਕ ਕਰਨੀ ਹੈ
- ਆਪਣੀ ਅਪੌਇੰਟਮੈਂਟ ਵਿੱਚ ਤਬਦੀਲੀ ਕਰੋ ਜਾਂ ਇਸਨੂੰ ਰੱਦ ਕਰੋ
- ਗੈਟ ਵੈਕਸੀਨੇਟਿਡ ਵਿੱਚ ਆਪਣੀ ਸੰਪਰਕ ਜਾਣਕਾਰੀ ਸ਼ਾਮਲ ਕਰੋ ਜਾਂ ਅੱਪਡੇਟ ਕਰੋ
- ਕੋਵਿਡ-19 ਬਾਰੇ ਜਾਣਕਾਰੀ ਲਓ
- ਤੁਹਾਨੂੰ ਮਦਦ ਦੀ ਲੋੜ ਹੈ
ਆਪਣੇ ਕੋਵਿਡ-19 ਟੀਕਾਕਰਣ ਬਾਰੇ ਤਾਜ਼ਾ ਜਾਣਕਾਰੀ ਲਓ
ਇਸ ਪਤਝੜ ਅਤੇ ਸਰਦੀਆਂ ਦੇ ਮੌਸਮ ਦੌਰਾਨ, ਬੀ.ਸੀ. ਦੇ ਨਿਵਾਸੀਆਂ ਲਈ ਅੱਪਡੇਟ ਕੀਤੇ ਗਏ ਕੋਵਿਡ-19 ਵੈਕਸੀਨ ਮੁਫ਼ਤ ਉਪਲਬਧ ਹਨ। ਵੈਕਸੀਨ ਦੀ ਇੱਕ ਖੁਰਾਕ ਲਗਵਾਉਣ ਨਾਲ ਵਾਇਰਲ ਸਾਹ ਦੀਆਂ ਬਿਮਾਰੀਆਂ ਦੇ ਮੌਸਮ ਦੌਰਾਨ ਕੋਵਿਡ-19 ਕਾਰਨ ਹੋਣ ਵਾਲੀ ਗੰਭੀਰ ਬਿਮਾਰੀ ਤੋਂ ਤੁਹਾਡੀ ਸੁਰੱਖਿਆ ਕਰਨ ਵਿੱਚ ਮਦਦ ਮਿਲੇਗੀ।
ਕੋਵਿਡ-19 ਟੀਕਾਕਰਣ ਦੀ ਸਿਫ਼ਾਰਸ਼ ਇਨ੍ਹਾਂ ਲੋਕਾਂ ਲਈ ਕੀਤੀ ਜਾਂਦੀ ਹੈ:
- 65 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਬਾਲਗ
- ਲੌਂਗ-ਟਰਮ ਕੇਅਰ ਹੋਮਜ਼ ਅਤੇ ਅਸਿਸਟਿਡ ਲਿਵਿੰਗ ਫੈਸੀਲਿਟਿਆਂ ਵਿੱਚ ਰਹਿਣ ਵਾਲੇ ਲੋਕ
- 6 ਮਹੀਨੇ ਅਤੇ ਇਸ ਤੋਂ ਵੱਧ ਉਮਰ ਦੇ ਉਹ ਲੋਕ ਜਿਨ੍ਹਾਂ ਨੂੰ ਪਹਿਲਾਂ ਤੋਂ ਕੋਈ ਸਿਹਤ ਸਮੱਸਿਆ ਹੈ ਅਤੇ ਜਿਨ੍ਹਾਂ ਦਾ ਸਰੀਰ ਬਿਮਾਰੀਆਂ ਨਾਲ ਲੜਨ ਵਿੱਚ ਬਹੁਤ ਕਮਜ਼ੋਰ (ਇਮਿਊਨੋਕੌਮਪ੍ਰੋਮਾਈਜ਼ਡ) ਹੈ
