ਤੁਹਾਨੂੰ ਟੈਕਸ ਫ਼ਾਈਲ ਕਰਨ ਦੇ ਫ਼ਾਇਦੇ ਹਨ

ਰਹਿਣ-ਸਹਿਣ ਦੇ ਖ਼ਰਚਿਆਂ ਵਿੱਚ ਮਦਦ ਕਰਨ ਲਈ ਆਪਣੇ ਲਈ ਉਪਲਬਧ ਔਟੋਮੈਟਿਕ ਬੈਨਿਫ਼ਿਟ ਭੁਗਤਾਨਾਂ ਤੱਕ ਪਹੁੰਚ ਵਾਸਤੇ ਆਪਣੇ ਇਨਕਮ ਟੈਕਸ ਫਾਈਲ ਕਰੋ। ਭਾਵੇਂ ਤੁਹਾਡੇ ਕੋਲ ਰਿਪੋਰਟ ਕਰਨ ਲਈ ਬਹੁਤ ਘੱਟ ਜਾਂ ਕੋਈ ਆਮਦਨ ਨਹੀਂ ਹੈ, ਤਾਂ ਵੀ ਉਹ ਪੈਸਾ ਪ੍ਰਾਪਤ ਕਰਨ ਲਈ ਹਰ ਸਾਲ ਟੈਕਸ ਰਿਟਰਨ ਫਾਈਲ ਕਰੋ ਜਿਸਦੇ ਤੁਸੀਂ ਹੱਕਦਾਰ ਹੋ।

English | 繁體中文 | 简体中文 | Français | ਪੰਜਾਬੀ

ਇਸ ਪੰਨੇ ‘ਤੇ: 

• ਤੁਹਾਨੂੰ ਟੈਕਸ ਕਿਉਂ ਫ਼ਾਈਲ ਕਰਨੇ ਚਾਹੀਦੇ ਹਨ
• ਤੁਹਾਡੇ ਲਈ ਉਪਲਬਧ ਟੈਕਸ ਬੈਨਿਫ਼ਿਟਸ ਅਤੇ ਕ੍ਰੈਡਿਟਸ
• ਆਪਣੇ ਟੈਕਸ ਕਿਵੇਂ ਫ਼ਾਈਲ ਕਰਨੇ ਹਨ 
• ਆਪਣੇ ਟੈਕਸ ਮੁਫ਼ਤ ਵਿੱਚ ਫ਼ਾਈਲ ਕਰੋ
• ਆਪਣੇ ਟੈਕਸ ਕਦੋਂ ਫ਼ਾਈਲ ਕਰਨੇ ਹਨ
• ਡਾਇਰੈਕਟ ਡਿਪੌਜ਼ਿਟ (ਸਿੱਧੀ ਜਮ੍ਹਾਂ ਰਕਮ) ਲਈ ਰਜਿਸਟਰ ਕਰੋ
• ਬੀ.ਸੀ. ਜਾਂ ਕੈਨੇਡਾ ਵਿੱਚ ਨਵੇਂ ਆਏ ਲੋਕ

ਤੁਹਾਨੂੰ ਟੈਕਸ ਕਿਉਂ ਫ਼ਾਈਲ ਕਰਨੇ ਚਾਹੀਦੇ ਹਨ

ਹਰ ਸਾਲ, ਬੀ.ਸੀ. ਵਿੱਚ ਬਹੁਤ ਸਾਰੇ ਲੋਕ ਰਹਿਣ-ਸਹਿਣ ਦੇ ਖ਼ਰਚਿਆਂ ਵਿੱਚ ਮਦਦ ਪ੍ਰਾਪਤ ਕਰਣ ਲਈ, ਸੈਂਕੜੇ ਜਾਂ ਹਜ਼ਾਰਾਂ ਡਾਲਰ ਦੇ ਬੈਨਿਫ਼ਿਟਸ ਤੋਂ ਵਾਂਝੇ ਰਹਿ ਜਾਂਦੇ ਹਨ।

