Patnubay kaugnay sa COVID-19 sa B.C.
Publication date: February 14, 2024Hindi mo kailangan ng katibayan ng bakuna para makapunta sa mga negosyo, events o serbisyo sa B.C. Maaaring kailangan mo ng katibayan ng bakuna para sa pagbiyahe sa ibang bansa.
English | 繁體中文 | 简体中文 | Français | ਪੰਜਾਬੀ | فارسی | Tagalog | 한국어 | Español | عربى | Tiếng Việt | 日本語 | हिंदी | Українська | Русский
Huling binago: Pebrero 14, 2024
Para sa pinakabagong impormasyon, mangyaring bisitahin ang page sa wikang Ingles.
Sa page na ito
- Mga paghihigpit sa buong lalawigan
- Pagsusuot ng mask
- Hindi na kailangan ng katibayan ng bakuna para sa pagbiyahe sa Canada
- Kumuha ng katibayan ng bakuna sa COVID-19 ng Canada
- Impormasyon para sa mga negosyo
- Kailangan ko ng tulong
Mga paghihigpit sa buong lalawigan
Walang restriksiyon sa buong province na kaugnay sa COVID-19 para sa pagbiyahe, pagtitipon, mga event at pagbisita sa mga pasilidad ng long-term care at assisted living para sa mga senior.
Pagsusuot ng mask
Pagsusuot ng mask sa mga health care setting
Kailangan magsuot ng medical mask ang mga health care worker, mga bisita, mga contractor, at mga volunteer kapag nasa mga patient care area sa mga pasilidad ng health care.
Ang isang patient care area ay tumutukoy sa anumang lugar sa isang pasilidad sa health care na maaaring puntahan ng mga pasyente, residente at kliyent na tumatanggap ng pangangalaga.
Kabilang dito ang mga:
- Contracted na pasilidad sa health care
- Mga lokasyon ng home at community care
- Mga pasilyo
- Mga lobby
Hindi kasama dito ang:
- Mga administrative area o pribadong opisina ng mga staff, na karaniwang hindi pinupuntahan ng mga pasyente, residente o kliyente.
Para sa long-term care, kailangang magsuot ng medical mask ang mga bisita kapag nasa mga common area at kapag lumalahok sa mga indoor na event sa mga communal area (lugar na ginagamit rin ng ibang tao).
Mayroong mga ambassador sa mga pasukan ng pasilidad para tumulong sa pag-screen ng mga sintomas ng mga respiratory illness (karamdaman sa paghinga), pagbibigay ng mga medical mask, at para matiyak na malinis ang kamay ng mga tao bago sila pumasok.
Hindi kailangan ng katibayan ng bakuna para makapasok.
Pagsusuot ng mask sa ibang pampublikong lugar
Hindi nire-require ng public health ang pagsusuot ng mask sa mga pampublikong indoor na lugar. Personal na desisyon ang pagsusuot ng mask.
Hinihikayat ang pagsusuot ng mask, pero hindi ito required, kapag bumabiyahe sa himpapawid, tren, pampublikong transportasyon o BC Ferries.
Maaaring piliin ng mga indibidwal na negosyo at mga event organizer na mag-require ng pagsususot ng mask sa kanilang mga lugar. Mahalagang irespeto natin ang desisyon ng mga tao, negosyo at ng isa’t isa.
Hindi mo na kailangan ng katibayan ng bakuna para:
- Makapasok ng Canada
- Bumiyahe sa loob ng Canada sa pamamagitan ng eroplano o tren
- Mag-board ng flight papunta sa ibang bansa mula sa isang airport sa Canada
Madalas na nagbabago ang mga regulasyon sa paglalakbay. Basahin ang pederal na patnubay sa pagbiyahe bago umalis.
Maaaring kailangan mo ng katibayan ng bakuna sa labas ng Canada
Maaaring kailangan mong magpakita ng katibayan ng bakuna para makapunta sa ibang bansa. Basahin ang mga kailangan sa pagpunta sa ibang bansa bago ka bumiyahe.
Dapat na updated ang iyong mga bakuna.
Kumuha ng katibayan ng bakuna sa COVID-19 ng Canada
Maaaring hindi gumana nang maayos ang mga QR code ng katibayan ng bakuna na na-download nang higit sa nakaraang 6 na buwan. Mag-download ng bagong kopya ng iyong katibayan ng bakuna upang matiyak na may-bisa ang iyong QR code.
Ang iyong Canadian COVID-19 proof of vaccination ay makikita sa Health Gateway. Maaari mong i-download ang katibayan ng bakuna para sa iyo at iyong pamilya, kabilang ang mga batang 12 taong gulang pababa
Kumuha ng katibayan ng bakuna Makukuha nang libre ang katibayan ng bakuna. Kung pinagbabayad ka para dito, iyon ay isang scam.