- ਫਰਸਟ ਨੇਸ਼ਨਜ਼, ਇਨੂਇਟ ਅਤੇ ਮੇਟੀ ਲੋਕ, ਅਤੇ ਇੰਡੀਜਨਸ (ਮੂਲ ਨਿਵਾਸੀ) ਭਾਈਚਾਰਿਆਂ ਵਿੱਚ ਰਹਿਣ ਵਾਲੇ ਲੋਕ
- ਗਰਭਵਤੀ ਵਿਅਕਤੀ
- ਉਹ ਲੋਕ ਜੋ ਭਾਈਚਾਰੇ ਲਈ ਜ਼ਰੂਰੀ ਸੇਵਾਵਾਂ ਮੁਹੱਈਆ ਕਰਦੇ ਹਨ, ਜਿਸ ਵਿੱਚ ਸਿਹਤ ਸੰਭਾਲ ਕਾਮੇ ਅਤੇ ਐਮਰਜੈਂਸੀ ਫਰਸਟ ਰਿਸਪਾਂਡਰ ਸ਼ਾਮਲ ਹਨ
ਜੇ ਆਪਣੀ ਯੋਗਤਾ ਬਾਰੇ ਤੁਹਾਡੇ ਕੋਈ ਸਵਾਲ ਹਨ, ਤਾਂ ਆਪਣੇ ਸਿਹਤ ਸੰਭਾਲ ਪ੍ਰਦਾਨਕ ਨਾਲ ਸੰਪਰਕ ਕਰੋ ਜਾਂ ਕਾਲ ਸੈਂਟਰ ਨੂੰ ਫ਼ੋਨ ਕਰੋ।
ਕੋਵਿਡ-19 ਟੀਕਾਕਰਣ ਬਾਰੇ ਹੋਰ ਜਾਣਕਾਰੀ ਲਈ ਹੈਲਥ ਲਿੰਕ ਬੀ ਸੀ (HealthLink BC) 'ਤੇ ਜਾਓ।
ਆਪਣੀ ਅਪੌਇੰਟਮੈਂਟ ਕਿਵੇਂ ਬੁੱਕ ਕਰਨੀ ਹੈ
ਅਕਤੂਬਰ ਤੋਂ ਨਵੰਬਰ 2026 ਤੱਕ, ਜਿਨ੍ਹਾਂ ਲੋਕਾਂ ਲਈ ਕੋਵਿਡ-19 ਦੀ ਵੈਕਸੀਨ ਲਗਵਾਉਣ ਦੀ ਸਿਫ਼ਾਰਸ਼ ਕੀਤੀ ਜਾਂਦੀ ਹੈ, ਉਨ੍ਹਾਂ ਨੂੰ ਸੂਚਨਾਵਾਂ ਭੇਜੀਆਂ ਜਾਣਗੀਆਂ। ਜੇ ਤੁਹਾਡੇ ਲਈ ਕੋਵਿਡ-19 ਦੀ ਵੈਕਸੀਨ ਲਗਵਾਉਣ ਦੀ ਸਿਫ਼ਾਰਸ਼ ਕੀਤੀ ਜਾਂਦੀ ਹੈ, ਤਾਂ ਜਦੋਂ ਤੁਹਾਡੀ ਅਪੌਇੰਟਮੈਂਟ ਬੁੱਕ ਕਰਨ ਦਾ ਸਮਾਂ ਹੋਵੇਗਾ, ਤੁਹਾਨੂੰ ਗੈਟ ਵੈਕਸੀਨੇਟਿਡ ਸਿਸਟਮ ਰਾਹੀਂ ਸੂਚਨਾ ਮਿਲੇਗੀ।
ਜੇ ਤੁਹਾਨੂੰ ਨਵੰਬਰ ਦੇ ਅੱਧ ਤੱਕ ਸੂਚਨਾ ਨਹੀਂ ਮਿਲਦੀ, ਤਾਂ ਅਪੌਇੰਟਮੈਂਟ ਬੁੱਕ ਕਰਨ ਲਈ 1-833-838-2323 ’ਤੇ ਕਾਲ ਕਰੋ ਜਾਂ ਗੈਟ ਵੈਕਸੀਨੇਟਿਡ ਸਿਸਟਮ ਵਿੱਚ ਲੌਗ ਇਨ ਕਰੋ।