ਜਦੋਂ ਤੁਸੀਂ ਟੈਕਸ ਰਿਟਰਨ ਫ਼ਾਈਲ ਕਰਦੇ ਹੋ, ਤਾਂ ਤੁਸੀਂ ਆਪਣੇ ਆਪ ਉਨ੍ਹਾਂ ਬੈਨਿਫ਼ਿਟਸ ਨੂੰ ਪ੍ਰਾਪਤ ਕਰਨ ਲਈ ਸ਼ਾਮਲ ਹੋ ਜਾਂਦੇ ਹੋ, ਜਿੰਨ੍ਹਾਂ ਲਈ ਤੁਸੀਂ ਯੋਗ ਹੋ। ਤੁਸੀਂ ਆਪਣੇ ਟੈਕਸਾਂ ਨੂੰ ਘਟਾਉਣ ਜਾਂ ਵਾਪਸ ਲੈਣ ਲਈ ਕ੍ਰੈਡਿਟਸ ਵੀ ਕਲੇਮ ਕਰ ਸਕਦੇ ਹੋ। 

ਹਰ ਕਿਸੇ ਨੂੰ ਹਰ ਸਾਲ ਟੈਕਸ ਰਿਟਰਨ ਭਰਨੀ ਚਾਹੀਦੀ ਹੈ, ਭਾਵੇਂ ਤੁਹਾਡੇ ਕੋਲ ਰਿਪੋਰਟ ਕਰਨ ਲਈ ਬਹੁਤ ਘੱਟ ਜਾਂ ਕੋਈ ਆਮਦਨ ਨਾ ਹੋਵੇ, ਤਾਂ ਜੋ ਤੁਸੀਂ ਉਹ ਪੈਸਾ ਪ੍ਰਾਪਤ ਕਰ ਸਕੋ, ਜਿਸਦੇ ਤੁਸੀਂ ਹੱਕਦਾਰ ਹੋ।

ਤੁਹਾਡੇ ਲਈ ਉਪਲਬਧ ਟੈਕਸ ਬੈਨਿਫ਼ਿਟਸ ਅਤੇ ਕ੍ਰੈਡਿਟਸ 

ਬੈਨਿਫ਼ਿਟਸ ਅਤੇ ਕ੍ਰੈਡਿਟ ਦੀ ਵਰਤੋਂ ਖ਼ਰਚਿਆਂ ਵਿੱਚ ਮਦਦ ਕਰਨ, ਤੁਹਾਡੇ ਵੱਲੋਂ ਬਕਾਇਆ ਟੈਕਸਾਂ ਨੂੰ ਘਟਾਉਣ ਜਾਂ ਤੁਹਾਡੇ ਵੱਲੋਂ ਪਹਿਲਾਂ ਹੀ ਅਦਾ ਕੀਤੇ ਪੈਸੇ ਵਾਪਸ ਕਰਨ ਲਈ ਕੀਤੀ ਜਾਂਦੀ ਹੈ। ਕੁਝ ਦਾ ਭੁਗਤਾਨ ਚੈੱਕ ਦੁਆਰਾ ਕੀਤਾ ਜਾਂਦਾ ਹੈ ਜਾਂ ਤੁਹਾਡੇ ਬੈਂਕ ਖਾਤੇ ਵਿੱਚ ਜਮ੍ਹਾਂ ਕੀਤਾ ਜਾਂਦਾ ਹੈ, ਕਈ ਉਦੋਂ ਤੁਹਾਡੇ ਟੈਕਸਾਂ 'ਤੇ ਲਾਗੂ ਹੁੰਦੇ ਹਨ ਜਦੋਂ ਤੁਸੀਂ ਫ਼ਾਈਲ ਕਰਦੇ ਹੋ। 