Paggamit ng iyong Canadian Canadian COVID-19 proof of vaccination
Kapag ipinapakita mo ang iyong katibayan ng bakuna, kailangan mo rin ng isang may bisang government ID na may litrato.
Dapat na pareho ang pangalan sa iyong ID at iyong katibayan ng bakuna.
- Kung legal mo nang napalitan ang iyong pangalan at hindi pa ito ipinapakita sa iyong katibayan ng bakuna, i-download at i-print muli ang iyong katibayan ng bakuna
- Kung hindi pareho ang pangalan sa iyong B.C. lisensya sa pagmamaneho o BC Services Card sa katibayan ng bakuna, kailangan mong i-update ang iyong ID
- Kung hindi pareho ang pangalan sa iyong pasaporte at katibayan ng bakuna, i-update ang iyong pasaporte
Kung hindi mo ma-access o ma-download ang iyong katibayan ng bakuna, alamin kung paano makakuha ng tulong.
Impormasyon para sa mga negosyo
Hindi na kailangang mag-check ng katibayan ng bakuna sa mga kaganapan, mga serbisyo at mga negosyo sa B.C.
Kung gusto mo, maaaring piliin ng iyong negosyo na magpatuloy sa pag-require ng katibayan ng bakuna. Kung nagdesisyon kang mag-require ng katibayan ng bakuna, dapat makatwiran mo itong isagawa at sundin ang mga kaugnay na batas. Maaari mo rin patuloy na gamitin ang BC Vaccine Card Verifier app.
I-scan ang QR code ng customer
Maaari mong gamitin ang BC Vaccine Card Verifier app para i-scan ang QR code ng isang customer upang beripikahin ang kanilang katibayan ng bakuna. Ang QR code ay makikita sa kanilang telepono o piraso ng papel. Maaari mong i-scan ang:
- Mga BC Vaccine Card
- Katibayan ng bakuna sa COVID-19 ng Canada
- Mga QR code mula sa ibang lalawigan at teritoryo (PDF, 612 KB)
Ang QR code ay isang square (parisukat) na image (litrato) at isang uri ng bar code na maaaring mabasa ng isang digital device. Ginagamit ng B.C. ang SMART Health Card QR code format, na isang requirement ng pederal na pamahalaan. Ibig sabihin nito na nag-se-save ang QR code ng pinakakaunting dami ng impormasyon at hindi ito konektado sa iba pang record sa kalusugan
Ang Vaccine Card Verifier app
I-download ng BC Vaccine Card Verifier app mula sa Apple App Store at Google Play Store. Libre ang pag-download sa app at gumagana ito sa mga smartphone at mga tablet.
- I-download ang app para sa iOS (Kailangan ng Apple iOS 11 o mas bago)
- I-download ang app para sa Android (Kailangan ng Android 8.1 o mas bago)
Pagkatapos mong i-download, maaari mo nang gamitin ang app offline. Hindi kailangan ng internet na koneksyon upang i-scan ang mga QR code. Kailangan i-allow mo ang app na i-access ang camera ng iyong device.
Ang QR code ay isang personal na dokumento. Hindi mo maaaring kuhanan ng litrato ang katibayan ng bakuna ng isang customer kahit pumayag sila. Kung may alalahanin ang isang customer tungkol sa privacy, maaari mong sabihin sa kanila ang mga sumusunod:
- Hindi nagtatago ng anumang data ang BC Vaccine Card Verifier app
- Ang QR code ay naglalaman ng pinakakaunting kailangang impormasyon upang beripikahin ang isang record ng bakuna
- Hindi konektado ang sistema ng katibayan ng bakuna sa anumang pangkalusugang record
Kailangan ko ng tulong
Makipag-usap sa telepono. Makakakuha ng suporta sa mahigit 140 wika, kabilang ang mga sumusunod:
國粵語 | ਪੰਜਾਬੀ | عربى | Français | Español
Lunes hanggang Biyernes, 7 am hanggang 7 pm. Mga statutory holiday, 9 am hanggang 5 pm.
Mga bakuna
Tumawag sa call centre kung mayroong mga tanong tungkol sa iyong mga opsiyon para sa pagbabakuna kontra COVID-19 at trangkaso, at kung kailangan mo ng tulong para sa pag-book ng isang appointment.
Impormasyon tungkol sa COVID-19
Mag-text: 1-604-630-0300 7:30 am hanggang 5 pm
Mula sa labas ng Canada at USA: 1-604-681-4261