ਕੋਵਿਡ-19 ਦੇ ਟੀਕਾਕਰਣ ਲਈ ਅਪੌਇੰਟਮੈਂਟਾਂ 13 ਅਕਤੂਬਰ, 2026 ਤੋਂ ਸ਼ੁਰੂ ਹੋਣਗੀਆਂ ਅਤੇ ਇਸ ਪਤਝੜ ਅਤੇ ਸਰਦੀਆਂ ਦੌਰਾਨ ਜਾਰੀ ਰਹਿਣਗੀਆਂ। ਬੀ.ਸੀ. ਵਿੱਚ ਵੈਕਸੀਨ ਪਹੁੰਚਣ ਦੇ ਨਾਲ ਹੋਰ ਅਪੌਇੰਟਮੈਂਟਾਂ ਲਈ ਸਮਾਂ ਵੀ ਉਪਲਬਧ ਕਰਵਾਇਆ ਜਾਵੇਗਾ।
ਅਪੌਇੰਟਮੈਂਟ ਬੁੱਕ ਕਰੋਔਨਲਾਈਨ ਆਪਣੀ ਅਪੌਇੰਟਮੈਂਟ ਬੁੱਕ ਕਰਨ ਲਈ ਤੁਹਾਨੂੰ ਆਪਣਾ PHN (ਪਰਸਨਲ ਹੈਲਥ ਨੰਬਰ) ਚਾਹੀਦਾ ਹੋਵੇਗਾ।
ਆਪਣੀ ਅਪੌਇੰਟਮੈਂਟ ਵਿੱਚ ਤਬਦੀਲੀ ਕਰੋ ਜਾਂ ਇਸਨੂੰ ਰੱਦ ਕਰੋ
ਆਪਣੀ ਅਪੌਇੰਟਮੈਂਟ ਅੱਪਡੇਟ ਕਰੋਔਨਲਾਈਨ ਆਪਣੀ ਅਪੌਇੰਟਮੈਂਟ ਬਦਲਣ ਲਈ ਤੁਹਾਨੂੰ ਆਪਣਾ ਬੁਕਿੰਗ ਪੁਸ਼ਟੀ ਨੰਬਰ ਅਤੇ PHN ਚਾਹੀਦਾ ਹੋਵੇਗਾ।
ਗੈਟ ਵੈਕਸੀਨੇਟਿਡ ਵਿੱਚ ਆਪਣੀ ਸੰਪਰਕ ਜਾਣਕਾਰੀ ਸ਼ਾਮਲ ਕਰੋ ਜਾਂ ਅੱਪਡੇਟ ਕਰੋ
ਗੈਟ ਵੈਕਸੀਨੇਟਿਡ ਸਿਸਟਮ ਵਿੱਚ ਆਪਣੀ ਸੰਪਰਕ ਜਾਣਕਾਰੀ ਸ਼ਾਮਲ ਕਰੋ ਜਾਂ ਅੱਪਡੇਟ ਕਰੋ, ਤਾਂ ਜੋ ਕੋਵਿਡ-19 ਅਤੇ ਇਨਫਲੂਐਂਜ਼ਾ ਦੇ ਵੈਕਸੀਨ ਲਈ ਅਪੌਇੰਟਮੈਂਟ ਬੁੱਕ ਕਰਨ ਦਾ ਸਮਾਂ ਹੋਣ ’ਤੇ ਤੁਹਾਨੂੰ ਸੂਚਨਾ ਮਿਲ ਸਕੇ।