• ਬੀ.ਸੀ. ਰੈਂਟਰਜ਼ ਟੈਕਸ ਕ੍ਰੈਡਿਟ: ਘੱਟ ਅਤੇ ਮੱਧ ਆਮਦਨ ਵਾਲੇ ਕਿਰਾਏਦਾਰ ਪਰਿਵਾਰਾਂ ਲਈ $400 ਤੱਕ ਸਲਾਨਾ ਰਿਫੰਡੇਬਲ ਟੈਕਸ ਕ੍ਰੈਡਿਟ
• GST/HST ਕ੍ਰੈਡਿਟ: ਤਿਮਾਹੀ ਭੁਗਤਾਨ ਜੋ GST ਜਾਂ HST ਲੋਕਾਂ ਦੁਆਰਾ ਅਦਾ ਕੀਤੀ ਜਾਂਦੀ ਲਾਗਤ ਦੀ ਪੂਰਤੀ ਕਰਨ ਵਿੱਚ ਸਹਾਇਤਾ ਕਰਦਾ ਹੈ  
• ਬੀ.ਸੀ. ਫੈਮਿਲੀ ਬੈਨਿਫ਼ਿਟ: 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਵਾਲੇ ਪਰਿਵਾਰਾਂ ਨੂੰ ਮਹੀਨਾਵਾਰ ਭੁਗਤਾਨ
• ਕੈਨੇਡਾ ਚਾਈਲਡ ਬੈਨਿਫ਼ਿਟ: 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਵਾਲੇ ਪਰਿਵਾਰਾਂ ਨੂੰ ਮਹੀਨਾਵਾਰ ਭੁਗਤਾਨ 
• ਚਾਈਲਡ ਡਿਸਅਬਿਲਿਟੀ ਬੈਨਿਫ਼ਿਟ: 18 ਸਾਲ ਤੋਂ ਘੱਟ ਉਮਰ ਦੇ ਅਜਿਹੇ ਬੱਚਿਆਂ ਵਾਲੇ ਪਰਿਵਾਰਾਂ ਨੂੰ ਮਹੀਨਾਵਾਰ ਭੁਗਤਾਨ ਜਿਨ੍ਹਾਂ ਨੂੰ ਗੰਭੀਰ ਜਾਂ ਲੰਬੇ ਸਮੇਂ ਤੱਕ ਚੱਲਣ ਵਾਲੀਆਂ ਸਰੀਰਕ ਜਾਂ ਮਾਨਸਿਕ ਅਪੰਗਤਾਵਾਂ ਹਨ
• ਕੈਨੇਡਾ ਵਰਕਰਜ਼ ਬੈਨਿਫ਼ਿਟ: ਘੱਟ ਆਮਦਨ ਵਾਲੇ ਕੰਮਕਾਜੀ ਲੋਕਾਂ ਲਈ ਟੈਕਸ ਘਟਾਉਣ ਲਈ ਰਿਫੰਡੇਬਲ ਟੈਕਸ ਕ੍ਰੈਡਿਟ
• ਟੈਕਸ ਕ੍ਰੈਡਿਟ: ਆਪਣੇ ਵੱਲੋਂ ਬਕਾਇਆ ਸੂਬਾਈ ਅਤੇ ਫੈਡਰਲ ਟੈਕਸਾਂ ਨੂੰ ਘਟਾਓ
  • ਜੇ ਕ੍ਰੈਡਿਟ ਤੁਹਾਡੇ ਬਕਾਏ ਤੋਂ ਵੱਧ ਹੈ, ਤਾਂ ਰਿਫੰਡੇਬਲ ਕ੍ਰੈਡਿਟ ਤੁਹਾਡੇ ਟੈਕਸਾਂ ਨੂੰ ਘਟਾਉਂਦੇ ਹਨ ਅਤੇ ਰਿਫੰਡ ਪ੍ਰਦਾਨ ਕਰਦੇ ਹਨ
  • ਨੌਨ-ਰਿਫੰਡੇਬਲ ਕ੍ਰੈਡਿਟ ਤੁਹਾਡੇ ਬਕਾਇਆ ਟੈਕਸ ਨੂੰ ਜ਼ੀਰੋ ਤੱਕ ਘਟਾ ਸਕਦਾ ਹੈ, ਪਰ ਜੇ ਕ੍ਰੈਡਿਟ ਉਸ ਤੋਂ ਵੱਧ ਹੋ ਜਾਵੇ, ਤਾਂ ਤੁਹਾਨੂੰ ਰਿਫੰਡ ਨਹੀਂ ਮਿਲੇਗਾ

ਆਪਣੇ ਟੈਕਸ ਕਿਵੇਂ ਫ਼ਾਈਲ ਕਰਨੇ ਹਨ 

ਤੁਸੀਂ ਆਪਣੀ ਬੀ.ਸੀ. ਇੰਕਮ ਟੈਕਸ ਰਿਟਰਨ ਆਪਣੀ ਫੈਡਰਲ  ਇੰਕਮ ਟੈਕਸ ਰਿਟਰਨ ਨਾਲ ਫ਼ਾਈਲ ਕਰਦੇ ਹੋ ਅਤੇ ਇਸ ਨੂੰ ਕੈਨੇਡਾ ਰੈਵੇਨਿਊ ਏਜੰਸੀ ਨੂੰ ਭੇਜਦੇ ਹੋ।

ਕਦਮ 1: ਆਪਣੀ ਆਮਦਨ ਦੀ ਰਿਪੋਰਟ ਕਰਨ ਅਤੇ ਆਪਣੀਆਂ  ਡਿਡਕਸ਼ਨਜ਼ ਦਾ ਕਲੇਮ  ਲੈਣ ਲਈ ਆਪਣੀਆਂ ਟੈਕਸ ਸਲਿੱਪਾਂ ਜਾਂ ਹੋਰ ਦਸਤਾਵੇਜ਼ ਇਕੱਠੇ ਕਰੋ 

ਕਦਮ 2: ਆਪਣੀ ਟੈਕਸ ਰਿਟਰਨ ਨੂੰ ਪੂਰਾ ਕਰਨ ਲਈ ਇੱਕ ਫ਼ਾਈਲਿੰਗ ਵਿਕਲਪ ਚੁਣੋ – ਵੱਖ-ਵੱਖ ਮੁਫ਼ਤ ਜਾਂ ਘੱਟ-ਲਾਗਤ ਵਾਲੇ ਵਿਕਲਪਾਂ ਸਮੇਤ, ਤੁਹਾਡੀ ਇੰਕਮ ਟੈਕਸ ਰਿਟਰਨ ਨੂੰ ਪੂਰਾ ਕਰਨ ਦੇ ਕਈ ਤਰੀਕੇ ਹਨ

ਕਦਮ 3: ਕੈਨੇਡਾ ਰੈਵੇਨਿਊ ਏਜੰਸੀ ਨੂੰ ਆਪਣੀ ਪੂਰੀ ਕੀਤੀ ਟੈਕਸ ਰਿਟਰਨ ਭੇਜੋ

ਟੈਕਸ ਫ਼ਾਈਲ ਕਰਨ ਬਾਰੇ ਕੈਨੇਡਾ ਰੈਵੇਨਿਊ ਏਜੰਸੀ ਤੋਂ ਹੋਰ ਜਾਣੋ

ਆਪਣੇ ਟੈਕਸ ਮੁਫ਼ਤ ਵਿੱਚ ਫ਼ਾਈਲ ਕਰੋ

ਸਿੰਪਲਫ਼ਾਈਲ (SimpleFile)