ਤੁਸੀਂ ਆਪਣੀ ਜਾਂ ਕਿਸੇ ਹੋਰ ਵਿਅਕਤੀ ਦੀ ਜਾਣਕਾਰੀ ਸ਼ਾਮਲ ਜਾਂ ਅੱਪਡੇਟ ਕਰ ਸਕਦੇ ਹੋ, ਜਿਵੇਂ ਕਿ ਮਾਤਾ-ਪਿਤਾ, ਦਾਦਾ-ਦਾਦੀ/ਨਾਨਾ-ਨਾਨੀ ਜਾਂ ਬੱਚਿਆਂ ਦੀ।
ਕੋਵਿਡ-19 ਬਾਰੇ ਜਾਣਕਾਰੀ ਲਓ
ਕੋਵਿਡ-19 ਬਾਰੇ ਜਾਣਕਾਰੀ ਲੱਭੋ:
- ਕੋਰੋਨਾਵਾਇਰਸ ਬਿਮਾਰੀ (ਕੋਵਿਡ-19) (ਹੈਲਥਲਿੰਕ ਬੀ ਸੀ)
- ਕੋਵਿਡ-19 ਵੈਕਸੀਨ ਦੀ ਸੁਰੱਖਿਆ ਅਤੇ ਮਾੜੇ ਪ੍ਰਭਾਵ (ਹੈਲਥ ਕੈਨੇਡਾ)
- ਵੈਕਸੀਨਾਂ ਬਾਰੇ ਜਾਣਕਾਰੀ (ਹੈਲਥਲਿੰਕ ਬੀ ਸੀ)
ਬੀ.ਸੀ. ਵਿੱਚ ਉਪਲਬਧ ਵੈਕਸੀਨ
ਹੈਲਥ ਕੈਨੇਡਾ ਕੋਲ ਇੱਕ ਵਿਸਤ੍ਰਿਤ ਮਨਜ਼ੂਰੀ ਪ੍ਰਕਿਰਿਆ ਹੈ, ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਮਨਜ਼ੂਰਸ਼ੁਦਾ ਟੀਕੇ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਹੋਣ।
ਇਸ ਸਮੇਂ ਕੋਵਿਡ-19 ਦੀਆਂ ਤਿੰਨ ਵੈਕਸੀਨ ਮਨਜ਼ੂਰਸ਼ੁਦਾ ਹਨ (ਦੋ mRNA ਅਤੇ ਇੱਕ ਗੈਰ-mRNA ਵੈਕਸੀਨ)। ਇਸ ਸਾਲ ਇਹ ਤਿੰਨੇ ਵੈਕਸੀਨ ਬੀ.ਸੀ. ਵਿੱਚ ਉਪਲਬਧ ਹਨ। ਕੈਨੇਡਾ ਵਿੱਚ ਮਨਜ਼ੂਰਸ਼ੁਦਾ ਕੋਵਿਡ-19 ਵੈਕਸੀਨਾਂ ਬਾਰੇ ਹੋਰ ਜਾਣੋ।
ਤੁਹਾਨੂੰ ਗੈਰ-mRNA ਵੈਕਸੀਨ ਚਾਹੀਦੀ ਹੈ
2026-27 ਦੇ ਸਾਹ ਦੀਆਂ ਵਾਇਰਲ ਬਿਮਾਰੀਆਂ ਦੇ ਮੌਸਮ ਦੌਰਾਨ ਬੀ.ਸੀ. ਵਿੱਚ ਕੁਝ ਚੁਣੀਆਂ ਥਾਵਾਂ ‘ਤੇ ਗੈਰ-mRNA ਵੈਕਸੀਨ Nuvaxovid ਉਪਲਬਧ ਹੋਵੇਗੀ। ਜੇ ਤੁਸੀਂ ਗੈਰ-mRNA ਟੀਕਾ ਲਗਵਾਉਣਾ ਚਾਹੁੰਦੇ ਹੋ, ਤਾਂ ਹੋਰ ਜਾਣਕਾਰੀ ਲਈ ਕਾਲ ਸੈਂਟਰ ਨਾਲ ਸੰਪਰਕ ਕਰੋ।