ਸਿੰਪਲਫ਼ਾਈਲ ਇੱਕ ਮੁਫ਼ਤ ਸੇਵਾ ਹੈ ਜੋ ਕੈਨੇਡਾ ਰੈਵੇਨਿਊ ਏਜੰਸੀ ਵੱਲੋਂ ਉਨ੍ਹਾਂ ਯੋਗ ਵਿਅਕਤੀਆਂ ਲਈ ਦਿੱਤੀ ਜਾਂਦੀ ਹੈ, ਜਿਨ੍ਹਾਂ ਦੀ ਆਮਦਨ ਘੱਟ ਹੈ ਅਤੇ ਟੈਕਸ ਸਥਿਤੀ ਸਰਲ ਹੈ, ਤਾਂ ਜੋ ਉਹ ਆਪਣਾ ਟੈਕਸ ਰਿਟਰਨ ਭਰ ਸਕਣ ਅਤੇ ਆਪਣੇ ਬੈਨੀਫ਼ਿਟ ਦਾ ਦਾਅਵਾ ਕਰ ਸਕਣ।

ਸਿੰਪਲਫ਼ਾਈਲ ਬਾਰੇ ਹੋਰ ਜਾਣੋ।

ਔਨਲਾਈਨ

ਤੁਸੀਂ ਕੈਨੇਡਾ ਰੈਵੇਨਿਊ ਏਜੰਸੀ ਦੁਆਰਾ ਪ੍ਰਮਾਣਿਤ ਮੁਫਤ ਜਾਂ ਆਪਣੀ ਮਰਜ਼ੀ ਦੇ ਭੁਗਤਾਨ (pay-what you want) ਵਾਲੇ ਟੈਕਸ ਸਾੱਫਟਵੇਅਰ ਵਿਕਲਪਾਂ ਵਿੱਚੋਂ ਕਿਸੇ ਇੱਕ ਦੀ ਵਰਤੋਂ ਕਰਕੇ ਆਪਣੇ ਟੈਕਸ ਰਿਟਰਨ ਔਨਲਾਈਨ ਤਿਆਰ ਕਰ ਸਕਦੇ ਹੋ।

ਇੱਕ ਵਾਰ ਜਦੋਂ ਤੁਹਾਡੇ ਟੈਕਸ ਰਿਟਰਨ ਤਿਆਰ ਹੋ ਜਾਂਦੇ ਹਨ, ਤਾਂ ਤੁਸੀਂ ਕੈਨੇਡਾ ਰੈਵੇਨਿਊ ਏਜੰਸੀ NETFILE ਦੀ ਵਰਤੋਂ ਕਰਕੇ ਔਨਲਾਈਨ ਫਾਈਲ ਕਰ ਸਕਦੇ ਹੋ।

ਵਿਅਕਤੀਗਤ ਤੌਰ 'ਤੇ

ਜੇ ਤੁਹਾਨੂੰ ਆਪਣੀ ਟੈਕਸ ਰਿਟਰਨ ਭਰਨ ਵਿੱਚ ਮਦਦ ਦੀ ਲੋੜ ਹੈ, ਤਾਂ ਤੁਸੀਂ ਕਿਸੇ ਕਮਿਊਨਿਟੀ ਵੌਲੰਟੀਅਰ ਟੈਕਸ ਪ੍ਰੋਗਰਾਮ ਵਿੱਚ ਵੌਲੰਟੀਅਰਾਂ ਦੁਆਰਾ ਆਪਣੇ ਇੰਕਮ ਟੈਕਸ ਮੁਫਤ ਫ਼ਾਈਲ ਕਰ ਸਕਦੇ ਹੋ। ਟੈਕਸ ਕਲੀਨਿਕ ਲੱਭਣ ਲਈ ਡਾਇਰੈਕਟਰੀ ਚੈੱਕ ਕਰੋ।