ਤੁਹਾਨੂੰ ਮਦਦ ਦੀ ਲੋੜ ਹੈ
ਆਪਣਾ ਪਰਸਨਲ ਹੈਲਥ ਨੰਬਰ (PHN) ਲੱਭ
‘ਮੈਡੀਕਲ ਸਰਵਿਸਿਜ਼ ਪਲਾਨ’ ਨਾਲ ਰਜਿਸਟਰ ਹੋਏ ਬੀ.ਸੀ. ਦੇ ਹਰੇਕ ਵਸਨੀਕ ਨੂੰ ਸਿਹਤ ਸੰਭਾਲ ਲਈ ਜੀਵਨ ਭਰ ਲਈ ਪਛਾਣ ਦਾ ਇੱਕ ਵਿਲੱਖਣ ਪ੍ਰਮਾਣ ਦਿੱਤਾ ਜਾਂਦਾ ਹੈ, ਜਿਸ ਨੂੰ ਪਰਸਨਲ ਹੈਲਥ ਨੰਬਰ (PHN) ਕਿਹਾ ਜਾਂਦਾ ਹੈ। ਤੁਹਾਡਾ PHN ਤੁਹਾਡੇ ਬੀ.ਸੀ. ਡਰਾਈਵਰਜ਼ ਲਾਇਸੈਂਸ, ਬੀ ਸੀ ਸਰਵਿਸਿਜ਼ ਕਾਰਡ ਜਾਂ ਕੇਅਰਕਾਰਡ ਦੇ ਪਿਛਲੇ ਪਾਸੇ ਮਿਲ ਸਕਦਾ ਹੈ।
ਤੁਹਾਡੇ ਕੋਲ PHN ਨਹੀਂ ਹੈ
ਜੇ ਤੁਸੀਂ ਸਹੀ PHN ਦਿੱਤਾ ਹੈ ਪਰ ਲੌਗ-ਇਨ ਕਰਨ ਵਿੱਚ ਸਮੱਸਿਆਵਾਂ ਆ ਰਹੀਆਂ ਹਨ, ਤਾਂ ਕਿਰਪਾ ਕਰਕੇ ਮਦਦ ਲਈ 1-833-838-2323 'ਤੇ ਕਾਲ ਸੈਂਟਰ ਨਾਲ ਸੰਪਰਕ ਕਰੋ। ਜੇ ਤੁਹਾਡੇ ਕੋਲ PHN ਨਹੀਂ ਹੈ, ਤਾਂ ਹੈਲਥ ਇਨਸ਼ੋਰੈਂਸ ਬੀ.ਸੀ. ਨੂੰ ਫ਼ੋਨ ਕਰੋ: 604-683-7151 (ਵੈਨਕੂਵਰ ਵਿੱਚ) ਜਾਂ 1-800-663-7100 (ਬੀ.ਸੀ. ਦੇ ਹੋਰ ਖੇਤਰਾਂ ਵਿੱਚ ਟੋਲ-ਫ੍ਰੀ)।
ਜੇ ਤੁਸੀਂ ਸਿਫ਼ਾਰਸ਼ ਕੀਤੇ ਲੋਕਾਂ ਵਿੱਚ ਸ਼ਾਮਲ ਨਹੀਂ ਹੋ, ਤਾਂ ਕੀ ਤੁਸੀਂ ਫਿਰ ਵੀ ਕੋਵਿਡ-19 ਦੀ ਵੈਕਸੀਨ ਲਗਵਾ ਸਕਦੇ ਹੋ?
ਬੀ.ਸੀ. ਵਿੱਚ ਜਿਹੜਾ ਵੀ ਵਿਅਕਤੀ ਕੋਵਿਡ-19 ਦੀ ਵੈਕਸੀਨ ਲਗਵਾਉਣਾ ਚਾਹੁੰਦਾ ਹੈ, ਉਹ ਮੁਫ਼ਤ ਟੀਕੇ ਦੀ ਇੱਕ ਖੁਰਾਕ ਲੈ ਸਕਦਾ ਹੈ। ਜਦੋਂ ਤੁਹਾਨੂੰ ਔਨਲਾਈਨ ਫਲੂ ਦੇ ਵੈਕਸੀਨ ਲਈ ਅਪੌਇੰਟਮੈਂਟ ਬੁੱਕ ਕਰਨ ਦੀ ਸੂਚਨਾ ਮਿਲੇਗੀ, ਤਾਂ ਤੁਸੀਂ ਉਸੇ ਸਮੇਂ ਕੋਵਿਡ-19 ਦੀ ਵੈਕਸੀਨ ਲਗਵਾਉਣ ਦੀ ਚੋਣ ਵੀ ਕਰ ਸਕਦੇ ਹੋ। ਅਪੌਇੰਟਮੈਂਟ ਬੁੱਕ ਕਰਨ ਲਈ 1-833-838-2323 ’ਤੇ ਕਾਲ ਕਰੋ ਜਾਂ ਗੈਟ ਵੈਕਸੀਨੇਟਿਡ ਸਿਸਟਮ ਵਿੱਚ ਲੌਗ ਇਨ ਕਰੋ।
ਤੁਸੀਂ ਬੀ.ਸੀ. ਦੇ ਵਸਨੀਕ ਨਹੀਂ ਹੋ
ਕੋਵਿਡ-19 ਵੈਕਸੀਨ ਦੀਆਂ ਅਪੌਇੰਟਮੈਂਟਾਂ ਨੂੰ ਬੀ.ਸੀ. ਦੇ ਵਸਨੀਕਾਂ ਲਈ ਤਰਜੀਹ ਦਿੱਤੀ ਜਾਂਦੀ ਹੈ, ਖ਼ਾਸਕਰ ਗੰਭੀਰ ਬਿਮਾਰੀ ਦੇ ਵਧੇਰੇ ਜੋਖਮ ਵਾਲੇ ਲੋਕਾਂ ਲਈ।
ਕੈਨੇਡਾ ਦੇ ਹੋਰ ਸੂਬਿਆਂ ਅਤੇ ਟੈਰੀਟੋਰੀਆਂ ਦੇ ਵਸਨੀਕ, ਜੋ ਬੀ.ਸੀ. ਵਿੱਚ ਵੈਕਸੀਨ ਲਗਵਾਉਣਾ ਚਾਹੁੰਦੇ ਹਨ, ਉਹ ਪ੍ਰੋਵਿੰਸ਼ੀਅਲ ਵੈਕਸੀਨ ਲਾਈਨ 1-833-838-2323 (ਟੋਲ ਫ੍ਰੀ) 'ਤੇ ਕਾਲ ਕਰਕੇ ਪੁੱਛ ਸਕਦੇ ਹਨ ਕਿ ਕਿਹੜੇ ਸਥਾਨਕ ਪਬਲਿਕ ਹੈਲਥ ਯੂਨਿਟ ਗੈਰ ਬੀ.ਸੀ. ਨਿਵਾਸੀਆਂ ਨੂੰ ਟੀਕਾਕਰਣ ਸੇਵਾਵਾਂ ਮੁਹੱਈਆ ਕਰਦੇ ਹਨ ਅਤੇ ਅਪੌਇੰਟਮੈਂਟ ਦੀ ਉਪਲਬਧਤਾ ਕੀ ਹੈ।
ਆਪਣਾ ਟੀਕਾਕਰਣ ਰਿਕਾਰਡ ਵੇਖੋ
ਤੁਸੀਂ ਹੈਲਥ ਗੇਟਵੇਅ ਰਾਹੀਂ ਆਪਣਾ ਟੀਕਾਕਰਣ ਰਿਕਾਰਡ ਔਨਲਾਈਨ ਵੇਖ ਸਕਦੇ ਹੋ।