ਆਪਣੇ ਟੈਕਸ ਕਦੋਂ ਫ਼ਾਈਲ ਕਰਨੇ ਹਨ

ਤੁਹਾਡੀ ਇੰਕਮ ਟੈਕਸ ਰਿਟਰਨ ਹਰ ਸਾਲ 30 ਅਪ੍ਰੈਲ ਨੂੰ, ਜਾਂ ਇਸ ਤੋਂ ਪਹਿਲਾਂ ਫ਼ਾਈਲ ਕੀਤੀ ਜਾਣੀ ਚਾਹੀਦੀ ਹੈ। ਜੇ 30 ਅਪ੍ਰੈਲ ਵੀਕਐਂਡ ‘ਤੇ ਆਉਂਦਾ ਹੈ ਤਾਂ, ਤੁਹਾਡੀ ਟੈਕਸ ਰੀਟਰਨ ਅਗਲੇ ਬਿਜ਼ਨੈਸ ਡੇਅ ਤੱਕ ਫ਼ਾਈਲ ਹੋਣੀ ਚਾਹੀਦੀ ਹੈ। ਜੇਕਰ ਤੁਹਾਡੀ ਕੋਈ ਬਕਾਇਆ ਰਕਮ ਹੈ, ਤਾਂ ਤੁਹਾਡੇ ਟੈਕਸਾਂ ਦਾ ਭੁਗਤਾਨ ਕਰਨ ਦੀ ਆਖਰੀ ਮਿਤੀ ਵੀ 30 ਅਪ੍ਰੈਲ ਹੈ।

ਜੇਕਰ ਤੁਸੀਂ ਨਿਯਤ ਮਿਤੀ ਤੋਂ ਬਾਅਦ ਆਪਣੀ ਟੈਕਸ ਰਿਟਰਨ ਫ਼ਾਈਲ ਕਰਦੇ ਹੋ, ਤਾਂ ਤੁਹਾਡੇ ਕ੍ਰੈਡਿਟ ਅਤੇ ਬੈਨਿਫ਼ਿਟ ਭੁਗਤਾਨਾਂ ਵਿੱਚ ਦੇਰੀ ਹੋ ਸਕਦੀ ਹੈ। ਜੇ ਤੁਹਾਡੀ ਕੋਈ ਬਕਾਇਆ ਰਕਮ ਹੈ, ਤਾਂ ਕੈਨੇਡਾ ਰੈਵੇਨਿਊ ਏਜੰਸੀ ਨਿਯਤ ਮਿਤੀ ਤੋਂ ਬਾਅਦ ਫ਼ਾਈਲ ਕੀਤੀਆਂ ਟੈਕਸ ਰਿਟਰਨਾਂ ‘ਤੇ ਵਿਆਜ ਅਤੇ ਦੇਰੀ ਨਾਲ ਫ਼ਾਈਲ ਕਰਨ ਦਾ ਜੁਰਮਾਨਾ ਵੀ ਲਾ ਸਕਦੀ ਹੈ।

ਜੇਕਰ ਤੁਸੀਂ ਜਾਂ ਤੁਹਾਡੇ ਜੀਵਨ-ਸਾਥੀ ਜਾਂ ਕੌਮਨ-ਲਾਅ ਪਾਰਟਨਰ ਸਵੈ-ਰੁਜ਼ਗਾਰ (self-employed) ਵਾਲੇ ਹੋ, ਤਾਂ ਤੁਹਾਡੀ ਟੈਕਸ ਰਿਟਰਨ ਹਰ ਸਾਲ 15 ਜੂਨ ਜਾਂ ਇਸ ਤੋਂ ਪਹਿਲਾਂ ਫ਼ਾਈਲ ਹੋਣੀ ਚਾਹੀਦੀ ਹੈ। ਜੇ 15 ਜੂਨ ਵੀਕਐਂਡ ‘ਤੇ ਆਉਂਦਾ ਹੈ, ਤਾਂ ਟੈਕਸ ਰਿਟਰਨ ਅਗਲੇ ਬਿਜ਼ਨੈਸ ਡੇਅ ਤੱਕ ਜਮ੍ਹਾਂ ਕਰਵਾਈ ਜਾ ਸਕਦੀ ਹੈ। ਪਰ, ਜੇਕਰ ਤੁਹਾਡੀ ਕੋਈ ਬਕਾਇਆ ਰਕਮ ਹੈ, ਤਾਂ ਤੁਹਾਡਾ ਭੁਗਤਾਨ ਅਜੇ ਵੀ 30 ਅਪ੍ਰੈਲ ਨੂੰ ਹੀ ਬਕਾਇਆ ਹੈ।