ਜੇ ਤੁਹਾਡੇ ਟੀਕਾਕਰਣ ਦੇ ਰਿਕਾਰਡ ਹੈਲਥ ਗੇਟਵੇਅ ਵਿੱਚ ਦਿਖਾਈ ਨਹੀਂ ਦੇ ਰਹੇ, ਤਾਂ ਤੁਸੀਂ ਉਨ੍ਹਾਂ ਨੂੰ ਇਲੈਕਟ੍ਰਾਨਿਕ ਪ੍ਰੋਵਿੰਸ਼ੀਅਲ ਇਮਿਊਨਾਈਜ਼ੇਸ਼ਨ ਰਜਿਸਟਰੀ ਵਿੱਚ ਸ਼ਾਮਲ ਕਰ ਸਕਦੇ ਹੋ।
ਤੁਹਾਨੂੰ ਨਿੱਜੀ ਸਿਹਤ ਜਾਣਕਾਰੀ ਅਤੇ ਸਲਾਹ ਚਾਹੀਦੀ ਹੈ
ਬੀ.ਸੀ. ਵਿੱਚ ਟੀਕਾਕਰਣ ਬਾਰੇ ਜੇ ਅਜੇ ਵੀ ਤੁਹਾਡੇ ਕੋਈ ਸਵਾਲ ਹਨ, ਤਾਂ ਆਪਣੇ ਡਾਕਟਰ ਜਾਂ ਸਿਹਤ-ਸੰਭਾਲ ਪ੍ਰਦਾਨਕ ਨਾਲ ਗੱਲ ਕਰੋ।
ਜੇ ਤੁਹਾਡਾ ਕੋਈ ਫੈਮਿਲੀ ਡਾਕਟਰ ਨਹੀਂ ਹੈ, ਤਾਂ 811 ’ਤੇ ਕਾਲ ਕਰੋ।
ਜੇ ਕੋਵਿਡ-19 ਟੀਕਾਕਰਣ ਦੇ ਆਪਣੇ ਵਿਕਲਪਾਂ ਬਾਰੇ ਤੁਹਾਡੇ ਕੋਈ ਸਵਾਲ ਹਨ ਅਤੇ ਤੁਹਾਨੂੰ ਅਪੌਇੰਟਮੈਂਟ ਦਾ ਸਮਾਂ ਬੁੱਕ ਕਰਨ ਵਿੱਚ ਮਦਦ ਦੀ ਲੋੜ ਹੈ ਤਾਂ ਕਾਲ ਸੈਂਟਰ ਨੂੰ ਫ਼ੋਨ ਕਰੋ। ਜੇ ਤੁਹਾਡੇ ਇਸ ਬਾਰੇ ਸਵਾਲ ਹਨ ਕਿ ਤੁਹਾਨੂੰ ਵੈਕਸੀਨ ਕਦੋਂ ਲੈਣੀ ਚਾਹੀਦੀ ਹੈ ਤਾਂ ਆਪਣੇ ਸਿਹਤ ਸੰਭਾਲ ਪ੍ਰਦਾਨਕ ਨਾਲ ਗੱਲ ਕਰੋ।
ਸੋਮਵਾਰ ਤੋਂ ਸ਼ੁੱਕਰਵਾਰ, ਸਵੇਰੇ 8 ਵਜੇ ਤੋਂ ਸ਼ਾਮ 6 (ਪੈਸੀਫਿਕ ਟਾਈਮ) ਵਜੇ ਤੱਕ। 17 ਅਕਤੂਬਰ ਤੋਂ 7 ਨਵੰਬਰ ਤੱਕ ਹਰ ਸ਼ਨੀਵਾਰ। ਸਟੈਟ ਛੁੱਟੀਆਂ ‘ਤੇ ਬੰਦ | ਮੁਫ਼ਤ ਬਹੁ-ਭਾਸ਼ਾਈ ਸਹਾਇਤਾ ਉਪਲਬਧ ਹੈ
ਕੈਨੇਡਾ ਅਤੇ ਅਮਰੀਕਾ ਤੋਂ ਬਾਹਰ: 1-604-681-4261
ਅੰਗਰੇਜ਼ੀ ਤੋਂ ਇਲਾਵਾ ਕਿਸੇ ਹੋਰ ਭਾਸ਼ਾ ਵਿੱਚ ਮਦਦ ਲਈ, ਕਾਲ ਕਰਨ ਵੇਲੇ ਆਪਣੀ ਭਾਸ਼ਾ ਦਾ ਨਾਮ ਦੱਸੋ। ਇਹ ਫ਼ੋਨ ਸੇਵਾ 220 ਤੋਂ ਵੱਧ ਭਾਸ਼ਾਵਾਂ ਵਿੱਚ ਮਦਦ ਮੁਹੱਈਆ ਕਰਦੀ ਹੈ, ਜਿਨ੍ਹਾਂ ਵਿੱਚ ਸ਼ਾਮਲ ਹਨ:
- 國粵語
- ਪੰਜਾਬੀ
- فارسی
- Français
- Español