ਡਾਇਰੈਕਟ ਡਿਪੌਜ਼ਿਟ (ਸਿੱਧੀ ਜਮ੍ਹਾਂ ਰਕਮ) ਲਈ ਰਜਿਸਟਰ ਕਰੋ

ਸਿੱਧੀ ਜਮ੍ਹਾਂ ਰਕਮ ਜਾਂ ਡਾਇਰੈਕਟ ਡਿਪੌਜ਼ਿਟ ਤੇਜ਼, ਸੁਵਿਧਾਜਨਕ ਅਤੇ ਸੁਰੱਖਿਅਤ ਹੈ।

ਕਿਸੇ ਐਮਰਜੈਂਸੀ ਜਾਂ ਅਣਕਿਆਸੇ ਹਾਲਾਤ ਦੀ ਸਥਿਤੀ ਵਿੱਚ ਤੁਹਾਨੂੰ ਸਮੇਂ ਸਿਰ ਭੁਗਤਾਨ ਪ੍ਰਾਪਤ ਹੋਣਾ ਯਕੀਨੀ ਬਣਾਉਣ ਲਈ ਅੱਜ ਹੀ ਸਿੱਧੀ ਜਮ੍ਹਾਂ ਰਕਮ ਲਈ ਰਜਿਸਟਰ ਕਰੋ।

ਬੀ.ਸੀ. ਜਾਂ ਕੈਨੇਡਾ ਵਿੱਚ ਨਵੇਂ ਆਏ ਲੋਕ

ਜੇਕਰ ਤੁਸੀਂ ਕਿਸੇ ਹੋਰ ਕਨੇਡਿਅਨ ਸੂਬੇ ਤੋਂ ਬੀ.ਸੀ. ਆਉਂਦੇ ਹੋ, ਤਾਂ ਜਿਨ੍ਹੀਂ ਜਲਦੀ ਹੋ ਸਕੇ ਕੈਨੇਡਾ ਰੈਵੇਨਿਊ ਏਜੰਸੀ ਨਾਲ ਆਪਣਾ ਪਤਾ ਅੱਪਡੇਟ ਕਰੋ ਕਿਉਂਕਿ ਤੁਸੀਂ ਬੀ.ਸੀ. ਬੈਨਿਫ਼ਿਟਸ ਪ੍ਰਾਪਤ ਕਰਨ ਦੇ ਯੋਗ ਹੋ ਸਕਦੇ ਹੋ।

ਜੇਕਰ ਤੁਸੀਂ ਕੈਨੇਡਾ ਵਿੱਚ ਨਵੇਂ ਹੋ, ਤਾਂ ਤੁਸੀਂ ਟੈਕਸ ਲਾਭ ਅਤੇ ਕ੍ਰੈਡਿਟ ਪ੍ਰਾਪਤ ਕਰਨ ਦੇ ਵੀ ਯੋਗ ਹੋ ਸਕਦੇ ਹੋ। ਇੰਕਮ ਟੈਕਸ ਅਤੇ ਬੈਨਿਫ਼ਿਟਸ ਦੇ ਭੁਗਤਾਨਾਂ ਬਾਰੇ ਅਤੇ ਇਸ ਪ੍ਰਕਿਰਿਆ ਨੂੰ ਸ਼ੁਰੂ ਕਰਨ ਦੇ ਤਰੀਕੇ ਬਾਰੇ ਹੋਰ ਜਾਣੋ।